Podcast Radio Cerna

Máis de 60 colectivos entre sindicatos, ONGs, asociacións culturais, ecoloxistas, de pais e nais, estudantes, agricultores, organizacións sociais, etc., conforman a recentemente constituída Alianza Social Galega. O seu propósito é loitar contra as políticas de recortes do goberno do PP e formular alternativas para afrontar a crise.

Neste boletín, Cerna fai repaso da actualidade ambiental da última semana, repasando as novas máis destacadas neste eido.

O autor deste primeiro manual das plantas e flores dos muros de Santiago de Compostela, Xosé Antonio Díaz Peromingo, explícanos neste espazo Cerna que podemos atopar nesta guía e cal é a súa finalidade.

Neste programa coñecemos a experiencia de Abella Lupa, cooperativa recentemente premiada co 1º galardón da Fundación Biodiversidade por contribuír ao mantemento da biodiversidade. TAmén abordaremos cales son as principais causas da desaparición e declive da poboación de abellas en Galiza, necesarias para a vida.

Na II Feira de produtos naturais e artesáns da Eira da Xoana, as abellas tiveron un papel protagonista. Ademais dunha degustación dos meles das serras galegas, alí poidemos coñecer cales son os outros produtos que producen estes insectos tan necesarios para a vida. Hoxe e mañá falaremos das abellas en Radio Cerna.

Estamos rodeados de produtos químicos polo que non é doado fuxir da súa influencia no medio no que vivimos e no noso propio organismo. Pero podemos evitalos en grande medida seguindo unha vida o máis ecolóxica posible. Hoxe coñecemos onde están algúns deles e que problemas xeran.

Coñece as novas ambientais desta semana acontecidas no teu país, neste programa informativo de Cerna.

A profesora de dereito ambiental na USC, Alba Nogueira, explica desde o punto de vista xurídico como se desenvolverá o proceso xudicial do Prestige e que resultados se poden derivar do mesmo.

Aínda que moitas veces a Xustiza chega tarde, polo menos chega. Os veciños e veciñas dos Cruceiros de Castro de Narón conseguen gañar no Supremo fronte ao recurso do concello e dunha cementeira pola instalación desta fábrica a escasos metros das súas vivendas. Agora o a cuestión que preocupa é a execución da sentenza.

ADEGA mantivo unha reunión coa Fiscalía de Medio ambiente de Galiza para coñecer a situación dalgúns dos casos denunciados pola entidade con presuntos indicios de causas penais.

Escoita cales foron as novas da actualidade ambiental desta semana no país galego.

Será este domingo 28 de outubro. Esta é a segunda edición da Feira de produtos naturais e artesáns que se celebra na Parroquia de Ramil (Agolada), no equipamento ambiental de ADEGA "Eira da Xoana". Haberá preto de 50 postos, obradoiros, charlas e outras actividades de convivio.

A Mancomunidade de montes de Pontevedra deseña un plan de xestión para os vindeiros 10 anos baseado nas tres funcións do monte e tendo en conta as pecualidades dos espazos periurbanos. Será o primeiro plano integral a longo prazo para montes urbanos de Galiza.

O Xulgados de Mondoñedo arquivan provisionalmente a causa penal contra o alcalde e a arquitecta municipal de Barreiros. Contra este feito, ADEGA presentou un recurso de reforma por entender que o sobresemento da causa non está motivado polo xuíz e presenta, así mesmo, unha queixa no Consello Xeral do Poder Xudicial.

O colectivo ecoloxista ADEGA suspende o exame ambiental da lexislatura anterior de Alberte Núñez Feixóo. ADEGA divide a etapa de Feixóo nunha primeira parte de desregulación e nunha segunda fase de creación de instrumentos de planificación que abren as portas descaradamente á especulación fronte os intereses xerais.

Espazo informativo das novas desta semana máis destacadas no eido medioambiental galego. Coñece que pasa na túa contorna!

Por primeira vez en 15 anos, a entidade certificadora da pesca sostible, MSC, fai un estudo da evolución das pesquerías certificadas en todo o mundo. No Estado español, o selo leva implantado só dous anos pero xa se poden obter algúns resultados.

O Servizo de Normalización Lingüística da USC lanza un glosario de termos galegos relacionados coa área de estudo e manexo forestal para recuperar formas de léxico que se foron perdendo coa chegada de anglicismos, novas prácticas e tecnoloxías.

Un estudo da rede europea Meta. Net conclúe que boa parte das linguas europeas poderían desaparecer da rede por non ofrecer recursos nin poseer ferramentas lingüísticas coas que traballar de xeito on-line. Unha destas linguas é o galego. Analizamos a situación da nosa lingua na rede coa coordinadora do estudo na Universidade de Vigo.

Mañá comeza na Coruña o xuízo oral pola castástrofe do Prestige. Tras dez anos desde a marea negra a voz crítica da plataforma Nunca Máis rexorde para pedir a non impunidade aos danos ocasionados polo petroleiro nas nosas costas. É por iso que mañá ás 11 horas Nunca Máis convoca á cidadanía galega a manifestarse no recinto feiral da Coruña.

As terapias asistidas con animais para persoas discapacitadas teñen demostrada a súa efectividade para o paciente como para o benestar do animal. A finais deste mes celébrase o primeiro foro a nivel estatal sobre terapias asistidas para dar a coñecer os seus beneficios e intercambiar experiencias. A Asociación ANDREA participará neste Foro.

É o primeiro manual de custodia fluvial de Galiza e do Estado. Está editado por ADEGA, no marco do Proxecto Ríos, e a finais de ano estará a disposición do público xeral.

Por primeira vez, a comunidade científica estuda os efectos na saúde das persoas e dos animais dun alimento transxénico a longo prazo. O estudo obtén un resultados alarmantes.

Sindicatos, asociacións de profesionais contra o lume, organizacións ecoloxistas, agraria e sociais, reúnense nunha plataforma para pedir un servizo único e público de prevención e extinción de l umes, fronte á privatización do servizo.

A reforma da Política pesqueira común está a enfrontar ao sector conserveiro galego. Unha emenda de europetuada Carmen Fraga ao informe Stevenson consegue eliminar da etiqueta das latas a orixe de procedencia do molusco, peixe ou marisco do seu interior. Para algúns esta é unha necesidade no sector, para outros, a perda da diferenciación do produto local e de calidade e unha fraude para o consumid...