Podcast Radio Cerna

Nace en 2010 para potenciar a produción da castaña galega para a industria da castaña en fresco e conxelada. Promovido pola empresa Alibós, este proxecto pon a producir de xeito sostible máis de 200 hectáreas de soutos abandonados na provincia de Lugo. O obxectivo: recuperar a función destes soutos e dotalos dunha viabilidade empresarial.

No programa de hoxe coñecemos o que é a castañicultura ecolóxica. As diferenzas entre un souto ecolóxico e outro convencional, as pecualiaridades do seu manexo e como obter o selo do consello regulador. Sobre todos estes contidos versará o curso de castañicultura ecolóxica que comeza hoxe no centro Agronovo Ecoloxía de Lugo.

As novas ambientais máis destacadas da última semana ao teu alcance, neste programa Cerna! En poucos minutos enteraraste da actualidade ambiental do país.

Esta fin de semana, o proxecto Charcas con Vida de ADEGA trasladarase á veciña comarca do Bierzo. O obxectivo será recuperar charcas contruídas polo home que, ao longo do tempo, fóronse convertindo en refuxio de moita biodiversidade, e que hoxe en día están colmatadas. Devolver a vida a esas charcas é o reto.

É un dos varamentos masivos de cetáceos que ten acontecido, non só nas costas galegas, senón tamén españolas. A pasada semana, 22 caldeiróns varamban na praia de Arealonga do Vicedo, na Ría do Barqueiro, facendo saltar todas as alarmas e vontades. Un dos membros do equipo da CEMMA (coordinadora para o estudo dos mamíferos mariños) relátanos in situ como se viviron esas xornadas de rescate.

Repasamos as novas ambientais dos últimos días, aquí neste espazo de Radio Cerna. Coñéceas!

É a segunda vez que a Ribeira Sacra se propón como candidata a Patrimonio da Humanidade. Tras o frustrado intento da Xunta de 2005, que non acadou chegar nin á sede da Unesco, agora son as Deputacións provinciais de Lugo e Ourense as que impulsan unha nova proposta. Parece que desta volta as intencións son serias, mais queda por acadar o apoio de todos os sectores implicados. Entrevistamos a Xosé...

Unha tese doutoral da Universidade de Santiago de Compostela determina cales son os métodos de control máis eficaces contra a flora e fauna exótica invasora en ecosistemas insulares. Un dos casos de estudo foi o Parque Nacional das Illas Atlánticas.

Nace un novo portal web dedicado á biodiversidade ameazada de Galiza e do Norte de Portural. En "biodiversidade.eu" poderemos atopar o rexistro de todas as especies animais e vexetais ameazadas, a súa localización no mapa, as fichas das características de cada unha, rutas de observación de flora ameazada, etc. O web está promovido pola USC, que pretende que sexa a propia sociedade a que o vaia dot...

Existen ideas empresariasi que se desenvolven no rural ou a través do rural e que son innovadoras. Concentralas todas nun mesmo foro de reflexión, debate, e traballo é o obxectivo dos "Estruming days", xornadas técnicas nas que intercambiar experiencias, establecer contactos e nutrirse do coñecemento dos demais. Unha das súas organizadoras, Desirée Vidal, valora a primeira sesión dos Estruming day...

Coñece as novas dos últimos días no eido medioambiental galego, e tamén as iniciativas en defensa da terra que se propoñen esta fin de semana.

O CEIDA ou Centro de Extentensión universitaria e divulgación ambiental de Galicia presenta o seu programa para o curso 2013-2014. Rutas, exposicións e actividades con nenos e nenas ao aire libre, son algunhas das súas propostas.

Non é só un medio de transporte ecolóxico, tamén é un medio de vida. A bicicleta é a materia prima de varias iniciativas empresarias galegas, das que hoxe coñecemos dúas. Cyclowood, dedicados á fabricación de bicis exclusivas de madeira, e Velaivai, que promove o servizo de reparto e mensaxería usando o pedal.

Xa superamos o pico ou teito do petróleo (peak oil) e ninguén nos está a advertir de como superar a escaseza de petróleo. É urxente tomar medidas para que o colapso enerxético non sexa inasumiblemente drástico. Por iso a Asociación Véspera de Nada está traballando desde hai anos nunha "Guía para o descenso enerxético" que agora quere publicar e distribuír. Está a pedir apoios a través da plataform...

O sindicato Comisións Obreiras publica un informe no que dá analiza os lumes dos últimos 23 anos en Galiza, para dar conta do que supoñen para a perda de erritorio e para a nosa economía. Os datos son reveladores...

Repasamos as novas da semana no ámbito ambiental galego. Coñece o que pasou co teu ambiente nos últimos días en tan só 10 minutos...

Este sábado, ADEGA celebra a II Homenaxe ás persoas crentes comprometidas co país e coa defensa ambiental de Galiza. A figura homenaxeada será Leopoldo López Rego, home entregado á defensa dos intereses da colectividade fronte os abusos dos poderosos, tamén no eido ambiental. Hoxe en Radio Cerna coñecemos cal foi a implicación de López Rego na loita ambientalista galega.

Achegar aos rapaces e as rapazas do rural ao seu medio máis próximo para coñecelo de primeira man foi o obxectivo desta Viaxe emocional á porta dos Ancares impulsada por un grupo de persoas comprometidas coa tradición, a cultura e o medio ambiente galego. Hoxe coñecemos esta experiencia que promete ser a primeira de moitas outras.

O Proxecto Ríos de voluntariado ambiental en ríos de ADEGA vén de comezar a súa campaña de outono. Esta fin de semana comeza as súas actividades de formación e voluntariado. O sábado terá lugar o curso de formación de voluntarios e o domingo realizarase a limpeza simultánea dos ríos galego. Pero isto non é todo, escoita!

Preto de 2.500 hectáreas queimadas, nas que se atopaban dúas especies singulares e 50 especies protexidas, alén dos danos económicos. Foi o pero lume do que vai de ano e tivo lugar nun espazo protexidos como Rede Natura e proposto a Parque Natural polos colectivos sociais. A esperanza do Pindo é rexurdir canto antes, mais para iso precisa de axuda. Falamos co presidente da Asociación Monte Pindo P...

Neste espazo daremos conta das novas ambientais que máis destacaron na última semana en Galiza, semana da mobilidade.

A contaminación do río Limia está acadando cotas inasumibles, por iso a Confederación Hidrográfica Miño-Sil busca financiamento europeo para poder abordar de xeito ambicioso a súa rexeneración. Presentou a candidatura do proxecto "Rexenera Limia" ao programa Life de axudas, co apoio da Xunta e de varias empresas privadas con intereses no efluente. O presidente da confederación, Francisco Marín, ex...

ADEGA segue a construír e reconstruír charcas polo país a prol do fomento da biodiversidade vexetal e animal nos ecosistemas acuáticos. "Charcas con Vida" convoca unha nova xeira de traballo voluntario para esta fin de semana, achegando a sociedade á natureza, e contribuíndo a minimizar a desaparición dos pequenos humidais. Nalgúns países europeos a súa desaparición foi drástica, chegando a mingua...

É o momento de debater sobre o futuro das enerxías renovables en Galiza. Tras os dous últimos decretos do goberno estatal que incrementa os custos da produción e consumo de electricidade e os recortes parciais ou totais das primas, a situación virou moi difícil tanto para as empresas produtoras como para os consumidores. Nunhas xornadas organizadas mañá e pasado en Vigo polo enxeñeiros industriais...

Os ecoloxistas galegos reclaman ao Parlamento que prohíba o uso do cianuro nas explotacións mineiras de Galiza a través dunha nova lei. Para iso presentaron na cámara a pasada semana unha proposición de lei e outra proposición non de lei baseada nas recomedacións dunha resolución do Parlamento europeo de 2010, na que instaba aos gobernos a restrinxir o uso deste químico nocivo para o ambiente e a...