Podcast Oñati Irratia

Asteburuan bi kontzertu eta dardo txapelketa jokatu ondoren, beste hainbat musika emanaldi iragarri dizkigute Antixena Gaztetxetik, datozen asteetarako.

30. urteurrena sortu duten marka berria zabalduz eta festa batez ospatuko dute Oñabike enpresako lagunek. Zubillagan hasi zen negoziaren historia errepasatu dugu Aintzane eta Mielinekin.

Aurrekontu gerakinaz, Debagoieneko autobus zerbitzuaz, Olakuako urmaelaz, irisgarritasun lanez edota Etxaluzeko parkeaz berba egin dugu, besteak beste, izaro Elorzarekin.

Igoerarako play off-a jokatzeko aukera matematikoki lortu du areto futboleko taldeak baina geratzen diren bost partidutan 6 puntu eskuratuta, sailkapen buruan amaituko dute eta Euskal ligan aritzeko plaza zuzenean irabaziko dute. Taldeko bi kide, Oihan Ugarte eta Fran Plaza Oñati Irratian izan ditugu.

18:00etan hasiko da hitzaldi hori Gaztelekuan eta zeri buruz arituko den galdetu diotu Izaskun Lopez de la Torre hizlariari.

Eukaliptoa aitzakia da baso ustiapenaz edota gure gizarteak dituen arazoez berba egiteko, baina, aldi berean, eukalitoei buruz asko ikasi dutela aitortu digu Jon Ander Urrestik.

Lanbide Heziketa etengabeko berrikuntzan murgilduta dago eta horren harira, eskualdeko ikastetxeek ere titulazio eta eskaintza berriak ezartzen dituzte. Guztiak erakutsiko dira GOIAZ azokan. Horretaz aritu gara Mankomunitateko Amaia Irizarrekin.

Atariaren izena ez ezik, bertan eskaintzen diren produktu askok Oñatiko leku izenak dituzte: Aitzulo, Bakue, Usako... Horrek jakinmina sortu digu eta jatorrira, sustatzailearengana joan gara arrazoiaren bila.

Iazko etenaren ondoren proba berriro antolazea erabaki du Aloña Mendiko duatloi taldeak. Boxak plazako pilotalekuan kokatuko dira aurten eta irteera mailakatua izango du probak: 15:20tan ibilbide egokitua egingo duten kirolariak; 15:30etan gizonezkoak eta 15:35etan emakumezkoak. 100en bat partaide espero dituzte antolatzaileek. Argibide guztiak eman dizkigu Andoni Correasek.

Turismo bulegoak, Arrikrutzeko kobak, Txokolateixak eta arantzazuko turismo bulegoak eskaintza zabala prestatu dute datozen asteetarako, ez bakarrik kanpotik datozen bisitarientzat, baita herrikoontzat ere, Ikerne Altubek zehaztu digunez.

Harry Potter ikuskizuna larunbatean eskainiko du Aloña Mendiko gimnasia erritmikoa sailak. Nola prestatzen ari diren azaldu digu Lide Osinaga entrenatzaile eta arduradunak.

Galdakaoko GKE Hotz Oñati taldearekin harremanetan dago eta herrian batutako dirua bizkaitarren esku jarri da sarritan, emergentzietarako laguntzetara bideratu dezaten. Elkarlan horren berri eman digu Alvaro Saizek.

Denboraldi berria prestatzeko mendi-eskian aritu dela esan digu oñatiarrak eta halako probak asko gustatu zaizkiola aitortu digu. Babesle duen Salomonek antolatzen duen Golden Trail World Series zirkuituan egingo dituen laterketak eta beste hainbat kontu azaldu dizkigu.

Kamikaz kolektiboaren azken antzezlana igandean, martxoak 23, taularatuko da Santa Ana antzokian (19:00). Nolako lana den azaldu digu Erika Olaizolak.

Hamaika enbaxadore izendatu ziren larunbatean eta horietako batzuekin berba egin genuen: Jabi Agirre "Akelena", Lourdes Igartua eta Sukena musika taldeko kideak.

Bihar irekiko da Euskaraldian norbanako moduan izena emateko epea; horren harira antolatu da Oñatiko aurkezpena, Julen Agirre koordinatzaileak azaldu digunez. Ekitaldia zertan izango den zehaztu digu.

Banda barrutik ezagutzeko aukera emango zaie goizean Musika Eskolako 30 ikasleri, eta ondoren, 13:00etan, kontzertu pedagogikoa egingo da, entzule guztiei zuzenduta. Ipuin musikatua, bingo musikala... berezitasun asko izango ditu kontzetuak Aitor Biain zuzendariak aurreratu digunez.

Aloña Mendiko sailak errepideko taldeen, babesleen eta teknikoen aurkezpena egin zuen, larunbatean. Amaieran, babesle eta entrenatzaile banarekin eta Txirrindulari saileko buruarekin berba egin genuen.

"Pistero" lana zertan den azaldu digu oñatiarrak eta Pirineotara bizitzeko erabakia nolatan hartu zuen azaldu digu.

"Lagunekin topa" da konpainiaren ikuskizun berria, bosgarrena. Eta horixe praktikatu dute jada diskoaren grabazioan, Euskal Herriko pailazo lagunekin elkartu baitira. Guztiaz berba egin dugu Itziar eta Josurekin.

Ihauteriak ospatzen hasi ziren pasa den larunbatean eta Emakumearen Nazioarteko Egunari dagozkion hainbat ekintza egingo dira Gaztetxean, bihar. Musika edota bertsoak ere izango dira martxoan zehar.

Gaurko elkarrizketan auzo jaietako antolakuntza eta arduraz, ezkontza zibilez, Oñatiko energia merkaturatzaile berriaz, zenbait auzotan suteei aurre egiteko dauden ur-hartune eta mangerez edota Onaroz berba egin dugu, besteak beste.

Urtarrilean Caja Rural-ALEA taldeko kide moduan aurkeztu zuten oñatiarra baina egun BICIKOM taldearen izenpean lehiatzen ari dela ikusi dugu. Gertatutakoa txirrindulariak berak argitu digu.

Harremanen inguruko lana egin dute Larraña insitutuko hainbat ikaslek. Orain 50 urteko gazteak eta gaur egungoak nola harreantzen diren aztertu dute eta ondorioak ikusgai jarriko dituzte ostegunean udaletxeko arkupetan.

Jose de Azpiazu musika eskolan trikitixa irakasten duten Jaione eta Arkaitzekin berba egin dugu.