Podcast Radio Cerna

Desde que o PP goberna na Xunta de Galiza, o investimento en políticas ambientais por parte do goberno galego descendeu en máis dun 60%, de xeito que moitas das partidas orzamentarias foron eliminadas ou casos nos que a xestión ambiental é impracticable. ADEGA fixo análise do "recurte" orzamentario no medio ambiental galego e Fins Eirexas amósanos os datos concretos.

Escoita que aconteceu na última semana en Galiza no eido ambiental e cultural neste boletín información que che ofrece CERNA, o espazo radiofónico de ADEGA.

Como todos os anos, Proxecto Ríos pasa exame e fai balanzo da súa traxectoria ao longo do ano 2012. Poucos cambios no estado dos ríos inspeccionados con respecto a 2011, aínda que se constata a tendencia a peor do bosque de ribeira en preto do 60% dos efluentes. Neste espazo abordamos máis datos e detalles deste informe anual de Proxecto Ríos.

O colectivo ecoloxista Coto do Frade é un dos que se atopan entre aqueles que demandan o derrubo de encoros procedentes do período franquista. Infraestruturas que xa teñen chuchado moita enerxía do río en detrimento da súa saúde e biodiversidade. O encoro de Frieira, propiedade de Gas Natural Fenosa é un deles e é o primeiro obstáculo de gran envergadura co que se atopan no río Miño as especies mi...

Hoxe cúmprense 40 anos da morte de Ché de Pedro. O primeiro mártir do monte veciñal galego, asasinado a mans da garda civil. Este e outros fitos da historia da defensa dos montes en man común e das súas comunidades son descoñecidos pola sociedade galega. É por iso que a organización galega de comunidades de montes en man común de Galiza vén de reivindicar o día de hoxe como "Día da loita da veciña...

Coincidindo co décimo aniversario da catástrofe do Prestige, preséntase a primeira recompilación dos estudos, teses e informes científicos relativos ao maior desastre ambiental do país. O libro veu derivado da xornadas realizadas en Santiago de Compostela o 17 de novembro de 2011, tituladas “Recursos en I+D+I dedicados ao estudo dos efectos da vertedura do Prestige (2003-2008). Avaliación e xuízo...

Coñece as últimas novas relativas á xestión ambiental do país e aos últimos acontecementos xurdidos neste eido. En menos de 10 minutos!

A iniciativa de declarar un novo treito de pesca sen morte no río Lérez parte da Sociedade de Caza e Pesca de Forcarei e da comunidade de montes de presqueiras. Ambos colectivos participan así do proxecto de custodia fluvial impulsado por ADEGA nos ríos Ulla-Umia e Lérez. Este treito de río de pesca sen morte, de 6 quilómetros de lonxitude, é o máis longo destas características das bacías galegas.

A filóloga Xulia Marqués vén de publicar "Enredando nos antropónimos". Nesta obra dá conta da etimoloxía dos nomes e apelidos de Galiza e ofrece aos estudantes de educación secundaria unha ferramenta de aprendizaxe divertida e interesante.

Esta semana realízase en toda a Península o censo ibérico do cormorán grande, no que tamén participan ornitólogos galegos. É unha iniciativa que impulsa a organización SEO/Birdlife dada a preocupación da Comisión Europea polo estado das poboacións desta ave invernante e reprodutora.

Segue a promulgarse as solicitudes de permiso para investigar a existencia de terras raras e ouro en Galiza. Un dos proxectos que poderían derivarse destas investigacións sobre o terreo é a explotación mineira de terras raras na comarca do Ribeiro, nos concellos de Castrelo do Miño, Arnoia, Cartelle e Ramirás. Fálanos deste proxecto o colectivo ecoloxista ADEGA.

Radio Cerna emite hoxe o primeiro boletín informativo deste ano 2013. Coñece en poucos minutos a actualidade ambiental do país...

Comparte con Radio CERNA este espazo de coñecemento sobre a flora e a fauna galega, no que se describe a verdolaga, planta saborosa vestida de mala herba, e o furaño, mamífero pequerrecho que se confunde cos ratos cativos.

O Espazo parlamentar pola defensa dos animais constituído por deputadas de PSOE, AGE e BNG renova os seus compromisos para 2013 e cóntanos cales son os seus retos de cara á mellora da defensa e protección animal en Galiza.

O concello de Pontevedra dá continuidade ao seu Plan Monte Vivo para os montes do municipio co fin de recuperar os seus valores ambientais e culturais, co apoio das comunidades de montes do concello.

ANABAM elabora un Plan de Recuperación dun fento arbóreo que foi descuberto no Baixo Miño en 2002. Este é o único enclave galego onde se pode observar, aínda que nos últimos anos reduciuse a mostra en moi poucos exemplares. Está declarado como "Elemento natural de especial interese comarcal" pola Asociación Naturalista do Baixo Miño.

Un grupo de investigadores e profesores da Universidade de Compostela elaboraron a Guía botánica do Campus de Lugo con obxectivos didácticos, de preservación vexetal e turísticos. O botánico Antonio Rigueiro dá conta dos contidos desta guía e das características do roteiro botánico deseñado no Campus de Lugo e que se quere conectar cos paseos dos ríos Rato e Miño.

Varios son os traballos audiovisuais que arestora versan sobre o rural galego e as súas ameazas. Autores como Senem Outeiro, Diana Toucedo ou Alberte Román retratar a través de documental o ensino no medio rural, as expectativas de futuro dos seus habitantes e a situación dos montes veciñais en man común. Con eles, falamos.

Comezando o ano, ADEGA fai unha análise dos retos ecoloxistas para 2013. Mentres o ano pasado se foron creando os instrumentos legais e xurídicos que flexibilizan a intervención no territorio, este ano 2013 será o da execución e a posta en marcha de proxectos que buscan novos recursos para explotar no país.

Recentes estudos do CSIC revelan que herbicidas como a atrazina, prohibidos pola Unión Europea no Estado hai 5 anos, aínda están presentes en terras de cultivo de Galiza e que os seus prexuízos son a longo prazo.

ADEGA realiza o 2º inventario galego de Custodia do Territorio. Nel recóllense os proxectos e entidades que están a desenvolverse hoxe en día en Galiza. Este inventario forma parte do programa de actuacións da Asociación galega de entidades de custodia para promover esta figura de defensa do patrimonio natural e cultural no país.

É o título da primeira obra literaria do ornitólogo Antonio Sandoval, na que percorre a costa galega na busca das "utilidades" das aves, agora e durante ao longo dos tempos.

Escoita os seguintes minutos nos que repasamos a actualidade ambiental galega da última semana.

ADEGA celebra mañá na Eira da Xoana o Solsticio de Invernou ou Homenaxe ao Sol, unha tradición milenaria que se foi perdendo nos tempos e que este colectivo pretende recuperar.

O equipamento de Educación Ambiental, Alvarella, próximo ao Parque Natural das Fragas do Eume, vén de recibir o premio Eurosolar 2012 polo emprego e fomento do uso das enerxías renovables. É unha mostra de como a enerxía solar pode axudara aforrar á mediana e pequena empresa. Hoxe falamos cunha das xestoras de Alvarella.