Podcast Radio Cerna

A Universidade da Coruña e a Asociación para a Defensa Ecolóxica de Galiza (ADEGA) organizan a Primavera ambienta da UDC 2013 co obxectivo de concienciar e sensibilizar a comunidade universitaria no coidado medioambiental.

O Ministerio de Medio Ambiente emitiu unha declaración de impacto ambiental favorable ao trazado sur do tren ao porto exterior de Ferrol. Sen embargo, colectivos veciñais, sociais e ecoloxistas advirten de que este trazado polo sur é o mái impactante de todos xa que significaría a sentenza de morte da Enseada da Malata.

Dentro do recentemente inaugurado programa de voluntariado ambiental de ADEGA, "Charcas con Vida", o colectivo crea unha charca didáctica na Eira da Xoana (Ramil- Agolada). O experimento resultou exitoso e pretende ser a primeira charca creada de varias que emerxerán noutros lugares de Galiza.

Escoita este espazo de información para enterarte do que sucede co medio natural galego. Todas as novas ambientais máis relevantes da última semana en Galiza, atoparalas aquí.

A nova presidenta da delegación galega da Sociedade Espola da Ciencia do Solo fálanos da importancia do solo ("o eterno esquecido") e da necesidade da súa conservación. Tamén nos contará cal é o papel da SECS.

O Grupo de Estudo de Animais Salvaxes (GEAS) é un dos poucos colectivos galegos que fai seguimento e análise da fauna salvaxe en Galiza, nomeadamente de mamíferos. GEAS vén de cumprir 10 anos e hoxe coñecemos cal é o traballo que realiza.

O grupo naturalista Hábitat organiza o vindeiro xoves 25 de abril, ás 20.30 horas, no seu local da Coruña unha charla de presentación do proxecto que censará os paxaros que aniñas nos edificios da Coruña. Un exemplo máis de que as cidades acolle unha grande biodiversidade. Cosme Damián Romay será o encargado de coordinar o primeiro censo de paxaros da cidade herculina.

A Unesco recomenda dispoñer medidas de protección natural da biodivesidade que habita nas cidades Patrimonio da Humanidade. Seguindo esta recomendación, SEO/Birdlife e o Grupo de Cidades Patrimonio da Humanidade de España veñen de asinar un convenio para protexer e conservar o patrimonio xunto co patrimonio cultural.

Escoita este espazo e coñece as novas ambientais que sobresaíron esta última semana aquí en Galiza.

“A cultura dos pazos en Galicia” é como se titula o proxecto de investigación que está a levar a cabo o Consello Superior de investigacióins científicas e que analiza en termos xerais a orixe, traxectoria, influencia, estirpes de cada un deles. Recentemente, o CSIC publicou os primeiros resultados desta investigación a través do libro “O pazo de Tovar: espazos, perspectivas e tempos”, e no que col...

A Cova de Eirós de Triacastela está a ser unha revelación da evolución humana e natural da historia de Galiza. Nesta cavidade habitaron os osos das cavernas, os homo sapiens e o home do Neandertal e foi lugar de representacións simbólicas. Na Cova de Eirós aparecen as primeiras pinturas e gravados de Galiza.

Dous anos despois da instalación das gaiolas de salmón atlántico na ría de Muros e Noia, a infraestrutura atópase abandonada. Sen embargo, aínda non hai un pronunciamento oficial sobre o remate do proxecto da norueguesa North West Food na ría de Muros. Armadores e ecoloxistas piden a Xunta que se manifeste e que analice ata que punto estas instalacións poideron afectar á fauna e flora mariña.

O encoro de Belesar cumpre 50 anos do río Miño, pero pouco se coñece da súa historia. O escritor e xornalista Alfonso Eiré, consciente desta eiva de contido na nosa historia documentada, realizou a súa propia pesquisa. Neste programa desvelará algúns dos segredos mellor gardados do encoro de Belesar.

Queres saber que aconteceu esta semana co medio ambiente galego? Escoita este espazo promovido por ADEGA e entérate!

A asociación Castiñeiro e Nogueira, finalista nos premios da UE en sensibilización no Patrimonio cultural, naceu hai 5 anos co propósito de poñer en valor a montaña de Lugo. Son veciños e veciñas de Becerreá que queren dar a coñecer ao mundo os segredos mellor gardados dos Ancares. Campos de voluntariado, rutas de senderismo, labores de rehabilitación son algunhas das actividades que desenvolven.

O Centro de Documentación ambiental Domingo Quiroga do CEIDA (Oleiros) xa se pode consultar vía on-line. É o Centro de documentación ambiental máis completo de Galiza e agora é accesible a calquera usuario de internet. Coñece como.

Ecologistas en Acción xunto cunha ducia de outras organizacións ecoloxistas e agrarias demanan un maior control sobre os pesticidas e, nomeadamente, sobre o glifosato, o agrotóxico máis utilizado en todo o mundo.

Unha tese da Universidade de Santiago de Compostela revela que o aproveitamento sostible dos acuíferos existentes na bacía Galiza-Costa, competencia da Xunta, permitiría abastecer de auga a unha gran parte da poboación rural galega, sen necesidade de recorrer ás augas superficiais ou fluviais. O autor da investigación, Xoán Ramón Raposo explícanos como levar a cabo este descubrimento.

É unha técnica de extracción de gas natural e petróleo que se está a estender en Estados Unidos e sobre a que se están a interesar algunhas comunidades próximas como Asturias ou León. Pero é un método moi agresivo co medio natural e perigoso para as persoas. Neste espazo coñeceremos o que é e ademais saberemos que posibilidades de desenvolvemento ten en Galiza.

A Alianza por un medio rural galego vivo, formada por ADEGA, FRUGA, CIG e ORGACCMM, lanzan o manifesto para o aproveitamento sustentable dos recursos xeolóxicos e contra a minaría contaminante. Neste documento establécense os requirimentos mínimos indispensables por parte destas entidades para compatibilizar a minaría coa protección ambiental e outras actividades do territorio. Coñecemos os seus c...

Responsables da empresa que subministrou pedra para a construción dos tellados do Gaiás e da residencia presidencial de Manuel Fraga están imputados por presunto delito ambiental. Tras unha denuncia de ADEGA de hai 6 anos pola presunta invasión de terreos da Rede Natura por parte da canteira, agora celébrase o xuízo no que se piden penas de ata 5 anos de cárcere.

A través deste boletín informativo coñecerás cales foron os acontecementos desta semana no eido ambiental galego.

Heike Freire, sociólogo, pedagoga e xornalista, experta en pedagoxía "verde" visitou Galiza para definir as necesidades de cambio do actual modelo educativo por un método de ensino máis aberto ao contacto coa natureza e a modos de coñecemento máis póximos á dinámica natural do mundo.

A cenoura brava e a balea común son as especies vexetais e animais escollidas desta volta para afondar no coñecemento da flora e fauna do país. Marga Miguens e Xosé Salvadroes descúbrennos os segredos destas dúas especies da natureza.

A Iniciativa lexislativa popular Valentim Paz Andrade que a poboación galega se achegue á lusofonía a través dos medios, do ensino e da xestión cultural. Para moitos é unha oportunidade, non só cultural, senón tamén social e económica para o país. A ILP vén de acadar as 17.000 sinaturas que xa presentou no Parlamento de Galiza á agarda de que sexa admitido a trámite.