Podcast Oñati Irratia

Haurrei zuzendutako kontzertu pedagogikoa izango da ANIMALDIA. Musika eskolako haur batzuk bandako kideen artean eserita egongo dira igandeko kontzertuan eta herriko erraldoiek ere parte hartuko dute, Oñatzekoek "dantzan" jarrita. Igandean, 13:00etan, Zubikoako pilotalekuan Musika Bandak eskainiko duen kontzertuaz aritu gara Aitor Biain zuzendariarekin.

Gure Bazterrak taldearen ekimenez eta eskariz osatu du Aristik "Irunberri 1990: arroilaren negarra" liburua. Herritar ugariren aurrean aurkeztu zuen Santa Ana aretoan, atzo, eta ondoren, gurekin berba egin zuen.

Andoni Ugarte futbolaria eta Maddi Santa Cruz eskubaloi jokalaria izan ditugu gaurko Kirolen Txokoan, beraien taldeen kategoria igoeraz eta galeraz berba egiten.

Herrian dauden kale katuen ongizatea zaindu eta CER edo Harrapatu-Antzutu-Askatu protokoloak dioena betetzeko prest dagoen herritar talde batek osatu du OKK elkartea. Beraien helburu eta asmoez berba egin digu Aitor Alberdik.

Asteburuko emaitzak errepasatu eta protagonistak entzun ostean, Gipuzkoako kirol kazetaritzan erreferente den Iñaki de Mujika zenaz berba egin dugu Imanol Arrutirekin.

Hori adierazi digu Antxoka Martinezek. Arantzadi elkarteko kideak kata jarduna zuzendu zuen orain hilabete eta erdi Gazteluaitzen, gaztelurik izan ote zen hipotesia frogatzeko. Topatutako zeramikek eta lurraren terrazamenduak gaztelua izan zela agirian utzi dutela esan digu eta Erdi Aroan, XI-XII. mendean kokatzera ausartu da.

Derbi oso garrantzitsua dauka igandean Aloña Mendik. Maila mantentzeko beharrezkoa izango du Azkoagainen Bergara mendean hartzea. Aritz Garmendia entrenatzailearekin hitz egin dugu

Abesti eta bideoklip berria aurkeztu eta egun gutxitara etorriko da Nogen taldea Oñatira, kontzertua eskaintzera. 2018an eman zuten orain hurrengoa Gaztelekuan. Ordutik hona aldaketa esanguratsuak izan dituzte baina betiko ilusioarekin datozela adierazi digu Jokin Gilisagasti bateria-joleak.

Ikerne Altube turismo teknikariak hainbat argibide eman dizkigu Puntaik Puntu Debagoieneko bidezidorren jaialdiaz.

Udaberrian bete-betean gauden honetan polinizatzaileen garrantziaz eta erleez arituko dira larunbateko tailerrean Natur Eskolako lagunak eta Amaia Aierbe eta Amaia diaz de Monasterioguren nutrizionistak. Ortuko une honetako produktuez eta gibelaz ere arituko ei dira.

Domekako Aloñako Igoeraren erreportaje zabala egin dugu gaurko kirol tartean. Aurkezpenean esan zirenak laburbiltzeaz gain, irteera lerroan egongo diren herriko hiru kirolariren istorio bereziak entzun ditugu

Apirilaren 23a izango da Liburuaren Nazioarteko Eguna baina Oñatin, ospakizun-ekintaldiak abian dira jada. Egitarauaren inguruko xehetasunak ematera etorri zaigu Arantzazu Ibarrondo liburutegiko arduraduna.

Gipuzkoako Merkataritza Ganberak Nazioartekotze Saria eman berri dio LANA kooperatibari. Horrek, Santxolopeztegin dagoen enpresa ezagutzeko bidea eman digu. Mirari Zilaurren presidentearekin eta Itsaso Larrauri pertsonal arduradunarekin berba egin dugu.

Flandriako Tourra barrutik ezagutzeko aukera izan dugu gaur. Isasti anaiek zikloturista egin zuten larunbatean. Igandean berriz, profesionalen lasterketak ikusi zituzten. Belgikako esperientziaren berri eman digute eguerdiko kirol tartean.

Euskal Herri zein estatu mailako txapelketa ezberdinetan nabarmendu diren kirolarien testigantzak jaso, eta talde kirolean eman diren emaitzen errepasoa egin dugu gaurko kirol tartean.

Unai Portilla unibertsitate irakasleak eman digu Komunikazio Campus berri honen inguruko xehetasunak: DBH4-Batxilergoa 1 mailetako ikasleei zuzenduta dago, uztailaren 3tik 7ra egingo da eta bideo-podcast bat osatzea izango da helburua. Izen-ematea zabalik dago ekainaren 19ra arte

"Sahararen alde" izenburupean hainbat ekintza antolatu dira gaur arratsalderako plazan; saharar herrialdearen errealitatea eta errefuxiatuen kanpamenduetan bizi diren haurrei zuzentzen zaien "Oporrak bakean" programa ezagutzera ematea da helburua. Laida Bengoak programan parte hartzen du iaztik, saharar haur bat hartu baitzuen eta aurten ere hartzeko eskaera bete baitu. Bere esperientziaz aritu za...

Oñatz dantza taldeko Martin Irigoien eta Xabi Narbaiza izan ditugu irratian larunbaterako zehaztu den egitarauaren berri emanez eta antolakuntza nola eraman duten azalduz. Datozen aste eta hilabetetarako dituzten asmoen berri ere eman digute.

Gai ugari landu ditugu gaurko kirol tartean: ‍♂️ Pablo Aguirregabiriaren heriotza MARATOIA @egoitek|eko Nuria Rodriguezekin Ane Madinak debuta Espainiako txapelketan ️ 'Eutsi Malen' dokumentalaren estreinaldia

Martxoko azken egunetan, bihar-etzi, banatuko da berez apirilari dagokion Kontzejupetik berria. Edukiak Iñigo Arregi lankideak aurreratu dizkigu.

Julen Korkostegik elkarrizketatu du Jurgi Ekiza, Willis Drummond-eko gitarrajole eta abeslaria. Disko berriaz, hau aurkezteko egiten ari diren bira bereziaz eta taldeak Oñatirekin duen harremanaz aritu dira, besteak beste

Kepa Lopezek lehenengo saria eskuratu du perkusioan eta Jon Mestrek aipamen berezia pianoan. Herriko bi musikari gazte hauekin berba egin dugu.

Master Cup txapelketako elite mailako final handia jokatuko du igandean Uxue Osesek. AlonaMendi saileko pilotariarekin hitz egiteko aukera izan dugu eguerdiko kirol tartean

Errealitate birtuala teknika erabiliz Arrikrutzeko koba ezagutzeko 12 minutuko material prestatu da. Betaurreko berezi batzuez baliatuta, koba barruan egotearen sentsazioa izango du bisitariak, leizezuloaren ikuspegi osoa, 360 gradukoa, eskainiz. Irisgarritasunean urrats berria suposatzen duen bitarteko honen ingurukoak eta asteburuan ospatuko den Kobazuloen XIII. egunaren ingurukoak azaldu dizkig...

Larunbatean, 19:00etan estreinatuko da Santa Ana aretoan "Sehaska kanta gorriari" izeneko antzezlana. Aktoreak eta zuzendaria entsegu betean harrapatu ditugu baina tartetxo hartu dute antzezlan berriaz eta orain arteko sormen prozesuaz gurekin berba egiteko.