Middagvervolgverhaal

Katryn se sterk persoonlikheid en vreesloosheid ontsenu sowel sersant Koekemoer as regter Te Doorn.

Sersant Koekemoer lewer verdoemende getuienis. Katryn kan haar woede nie beteuel nie en die regter se vrees vir sterk vroue knak sy selfvertroue.

Die hofsaak begin. Katryn behartig haar eie verdediging, maar trap klei.

Katryn steek haar advokaat in die pad omdat hy nie onvoorwaardelik in haar onskuld glo nie. Sy is van mening dat dit voldoende sal wees as sy bloot die waarheid aan die hof vertel.

Sersant Koekemoer van Port Nolloth arresteer Katryn vir die moord op Koos Klink. Sy vertel wat die dag gebeur het.

Katryn vertel haar storie vir advokaat De Villiers op 'n bandopnemer. Fluitjie gaan bly by Doempies Pieterse, maar Katryn weier om hulle toestemming te gee om te trou.

Katryn weier om Abraham se kleinkind op te praat en die kindjie sterf. Die haat groei op Grootderm. Katryn se advokaat besoek haar in die tronk.

In haar tronksel, waar sy wag dat sy verhoor word op 'n aanklag van moord, herleef Katryn die liefde vir haar man, haar kinders en hulle eie plaas. Sy onthou hoe sy ontdek het dat sy die Namas se nuwe opprater is, wat sterwende kinders weer lewendig kan maak.

Rustig en breed vloei die Oranjerivier verby groentelanderye en spelende boklammers in die droë Richtersveld. Wie sou kon dink dat hier soveel haat en onderstrominge kon wees? Maak kennis met Katryn Jonis, Abraham Klink en 'n geskiedenis van diepgesetelde wrok.

Zonja en Erik praat openhartig en ou geheime word oopgevlek. Clara sê haar eerste woorde. Aretha het 'n ete-afspraak met die man van haar drome. Alex en Elaine ontferm hulle oor Louis. Hierdie sluit MOOI MENSE dan af.. Druk gerus op die skakel hieronder en luister na RSG se volgende opwindende reeks, KATRYN: VROU VAN DIE RICHTERSVELD deur Jan Huisamen.

Jenelle en George se gas maak vir hulle ontbyt om hulle vir hulle goedheid te bedank. Sy hoor hulle hartseerstorie en besluit om die prys vir haar oortredings te betaal.

Clara is uiters siek. Aretha se werk by MOOI MENSE is afgehandel. Sy vertel vir Zonja van Erik.

Jenelle en George ontdek 'n plakker in hulle seehuis. Erik vertel Aretha die volle waarheid. Die Robbinses ontferm hulle oor die "wegloopkind", sonder om te besef wie sy is.

Zonja en Louis troos mekaar. George besluit hy en Jenelle moet wegbreek see toe. Ilonka soek weer hulp by Yolanda.

Zonja gaan saam met Yolanda na die wondkliniek. Alex vertel vir Louis dat hy en Elaine verloof gaan raak. Aretha wys vir Zonja die foto's wat Louis van Clara geneem het.

Louis verstaan nie Aretha se skielike stugheid nie. Yolanda wonder oor haar pa se selfmoord. Ilonka word in Durban in hegtenis geneem. 'n Roudiens bring min troos.

Zonja se gesindheid jeens Yolanda verander. Aretha nooi Erik uit vir ete. Die waarheid oor sy verlede skok.

Zonja troos Jenelle. Alex stel Louis gerus, maar daar lê 'n lang hersteltyd voor vir Clara. Erik kuier by Aretha en vra baie vrae.

George en Jenelle is verpletter, hulle stry teen die werklikheid. Zonja maak uiteindelik vrede met Louis. Aretha is by toe George sy slegte nuus meedeel.

Aretha doen haar bes om tot Zonja deur te dring. Louis en Frankie kuier in 'n kroeg naby die hospitaal. Louis kom veilig tuis.

Louis is platgeslaan. Frankie ly steeds aan skok. Erik lees die berig in die koerant en dit ontstel hom uitermatig. Zonja is ontroosbaar, sy wil Louis nie by Clara toelaat nie.

Zonja is gebroke, selfs sy word eers nie by Clara en Yolanda toegelaat nie. Frankie bring ook die nag in die hospitaal deur.

Yolanda en Ilonka beplan moeilikheid vir Clara. Dit loop uit op 'n ramp.

Clara speel model. Zonja nooi Alex uit vir ete. Clara ontmoet Alex op Jimmy se afskeidpartytjie. Aretha en Erik dans asof hulle mekaar lankal ken.

Ilonka en Yolanda stook mekaar op. Louis en Clara hou piekniek. Frankie verklaar sy liefde.