Podcast Radio Cerna

Coñece as novidades que deixou esta semana no eido ambiental galego, aquí, en Radio Cerna!

A pasada fin de semana, o concello lugués de Friol viviu unha das batidas de lobo máis rocambolescas que se teñan dado en Galiza. Saldouse cun can morto, confundido cun lobo, e ameaza con ter unha segunda parte. Neste espazo de Radio Cerna, analizamos o acontecido coa entidade ecoloxista ADEGA e achegamos a valoración dos feitos do alcalde de Friol, Xosé Ánxel Santos Sánchez. O acontecido promoveu...

O arquitecto vigués Alexandre Mouriño desenvolve unha proposta de rede ciclista para a cidade de Vigo, deseñando unha traza de máis de 50 quilómetros de vías ciclistas que evita pasar polas pendentes máis pronunciadas. Mouriño tamén crea unha ferramenta informática que permite medir a aptitude ciclista de calquera vía urbana en función de varios criterios, non só topográficos.

As novas ecoloxistas e ambientais de Galiza desta semana están recollidas neste espazo de Radio Cerna. Non as perdas!

Aparecen as primeiras reaccións ao documento borrador das Directrices da Paisaxe de Galiza, agora en exposición pública, ata o mes de marzo. Colectivos como O Petón do Lobo, Cova Crea, Arco Iris ou Amigos/as dos Bosques xa as cualificaron de paripé, timo ou instrumento desproteccionista, etc. Critican que non se poña límites ás minas a ceo aberto, aos parques eólicos, ás liñas eléctricas ou á euca...

ADEGA vén de outorgar os premios Osíxeno e Dioxina 2016 que recoñecen as mellores e peores actuacións ou actitudes ambientais durante ese ano. Tamén concede un premio Osíxeno de Honra ao expresidente de ADEGA e experto en contaminación atmosférica en Galiza, Ramón Varela Díaz.

Se queres coñecer a actualidade ambiental galega, este é o teu espazo de radio! Hoxe, facemos repaso das novas ambientais máis destacadas da última semana.

O proxecto Life "Lugo + biodinámico"pretende, de aquí a 2020, promover o urbanismo sostible, a recuperación de espazos naturais en zonas industriais, potenciar a biodiversidade vexetal propia, a castaña e a madeira de calidade. Este proxecto Life é unha das 27 propostas municipais seleccionadas pola UE para loitar contra a mudanza climática.

O imposto ao sol e o decreto do autoconsumo non está a frear o crecemento exponencial que nos últimos anos ten experimentado Galiza con respecto á instalación de paneis solares fotovoltaicos para a xeración de enerxía de autoconsumo. A galega EDF Solar é a empresa líder da instalación fotovoltaica para autoconsumo de todo o Estado. Con ela abordamos os efectos da anunciada posta en aplicación do i...

Entérate en Radio Cerna das novidades ambientais do país na última semana!

A Sociedade Galega de Historia Natural denuncia ao organismo da bacía Miño-Sil ante a Unión Europea por non facer cumprir cos caudais ecolóxico do río Limia, na súa cabeceira, e por incumprimento do plan hidrolóxico. O colectivo ecoloxista explica neste espazo cales son as razóns desta denuncia e porqué o estado ecolóxico do río Limia, na súa cabeceira, é crítico.

Nos vindeiros catro anos, a Xunta vai desenvolver o primeiro Plan galega de promoción e posta en valor dos espazos naturais de Galiza. Este plan establece 16 espazos imán que funcionarán de enclaves reclamo para coñecer as súas áreas de influencia. Falamos desta iniciativa e das primeiras reaccións á proposta da Xunta coa Directora Xeral de Patrimonio Natural da Consellaría de Medio Ambiente, Ana...

No presente espazo de radio, facemos un repaso aos temas da realidade ambiental e do ecoloxismo de Galiza máis resaltables do último ano 2016. Este é o noso resumo do ano! Non o perdades.

De camiño ao día de Reis, ADEGA ofrece algúns consellos para vivir o Nadal de forma ecolóxica. Tomade nota!

Rematamos o ano facendo repaso das novas ambientais máis destacadas dos últimos días de 2016. Feliz Ano!

Malia que a industria galega só representa o 5% da industria máis contaminante de todo o Estado español, as súas emisións contaminantes colocan a Galiza no segundo posto de comunidades que máis emisións de gases efecto invernadoiro produce á atmosfera e no cuarto posto en todo o Estado de vertidos contaminantes á auga. Por riba, nos últimos anos as principais industrias galegas aumentaron consider...

Pontevedra vén de recibir un premio máis ao seu modelo de cidade. Trátase do premio Soft Mobility ou de Mobilidade Amable outorgado pola cidade chinesa de Shenzhen dentro do cumio euro-asiático de cidades verdes ou intelixentes. Entrevistamos ao alcalde de Pontevedra, Fernández Lores, para coñecer en que criterios de mobilidade se sostén o exitoso modelo urbano da cidade do Lérez.

Na véspera da fin de semana de Natal, ofrecémosche nun resumo de 10 minutos as novas de Galiza desta semana máis destacadas sobre ecoloxía e medio ambiente.

O colectivo compostelán A Rula pide ás admiinistracións que subministren maior amparo á arte rupestre de Galiza a través da lexislación, obrigando a establecer unha faixa de protección ao redor dos petróglifos. A intensificación da industria forestal dos últimos tempos e a incidencia dos lumesnos montes galegos están a situar este tipo de patrimonio no peor dos seus momentos. As previsións de exte...

O monte galego e, por extensión, o total do territorio galego enfróntase a unha nova ameaza ambiental e socioeconómica provocada pola aposta do goberno autonómico pola biomasa e os cultivos enerxéticos con especies exóticas de crecemento rápido, como o bambú, a acacia ou o eucalipto nitens. ADEGA alerta das consecuencias da liberalización do sector en Galiza e da inxente cantidade de superficie qu...

Escoita as novas ambientais do país galego máis destacadas da última semana. Escoita o boletín informativo ambiental de Radio Cerna!

A OCU vén de denunciar o engano publicitario das toalliñas húmidas desbotables. Nin son desbotables nin biodegradables, segundo un estudo realizado por esta organización de consumidores. Os impactos que provoca o incremento no uso deste produto na rede de sumidoiros e nas augas en xeral están a producir graves danos no ambiente e tamén nas arcas públicas.

2016 foi un ano de avances en materia de protección animal. Existe un novo proxecto de lei do benestar animal, xa hai 20 concellos galegos contrarios á celebración de espectáculos taurinos e 59 concellos galegos que se declaran libres de cirscos con animais. Segundo datos do Ministerio de Cultura, as touradas en Galiza reducíronse á metade desde o ano pasado e a porcentaxe de público asistente só...

Acompáñanos neste repaso á actualidade ambiental do país. Como cada venres, facemos un percorrido polas novas ambientais máis destacadas da semana en Galiza.

Hai pouco máis dun ano nacía a Asociación medioambiental de xuresianos-geresianos AXUGE. Unha organización conformada fundamentalmente por persoas nacidas e veciñas da Serra do Xurés, declarada Parque Natural. Neste espazo, coñecemos cales son os seus obxectivos e as súas propostas de actividade neste emblemático lugar de Galiza.