Podcast Radio Cerna

Escoita un resumo da sentenza do Prestige lida onte no TSXG. O fallo resultou sorprendente para a maioría dos presentes, sobre todo, para o colectivo social e ecoloxista que se concentraba ás portas do Tribunal. Neste espazo traladamos parte da sentenza na voz do xuíz Luis Aláez. Xulga por ti mesmo/a!

ADEGA organiza o I Foro Europeo sobre residuos de Galiza os días 22 e 23 de novembro no Sexto Edificio do Museo de Pontevedra. Baixo o título "Cara a unha sociedade da reciclaxe. Iniciativas e experiencias", ADEGA traerá relatores de varias localidades europeas nas que se están a xestionar os residuos urbanos sen botar man da incineración, e cun notable éxito. O Foro tratará de abrir novos camiños...

Unha tese doutoral, realizada por Encarna Garrido, entre 2006 e 2008, indica que a causa principal da desaparición das abellas en Galiza é o mal uso que se fai dos tratamentos contra o parásito da varroa, e non tanto a aplicación de agrotóxicos, como o fipronil. Se queres coñecer máis afondo as conclusións deste estudo, escoita este espazo.

Nace o movemento de voluntariado SOS Monte Pindo para recuperar e rexenerar este espazo natural protexido. Está promovido pola asociación Monte Pindo Parque Natural en resposta á falta de medios e recursos dispostos polo goberno galego para atallar os prexuízos inmediatos do lume (riadas, escorrentías, etc.) e a erosión do solo e perda de biodiversidade.

Coñece as novas ambientais desta semana no territorio galego. Escóitanos!

Este domingo, 10 de novembro, a Eira da Xoana está de festa! Celebra a II Feira de Outono, de produtos naturais e artesanais, onde uns 50 produtores exporán as súas creacións. Na Feira haberá música (Bico da Balouta), maxia (Mago Antón), literatura (Proxecto Identidades), charlas (Hifas da Terra) e exposicións. Os detalles coñecémolos neste programa con Pepe Salvadores.

Segundo a sinopse dos propios autores, este documental analiza o porqué dos incendios forestais en Galiza, tanto as causas estruturais como as principais motivacións dos incendiarios que os provocan. Está producido por Walkie Talkie Films e foi realizado por Emilio Fonseca e Uxía Buciños durante o ano 2012. Agora comézase a proxectar nalgunhas salas a través de varias entidades. Unha destas citas...

Os resultados dunha investigación do CSIC dan conta do elevado nivel de contaminación por cobre que sufren algunhas rías galegas. As zonas máis afectadas son sobre todo os portos de mar con tráfico marítimo masivo, e as rías máis contaminadas son as de Ferrol e Vigo. Segundo nos explica o director deste estudo, a causa principal da contaminación por cobre débese á pintura dos barcos. Coñece os det...

O goberno galego reduciu a partida orzamentaria para políticas medioambientais en preto dun 75% desde o ano 2009. Para o vindeiro ano, Conservación da Natureza recibe un tesoirazo considerable e outras áreas quedan sinxelamente sen orzamento. ADEGA analiza os orzamentos da Xunta do vindeiro ano en materia ambiental.

Este xoves dámosche conta das novas medioambientais máis sobresaíntes desta semana. Escoita este boletín e entérate!

Creouse hai un ano para satisfacer aos consumidores/as de enerxía renovable en Galiza. "Nosa Enerxía" é unha cooperativa galega de enerxía verde que promove un novo modelo de xestión do consumo e produción eléctrica no que se aposta polas fontes renovables. Se queres coñecer como funciona este sistema, escoita este espazo.

Novas formas de producir e consumir enerxía están a aparecer no país. Unha delas é "Som Energia", cooperativa que produce e comercializa enerxía con certificado verde en gran parte do Estado. Mañá coñeceremos outra experiencia similar pero só de ámbito galego, chamada "Nosa Enerxía".

A profesora en dereito ambiental na USC, Alba Nogueira, explicaranos os cambios máis destacados que se establecen a través dos dous últimos decretos do goberno español destinados a regular a "sustentabilidade" do sector eléctrico, e que non convencen nin ás produtores eléctricas nin aos consumidores de enerxía.

Escoita este boletín informativo onde recollemos as novas da última semana máis destacadas do medio ambiente galego.

Ana Filgueiras é arqueóloga, etnógrafa e antropóloga. Como profesional, intenta trasladas todas estas disciplinas ao desenvolvemento urbanístico para preservar o que se chama a "Memoria do Territorio". Desafortunadamente, este respecto pola memoria territorial é pouco habitual no eido urbanístico galego, pero é necesario. Hoxe descubrimos con ela como debemos evitar a fraxilidade da memoria territ...

A etnografía en Galiza será o tema arredor do que xiren a V edición das Xornadas Mouras, organizadas pola Plataforma en defensa do patrimonio das Pontes e polo Museo etnográfico de Caxado. Neste encontro relataranse as experiencias dos centros museísticos etnográficos do Eume, Ortegal e Grandas de Salime. Tamén contarán cos relatorios de especialistas como Felipe Senén ou Ana Filgueiras.

Nace en 2010 para potenciar a produción da castaña galega para a industria da castaña en fresco e conxelada. Promovido pola empresa Alibós, este proxecto pon a producir de xeito sostible máis de 200 hectáreas de soutos abandonados na provincia de Lugo. O obxectivo: recuperar a función destes soutos e dotalos dunha viabilidade empresarial.

No programa de hoxe coñecemos o que é a castañicultura ecolóxica. As diferenzas entre un souto ecolóxico e outro convencional, as pecualiaridades do seu manexo e como obter o selo do consello regulador. Sobre todos estes contidos versará o curso de castañicultura ecolóxica que comeza hoxe no centro Agronovo Ecoloxía de Lugo.

As novas ambientais máis destacadas da última semana ao teu alcance, neste programa Cerna! En poucos minutos enteraraste da actualidade ambiental do país.

Esta fin de semana, o proxecto Charcas con Vida de ADEGA trasladarase á veciña comarca do Bierzo. O obxectivo será recuperar charcas contruídas polo home que, ao longo do tempo, fóronse convertindo en refuxio de moita biodiversidade, e que hoxe en día están colmatadas. Devolver a vida a esas charcas é o reto.

É un dos varamentos masivos de cetáceos que ten acontecido, non só nas costas galegas, senón tamén españolas. A pasada semana, 22 caldeiróns varamban na praia de Arealonga do Vicedo, na Ría do Barqueiro, facendo saltar todas as alarmas e vontades. Un dos membros do equipo da CEMMA (coordinadora para o estudo dos mamíferos mariños) relátanos in situ como se viviron esas xornadas de rescate.

Repasamos as novas ambientais dos últimos días, aquí neste espazo de Radio Cerna. Coñéceas!

É a segunda vez que a Ribeira Sacra se propón como candidata a Patrimonio da Humanidade. Tras o frustrado intento da Xunta de 2005, que non acadou chegar nin á sede da Unesco, agora son as Deputacións provinciais de Lugo e Ourense as que impulsan unha nova proposta. Parece que desta volta as intencións son serias, mais queda por acadar o apoio de todos os sectores implicados. Entrevistamos a Xosé...

Unha tese doutoral da Universidade de Santiago de Compostela determina cales son os métodos de control máis eficaces contra a flora e fauna exótica invasora en ecosistemas insulares. Un dos casos de estudo foi o Parque Nacional das Illas Atlánticas.

Nace un novo portal web dedicado á biodiversidade ameazada de Galiza e do Norte de Portural. En "biodiversidade.eu" poderemos atopar o rexistro de todas as especies animais e vexetais ameazadas, a súa localización no mapa, as fichas das características de cada unha, rutas de observación de flora ameazada, etc. O web está promovido pola USC, que pretende que sexa a propia sociedade a que o vaia dot...