Podcast Radio Cerna

A Deputación de Lugo presenta os seus plans para as Reservas da Biosfera Terras do Miño e Ancares lucenses. Os obxectivos xa están marcados para os vindeiros anos, agora falta concretar as accións para poñer en valor, preservar e desenvolver estes dous espazos.

ADEGA desminte varias das afirmacións que fixo o Director Xeral de Conservación da Natureza, Ricardo García-Borregón, en comparecencia parlamentaria, sobre o plan de control dos lobos híbridos no Barbanza, tras unha petición de AGE. O responsable da Xunta, segundo ADEGA, minimiza o número de batidas realizadas así como as capturas e os resultados da cacería durante os anos 2011 e 2012.

Portos de Galicia e o concello de Sanxenxo autorizan a colocación de novos pantaláns para embarcacións recreativas do Clube Náutico do concello. Pero este feito está a desgustar a gran parte dos veciños e veciñas pola alteración que están a sufrir dúas praias urbanas do municipio, bens públicos, a favor dun negocio privado.

Co fipronil xa son 4 os pesticidas neonicotinoides que a Unión Europea restrinxe no último ano. Estes activos tóxicos afectan o sistema nervioso das abellas e fanas desaparecer. Un risco do que finalmente se está a decatar a UE e que agora intenta atallar coa prohibición temporal destes praguicidas. O fipronil é un dos máis perigosos, aínda así España é un dos países que avoga por seguir utilizánd...

Esta é a disxuntiva á que se enfrontan os comuneiros e comuneiras da parroquia de Cabral de Vigo. "Porto Cabral" pretende ser o maior centro comercial de Galiza, nas proximidades de Vigo, cunha extensión de 500.000 m2 auspiciada pola empresa Eurofund de capital británico. Pero o monte no que se quere instalar é de man común polo que está sometido á lei que regula este tipo de xestións comunais. A...

Nace como iniciativa do goberno galego e da Rexión Norte de Portugal, para promover en Galiza a produción e comercialización de produtos ecolóxicos, nomeadamente de froiteiras, catiñeiros e oliveiras. Agora atópase na súa fase final e imos coñecer como se desenvolveu.

O Instituto de Estudos Miñoranos vén de solicitar a catalogación de 15 minas de ouro romanas na Serra da Groba. Paralelamente, unha empresa canadiana solicita a prospección e sondaxe da zona, o que podería supór un grave impacto sobre os vestixios romanos, ademais doutras alteracións na contorna.

Como xa sabes, os venres repasamos a actualidade ambiental acontecida no país durante a última semana. Escoita o resumo que che ofrecemos.

Que son unhas vacacións ecolóxicas e como podes gozar dos teus días libres sen influír negativamente no medio natural,... isto é o que descubrirás neste espazo Cerna, con ADEGA.

A LAT (liña de alta tensión) prevista entre Galiza e Portugal, desde o alto de Fontefría, pasaría polos concellos de A Cañiza, Covelo, As Neves e Arbo. O concello de Arbo oponse taxantemente a este trazado e reclama un alternativo para evitar o impacto en bens patrimoniais e económicos, pero, sobre todo, para preservar a saúde dos seus veciños e veciñas.

A Xunta vén de paralizar a tramitación da mina de ouro de Corcoesto por deficiencias nas garantías económicas. Isto, lonxe de significar a paralización do proxecto, é interpretado polo colectivo ecoloxista ADEGA como unha táctica estética ou de salvagarda por parte da Xunta. Imos saber porqué.

Recuperar a nosa memoria sobre a caza da balea en Galiza é o obxectivo do proxecto que promove a CEMMA (Coordinadora para o Estudo dos Mamíferos Mariños) e que trata de compilar un fondo documental sobre esta parte da nosa historia litoral. Unha das iniciativas que se enmarcan no proxecto é a Exposición "Galicia, no lombo da balea" que está no Auditorio municipal de Cangas ata o vindeiro xoves 18...

Os casos Prestige, Corcoesto, Lei de Costas, entre outros, formaron parte da actualidade ambiental galega da última semana. Coñece que pasou no eido ambiental de Galiza, aquí en Radio Cerna.

Voluntarios e voluntarias desprazaranse con ADEGA ás praias de Porto do Son e Pobra do Caramiñal, os vindeiros 18 e 23 de xullo para eliminar flora exótica das dunas. Esta actividade enmárcase dentro do programa "Conservando as nosas dunas" que, entre outros obxectivos, busca mellorar as condicións de hábitat da píllara das dunas.

A Xunta propón un plan para a conservación da píllara das dunas, unha ave recollida no Catálogo galego de especies ameazadas na categoría de vulnerable. Pese a que o planeamento é de obrigado cumprimento e necesario, segundo os ecoloxistas, estes consideran que é moi mellorable, xa que non ofrece garantías para a recuperación da especie nas dunas galegas.

Unha Tese doutoral ofrece relevantes datos sobre a relación presa-depredador do poni ou cabalo salvaxe e o lobo en Galiza. É o primeiro traballo que afonda na ecoloxía do garrano e que analiza a súa situación actual. O garrano ou cabalo salvaxe galego é único no mundo e, sen embargo, a súa poboación está a esmorecer de xeito continuado e acelerado. Neste programa escoitamos as explicacións da súa...

Un informe patrocinado pola Fundación Mapfre e elaborado polo equipo de pedagoxía e educación ambiental da USC revela que a sociedade española está preocupada polo cambio climático, maioritariamente, pero non lle outorga a relevancia que ten nin sabe que se pode facer para frealo. Falamos co director do estudo.

Se queres coñecer as novas máis destacadas na última semana no eido ambiental galego, escoita este programa!

A multinacional dos transxénicos Monsanto anuncia a súa retirada daqueles países europeos que se rexeitan o cultivo de produtos modificados xeneticamente. Porén, consolidará a súa produción e España e Portugal, os dous países da UE con gobernos máis proclives a este tipo de cultivos. O colectivo Greenpeace afonda nas consecuencias desta decisión de Monsanto.

Amigos da Terra vén de publicar un estudo sobre as repercursións na saúde do contacto co glifosato, un dos herbicidas máis utilizados en todo o mundo. Tamén é que se usa en Galiza para fumigar as estradas. Os resultados do estudo, realizado polo científico e experto en agrotóxicos Gilles-Eric Serálini, revela que este produto pode crear severas alteracións no organismo humano.

Pese a que a fumigación de estradas está a ser unha práctica xeralizada en Galiza, e promovida polas institucións públicas, expertos na agroecoloxía inciden nos impactos negativos que os herbicidas utilizados crean na saúde humana e no ambiente. Xan Pouliquen explícanos nestes espazo cales son os prexuízos, e cales as alternativas.

O Colectivo ecoloxista do Salnés denuncia a situación de contaminación con produtos tóxicos das cunetas das estradas da comarca do Salnés. Unha práctica que se fai extensible a outras estradas do territorio galego e que poderían afectar de xeito negativo á saúde das persoas e ao medio natural. ADEGA tamén lanzou unha campaña de recollida de imaxes-denuncia ao longo de todo o país.

Coñece as novas ambientais da última semana en Galiza, aquí en Radio Cerna, programa prmovido por ADEGA.

O TSXG anula o Plan sectorial de Barreiros co que o PP intentou legalizar as urbanizacións supostamente ilegais de Barreiros. Estas obras foron xudicializadas no seu día polo bipartito e o goberno de Núñez Feijóo retirou os contenciosos con cargo a este planeamento agora anulado. ADEGA manifesta a súa satisfacción por esta sentenza, que aforrará ademais 14 millóns de euros ás arcas públicas.

A organización ecoloxista ADEGA investiga a composición de varias toneladas de verteduras arredor do polígono industrial das Somozas, en Ferrol, depositadas en terreo agrícola e de cultivo. As analíticas revelan unha elevada concentración en metais pesados e hidrocarburos que son moi prexudiciais para o solo e a saúde humana. ADEGA levará este caso á Fiscalía.