Ligwalagwala FM Current Affairs

 Labanye bosomabhizinisi labancane lebafaka ekhatsi banikati betiphaza bacela hulumende kutsi abelulele sikhatsi sekubhalisa ngalokusemtsetfweni emabhizinisi abo.  Lokhulumela inhlangano i-Food 4 Nation Development Association, Umnumzane Sakhile Madonsela utsi bacelwa kululelwa sikhatsi lokungenani ngetinyanga letili-12 futsi angabahlanganisa nalaba lebachamuka kulamanye emave.

Inhlangano yalabangaboni emehlweni iBlind SA ilwela emalungelo etabantfu labangaboni emehlweni kutsi bakhone kufundza emabhuku.  Inhlangano yemango lebamele, iSection 27 itsi sewendlulile umncamlajucu wekusayinwa kweCopyright Amendment Bill.  Labantfu basenkantolo yemtsetfo-siksekelo kutocindzetela mengameli Cyril Ramaphosa kutsi asayine lomtsetfo-sivivinywa. Kusayinwa kwawo kutawuniketa timphumph...

Bahlatiyi betepolitiki labakanekise eMelika batsi emave ase Africa afenele kukhatsateka njengoba kulungiselelwa kubeka mengameli lomusha Donald Trump. Sikhulumisana nemhlatiyi wetindzaba taseAfrica, Advocate Sipho Mantula.

Bafundzi bakumatikuletjeni bacedze itolo kubhala luhlolo lwalomnyaka wa 2024, kantsi ke imiphumela kulindzeleke imenyetelwe mhla-15 January kulomnyaka lotako. Litiko lemfundvo lesisekelo litsi lemiphumela  itawushicilelwa emaphephandzabeni. Siviwe Gwarube utsi kushicilela lemiphumela emaphephandzabeni akusiko kukhiphela imininingwane yebantfu ngaphandle kepha yindlela yekwenta kubemalula kutsi baf...

Batsengi bacebiswa kutsi nabayotsenga njengoba kunemititilizo ye-Black Friday bavule emehlo, ngoba leminye imikhicito kukhandzakala kutsi isendalini ngeligama. Kuhlomisa umlaleli ngaletindali sikhulumisana nemeluleki ngetetimali Umnumzane Mandla Malope.

Umsakato wesive Ligwalagwala FM ligocote lenyanga yekunakekelwa kwengcondvo yabobabe ngekunikela ngemaphasela ekudla kulamadvodza lavuka ekuseni atophandza ematoho ngekulindza emigwacweni lekhona lapha edolobheni leMbombela. Kukhuluma ngalomkhankaso simeme umhleli weluhlelo i-Mzansi Breakfast Show kuLigwalagwala FM lophindze abe ngulomunye webahleli balomkhankaso ngephansi kwelihledlwana iMasakhan...

Ngekusho kwelikhomishana lelengamele lukhetfo eNamibia, bangetulu kwa 1.4 million bantfu labebabhalisele kuvota  kulolukhetfo lwavelonkhe, futsi linyenti labo bantfu labasha. Lolukhetfo luchazwe njengalelitawudvonsisa matima inhlanganweni lebusako i SWAPO leseyibuse kulelalive iminyaka lengemashumi lamatsatfu nakune. Sicocisene nemhlatiyi wetepolitiki Sandile Swana...

Njengobe sewuvele usukunyiswe ngalokusemtsetfweni lomkhankaso wemalanga lalishumi nesitfupha wekulwa neludlame lolubhekiswe kubomake nebantfwana kulelive,  sifuna kukhuluma kabanti ngendzima lengadlalwa ngemadvodza kulokhankaso. Sicocisene nemsunguli wenhlangano yemadvodza leyatiwa ngekutsi Lisango Lemadvodza, uMfundisi Sipho Langa.

Sikhulu sesikhwama lesincesitela labo labamalimala etingotini temgwaco  i-Road Accident Fund (RAF), Collins Letsoalo, sewubite kutsi kwentiwe tingucuko kulesikhwama Utsi lendlela lesisebenta ngayo lesikhwama kwanyalo, sibonakala sicendzetela bantfu labadla imbuya ngelutsi futsi ikhutsata kutsi kubekwe umkhawulo weklufaikwa kweticelo tekuncepheteliswa. Lokhulumela iRAF McIntosh Polela utsi baphakam...

Umbiko lokhishwe yinhlangano lebukele kusentjetiswa kwetimali kulelive, i Olemera, uveta kutsi bantfu bakuleli bacitse imali lelinganiselwa ngetulu kwa 1-trillion wemarandi ngekugembula kulomnyaka wa 2024. Lenhlangano itsi letibalo tesenyuke nga 40 % nakucatsaniswa nemnyaka lophelile. Kukhuluma ngalendzaba simeme iCEO yeMpumalanga Gambling Board, Umnumzane Vusi Mtshweni.

Likhomishana lemalungelo eluntfu i-SAHRC esifundzeni se-Limpopo litsi litfole tikhalo letinyenti kulabo labahlala emapulazini, bakhala ngekucindzetelwa kwemalungelo abo. Lelikhomishana libambe umhlangano wemalanga lamatsatfu, lohlose kukhutsata kuhlalisana emangweni kanye nekwakha sive lesiphilisanako emapulazini aseLimpopo.  Sicocisane nemphatsi welihhovisi le Human Rights Commission eLimpopo, Vi...

Litiko letemahlatsi netemvelo litamukele letishukumiso letivele kulenkomfa beyikhuluma ngekugucugucuka kwesimo selitulu beyibanjelwe eBaku, eAzerbaijan. Kuletivumelwano letentiwe kulengcugcutsela, kubikwa kutsi kusuke umsindvo ngemali lekufanele kutsi emave latfutfukile ngetemnotfo ayifake kuze kulekelelwe emave lasatfutfuka ngetemnotfo kute akhone kumelana netinsayeya letibangwa kugucugucuka kwes...

Sewuvele usukunyiswe ngalokusemtsetfweni lomkhankaso wemalanga lalishumi nesitfupha wekulwa nekuhlukunyetwa kwabomake nebantfwana kulelive. Kukhuluma kabanti ngaloludzaba simeme Nkomishana Moltah Mavuso lophuma kuyo iGender Commission.

Umtimba lolawula ltemandla kulelive i-National Energy Regulator (NERSA) seyibita sive kutsi sibe yincenye yesiwombe sekulalelwa kweluvo lwebantfu, mayelana nesicelo sekunyusa gezi ilesifakwe yi-Eskom. Simeme Umnumzane Brian Sechothlo lokhulumela iNERSA.

Likhomishana lelengamele lukhetfo e-Namibia, i-Electoral Comission of Namibia (ECN)  litsi likulungele kuchuba lolukhetfo lwavelonke lekulindzeleke kukhetfwe umengameli lomusha kanye nemalunga ephalemende kusasa . Lolukhetfo luta ngemuva kwekushona kwaMengameli Hage Geingob ngenyanga yeNdlovana, esikhundleni sakhe kwangena liphini lakhe Nangolo Mbumba, lobambe kwesikhashana. Sicocisene nemhlatikyi...

Inyonyana yemaphoyisa i-SAPU itsi emalunga ayo asishaye ngenhlanekela lesiphakamiso sahulumende sekufuna kubakhuphulela liholo nga 4.7 percent. Lenyonyana icedza kuphotfula tinhlelo tekuyawutsatsisa kumalunga ayo. Tinyonyana tetisebenti tembuso tifuna kukhushulelwa liholo nga 7.5 percent.  Sicocisene nalokhulumela iSAPU Lesiba Thobakgale.

Inhlangano letimele i-Women on Farms Projects,  itsi kunemitsi yekubulala tinambutane leseyavalwa yi European Union kepha iyachubeka nekusetjentiswa kulelive, futsi hulumende uyakuvumela loko. Nyalo lenhlangano ibita kutsi ivalwe lemitsi kuphindze kwentiwe netaba tekucinisekisa kuphepha kwetisebenti tasemapulazini. Kukhuluma ngaloludzaba simeme lokhulumela inhlangano yebalimi i-African Farmers Ass...

Ligumbi letemphilo kuMhlabuhlangene libika kutsi siyandza sibalo sebantfu lababukana nenkinga yekungasebenta kwemakhambi emitsi lalwa nemagciwane emtimbeni yabo (Antimicrobial Resistance (AMR). Kuyiva kahle lendzaba sikhulumisana naDr Velile Ngidi.

Uyacala namuhla umkhankhaso lolwa nebudlova lobubhekiswe kubomake nabantfwana iI-16 Days of Activism For No Violence Against Women and Children. Lokucala kwalomkhankaso kufikisana nembiko we-HSRC lovete kutsi tiyandza tigameko tekuhlukunyetwa kwalabasikati. Sicocisene naZana Khumalo welitiko letekutfutfukisa tenhlalo eMpumalanga. 

Inhlangano yetemphilo emhlabeni iWHO ivete kutsi iAfrica leseNingizimu ihamba embili ngesibalo sebantfu labakhuluphele ngalokwecile. Lenhlangano itsi lucwnaingo lwayo lukhombisa kutsi bangemaphesenti langemashumi lasikhombisa bafati kantsi emadvodza angemaphesenti langemna-40, bonkhe labangetulu kweminyaka lengema-35 lebachazwe njengalabakhuluphele ngalokwecile. Sikhulumisana nasolwati ngetekudla,...

Inkantolo lenkhulu kulesifundza seMpumalanga inike masipala wase Nkomazi imvumo yekunciphisa tinyamatane e-Marloth Park. Loku kulandzela kutsi lomasipala akhale ngkutsi setigcwele kakhulu tinyamatane, futsi tiyafa ngobe atikutfoli kudla ngendlela lefanele. Kepha lamanye emalunga emphakatsi atsetse lendzaba ayimikisa enkantolo ngoba angahambisani nalesinyatselo.  Simeme lokhulumela masipala wase Nk...

Ngekusho kwelucwaningo lolwentiwe yiHuman Science Resource Council (HSRC) balinganiselwa ku 33 percent bantfu labasikati lebavakalise kutsi baphila ngephansi kwesimo sekuhlukumeteka kulelive. Lesikhungo sitsi nanobe ikhona imitamo leyentiwa nguhulumende kodvwa kusasekuyenti lekufanele kwentiwe njengoba basakhona bantfu labasikati labesabako kubhokoka nangabe bahlukunyetwa. Kukhuluma ngalolucwaning...

Inyonyana iAMCU itsi kufanele kube ngulenkapani beyisebenta kulemayini yaseStilfontein lekhipha labavukuzi labangekho emtsetfweni lebavaleleke ematfunjini emhlaba kuyo lemayini. Mengameli weAMCU, Umnumzane Joseph Mathunjwa utsi ngabe hulumende uyativula letimayini lekungena kuto ema zama-zama, bese kucashwa bona labantfu labemba ngalokungekho emtsetfweni kuze bakhone nabo kondla imindeni yabo.

Esigabeni setfu  semabhuku, namuhla sicubungula libhuku lelibhalwe ngu-Sbusiso Mashabane lelinesihloko lesitsi "Invent Your Own Weapons". Kutfola kabanti ngalelelibhuku, sinaye umbhali walo Sbusiso Mashabane...

I Eskom itsi itawuchubeka nekusita emakhasimende nasekwendlule lomncamlajucu wamhla ka-24 November 2024, ingce nje nangabe umuntfu awutsengile gezi. Lokhulumela iEskom Daphney Mokoena utsi lokubalulekile kwekutsi umuntfu acale ngekutsenga gezi bese emvakwaloko sewutfola letinombolo tekubhalisa kabusha tigubhu tabo.