Ligwalagwala FM Current Affairs

Umhlaba wonke ubungata liviki lekubelekwa kwebantfwana sikhatsi singakefiki. Babelekisi baphumile bafundzisa ngetintfo letibanga loko babuye bagcugcutela bomake labatetfwele kutsi bahambele imitfolamphilo kuze bahlolisiswe kahle. Sicocisana nadokotela wabomake Nkosinathi Manana.

Sikhulumisana nentsatseli ye-SABC Zoleka Qodashe mayelana nekucoshwa kwamengameli waphambilini we-ANCi Jacob Zuma.

Inkantolo yemacala ebugebengu emhlabeni, i- International Criminal Court (ICC) seyikhiphe tincwadzi letigunyata kuboshwa kwaNdvunankhulu wakaIsraeli, Benjamin Netanyahu  kanye nalowake waba yindvuna yetekuvikela, Yoav Gallant,  kanjalo nemkhuti wemasotja eHamas, Mohammed Diab Ibrahim al-Masri, lekusolwa kutsi kungenteka wabulawa. Sicocisene nemhlatiyi wetembangave Njingalwati Bheki Mngomezulu.

Indvuna yetindzaba tagezi, Kgosientso  Ramakgopa, utsi iEskom itawungeta sikhatsi sekusebenta kuze ikhone kusita emakhasimende lasafuna kubhalisa kabusha tigubhu tawo tagesi we-prepaid. Loku kungenca yekugcwala kwebantfu emahhovisi akaEskom njengoba bafuna kuhlangabetana nemncamlajucu wamhla ka-24 November 2024, lekunguleLisontfo lesiya kulo. Sikhulumisana nentsatseli ye SABC Calvin Dludla.

Tibalo letikhishwe ligumbi lelibuke tindzaba tebantfwana kuMhlabuhlangene tikhombisa kutsi kubulawa lokungenani bantfwana labatsatfu ngelilanga kulelive. Bantfwana lekukhulunyisenwe nabo ngalesikhatsi kubungatwa lilanga lebantfwana bavakalise kutsi batfuka tanya, futsi sebasaba nekuhamba etitaladini. Simeme sonhlalakahle lovela kaChildline kulesifundza seMpumalanga Prudence Manzini

Likomiti lelibukele umgomo wetetimali kusilulu semabhange lincume kwehlisa i repo rate nga25-basis-points, lesekwenteka kwesibili kulandzelana. Kubuka kutsi ingabe loku kusho kutsini simeme umetfuli wetifundvo temnotfo eUMP, Njingalwati Vusi Gumede, nalosandza kucokwa njengelilunga lesigungu lelicebisa umengameli ngetemnotfo. Gumede ubhale nelibhuku letemfondvo ngekubambisana naletinye tetitjudeni...

Kunekukhala ngalesikhatsi semalanga langemashumi lamabili nakunye lesimenyetelwe ngumengameli Cyril Ramaphosa kutsi siniketwa bosomabhizinisi labancane kwekutsi bayobhalisa ngalokusemtsetfweni emabhazinisi abo ikakhulukati latsengisa kudla. Sicocisene nelisekela lendvuna letemabhizinisi lamancane Jane Sithole...

Kunenhlekelele lebonakala itawenteka nobe nini kumasipala waseNkomazi kulesifundza seMpumalanga. Imbangela yaloku kwekutsi kunebahlali lebancuma kwakha tindlu tabo dvutane kumbe etikweliphayiphi lelihambisa i-gas yase-Sasol. Labahlali balet e-Stentor, e-Mjejane, Kamashayane, kanye nase- Impala batsi letitandi batitsengiselwa baholi bendzabuko. Intsatseli yeSABC Motsebi wa Monareng uyasibikela.

Kutawunabela ebangeni lesine kufundzisa ngelulwimi lwelibele etikolweni takulelive. Loku kwamenyetelwa nguloyi abeyindvuna yelitiko lemfundvo lesisekelo, Angie Motshekga. Namuhla bekuhlangene tinjulabucopho kutewubonisana ngetindlela lekutawetfulwa ngato loluhlelo kulomnyaka lotako. Kepha kuyikhuluma kabanti lendzaba simeme lisekela lendvuna yelitiko lemfundvo lesisekelo, Dr Reginah Mhaule.

Umbiko lokhishwe ngumtimba lowenta lucwaningo kulelive iSouth African Human Sciences Research Council ukhombisa kutsi bomake bakulelive labangemaphesenti langemashumi lamane babike kutsi bake bahlukunyetwa enyameni nangekwemacansi emphilweni yabo. Simeme indvuna lebukene netindzaba tabomake bantfwana nalabakhubatekile ehhovisi lemengameli, Sindisiwe Chikunga kutikhuluma ngalombiko.

Kulandzela kukhululwa kwetibalo letishwacisa lugogo tekuhlukunyetwa kwabomake kulelive, kube nekukhala ngekunganakwa kwabobabe kanye nekufela ngekhatsi kwabo bangabhoboki ngetinkinga lebabukene nato. Kukhuluma ngalendzaba simeme umsunguli wenhlangano letibita ngekutsi Ungazibulali Awareness Campaign, Umnumzane Nkululeko Khanyi.

Lihhovisi letekutfutfukisa umkhakha wetekwakha, i-Construction Industry Development Board i(CIDB), belibambe umhlangano lomkhulu wavelonkhe kukhulunywa ngetindzaba letiphatselene netekwakha eThekwini itolo. Kulokunye lomhlangano bewubonisana ngetindlela tekufukula lomkhakha wetekwakha nekucinisekisa kuvikeleka kwalabatsintseka kulomkhakha ebugebengwini lobufaka ne-extortation. Sicocissana nesikhul...

Umbiko lolukhishwe ngumtimba lowenta lucwaningo kulelive, iSouth African Human Sciences Research Council, uvete kutsi bomake bakulelive labangemaphesenti langemashumi lamane bavakalise kutsi bake bahlukunyetwa enyameni nangekwemacasi emphilweni yabo. Sikhulumisana neMnumzane Lucky Masango lovela enhlanganweni yabobabe kulesifundza seMpumalanga.

Inhlangano yalabangaboni emehlweni kuleli i-Blind SA beyimashele emahhovisi amasipala lomkhulu weHlanzeni eMpumalanga, namuhla ikhala ngekutsi lomasipala akatisukumeli tikhalo tabo.  Kepha kuyikhuluma kabanti lendzaba sikhulumisana nasihlalo weBlind SA eMpumalanga, December Nkosi, kanye nalokhulumela masipala waseHlanzeni Lucky Ngomane kutopjhendvula ngaletinsolo.

Loludzaba lwebavukuzi labangekho emtsetfweni lebavaleleke ematfunjini emhlaba e-Stillfontein esifundzeni sase North-West selusenkantolo. Inhlangano yemango -Society for the Protection of our Constitution ifake sicelo enkanyolo lephakeme e Pitoli ngenhloso yekufuna kucindzetela hulumende kutsi kusitwe labantfu lebavaleleke ematfunjini emhlaba. Simeme sati setemtsetfo Mpumelelo Zikalala kutewubuka l...

Masipala waseHlanzenI utsi ukulungele kumelana nesibalo sebanikati betitodlwana letitsengisa kudla lebafuna kutobhalisa ngalokusemtsetfweni. Loku kuta ngemuva kwekutsi Mengameli Cyril Ramaphosa amemetele esiveni kutsi titolo letitsengisa lokudliwako letifaka ekhatsi tiphaza kufanele tiyobhalisa kubomaspala letisebenta ngephansi kwabo kungakapheli emalanga langemashumi lambili nakunye. Sicocisana n...

Inkantolo yamantji eCalcutta eMkhuhlu kulesifundza seMpumalanga, ilihlehlisile licala la Patrick Ntiwane (45), losolwa ngekujuba tandla tesingani sakhe ngaSeptember nyakenye. Ntiwane bekasolo agcwele tiganga ladzine lamshonela kuleliviki leliphelile. Intsatseli yetindzaba kaSABC, Mthobisi Mkhaliphi usihlangisele lombiko

Babanjwe inkundzi bantfu lebekumele babelane imali yestokfela Tsianda nase Ha-Mashau ngaphandle kancane kwase-Thohoyandou e-Limpopo. Lombiko lohlanganiswe ngu Rendani Raliphaswa siwetfulelwa nguVusi Shongwe.

Umbiko lolukhululwe ngumtimba lowenta lucwaningo kulelive uvete kutsi bomake labalinganiselwa emaphesentini langemashumi lamane bakulelive bake bahlukunyetwa ngekwemacansi. Sikhulumisene naBathandwa Ngomane lovela enhlanganweni lelwisana nekuhlukunyetwa kwabomake nebantfwana iTotal Shutdown.

Uyacala namuhla e-Brazil  umhlangano wemave langephansi kwe-G20. I Ningizimu Africa itawuniketwa ngalokusemtsetfweni sihlalo sekwengameli iG20 kulomhlangano loseRio. Kubuka kabanti ngalengcungcutsela, sikhulumisana nemcwaningi wakhona lapha ka-SABC, Velemseni Mthiyane.

 I-National African Federated Chamber of Commenrce and Industry (NAFCOC) ishayele hulumende lihlombe ngalemitamo layimemetele lehlose kubukana nalendzaba yetiphaza letigcwele emalokishini. Loku kulandzela kwekutsi mengameli  Cyril Ramaphosa amemetele kutsi lamabhizinisi atiphaza kufanele abhaliswe ngalokusemtsetfweni  kungakapheli emalanga langema-21.  Sicocisena namabhalane weNAFCOC eMpumalanga,...

Njengoba kusondzela emaholide akhisimusi emalunga etitokfela ayacelwa kutsi asebentise bucwepheshe kuze alwe netehlakalo tekutidvonsela tigebengu nasebabelana imali. Sikhlumisana neMnumzane Andrew Lukhele lovela kuSouth African Stokvel Association.

Emabhange lamane lamakhulu akulelive leningizimu Africa lafaka ekhatsi  iFNB, Standard Bank, Nedbank neABSA anciphisa emagatja awo kulo lonke lelive. Loku kulandzela kutsi emabhage asukumise tinhlelo tekutfutfukisa kusebenta kwawo ngetebucwepheshe. Kukhuluma ngalendzaba sicocisana Siphumelele Zondi uloyi-Multimedia Lecturer eDurban University of Technology.

Namuhla kuhlangana iminyaka lengemashumi lasikhombisa nesihlanu kwanteka ingoti yesitimela leyandlula nemphefumulo webantfu baseMozambiki labangemashumi lasitfupha nakutsatfu eWatervalboven leseyatiwa ngeMgwenya nga1949. Kutfola kutsi kuhlelweni lonyaka asamukele umphatsiswa welitiko letemasiko, temidlalo nekukhibika kulesifundza  se Mpumalanga,  Leah  Mabuza.......

Esigabeni setfu  sekucubungula emabhuku, namuhla sikhuluma naNozi Zwane lobhale Iibhuku lelitsi Vision Board Book For Women. Kubuka kutsi lelibhuku likhuluma ngani sicocisana naye Nozi.