Middagvervolgverhaal

Seef Visagie gryp in. Die Dame van die Nag lewer 'n verrassing op. Cindy Nel het 'n paar ongemaklike vrae. Mollie Muller neem sake in haar eie hande.

Wie is die flukse privaatspeurder wat op Frankfort bly? Hoe vind Goedbegin uit waar Seef Visagie hom bevind? Waarheen kry Seef koers?

Wie wag Sweetness by haar flat in? Saam met wie drink Conrad koffie?

Mollie Muller het twee foto's op haar selfoon wat konsternasie veroorsaak, en dis nie die enigste saak wat sy op die hart het nie. Sweetness Botes is op die oorlogspad.

Hoekom moet Seef Visagie by dokter Francis Benade aanmeld? Waar raak Conrad Nienaber tydelik geholpe? Wie loop in mekaar vas? Wie daag almal by dokter Dawie Becker op?

Sake raak lelik in Sweetness Botes se flat. Waarmee het Seef Visagie nou weer vorendag gekom? Conrad se luck wil nou maar eenmaal nie draai nie.

Sweetness Botes kry die wind van voor. Hoekom jok Conrad Nienaber vir Cindy Nel? Mollie Muller is op 'n missie. Wie het sy in haar visier?

Sake loop lelik skeef op Goedbegin. By wie neem Conrad Nienaber sy toevlug?

Het Mollie Muller Goedbegin toe gekom omdat sy die Padstal wil bestuur, of is daar 'n ander rede? Wie is Amelia Rossouw? Hoekom pla spinale spieratrofie Mollie so baie?

Cindy Nel en Conrad Nienaber kom agter hulle ken mekaar baie sleg. Sweetness Botes kry 'n onverwagse besoeker. Met wie het Seef Visagie volgende week 'n afspraak?

Gister se spoke bly Seef Visagie by, en die dinge wat om hom gebeur maak dit ook nie makliker nie. Hoekom het Mollie Muller nou eintlik op Goedbegin kom werk? Wat jaag Morkel Nienaber skielik so?

Conrad Nienaber neem 'n gewigtige besluit. Sweetness Botes is skielik 'n baie gewilde vrou. Martha Sithole se lewe word geknou. Wat is Mollie Muller se agenda nou eintlik?

Seef Visagie is vol besluite en voorstelle, maar dit val nie noodwendig op vrugbare grond nie. Waarheen is hy volgende week op pad? Wat voer Conrad Nienaber in die mou?

Seef Visagie se besoek aan Pretoria lewer meer skokke op. Met wie het hy nou eintlik 'n afspraak? Conrad Nienaber kom gou agter dat Cindy Nel nie met haar laat mors nie.

Seef Visagie het 'n spesiale afspraak in Pretoria en dis al waarom die boer van Koster na Sodom en Gomorra toe ry. Hoekom verander die besoek sy lewe ingrypend?

Rachel neem afskeid van Sannie, en Pieter en vertrek na Port Elizabeth. Frans eindig op by Giel se Gat en begin weer drink. Klets ontvang 'n brief van die SAUK na aanleiding van haar inskrywing vir die Sewende Laan cameo-rol kompetisie.

Pieter weier om na Sannie te luister toe sy hom vra om nie voort te gaan met sy storie dat hy vir Moolman geskiet het nie. Frans gaan vir sy werksonderhoud. Gerda en Klets kry goeie nuus van Louw Visagie oor die moordklag teen Rachel.

Pieter gaan vra raad by die pastoor oor wat hy moet doen oor Moolman se skietery. Rachel besoek vir Sannie by die rehabilitasiesentrum. Klets is woedend toe sy hoor Pieter het pastoor vertel dat hy vir Moolman geskiet het. Sannie besluit om huis toe te gaan, en verras vir Pieter en Rachel.

Gerda gaan haal vir Rachel by die polisieselle en probeer haar gerusstel. Frans besoek vir Sannie by die rehabilitasiesentrum. Klets is bekommerd dat Pieter vir Louw die waarheid sal vertel oor Moolman se dood.

Klets besoek vir Sannie by die rehabilitasiesentrum om uit te vind of sy gaan terugkom nadat Rachel vir Moolman geskiet het. Frans en pastoor woon Rachel se eerste verhoor by, waar sy borgtog kry. Pieter wil nie hê Rachel moet namens hom die skuld dra vir Moolman se dood nie.

Moolman is woedend vir Rachel nadat sy die kliënt, vir wie sy 'n private dans moes doen, met sy drankie in die gesig gooi. Rachel vlug toe Moolman haar wil aanval, en daag by die karavaan op terwyl Pieter gereed maak om kerk toe te gaan. Klets hoor 'n rewolwerskoot in die agterplaas…

Louw bring Frans se rewolwer terug, en beloof hy sal 'n ogie oor Rachel hou. Klets skaf 'n stel tweerigtingradios aan, en laat Pieter een van die radios by hom dra vir veiligheid. Moolman reël dat Rachel 'n private dans vir een van sy belangrike kliënte doen.

Frans dreig vir Moolman, wat in reaksie vir Louw Visagie bel om hom te kom haal. Rachel het nie meer geld vir die hotelkamer waar sy en Pieter wegkruip nie, en besluit om terug te gaan na Moolman toe. Sannie vertel vir Frans sy wil vir alkoholverslawing-rehabilitasie gaan.

Klets merk dat Pieter nie die vorige aand in sy kamer geslaap het nie, en is bekommerd oor hom. Louw besoek vir Moolman by die nagklub om uit te vind of hy weet waar Rachel haar bevind.

Klets vertel vir Louw Visagie dat Moolman vir Rachel kom soek het. Frans is bekommerd oor Sannie wat al meer teruggetrokke raak, en is bang sy drink weer skelm. Rachel bel vir Pieter uit die bloute.