台灣人台灣事

過去真濟人的嫁妝攏佮一台針車，真濟女性攏有學過裁縫。日本時代才開始有的裁縫科，學校按怎教？針車按怎變普遍？這項予女性變頭家的技術，按怎那來那少看？這集講「學做衫」按怎開始時行，閣按怎無去。 Kuè-khì chin-chē lâng ê kè-chng lóng kap chi̍t-tâi chiam-chhia, chin-chē lú-sèng lóng ū o̍h kòe chhâi-hông. Ji̍t-pún Sî-tāi chiah khai-sí ū ê chhâi-hông-kho, ha̍k-hāu an-chóaⁿ kà? Chiam-chhia an-chóaⁿ piàn phó͘-...

陳澄波1933年畫ê這幅圖毋是油彩，是伊用鉛筆kah水彩畫ê寫生圖。這mā毋是伊頭一擺畫城城隍祭典。這个祭典是嘉義重要ê活動，圖裡畫ê踏蹺這馬較少看著。這集講這幅圖，紹介踏腳蹺kah嘉義ê城隍爺、城隍廟。 Tân Têng-pho 1933 nî ōe ê chit pak tô͘ m̄-sī iû-chhâi, sī i iōng iân-pit kap chúi-chhâi ōe ê siá-seng tô͘. Chit mā m̄-sī i thâu-chi̍t-pái ōe Siâⁿ-hông Chè-tián. Chit ê chè-tián sī Ka-gī tiōng-iàu ê oa̍h-tōng, tô͘...

米糕是真早就有的食物，佇日本時代吳新榮佮黃旺成的日記攏有寫著。往過的米糕毋但是點心，嘛是冬節的補品。米糕佮油飯有啥無仝？較早的人按怎煮米糕、食米糕？這集來講往過佮這馬的米糕。 Bí-ko sī chin chá tiō ū ê si̍t-bu̍t, tī Ji̍t-pún Sî-tāi Ngô͘ Sin-êng kap N̂g ōng-sêng ê ji̍t-kì lóng ū siá tio̍h. Íng-kòe ê bí-ko m̄-nā sī tiám-sim, mā sī Tang-cheh ê pó͘-phín. Bí-ko kap iû-pn̄g ū siáⁿ bô-kāng? Khah-chá ê lân...

這擺崩山湖事件予Fata’an變做新聞的主角。伊是一个歷史真久長的阿美族部落，17世記的西班牙佮荷蘭人攏有寫著。Fata’an 有啥物特殊的制度？當地的環境佮經濟對日本時代開始是按怎改變？這集介紹Fata’an。 Chit pái Pang-soaⁿ-ô͘ Sū-kiāⁿ hō͘ Fata’an piàn-chò sin-bûn ê chú-kak. I sī chi̍t ê le̍k-sú chin kú-tn̂g ê Amis-cho̍k pō͘-lo̍k, 17 sè-kí ê Se-pan-gâ kap Hô-lân-lâng lóng ū siá tio̍h. Fata’an ū siáⁿ-mi̍h te̍k-sû ê...

孔子廟佇古早干焦男性會使出入，陳進1946年畫這幅攏是女性的孔子祭有啥物意涵？台灣的孔子廟有360外冬的歷史，是按怎真少人去拜？遮濟冬來拜孔子ê儀式有啥物改變？這集講陳進的畫作佮孔子祭典。(更正: 這幅圖台北市是送予蔣介石，毋是送予蔣長雲） Khóng-chú-biō chū kó͘-chá kan-na lâm-sèng ē-sái chhut-ji̍p, Tân Chìn 1946 nî ōe chit-pak lóng-sī lú-sèng ê Khóng-chú chè ū siáⁿ-mi̍h ì-hâm? Tâi-oân ê Khóng-chú-biō ū 360...

「魯冰花」是文學經典、得真濟獎ê電影、逐人攏會曉唱ê歌，m̄過mā是一款漚肥ê植物。真濟人看過小說、電影，m̄過無啥人看過真正ê花。按怎綠肥會變做小說ê標題？自日本時代引進ê魯冰花，是按怎真少人知？這集講這部小說kah綠肥ê使用。 「Lō͘-piⁿ-hoe」 sī bûn-ha̍k keng-tián, tio̍h chin chē chióng ê tiān-iáⁿ, ta̍k-lâng lóng ē-hiáu chhiùⁿ ê koa, m̄-koh mā sī chi̍t khuán ò-pûi ê si̍t-bu̍t. Chin chē lâng khòaⁿ kòe siáu-soa...

去圖書館借冊、看冊iah是參加活動ê人是ná來ná濟。台灣是啥物時陣有圖書館？往過ê圖書館有啥物無仝? 這集來講台灣公共圖書館ê起源kah重要ê人物。 Khì tô͘-su-koán chioh chheh, khòaⁿ chheh ia̍h-sī chham-ka oa̍h-tāng ê lâng sī ná lâi ná chē. Tâi-oân sī siáⁿ-mi̍h sî-chūn ū tô͘-su-koán? Éng-kòe ê tô͘-su-koán ū siáⁿ-mi̍h bô-kâng? Chit chi̍p lâi kóng Tâi-oân kong-kiōng tô͘-su-koán ê khí-gôan kap tiōng-iàu ê jîn-bu̍...

這集簡單介紹新ê單元「講台灣畫」。是按怎ē想beh介紹畫作？這擺ê主題是啥？beh講偌濟作品？ --------------------------------------- 《有聲的光批：四秀仔》佮《臺灣女性人物群像》 賣貨便 https://tinyurl.com/ysjmy729 好賣+ https://tinyurl.com/4ya9p6xc 網站 www.cultivataiwan.com 訂閱《台語‧生活》電子報  https://reurl.cc/Y4n5eo 寫批 henama2020@gmail.com 迷眾頁  www.facebook.com/HenamaTaiwan 贊助 https://p.ecp...

基隆中元祭是一年一擺的大活動，1927年村上英夫就共這个祭典鬧熱的情形畫佇〈基隆燃放天燈圖〉。這个畫作提著頭一回台灣美術展覽會東洋畫部的特選。咱做伙來看這幅圖，了解100冬前的放水燈遊街佮港口城市的景緻。 Ke-lâng Tiong-goân-chè sī chi̍t-nî chi̍t-pái ê tōa oa̍h-tāng, 1927 nî Murakami Hideo tō kā chit ê chè-tián lāu-jia̍t ê chêng-hêng oē tī "Ke-lang Jiân-hòng Thian-teng Tô͘". Chit ê oē-chok the̍h...

起厝、買厝看風水, 辦公桌仔著向佗一向, 欲揀塔位愛倩地理師看，佇台灣自古早就攏真注重風水，而且這項文化綴時代一直改變, 繼續佇咱的生活中攏袂無去。這集講看風水這個風俗是按怎變化？ Khí-chhù, bé-chhù khòaⁿ hong-súi, pān-kong-toh-á tio̍h ǹg tó chi̍t hiòng, beh kóaⁿ thah-ūi ài chhiàⁿ tē-lí-su khòaⁿ, tī Tâi-oân chū kó͘-chá tiō lóng chin chù-tiōng hong-súi, jî-chhiáⁿ chit hāng bûn-hoà tòe sî-tāi it-ti̍t kái-...

2020年出版ê《火種》內面抾真濟篇吳嘉芬老師著等ê作品。這本冊寫吳老師對爸母、故鄉ê感情，伊細漢tī台東ê生活，後來做台語老師ê經驗，特別是寫伊對做一个掖種ê人ê信念。 2020 nî chhut-pán ê “Hóe-chíⁿ” lāi-bīn khioh chin chōe phian Ngô͘ Ka-hun lāu-su tio̍h-téng ê chok-phín. Che pún chheh siá Ngô͘ lāu-su tùi pē-bú, kò͘-hiong ê kám-chêng, i sè-hàn tī Tâi-tang ê seng-oa̍h, āu--lâi chòe Tâi-gí lāu-su ê keng-giām,...

熱天台灣人會食涼麵配mí-sooh湯。涼麵的台語按怎講？豆菜麵的華語閣按怎講？對遮會使看出這兩款攏是食冷的麵，怹的起源無相仝。涼麵是對別位來，後來煞變做有台灣特色的料理。從涼麵佮豆菜麵的變化會使看出咱按怎共無仝所在的吃法佮文化整併做伙，變做好吃的台灣口味。 Joa̍h-thiⁿ Tâi-oân-lâng ē chia̍h liâng-mī phòe mī-so͘h-thng. Liâng-mī ê Tâi-gí án-chóaⁿ kóng? Tāu-chhài-mī ê Hôa-gí koh án-chóaⁿ kóng? Tùi chia ē-sái...

1945年原子彈爆炸的受害者有台灣人。日本人捌佇台北帝國大學做過開發原子彈的實驗。台灣往過捌投資發展核能武器，落尾是美國阻擋，做無成，毋過投資做武器也有牽涉著核能發電產業。核能武器佮台灣有啥物關係？ 這集來講核武器佮台灣。 1945 nî gôan-chú-tôaⁿ pòk-chà ê siū-hāi-chiá ū Tâi-oân-lâng. Ji̍t-pún-lâng bat tī Tâi-pak Tè-kok Tāi-ha̍k chòe-kòe khai-hoat gôan-chú-tôaⁿ ê si̍t-giām. Tâi-oân éng-kòe bat tâu-chu ho...

對鐵支路頂的天橋、學校邊的天橋，到百貨公司的空中走廊，台灣的城市往過有真濟天橋。台灣啥物時開始有天橋？是按怎天橋一直拆、嘛閣咧起？天橋的變化反映的是交通政策佮都市設計的改變。這集來講市內的天橋。 Tùi thih-ki-lō͘ téng ê thian-kiô, ha̍k-hāu piⁿ ê thian-kiô, kàu pah-hòe-kong-si ê khong-tiong-cháu-lông, Tâi-oân ê siâⁿ-chhī éng-kòe ū chin chē thian-kiô. Tâi-oân sánn-mih-sî khai-sí ū thian-kiô? Sī-án-chó...

1914年佇府城就有人咧教跤球、踢跤球, 按怎今仔日台灣予人當做「足球沙漠」?跤球按怎佇台灣發展閣按怎無去?這陣是按怎時行mini跤球?遮的變化佮戰後政權轉變、國際外交局勢佮國內體育ê制度攏有牽連。這集來講台灣跤球ê發展。 1914 nî tī Hú-siâⁿ tō ū lâng leh kà kha-kiû, that kha-kiû, án-chóaⁿ kin-á-ji̍t Tâi-oân hō͘ lâng tòng-chò "chiok-kiû soa-bo̍k"? Kha-kiû án-chóaⁿ tī Tâi-oân hoat-tián koh án-chóaⁿ bô--khì? Chit-...

全世界會曉食柴魚的國家無幾个，台灣是一个。一尾魚按怎會變tīng硞硞koh會芳，袂臭臊?柴魚是按怎做？台灣啥物時陣外銷足濟柴魚？台東柴魚按怎變出名？這集來講柴魚。 Choân-sè-kài ē-hiáu chiah chhâ-hî ê kok-ka bô-kúi-ê, Tâi-oân sī chi̍t ê. Chi̍t-bóe hî án-chóaⁿ ē piàn tēng-khok-khok koh ē phang, bē chhau-chho? Chhâ-hî sī án-chóaⁿ chò? Tâi-oân siáⁿ-mih sî-chūn gōa-siau chiok-chē chhâ-hî? Tâi-tang chhâ-hî án-ch...

南鯤鯓代天府的山門倒去的報導,予真濟人看著這个遮爾媠的山門佮伊後面這間廟。這間廟有300外冬的歷史，嘛是全台灣香客上濟的其中一間。是按怎300外冬前的廟欲起佇沒人蹛的沙崙? 是按怎佇遮爾偏僻的所在，香火會遮爾旺?這集來講國家級的古蹟南鯤鯓代天府。 Lâm-khun-sin Tāi-thian-hú ê soan-mn̂g tó--khì ê pò-tō, hō͘ chin chē lâng khòaⁿ--tio̍h chit ê chiah-nī súi ê soan-mn̂g kap i āu-piah chit keng biō. Chit keng biō ū...

拜拜ê時除了紅龜粿，嘛有麵龜，米龜，猶有廟宇會辦乞龜，予逐家食平安龜。是按怎做的是龜，毋是別款動物? 這個傳統按怎來的？往過按怎食龜？「摃龜」對佗位來？這集講龜的文化佮信仰。 Pài-pài ê sî tû-liáu âng-ku-kóe, mā ū mī-ku, bí-ku, iáu-ū biō-ú ē pān khit-ku, hō͘ ta̍k-ke chia̍h pêng-an-ku. Sī-án-chóaⁿ chò--ê sī ku, m̄-sī pa̍t-khoán tōng-bu̍t? Chit-ê thôan-thóng án-chóaⁿ lâi--ê? Éng-kòe án-chóaⁿ chia̍h ku?...

侵門踏戶真捷佇華語文章看著，毋過是台語。啥物時陣變做四界攏咧用的華語詞彙？是用佇佗位？佇古早戶橂有真濟文化象徵，佮戶橂有關係的俗諺嘛真濟，這集來講侵門踏戶佮戶橂。 Chim-mn̂g ta̍h-hō͘ chin chia̍p tī Huâ-gí bûn-chiuⁿ khòaⁿ--tio̍h, m̄-koh sī Tâi-gí. Siáⁿ-mi̍h sî-chūn piàn-chò sì-kè lóng teh iōng ê Huâ-gí sū-luī? Sī iōng tī tó-ūi? Tī kó͘-chá hō͘-tēng ū chin-chē bûn-hoà siōng-teng, kap hō͘-tēng ū koan-h...

小城綾子自2010年開始寫台語小說。伊寫ê小說攏抾佇《月落胭脂巷》這本小說集。伊寫的小說主題真闊面，家庭婚姻、選舉買票、算命問事......。〈來好阿媽欲轉去〉是內面ê一篇，是寫老大人的照顧，伊搬去佮囡仔蹛市內發生的代誌。這篇是第二屆台文戰線文學獎短篇小說的頭等。 Sió-siâⁿ Lêng-chú chū 2010 nî khai-sí siá Tâi-gí siáu-soat. I siá ê siáu-soat lóng khioh tī "Goe̍h-lo̍h Ian-chi-hāng" chit pún siáu-soat-...

卜卦、算命真普遍，古早是連囡仔嘛咧耍。關三姑是查某囡仔佇上元節佮中秋節的遊戲，後來佮觀落陰結合。關三姑、椅仔姑的故事是啥物？欲按怎辦？是按怎干焦女性佮囡仔會使看？關三姑的故事佇民間文學時常出現，這集來說關三姑。 Pok-kòa, sǹg-miā chin phó͘-phiàn, kó͘-chá sī liân gín-á mā leh sńg. Koan-sam-ko͘ sī cha-bó͘-gín-á tī Siōng-goân-cheh kap Tiong-chhiu-cheh ê iû-hì, āu--lâi kah koan-lo̍h-im kiat-ha̍p. Koan-s...

傳說是文化ê記持。這九个寫tī 《民俗台灣》ê 傳說是有啥物特色？反映啥款看待世界ê方式？ --------------------------------------- 網站 www.cultivataiwan.com 《台灣女性人物群像》 https://reurl.cc/M6bkRm 訂閱《台語‧生活》電子報  https://reurl.cc/Y4n5eo 寫批 henama2020@gmail.com 迷眾頁  www.facebook.com/HenamaTaiwan 贊助 https://p.ecpay.com.tw/B3A47EF  抑是 www.paypal.me/henama

台灣的病院佇日本時代就有電療，毋過猶無專業人士。物理治療教育是按怎開始？這馬是對四冬變做六冬？誰是頭一个提著證照的物理治療師？物理治療的範圍真闊，這集來講物理治療。 Tâi-oân ê pēⁿ-īⁿ tī Ji̍t-pún sî-tāi tō ū tiān-liâu, m̄-koh iáu-bô choan-gia̍p jîn-sū. Bu̍t-lí tī-liâu kàu-io̍k sī án-chóaⁿ khai-sí? Chit-má sī tùi sì-tang piàn-chò la̍k-tang? Siáⁿ sī thâu-chi̍t-ê the̍h-tio̍h chèng-chiàu ê bu̍t-lí tī-li...

寫佇《民俗台灣》的傳說--------------- 網站 www.cultivataiwan.com 訂閱《台語‧生活》電子報  https://reurl.cc/Y4n5eo 寫批 henama2020@gmail.com 迷眾頁  www.facebook.com/HenamaTaiwan 贊助 https://p.ecpay.com.tw/B3A47EF  抑是 www.paypal.me/henama

扒龍船真濟所在有，佇台灣有兩三百冬的歷史。這項活動佇大清時代、日本時代佮國民政府來台灣以後，攏有咧舉辦，毋過方式佮意義攏無仝。按怎後來扒龍船會那來那少？這集講扒龍船佇台灣的轉變。 Pê lêng-chûn chin chē só͘-chāi lóng ū, tī Tâi-oân ū nn̄g saⁿ pah tang ê le̍k-sú. Chit hāng oa̍h-tāng tī Tāi-chheng sî-tāi, J̍t-pún sî-tāi kap Kok-bîn Chèng-hú lâi Tâi-oân í-āu, lóng ū teh kí-pān, m̄-koh hong-sek kap ì-gī...