天頂半節虹

同樣有公眾人物色彩的劇場演員，敢會用得公開家己的感情代？二人攏是劇場人又閣按怎佇劇場合作……或者莫合作？演員大甜佮男朋友台鎬是行真久、通人知的關係，遮爾公開的感情代，佇舞台的互動會有啥款困難佮好處咧？聽講有一回大甜備通台頂提皮鞭 siāu 拄好演伊的翁的男友台鎬，而且伊出力完全無咧客氣，台跤的反應是……？

傳說中，見若烏暗降臨，正義就會沓沓仔浮現…. 十八年前，名震蓬萊鎮的傳奇飛賊「夜來香」，在與惡勢力的生死決戰後神祕消失，自此成為流傳街頭巷尾的都市傳說。有人講伊早已身亡，有人講，她始終藏身黑夜，聽候再次出手的時機。 十八年後，表面上歌舞昇平的蓬萊鎮，實際上暗潮洶湧。政商勾結、土地掠奪、黑道橫行，佇一片華彩背後，當咧無聲無說侵蝕每一个人的未來。就在此時，一道熟悉的黑影再次劃破暗夜，一張一張神祕字條相連紲...

臺灣同志遊行第二集，來講樂永搪著的故事，因為參加過幾若遍臺灣同志遊行，三人兄弟伴好朋友之一對伊「出虹」，毋過煞無法度共另外一人講，有一回，這个另一人佇同婚公投進前對樂永講：「是按怎愛予遐的人佮咱仝款的權利？」……

逐年10月佇台北舉辦的台灣同志遊行咧欲到位矣，今年第24屆的同志遊行主題是台文書寫的「聲做伙聽，路做伙行」，遊行活動到底希望做伙聽啥物聲？又閣佮啥人做伙行？這集邀請佇台灣同志遊行做活動籌備志工的「順性別男性」樂永，來介紹這个活動，嘛分享伊會參與活動的故事，其實無論多數抑是少數的性相關族群，攏同樣會使參加台灣同志遊行……是講，同婚法案通過已經七年矣，這時敢猶需要這款同志遊行？樂永講，這个問題的答案，就佇今...

果陀劇場推出客語劇《水鬼學校和失去媽媽的水獺》，改編自作家甘耀明的同名作品，奇幻美麗的場景內底，有語言歷史的背景，有感動人心的故事。奇幻場景佇舞台頂按怎設計？客語的鋩角佇劇場按怎呈現？這集邀請導演仰瑄佮行銷總監正民做伙來開講，毋過正民竟然講導演仰瑄是順紲附帶的？？到底是怎樣一回事？𤆬你做伙來聽製作這齣戲背後的血淚(？)。

你人生當中敢有一个女性序大，對你產生大大的影響？對佑仁來講彼是阿媽，對亞特來講彼是阿祖，這二位台灣女性一个影響佑仁的創作路，一个影響亞特的台語路。因為佑仁阿媽拄拄過身，喪禮辦煞轉來到錄音室，二人講起喪禮的心適代(？)，猶有這二位「Holy媽&祖」佮家己 ê 互動經驗，只是有人講甲險仔錄袂落去……

一場跤球比賽敢誠實有可能輸31分？！連輸17年是啥感覺？這集亞特佮佑仁欲𤆬大家看美屬薩摩亞（American Samoa）跤球隊按怎佇長年的挫敗當中，創造《一球翻身》的奇蹟！ 毋但跤球比賽的故事真鼓勵人心，這支球隊閣有世足賽歷史上頭一位公開迒性別身份出賽的球員——Jaiyah Saelua。佇薩摩亞的傳統文化內底，有「Fa'afafine」佮「Fa'afatama」的性別分類，這到底是啥款性別？遮爾性別多元佮包容的所在，同時閣是全美國唯一無承認同性婚...

這个柯……羅是一个來自烏克蘭的網衝，對網路節目「中文怪物」衝起來，想袂到毋但有路邊偷翕的烏暗史，竟然閣佇網路頂以性別的刻板來剾洗台北市議員苗博雅的性別氣質佮穿插，引來二人佇社群筆戰，柯羅到底是咧講啥貨？內底有啥款性別的問題？咱做伙來共其中的議題拆予白，解破其中二元性別之迷。

七夕(tshit-sia̍h)拄過，你敢有過情人節Ⓧ，你敢有拜七娘媽？其實傳統來講七夕是七娘媽生，毋過佇行銷的手路宣傳下，煞好親像變做商業化的「情人節」矣，這集亞特佮佑仁來拆解咱細漢時攏聽過的「牛郎織女」的故事，共內中的性別議題拆出來講，閣欲介紹日本佮韓國佮情人節有關係的特別節目，原來，逐家攏沓沓仔對節日內底，揣著新的意義矣。 本集選歌： 〈Cowbell〉曹雅雯。

童話世界真美好？別有企圖心藏禍，唐福睿的電影做出狼師的惡行，嘛有律師面對事件的困境，戲劇總是人所寫，現實世界閣較使人驚，這集講一層南投真實的事件，三十外年來有濟濟查某囡仔受害者，對教師、主任做到校長，學校一間換過一間沐沐泅，彼此掩崁閣有民代來施壓，規个體制歹模樣，二審判刑十五年外，到今官司猶未煞，狼師問題需要咱做伙關心，校園的烏雲才會散。

你敢捌聽過台灣電影史上，號稱上「khiang」的電影《大俠梅花鹿》，貼肉的合軀動物裝、妖魅的畫妝、怪奇的戲文佮使人疑問的對話，就算囥佇現代，猶是一齣「超過你按算」的電影，佇這齣台語片的傳奇內底，會使看著啥款性別議題，甚至囥佇伊的時代來看，又閣看會出啥款政治氣味？公視台語台七週年影展播送這齣電影，影後座談由亞特主持、佑仁主講，毋過20分鐘講無夠，阮決定共這齣電影的話題，搬來《天頂半節虹》繼續講！

做家長的人若𤆬無仝性別的囡仔去便所，愛到幾歲會感覺「敢若無蓋適當」咧？咱又閣是底當時開始有便所嘛「男女有別」的觀念？你敢知台灣過去的公共便所是啥物時陣出現的、拄出現時佮這馬的便所的性別分法又閣有啥無仝之處咧？其實「放尿」這个日常逐工攏咧做的行為，背後的性別政治是真大的議題，甚至佇30年前發生過「佔領男廁運動」？！到底便所出啥代？咱做伙聽看覓。

天頂半節虹度晬啦(滿週年)～！！自2025年七月初至今，亞特佮佑仁訪問過袂少來賓做伙討論性別議題，也時常二人針對性別的時事來分享，感謝聽友這一年來的收聽支持，這集特別共(人生)資深聽友岡山阿媽的批讀出來，祝福阿媽身體勇健！是講……除了年度回顧，亞特佮佑仁閣講起「週年慶」欲做Live Podcast，只是好親像有一寡仔條件需要聽友鬥相共……？！

台南妹仔ayo帶來二本有聲冊《查埔人kah查某人ê戰爭》、《神姊奏鳴曲：Macbeth詩篇》，二本攏是世界經典劇本的翻譯，是由唸歌仔先周定邦老師，也就是ayo的阿爸所翻定。毋過定邦老師無張無持家己寫計畫申請補助欲做有聲冊，請著了後煞問ayo「有聲冊欲按怎做」？！做查某囝的敢若嘛無法度就按呢激外外，只好親身蹽落去，變做這二本冊的統籌兼演員兼行銷；做冊過程敢有啥物辛苦代？阿爸的交代敢會一本做一本直直來？伊又閣按怎看這款世...

台語自媒體界的「大前輩」ayo 來矣！佮佑仁做伙合作過公視台語台《逐工一句》的ayo，二人攏是影片創作者，佇台語的創作方面，敢有啥物仝款的困擾咧？伊拄頭仔又閣是按怎會做出一系列學台文的影片，成做逐家學台文的重要教材咧？聽講做一个查某囡仔欲佇網路頂教台語文，嘛會搪著性別的議題？ 是講一開場ayo講伊搬轉去台南矣，竟然引起亞特的譬相？！伊到底是佗一句話引起爭議，予三人「講著食，臼頭佮磕額」咧？趕緊聽落去你就知！

舞蹈、圖畫、裝潢設計甚至古董錶、素食店攏有咧做、厝內閣有宮廟的迒界歌手昭霖，推出以「迷幻」風格為特色的電子音樂雙專輯《夢中相見》、《夢中夢》，半路出家的昭霖是按怎會有音樂作品？聽講這二塊專輯閣是一拖就拖五年？其中有啥款原因？為按怎亞特會雄雄講出「各馝/kok-pih」這个詞來形容昭霖，各馝是啥意思咧？佑仁關心去大港開唱表演的昭霖，佇家己在地的音樂祭上台演唱，是特別緊張抑是放鬆，伊會按怎講咧？ 這集咱來熟似...

2019年台灣通過同婚法案的時，是亞洲頭一个國家，也引起世界各國的注目，毋過這个法案是為著對應2018年同婚公投結果才產生的一部「專法」，這个專法佮2025年初泰國生效的同婚法案有啥無仝？是按怎里歐會講，自泰國通過同婚法案了後，伊就毋敢講台灣是一个「婚姻平權」的國家咧？本底綴佇咱後壁的泰國，是做著佗一項，才顛倒通共台灣超車？這集來聽里歐佮佑仁、亞特討論「Thailand？Taiwan？」佗無仝。 本集配歌：〈รู้งี้เป็นแฟนกั...

上個月前總統蔡英文佇網路頂鋪文表示，「台灣同婚已經滿七年矣，毋過揣對象就是你家己的代誌矣！」引起濟濟人留話，甚至佇留話區「徵友」，這集亞特、佑仁邀請夫夫之道的里歐轉來到節目來開講同婚通過七年了後的種種變化，也回顧彼當時為著公投案拍拚的心情，佮頂回來節目相比，里歐的身份煞有了變化，原來是伊結婚矣！佮交往十年的情伴阿凱結婚前後敢有啥精差？是按怎無想欲佇七年前拄通過就結婚？對彼時到真正結婚，又閣做出啥款...

金曲歌王許富凱下集，咱共重點囥佇新專輯《尪仔物》本身，這回富凱唱出過去較無接觸的風格，也挑戰迒18度音的高難度，只是話題是按怎會對本底對歌曲佮唱歌時的演技的討論，沓沓仔行對門扇枋佮門閂的關係，而且閣有「咻咻碰碰咻碰碰」，到底是咧《咻碰》啥咧？最後猶有富凱的最愛「夢美老師」為富凱喝出一聲「○○！」

金曲歌王許富凱來矣！最近拄推出新專輯《尪仔物》的富凱佮佑仁本底就是朋友，二人拄開頭猶咧講真久無見面矣，煞愈講愈奇怪，原來二人離頂遍見面根本猶無到一年咧！一講才知原來是佇頭一屆「臺北戲劇獎」的頒獎典禮見面的，而且彼屆的音樂劇男主角獎就是咱的歌王富凱提著的！這集欲來講著獎彼日各種「出乎意料」的代誌，按怎予伊大大掣一趒，嘛欲分享伊參演劇場了後，看待唱歌佮演戲之間的關係敢有啥變化？……也是話講...

這集來講「相聲」。 欸？「相聲」的台語應該按怎講？又閣是為按怎欲來講相聲咧？原來是欲講表演工作坊2005年推出的《這一夜，women說相聲》，這是一齣罕有的以全女性來表演的「相聲劇」，內底用「潑婦」做為表演藝術大師的劇情來剾洗表面上男女平等的社會，背後所隱藏的無平等；亞特佮佑仁也對這齣戲出發，來討論BBC澳洲記者佮學者所發表的一篇文章，破解家庭內底看袂著的「隱形工課」佮「心理負擔」。 家庭內二人工課差不多，家內...

你敢有看過言情小說？小說內底的霸道總裁金句你聽過幾句？這集亞特佮佑仁對網路頂的「言語騷擾」佮一位24歲在室男的煩惱講起，欲來分享挑選「反白睚(péng-pe̍h-kâiⁿ，翻白眼)」指數的霸道總金句15選，到第幾句你會想欲摔手機仔咧？ 小說內底有霸道總裁，笑笑咱無牽掛，毋過工課場若是有這款磕袂著就有性騷擾嫌疑的霸道總裁或者頂司、主管，彼就完全無仝矣，你敢知？《性別平等工作法》翻新了後，特別列出六大類人物，...

※本集會講著一寡仔「眠床代」的內容，無建議予18歲以下囡仔收聽。 經營台語社群口座受著真濟人follow、揤讚的「阿銘講台語」的阿銘，進前就捌來到阮央廣，上亞特的另一个節目《社群咧衝啥》，毋過這遍伊煞用另外一款完全無仝的外貌，來到《天頂半節虹》，原來阿銘日常有女裝打扮的趣味，做一个高長大漢(kau-tshiâng-tuā-hàn)的查埔囡仔， 伊的女裝生活會搪著啥物困境？ 為按怎會接觸女裝？女朋友對女裝的男朋友又閣有...

國立臺灣戲曲學院推出《金銀天狗》來致敬「拱樂社」，拱樂社是啥？聽講伊毋但是一个歌仔戲班，閣會拍電影、閣有演員培訓學校？！1954年頭一齣台語片《薛平貴與王寶釧》正是拱樂社的頭一齣電影，也自此開啟台灣的台語電影黃金時代。《金銀天狗》是拱樂社的第二齣定本歌仔戲，嘛有推出電影作品，毋過這齣有10本的戲齣，欲按怎佇現代的舞台來呈現咧？來聽製作人林顯源按怎講。 在 Instagram 查看這則貼文 Rti腦癢央（@rti.nownow）分...

你敢知影歌仔戲古早無論男女攏是查埔人搬的，後來時代演變沓沓仔才有愈來愈濟女性進入歌仔戲班，彼時猶是男女分明，時代閣再轉變，才有查某人做小生的「坤生」出現，而且坤生出現了後大受歡迎，才成為歌仔戲目前的主流，若按呢由查埔人搬小旦的「乾旦」咧？國立臺灣戲曲學院研發長林顯源就是歌仔戲界內底目前真罕見的乾旦，查埔人欲按怎搬小旦？敢有啥物困難的所在？又閣為怎樣當初會選擇做小旦？這集咱做伙來了解乾旦佇歌仔戲內底...