Podcast Radio Cerna

Foi o martes da semana pasada. A ILP a favor das 3 erres (rdución, reutilización e reciclaxe) non foi aprobada no Parlamento por mor dos votos do PP. Neste espazo escoitamos as intervencións do grupo popular nas que xustifica a súa negativa á ILP e tamén as dos demais grupos parlamentarios, que si apoiaron esta iniciativa lexislativa do pobo.

O colectivo ecoloxista ADEGA convoca unha nova edición dos Concursos de fotografía, relato e curtametraxe polo territorio. Esta terceira edición enmárcase no programa "Cultura e Territorio" que pretende poñer en valor e fomentar o coñecemento do noso patrimonio ligado ao territorio. O prazo para a presentación de orixinais rematará o 1 de novembro.

As algas son abono, alimento, cosmética e medicina. Hoxe imos coñecer as súas propiedades como alimento e medicina da man dun experto en algas, Xacobo de Toro, que vén de impartir un curso de algas no equipamento de educación ambiental de Alvarella.

Pontevedra conseguiu converter a súa política de mobilidade urbana nun referente para varios países de Europa. Vén de recibir o premio europeo Intermodes de mobilidade sostible e xa está citado a participar en diversos foros internacionais sobre mobilidade. Coñecemos cal é o segredo deste éxito co concelleiro de Infraestruturas de Pontevedra, César Mosquera.

A construción dun grande corredor ecolóxico desde a Cordilleira Cantábrica ata os Alpes occidentais é un proxecto que se leva fraguando desde 2005. Os catro Estados implicados desenvolverán ao longo deste ano un Plano estratéxico que promova e planifique a creación deste Gran Corredor, o segundo no Estado español.

Neste boletín escoitarás as novas máis relevantes no eido ambiental desta semana. Non te quedes sen coñecelas!

Boa noticia para as abellas e, por tanto, para a humanidade. A UE prohíbe 3 pesticidas de uso masivo que están a acabar coas colmeas de abellas de toda Europa. É unha prohibición limitada por 2 anos e a partir do 31 de decembro deste ano. Falamos cun representante da Asociación Galega de Apicultores sobre este fito histórico.

ADEGA colabora coa ONG Equus Zebra na recollida de roupa usada para a súa reciclaxe, apostando pola nova vida dos residuos. A partires de agora, as sedes de ADEGA en Santiago e Lugo serán puntos de recollida de calzado e roupa. Neste espazo coñeceremos que destino teñen estes "residuos".

Ás veces, os métodos convencionais para a descontaminación do solo son agresivos co propio solo. Por iso, nos últimos tempos estanse investigando outras técnicas máis respectuosas co medio natural como é a fitoconstrución. Unha tese do IIAG revela como utilizar algunhas especies vexetais para loitar contra a contaminación do solo por metais pesados. Falamos coa súa autora, Cristina Becerra Castro.

A gralla pequena vén de ser elixida pola Soiedade Galega de Ornitoloxía como Ave do ano 2013. Un estudo de Xurxo Mouriño puxo de relevo a diminución da poboación galega de gralla pequena nos últimos anos. Pese a que é unha ave común, a súa actual situación preocupa aos ornitólogos que a declaran ave do ano para facer un chamamento de atención.

Coñece a actualidade ambiental de Galiza neste espazo de radio.

Nace o primeiro supermercado ecolóxico na cidade de Vigo. A iniciativa parte dunha parella de vigueses que, tras descubrir unha intolerancia á lactosa e ante a dificultade de atopar concentrados preto do consumidor todos os produtos ecolóxicos, deciden montar este negocio. Falamos con eles.

A empresa Residencial Marina Atlántica obtivo hai preto de 8 anos unha concesion para urbanizar o Salgueirón (onde está a antiga fábrica de Massó) e construír un porto deportivo sobre unha zona de pesca e marisqueo e en solo industrial. Agora o Supremo anula esa concesión outorgada no seu día pola Autoridade portuaria de Vigo que foi denunciada pola Confraría de Pescadores de San Xosé de Cangas. P...

Tras a frustrada explotación de varias canteiras de cuarzo de Erimsa na Terra Chá, a multinacional dirixe agora os seus propósitos cara a comarca de Compostela. O Sindicato Labrego Galego xa presentou alegacións a un proxecto que afectaría a 8.000 hectáreas na súa maioría destinadas ao aproveitamento agrogandeiro. O SLG considera incompatible a explotación mineira de Erimsa coa actividade agrogand...

Recollemos neste espazo o boletín informativo con todos os acontecementos relativos ao medio natural e ao ecoloxismo galego na última semana.

Neste espazo coñeremos ao grupo naturalista Hábitat. O presidente de Hábitat contaranos que tipo de actividades realiza no plano activista, divulgativo ou formativo. Tamén nos falará dos "Encontros naturalistas" que organiza Hábitat cada mes.

A Universidade da Coruña e a Asociación para a Defensa Ecolóxica de Galiza (ADEGA) organizan a Primavera ambienta da UDC 2013 co obxectivo de concienciar e sensibilizar a comunidade universitaria no coidado medioambiental.

O Ministerio de Medio Ambiente emitiu unha declaración de impacto ambiental favorable ao trazado sur do tren ao porto exterior de Ferrol. Sen embargo, colectivos veciñais, sociais e ecoloxistas advirten de que este trazado polo sur é o mái impactante de todos xa que significaría a sentenza de morte da Enseada da Malata.

Dentro do recentemente inaugurado programa de voluntariado ambiental de ADEGA, "Charcas con Vida", o colectivo crea unha charca didáctica na Eira da Xoana (Ramil- Agolada). O experimento resultou exitoso e pretende ser a primeira charca creada de varias que emerxerán noutros lugares de Galiza.

Escoita este espazo de información para enterarte do que sucede co medio natural galego. Todas as novas ambientais máis relevantes da última semana en Galiza, atoparalas aquí.

A nova presidenta da delegación galega da Sociedade Espola da Ciencia do Solo fálanos da importancia do solo ("o eterno esquecido") e da necesidade da súa conservación. Tamén nos contará cal é o papel da SECS.

O Grupo de Estudo de Animais Salvaxes (GEAS) é un dos poucos colectivos galegos que fai seguimento e análise da fauna salvaxe en Galiza, nomeadamente de mamíferos. GEAS vén de cumprir 10 anos e hoxe coñecemos cal é o traballo que realiza.

O grupo naturalista Hábitat organiza o vindeiro xoves 25 de abril, ás 20.30 horas, no seu local da Coruña unha charla de presentación do proxecto que censará os paxaros que aniñas nos edificios da Coruña. Un exemplo máis de que as cidades acolle unha grande biodiversidade. Cosme Damián Romay será o encargado de coordinar o primeiro censo de paxaros da cidade herculina.

A Unesco recomenda dispoñer medidas de protección natural da biodivesidade que habita nas cidades Patrimonio da Humanidade. Seguindo esta recomendación, SEO/Birdlife e o Grupo de Cidades Patrimonio da Humanidade de España veñen de asinar un convenio para protexer e conservar o patrimonio xunto co patrimonio cultural.

Escoita este espazo e coñece as novas ambientais que sobresaíron esta última semana aquí en Galiza.