Middagvervolgverhaal

Almal bespiegel oor die identiteit van die bejaarde man waarop Ronnie en Denver afgekom het. Petro vra matrone vir verlof en bieg dat sy ontsteld is oor die nuus dat Denver nie in vrouens belangstel nie.

Denver lig matrone in dat hy Floors se dogter gevra het om hom te kom haal. Vivienne is woedend vir Matrone nadat sy verneem van die gerugte wat die rondte doen dat Denver nie in vrouens belangstel nie.

Floors lig Denver in dat hy besluit het om self Peru toe te gaan en uit te vind wat met Emsie gebeur het. Hannes poog om Floors om te praat oor sy gek plan om Peru toe te gaan.

Kittie bespreek haar plan om die inwoners meer aktief te kry met Floors. Hannes vra Ronnie uit oor Petro en die hangertjie wat by die brandtoneel gevind is. Kittie konfronteer Ronnie oor sy kamtige jaloesie.

Petro vra raad by matrone oor haar hangertjie wat by die brandtoneel gevind is. Hannes doen navraag by Denver oor Petro se verlede en waar sy voorheen gewerk het. Kittie en Petro sit weer vas oor Ronnie.

Kittie spot Petro oor haar kampeerdery saam met Ronnie. Hannes voel dat Floors dinge te vêr gevat het met die protesoptrede. Floors probeer Vivienne oortuig om hulle protes teen die ontwikkeling van Rus en Vrede te ondersteun.

Ronnie en Petro se uitstappie na die motorfiets rally ontaard in 'n nagmerrie. Matrone word onkant gevang toe Vivienne begin uitvra oor haar verlede. Denver is raadop as hy verneem sommige van die inwoners hou 'n protesoptrede wat deur Floors Cronje gelei word.

Vivienne nooi matrone vir aandete om haar nuwe spyskaart uit te toets. Denver probeer sy jaloesie wegsteek toe hy hoor Petro gaan saam met Ronnie na die motorfiets rally.

Petro bied aan om saam met Ronnie na die motorfiets rally te gaan. Hannes en Floors doen ondersoek na die oorsaak van die brand. Kittie weier om deel te wees van Petro se plan om Ronnie te flous.

Matrone vind uit dat Hannes by 'n gastehuis ingetrek het om nader aan Frieda te wees, en gaan haal hom. Denver vra Kittie uit oor die inwoners se houding teenoor die beplande ontwikkeling, en stel haar voltyds aan as bemiddelaar.

Kittie vertel vir matrone dat Hannes hom in sy woonstel toegesluit het. Petro vra Kittie om haar te help om Ronnie 'n streep te trek. Matrone en Kittie sluit Hannes se woonstel oop, en merk op dat sy tas weg is.

Matrone noem aan Vivienne dat een van die inwoners gekla het oor haar ryk kos. Denver verneem by Floors of hy die brandstigter was wat die Wendyhuis probeer afbrand het. Ronnie vra matrone of sy saam met hom na die motorfiets rally wil gaan.

Ronnie laat glip by Floors dat die ontwikkelaars 'n kantoor langs sy kwekery oprig. Matrone verduidelik aan Hannes wat hulle te wagte kan wees wanneer Frieda terugkeer. Floors vra Hannes om te help om die ontwikkelaars se nuwe kantoor te saboteer.

Denver lig Hannes in dat Frieda gediagnoseer is met vroeë Alzheimers. Ronnie konfronteer Kittie oor haar kamtige nuwe kêrel. Denver vra Ronnie om die ontwikkelaars by te staan met die oprig van 'n tydelike kantoor.

Hannes is ontsteld en verward ná die voorval met Frieda. Kittie en Petro bespiegel oor wat fout is met Frieda. Floors stel homself voor aan Vivienne, en vertel haar van sy vermoedens dat Emsie nog lewe.

Vivienne toets haar kersete-spyskaart op Hannes. Kittie toets haar bemarkingsvermoë op Hannes. Frieda sluit haarself in haar woonstel toe nadat sy genoeg van die inmenging in haar private lewe gehad het.

Matrone verneem by Petro of sy Frieda Jansen se lêer vir haar uit Denver se kantoor kan gaps. Petro vertel vir Ronnie dat Kittie reeds 'n kêrel het. Denver deel die beplande ontwikkelingsplanne van Rus en Vrede met matrone.

Vivienne en matrone sit vas oor die kersete se spyskaart. Denver verneem dat Vivienne van plan is om permanent by Rust en Vrede in te trek. Ronnie vra Kittie of hy saam met haar werk toe kan ry.

Ronnie probeer weer om Kittie te oortuig dat die ongeluk met die motorfiets nie sy skuld was nie. Frieda is nie beïndruk deur die bos angeliere wat iemand vir haar gelos het nie, en Hannes ontken dat dit hy was.

Denver se ma, Vivienne, is nie tevrede met die uitleg van die kombuis nie, en wil veranderinge aanbring. Petro neem vir Hannes saam na die winkelsentrum om inkopies te doen, en verloor hom in die sentrum.

Floors ontvang nuus dat daar probleme op die plaas is, en hy moet sy dogter gaan besoek. Hannes is gegooi deur Frieda se wispelturigheid. Matrone spreek Kittie aan oor haar vriendskap met Ronnie.

Matrone is woedend vir Ronnie nadat hy met Kittie geval het met sy motorfiets, en sy nou beseer is. Denver verbied Ronnie om die motorfiets op die perseel te bring. Petro is nuuskierig oor Frieda nadat sy 'n vreemde oproep van 'n familielid ontvang.

Denver stem in om vir Floors te spreek oor die verandering op die naambord. Ronnie kom spog met sy motorfiets by Kittie. Matrone is bekommerd dat hulle nie iemand sal kry om sjef Suretha te vervang nie.

Ronnie vertel Kittie van die nuwe motorfiets wat hy beplan om te koop, in die hoop dat sy saam met hom vir 'n rit sal gaan. Hannes is oorbluf wanneer Frieda hom met skaak uitstof, en vra Ronnie se hulp.

Floors is ontevrede oor die nuwe naambord van die aftree-oord, en begin 'n veldtog om ontslae te raak van die T in die naam. Matrone Louw vind uit dat sjef Suretha bedank het, en moet dringend 'n nuwe sjef vind.