天頂半節虹

台語自媒體界的「大前輩」ayo 來矣！佮佑仁做伙合作過公視台語台《逐工一句》的ayo，二人攏是影片創作者，佇台語的創作方面，敢有啥物仝款的困擾咧？伊拄頭仔又閣是按怎會做出一系列學台文的影片，成做逐家學台文的重要教材咧？聽講做一个查某囡仔欲佇網路頂教台語文，嘛會搪著性別的議題？ 是講一開場ayo講伊搬轉去台南矣，竟然引起亞特的譬相？！伊到底是佗一句話引起爭議，予三人「講著食，臼頭佮磕額」咧？趕緊聽落去你就知！

舞蹈、圖畫、裝潢設計甚至古董錶、素食店攏有咧做、厝內閣有宮廟的迒界歌手昭霖，推出以「迷幻」風格為特色的電子音樂雙專輯《夢中相見》、《夢中夢》，半路出家的昭霖是按怎會有音樂作品？聽講這二塊專輯閣是一拖就拖五年？其中有啥款原因？為按怎亞特會雄雄講出「各馝/kok-pih」這个詞來形容昭霖，各馝是啥意思咧？佑仁關心去大港開唱表演的昭霖，佇家己在地的音樂祭上台演唱，是特別緊張抑是放鬆，伊會按怎講咧？ 這集咱來熟似...

2019年台灣通過同婚法案的時，是亞洲頭一个國家，也引起世界各國的注目，毋過這个法案是為著對應2018年同婚公投結果才產生的一部「專法」，這个專法佮2025年初泰國生效的同婚法案有啥無仝？是按怎里歐會講，自泰國通過同婚法案了後，伊就毋敢講台灣是一个「婚姻平權」的國家咧？本底綴佇咱後壁的泰國，是做著佗一項，才顛倒通共台灣超車？這集來聽里歐佮佑仁、亞特討論「Thailand？Taiwan？」佗無仝。 本集配歌：〈รู้งี้เป็นแฟนกั...

上個月前總統蔡英文佇網路頂鋪文表示，「台灣同婚已經滿七年矣，毋過揣對象就是你家己的代誌矣！」引起濟濟人留話，甚至佇留話區「徵友」，這集亞特、佑仁邀請夫夫之道的里歐轉來到節目來開講同婚通過七年了後的種種變化，也回顧彼當時為著公投案拍拚的心情，佮頂回來節目相比，里歐的身份煞有了變化，原來是伊結婚矣！佮交往十年的情伴阿凱結婚前後敢有啥精差？是按怎無想欲佇七年前拄通過就結婚？對彼時到真正結婚，又閣做出啥款...

金曲歌王許富凱下集，咱共重點囥佇新專輯《尪仔物》本身，這回富凱唱出過去較無接觸的風格，也挑戰迒18度音的高難度，只是話題是按怎會對本底對歌曲佮唱歌時的演技的討論，沓沓仔行對門扇枋佮門閂的關係，而且閣有「咻咻碰碰咻碰碰」，到底是咧《咻碰》啥咧？最後猶有富凱的最愛「夢美老師」為富凱喝出一聲「○○！」

金曲歌王許富凱來矣！最近拄推出新專輯《尪仔物》的富凱佮佑仁本底就是朋友，二人拄開頭猶咧講真久無見面矣，煞愈講愈奇怪，原來二人離頂遍見面根本猶無到一年咧！一講才知原來是佇頭一屆「臺北戲劇獎」的頒獎典禮見面的，而且彼屆的音樂劇男主角獎就是咱的歌王富凱提著的！這集欲來講著獎彼日各種「出乎意料」的代誌，按怎予伊大大掣一趒，嘛欲分享伊參演劇場了後，看待唱歌佮演戲之間的關係敢有啥變化？……也是話講...

這集來講「相聲」。 欸？「相聲」的台語應該按怎講？又閣是為按怎欲來講相聲咧？原來是欲講表演工作坊2005年推出的《這一夜，women說相聲》，這是一齣罕有的以全女性來表演的「相聲劇」，內底用「潑婦」做為表演藝術大師的劇情來剾洗表面上男女平等的社會，背後所隱藏的無平等；亞特佮佑仁也對這齣戲出發，來討論BBC澳洲記者佮學者所發表的一篇文章，破解家庭內底看袂著的「隱形工課」佮「心理負擔」。 家庭內二人工課差不多，家內...

你敢有看過言情小說？小說內底的霸道總裁金句你聽過幾句？這集亞特佮佑仁對網路頂的「言語騷擾」佮一位24歲在室男的煩惱講起，欲來分享挑選「反白睚(péng-pe̍h-kâiⁿ，翻白眼)」指數的霸道總金句15選，到第幾句你會想欲摔手機仔咧？ 小說內底有霸道總裁，笑笑咱無牽掛，毋過工課場若是有這款磕袂著就有性騷擾嫌疑的霸道總裁或者頂司、主管，彼就完全無仝矣，你敢知？《性別平等工作法》翻新了後，特別列出六大類人物，...

※本集會講著一寡仔「眠床代」的內容，無建議予18歲以下囡仔收聽。 經營台語社群口座受著真濟人follow、揤讚的「阿銘講台語」的阿銘，進前就捌來到阮央廣，上亞特的另一个節目《社群咧衝啥》，毋過這遍伊煞用另外一款完全無仝的外貌，來到《天頂半節虹》，原來阿銘日常有女裝打扮的趣味，做一个高長大漢(kau-tshiâng-tuā-hàn)的查埔囡仔， 伊的女裝生活會搪著啥物困境？ 為按怎會接觸女裝？女朋友對女裝的男朋友又閣有...

國立臺灣戲曲學院推出《金銀天狗》來致敬「拱樂社」，拱樂社是啥？聽講伊毋但是一个歌仔戲班，閣會拍電影、閣有演員培訓學校？！1954年頭一齣台語片《薛平貴與王寶釧》正是拱樂社的頭一齣電影，也自此開啟台灣的台語電影黃金時代。《金銀天狗》是拱樂社的第二齣定本歌仔戲，嘛有推出電影作品，毋過這齣有10本的戲齣，欲按怎佇現代的舞台來呈現咧？來聽製作人林顯源按怎講。 在 Instagram 查看這則貼文 Rti腦癢央（@rti.nownow）分...

你敢知影歌仔戲古早無論男女攏是查埔人搬的，後來時代演變沓沓仔才有愈來愈濟女性進入歌仔戲班，彼時猶是男女分明，時代閣再轉變，才有查某人做小生的「坤生」出現，而且坤生出現了後大受歡迎，才成為歌仔戲目前的主流，若按呢由查埔人搬小旦的「乾旦」咧？國立臺灣戲曲學院研發長林顯源就是歌仔戲界內底目前真罕見的乾旦，查埔人欲按怎搬小旦？敢有啥物困難的所在？又閣為怎樣當初會選擇做小旦？這集咱做伙來了解乾旦佇歌仔戲內底...

做人阿母的丁寧佇查某囝佮阿母的角色之間切換，欲按怎重新面對「關係」這件代誌，丁寧用啥物方式佮阿母互動，才會用得佇阿母過身的時，感覺「無遺憾」？家己做阿媽的角色又閣予伊得著啥款人生養分，會使投射佇演出內底？是講演員的感情收佮放，有影有厲害，比論講，伊佇連續劇《拜六禮拜》內底佮談戀愛的對象，竟然是拄見面頭一工，就愛搬「眠床戲」？！閣較濟真實的丁寧佮演員生活，攏講予你知。 本集音樂：《這該死的拘執佮愛》...

講著演員「丁寧」你會想起伊的啥物作品咧？敢是電影《孤味》內底的「蔡阿姨」？抑是影集《拜六禮拜》內底的「楊世美」？想袂到亞特一開頭竟然就講起伊對丁寧的印象是「檳榔西施」？！而且是1997年(倚欲30年前！)的一齣戲《大姐當家》。 原來丁寧對這齣戲嘛是印象真深，毋但是伊拄踏入演員這途所接的戲，而且佇片場閣予眾人罵甲無一塊好？！29年前到底是發生啥代誌？是按怎伊閣著對每一个現場工作人員說多謝？甚至連導演的女朋友也...

劇場演員余品潔下集，這回咱對「行動員」講起，阮劇團二十外年來沓沓仔思考、檢討，發展出來家己的論理系統，彼是戲劇的美學，嘛是做一个劇團的行動方針，品潔是按怎解說「行動員」的意義？又閣按怎設想劇團的未來生做啥款？除了佇阮劇團，前一站仔伊嘛去參與飛人集社的作品《藏畫》，搬演陳澄波先生的夫人張捷女士，做一个佇嘉義大漢、愛嘉義的人，按怎佇演出當中面對發生佇平時活動空間的過去所發生的人物的創傷、儼硬佮日常？參...

阮劇團的當家小旦余品潔頭一遍迒入影視界就入圍第60屆金鐘最佳新人獎，毋過佑仁煞無蓋認同這个獎項，原來是品潔佇劇場界早就是真資深的演員，伊的演技佇身為好朋友的佑仁眼內，用「新人」二字實在是無法度表現(是講總無用「老鳥」來形容嘛！)讀嘉女的時就參與劇團起造的品潔，大學讀的是北藝大戲劇系，畢業了閣轉到捌予人講是「文化沙漠」的故鄉嘉義經營「阮劇團」，是啥款思想、機緣，予伊離開演出機會較濟的台北，轉來到嘉義拍拚...

查埔人決定欲行演員之路，會有啥款阻礙？這款定定予人感覺「無穩定」的頭路，對照男性時常予人期待「擔起一个家」的責任，欲按怎來排解？以影集《影后》大衝的「壁虎」黃迪揚搝開伊的秘密屜仔，欲共內底的滾絞敨心肝予你看，看一个演員是按怎決定行這條路，又閣按怎綿死綿爛行堅定行落去。 演員面對角色受著注目，敢會對日後接戲路有限制，抑是有好處？欲按怎接受角色可能比家己較出名，猶有演員路上的「貴人」會按怎出現？黃迪揚...

舊年佇《影后》當中扮演經紀人「壁虎」引起濟濟討論的演員「黃迪揚」來矣！迪揚講伊咧做「壁虎」這个角色的時，其實無刁工參考佗一个人做原型，是因為伊自細漢身軀邊就有袂少同志朋友，對伊來講無啥無仝，共這个角色演甲遮爾自然，是因為去看著人物本質當中佮眾人仝款的共通性。壁虎佇這齣戲內底有一句有名的台詞「我厝內永遠有濟濟充電器，因為我絕對袂使手機仔無電，毋過我從來毋捌問過家己『我敢猶有電？』。」做一个演員底當時...

歌手身份的余佩真(阿真)佮演員身份的伊敢有啥物無仝的所在？若欲講，大概就是伊共家己對人的愛、對台灣的愛，甚至對世界的愛，用閣較直接的方法表現出來，《有美夢上讚》以一款「陰性的力量」彼款儼硬來面對困難佮愛，有因為陳澄波文化基金會董事長陳立栢先生的一句話來感動所欲表達的愛，有陪伴破病的阿母做伙面對困難的疼惜，就像阿真講的，「啥物時陣人會做夢？正是佇你感覺困難、辛苦的時。」也正是這个時陣，夢著做甲閣較媠，...

亞特主持生涯當中頭一遍去予來賓嚇驚著？因為公視學生劇展單元劇《神算》佮電影《流麻溝十五號》受著真濟注目的演員余佩真(阿真)，來到《天頂半節虹》佮佑仁、亞特做伙開講，分享做一个演員的種種辛苦，為著一个角色，到底需要做偌濟功課？甚至閣著逐工去徛佇急診室佮太平間門跤口看人世間的流血流滴、生離死別？！公開家己女同志身份，是怎樣的考量？伊閣按怎看待這个身份對演藝事業的影響？本底就佮阿真是好朋友、又閣同樣是演員...

結婚證書到底愛有「有效期限」無？毋但日本早早就開始討論「熟年離婚」的話題，同樣是亞洲國家的韓國佮台灣，各自攏有熟年離婚的話題，毋過離婚的原因佮法規、政策的應對，煞閣有隨人家己的作法，你敢知佇日本，人死你猶是著辦離婚，才會當「田無溝，水無流」喔！韓國針對公務人員，也有提出予另一半會當「安心離婚」政策，若按怎，台灣又閣是怎樣一款情形？這裡咱來比較三个國家的熟年離婚，做伙看覓社會是按怎有這个趨勢，又閣按...

舊例講「初二轉後頭」，這个例到底有偌舊？敢講猶未到初二就袂用得轉後頭？傳說中若提早轉後頭，會犯著各種禁忌，到底有啥禁忌？又閣該按怎破解？這集亞特佮佑仁做伙對社會結構的角度來破解初二轉後頭的風俗佮禁忌，而且提出一寡仔過年的新做法，希望無論啥物性別的聽友，攏會當日後過年過著愈四序。

這集播出的時間離過年賰無幾工，亞特來讀聽友寄來的光批，佑仁來讀聽友提出的問題，是講怎會講講咧，磕袂著就講對「過往」、「往生」去咧……？原來有聽友提出「這款」問題……

你敢有參加過性別 phá-thih(party)？這是現此時真時行的活動，由準備欲做爸母的翁仔某主辦，邀請親情朋友來參加，佇 phá-thih 當中公告阿母腹肚內囡仔的性別，而且接受眾人的祝福。 聽起來袂䆀？感覺真溫暖？其實這款 phá-thih 無論佇國外攏已經搪著濟濟爭議，較輕的只是辦活動的消費糾紛，較嚴重的甚至有出人命，到底 phá-thih 是按怎會造成災難？翻頭來看，以未出世的囡仔的「性別」做 phá-t...

民歌尾聲時期簽入去當年出名的唱片公司「滾石唱片」，發行一塊華語專輯了後就無聲無說，放棄歌唱夢，改途做別行的「阿季(王秀如)」，時隔三十年，佮囡仔做伙去看金曲獎頒獎典禮，煞看甲目屎流目屎滴，查某囝一句「你現在最年輕」是啥款意思？三十年來連想都毋敢想的夢想之火，是按怎會閣著起來？欲重新做一个歌手，會有偌濟阻力？阿季的阿爸又閣為按怎罵伊「背祖」？這集聽煞，咱做伙來找揣夢想的火種。

聽講現此時佇日本，放尿的時會坐佇馬桶頂懸的男性已經超過五成矣，毋過佇台灣這款慣勢好親像有較少？你是坐咧放抑是徛咧放咧？根據研究，坐咧放有一寡仔徛咧放無的好處，若是知影這寡仔好處，你敢會想欲坐咧放？有的人感覺查埔人坐咧放尿實在無夠Man，敢誠實是按呢？這集的小故事凡勢會使提供無仝款的思考，曷若亞特佮佑仁是徛咧放抑是坐咧放咧？聽節目你就知。