Ligwalagwala FM Current Affairs

Kube netinkulumo mayelana nekulondvoloteka kwemisamo yemagugu (museums) kulelive leNingizimu Africa. Bantfu labanyenti bavamile kuvakashela indzawo yesikhumbuto i-Samora Machel Monument lapho bafike batfole umsamo lobakhamela lwati ngalengoti yekuphahlateka kwendiza. Ingabe isekhona inzima ledlalwa ngema-museum emiphakatsini lesihlala kuyo? Wona ema-museum, ingabe asekhona futsi ayanakekelwa? Sico...

Inhlangano yabodokodela kuleli i SAMA, icwayisa banftu bakuleli  kutsi  banganatsi tjwala ngalokundlulele  nganasi sikhatsi  semaholide ebunadzi. Lenhlangano iphindze yaveta kutsi ngetulu kwekunatsa kakhulu, bantfu baphindze basebentise netidzakamiva. Kuyivisisa kancono lendzaba nekutsi ubona njani kutsi sewunenkinga asamukele Dr Simangele Nkosi longu dokodela lotimele khona la e Nasipoti.

Namuhla bantfu baseGhana bayovota elukhetfweni lwavelonkhe kulelive. Inhlangano yebunye bemave e Africa itsi tincapheli telukhetfo setivele tifikile eGhana kutewucinisekisa kubanjwa kwelukhetfo lolukhululekile nalolungakhetsi.  Kubuka lolukhetfo lwaseGhana, simeme umhlatiyi wetindzaba tepolitiki Prof Bheki Mngomezulu.

Tangoma telitulu tecwayisa kutsi utawuchubeka lomswakamo wekushisa ngemandla etifundzeni letifaka ekhatsi i-Limpopo, Mpumalanga,Gauteng kanye ne-KwaZulu Natal. Kubuka kutsi lokushisa kunawuphi umtselela kubalimi sicocisene namengameli we-National Farmers Union i-NAFU kulesifundza Jabu Mahlangu.

Kunetimphunga tahulumende letikhala ngekutsi atikayitfoli imali yato yanga-Oktoba letinye titsi atikatfoli yangaNovember yesibonelelo lesichamuka kaSASSA.. Batsi sebangcingce kulamahhovisi kuze kufutsa tinyawo kepha lusito abalutfoli. Sicocisene nalokhulumela iSASSA kulesifundza seMpumalanga Senzeni Ngubeni

Litiko letetfutfukisa temnotfo netekuvakasha kulesifundza seMpumalanga lisingatse umhlanganosikolwa kutobonisana ngekusungulwa kwenchumomgomo lehlose kulwa netehlakalo tekugula lokubangwa kudla kwasetiphaza. Kukhuluma kabanti ngalendzaba simeme i-Acting Director Business Regulations and Governance, Umnumzane Bonani Dube

Lelitsimba lelitakula labavukiti labangekho emtsetfweni emayini yase-Sabie kulesifundza seMpumalanga selitsetse sincumo sekuwumisa kwesikhashana lomsebenti nganca yekucabangela tekuphepha. Sikhulumisebe nentsatseli ye-SABC Motsebi Monareng lolandzela lombiko

Ikomidi yelitiko letekuhweba, timboni kanye nekuncintisana ePhalamende itsi ifuna kuhlangana nemabhange nakusuka lomnyaka lotako kutobonisana ngetintfo letitsite. Sihlalo walekomiti Mzwandile Masina utsi kulula kutfola sikweleti setintfo letingenasidzingo kulelive kepha kulukhuni kubolekwa imali nawufuna kwenta libhizinizi. Simeme umhlatiyi wetemnotfo, Khaya Sithole.

Inkantolo lephakeme e-Mbombela kulesifundza se-Mpumalanga isihocisile sincumo sekucoshwa kwemhlelembisi wenhlangano iMK Party kulesifundza, Mary Phadi. Lenhlangano icoshe Phadi ngenyanga lephelile ngetinsolo tekusebentisa budlabha timali tenhlangano.  Phadi utsi bekangaphikisani nalenhlangano yakhe kepha bekacondzisa emanga lakhulunywe ngaye. Utsi lesincumo senkantolo sisho kutsi ubuyele emsebenti...

Emaphoyisa nebelusito loluphutffumako kulesifundza seMpumalanga kulindzeleke bachubekje namuhla kutakula labavukuti labangekho emtsetfweni lebavaleleke emayini lengasasebenti e Sabie. Kubikwa kutsi balinganiselwa ku 150 labozama zama lebavaleleke kulomgodzi. Sicocisene nentsatseli yetfu Motsebi wa Monareng kanye na Brigadier, Donald Mdluli lokhulumela emaphoyisa alesifundza

Esikhatsini lesinyenti nakuba netehlakalo tekuhlukumeta emindenini kuyake kukhohlwe ngesimo sebantfwana lebakhula ngaphansi kwalobobudlelwane. Ngekusho kwabosolwati tehlakalo tekuhlukumetana emindenini tivame kushiya tibati letihlala unomphela emntfwaneni. Sicocisene naloceceshelwe kweluleka ngekwengcondvo losebenta kakhulu ngebantfwana, Nokwanda Nobunga.

Umkhakha wetimayini kulelive ubukene netinsayeya letimbalwa letifaka ekhatsi kudendwa kwetisebenti, kuwa kwemanani ekutsengiswa kwemikhicito yasetimayini kanye nekuhlelwa kabusha kwetimayini. Sikhuluma nje kunebavukuti labangekho emtsetfweni lekusolwa kutsi bahleli emgodzini waseStillfontein. eNorth West, kantsi kunalabanye labalinganiselwa ku-150 lebavaleleke emayini lengasasebenti eSabie kulesif...

Tiyandza tehlakalo tekuminta kwebantfu emifuleni nakuma-swimming pool kantsi kunekukhatsateka kutsi letehlakalo tingahle tenyuke njengoba linyenti liya kumaholide akhisimusi futsi nelilanga liyashisa. Sikhulumisana naChipa Mavuso lophuma etikweni letekubusa ngekubambisana nebaholi bendzabuko kanye nekuhlaliswa kwebantfu eMpumalanga.

Mengameli Cyril Ramaphosa wente tingucuko kukhabinethi lakhe itolo ebusuku. Indvuna yelitiko letekuhlaliswa kwebantfu, Mamoloko Kubayi, ubekwe njengendvuna yelitiko letebulungiswa nekutfutfukiswa kwemtsetfo sisekelo,. Kantsi lebekaphetse lelitiko, Thembi Simelane, sewunikwe litiko letekuhlaliswa kwebantfu. Sicocisene nemhlatiyi wetepoliti Sandile Swana ngaletingucuko.

Njengoba bekugocotwa inyanga yebantfu labakhubatekile kulelive, tisasetinyenti tinsayeya letibukene nebantfu labakhubatekile.  Namuhla sibuka tingcinamba letihlangabetana nebantfu lebangaboni emehlweni. Simeme sihlalo weBlind SA eMpumalanga, December Nkosi.

Ngekusho kwadokotela wesikhumba, Dkt Khensani Ngobeni utsi lamazinga lasetulu ekushisa angahle abange tiinkinga nekugula lokutsite emitimbeni yebantfu.  Dkt Ngobeni usichazela ngetintfo bantfu lekufanele batente kuze bativikele kulokushisa kwelilanga.

Tangoma telitulu tikhiphe secwayiso sekutsi emazinga ekushisa angahle endlule 37 Degrees Celcius kusukela namuhla etifundzeni letifaka ekhatsi i-Mpumalanga, iGauteng, Limpopo neKwaZulu Natal. Simeme sangoma selitulu lesisebentela esikhumulweni setindiza iKMIA, Jola Chibi kutewubuka naye lesimo selitulu.

Umphatsiswa welitiko letekuphepha kwemphakatsi, kuvikeleka nekuchumana kulesifundza se Mpumalanga Jackie Macie wemukele ngalokusemtsetfweni emawada lasemasha kuze alekelele emitamweni yekulwa nebugebengu. Umphatsiswa Macie utsi ngemuva kwekuceceshwa lamawada atawutfunyelwa etiteshini temaphoyisa letingemashumi layimfica kulesifundza. 

 Inhlangano i-Treatment Action Campaign seyicele litiko letemphilo kutsi linikete bantfu labane HIV/AIDS imishwanguto letabachuba lokungenani tinyanga letisitfupha. Indvuna yetemphilo Aaron Motsoaledi wetsembise kutsi batawenta taba tekutsi iyatfolakala lemishwanguto letawutsatsa tinyanga letisitfupa. Sicocisane nelitiko letempilo kulesifundza se Mpumalanga kutotfola kutsi kwanyalo babanika njani...

Inhlangano lebukele kusebenta kwemincele iBMA imemetele ngetinhlelo letawube isebentela kuto eminceleni yakulelive kulamahode ekuphela kwemnyaka. Lenhlangano itsi balinganiselwa etigidzini letisitfupha bantfu lebawela eemagedeni akulelive. Kukhuluma ngalendzaba simeme lisekela laNkomishana waka-BMA, Jenene David Chilembe

Emasotja emtimba asebenta njengabologadza labavikela umtimba emagciwaneni nasetifweni. Emasotja emtimba aphindze acinisekise kusebenta kahle kwemitsambo lehambisa ingati aphindze abulale lamagciwane lasuke ete kutohlasela umtimba. Kukhuluma kabanti ngekubaluleka kwemasotja emtimba simeme dokotela lotimele, Dr Sifiso Nxumalo.

Umholi  wenhlangano ye MK Party Jacob Zuma utsi ukholelwa ekutsenii kusungulwa kwalenhlangano kube yincophamlandvo kupolitiki yalelive. Kulenyanga lenhlangano ihlanganisa umnyaka yasungulwa, kantsi seyicalile kubamba imibutsaoi yekugubha lokuhlanganisa kwayo umnyaka..Sikhulumisana nemhlatiyi wetembangave Prof Bheki Mngomezulu.

Ngekusho kwelucwaningo lolwentiwe yiHuman Science Resource Council (HSRC) balinganiselwa ku 33 percent bantfu labasikati lebavakalise kutsi baphila ngephansi kwesimo sekuhlukumeteka kulelive. Lesikhungo sitsi nanobe ikhona imitamo leyentiwa nguhulumende kodvwa kusasekunyenti lekufanele kwentiwe njengoba basakhona bantfu labasikati labesabako kubhokoka nangabe bahlukunyetwa. Sicocisana nadokotela l...

Ngekusho kwelucwaningo lolwentiwe sikhungo lesicwaninga ngebantfwana eNyunivesi yase-Cape Town, kuncane lokwentiwa ngulelive kuvikela bantfwana futsi ludlame lolubhekiswe ebantfwaneni lutipha emandla ngetulu kwekuba khona kwemitsetfo lelwa nalomkhuba. Kukhuluma ngalendzaba yekuvikelwa kwebantfwana, simeme Dumisile Nala lochamuka ka-Child Line,

Bantfu besilisa bakulelive bakhutsatwa kutsi bayosoka bangaze bamele kutsi kube sebusika. Ngekusho kwenhlangano lengekho ngaphasi kwahulumende i Right to Care, seyisoke bantfu besilisa labangetulu kwa 1.6 million. Lokhulumela iRight to Care Zodwa Mamba utsi kusoka kunciphisha ematfuba ekusuleleka ngeligciwane le-HIV kanye naletinye tifo.