Ligwalagwala FM Current Affairs

Njalo ngemnyaka live leningizimu Africa ligubha lilanga lekubuyisana mhlaka 16 December. Lilanga lapho kugcugcutelwa bantfu kutsi babuyisana, bacolelane. Simeme Ronnie Masilela  loyi life coach kutokhuluma naye ngalendzaba.

Kufaka sehlukaniso enkantolo kuvame kuba yintfo letsatsa sikhatsi ikakhulukati nangabe bantfu bangavumelani ngalokutsite noma emkhatsini walaba labablili ukhona longafuni kufaka lesihlukaniso.  Simeme Thenjiwe Nkosi losati ngetemtsetfo kantsi uphindze aluleke labo lebafake sehlukaniso.

Sewusondzele umncamlajucu webanikati betitolo letincane kumbe tiphaza kutsi babhalise lamabhizinisi abo ngalokusemtsetfweni. Sati setemnotfo Khaya Sithole, utsi lelive lehlulekile kuliphatsa ngendlela ngendlela lefanele loludzaba

Esigabeni setfu semabhuku, namuhla sicubungula libhuku lelibhalwe ngu-Dr Danke Sizakele Matsebula lelinesihloko lesitsi "The Widows Struggles in South AfrIca". Lelibhuku likhuluma kabanti ngebumatima lobubukana nebafelokati nabacedza kushonelwa ngemadvodza abo. Sikhulumisana naye umbhali walelibhuku Dr Sizakele Matlabe-Danke

Simo solo sisashubile emnceleni iLebombo longena eveni lase-Mzambiki. Mthobisi Mkhaliphi usihlanganisele lombiko.

Litiko letemfundvo esifundzeni seLimpopo selicele batali kwekutsi basekele bafundzi lebangakaphumeleli emabanga labakuwo lomnyaka. Lelitiko litsi bafundzi lababili lebenta Grade10 esigodzini saseVhembe batibulele kuleliviki ngemuva kwekutfola kutsi bafeyilile. Sicocisana nekhansela lephuma kuSADAG Fatima Kate.

Sewuyasondzela umncamulajucu wekubhalisa ngalokusemtsetfweni tiphaza takuleli. Lomncamulajucu wamenyetelwa ngumengamelim Cyril Ramaphosa kulandzela tehlakalo tekushona nekugula kwebantfwana ngemuva kwekudla kudla lokunebutsi labakutsenge etiphaza tasemalokishini. Lokhulumerla masipala waseNkomazi Cyril Ripinga utsi tonkhe leticelo lebatitfolile, linyenti lato letifakwe bantfu labachamuka ngaphandl...

Lisekela lendvuna yelitiko lemfundvo lephakeme nekucecesha, Buti Manamela likhutsata labo lebafuna kwelekelelwa ngetimali tekufundza etikhungweni temfundvo lephakeme kutsi banonophe bafake ticelo tabo ku-NSFAS, njengoba umncamlajucu umhla tilishumi nesihlanu kulenyanga. Lokhulumela i-NSFAS  Umnumzane Ismail Mnisi uyachaza

Litiko letasekhaya selingete sikhatsi sekusebenta ngema-awa lamabili kudzimate kube ngumhla ka-20 kulenyanga. Lelitiko litsi emahhovisi alo sekatawuvala ngensimbi yesitfupha ntsambama ngenhloso yekufuna kusita bantfu lebafuna emadokhumende lafana nema-ID, passport nalokunye. Sicocisene nemphatsi welitiko letasekhaya kulesifundza, Ndalisa Jele…

Inhlangano iATM ibita kutsi kusungulwe futsi kwetfulwe luhlelo lolwatiwa nge-Combined DNA Index System (CODIS) kuze kuliwe nekwandza kwesibalo semacala ekugagadlela langasombululeki. Lokhulumela iATM, Zama Ntshona.

Sikhungo lesilawula kutsengiswa kwetjwala kulesifundza seMpumalanga siyawube siphume ngetinkani sicinisekisa kulandzelwa kwemtsetfo etindzaweni letitsengisa tjwala kulesifundza. Lesikhungo kulindzeleke silandzele nalabo labatsengisa tjwala bangenamvumo. Kukhuluma kabanti ngalomkhankaso sicocisana nemnumzane Elijah Mamba lovela eMpumalanga Economic Regulator

Sikhwama lesincesitela bantfu labatfole tingoti temgwaco (RAF), sitsi kunemkhuba lesewucala kutipha emandla lapho bantfu batiphonsa ngamabomu etimotweni letihambako kuze batoncesitelwa ngulesikhwama. Lesikhwama sikhiphe secwayiso lesitsi angeke sitibhadale  ticelo  tetigameko letinjalo. Sicocisene nalokhulumela iRAF, uMnuzane McIntosh Polela.

Lihhovisi lemgcinimafa litsi licabanga kwenyusa kakhulu intsengo yetjalwa njendlela yekulwa nalenkinga yekubhubhudlwa kwetjwala kulelive . Umgcugcuteli wenhlangano yebatsengisi betjwala Umnumzane Lucky Ntimane utsi lesinyatselo sahulumende singahle sandzise lomkhuba wekutsengiswa kwetjwala lobungekho emtsetfweni. 

 Indvodza yasePolokwane leneminyaka lengemashumi lamane budzala ifuna kubona kwenteka bulungiswa ngesehlakalo sekugagadlela lekusolwa kutsi senteka eminyakeni lengemashumi lamabili nesihlanu leyengcile. Kusolwa kutsi lendvodza yagagadlelwa ngemalunga lamabili elibandla ineminyaka  lelishumi nakunye nga-1999. Simeme sati semtsetso Umnumzane Mpumelelo Zikala lovela ku-Zikalala Attorneys

Mabhalane jikelele we -SAFTU  Zwelinzima Vavi sewuhalalisele Nico Ndima losandza kukhetfwa njenge-Mengameli we Food and Allied Workers Union i- FAWU, lekungulenye yetinyonyana letingaphansi kwe-SAFTU . Ndima, longumuntfu lomusha  lodzabuka e-Nkomazi kuso sifundza se-Mpumalanga, phambilini uke wabamba tikhundla letinyentana  kulenyonyana ye-FAWU.  Sicocisane naye lomengameli lom...

Inhlangano yemango i-South African National Civics Organisation (SANCO) itawumashela e Union Building e Pitoli kusasa ngenhloso yekuvakalisa tikhalo letahlukahlukene kumengameli walelive. Sinalokhulumela lenhlangano kulesifundza se Mpumalanga Nkosi Godfrey Nkgate.

Sekusele emalanga lamatsatfu kutsi kufike umncamula-jucu wekwetfulwa ngalokuphelele kwemtsetfo i-BELA Act.  Ngenyanga yeNyoni mengameli Cyril Ramaphosa wawujsayina waba semtsetfweni lomtsetfo kepha welula ngetinyanga letintsatfu sigaba 4 na-5 kutsi kuboniswane ngato njengoba tinhlangano letifana neDA tevakalisa kugongonyeka ngendlela letibhaleke ngayo. Kantsi inyonyana yabothishela itsi kunin...

Bantfu labasiphohlongo lababekwe licala lekutfumba, kumba igolide ngalokunge emtsetfweni kanye nekwephula umtsetfo wekungena kwetifiki eveni, babingelele inkantolo yamantji eSabie, eMpumalanga. Labantfu basolwa ngekuba bobhongoza labatfumba lalabanye bantfu bekuchamuka babaphocelela kutsi bayongena emgodzini bembe igolide ngalokungekho emtsetfweni. Intsatseli yetfu Motsebi wa Monareng uyasiikela.....

Emaphoyisa atsi sekabophe labemba igolide ngalokungekho emtsetfweni labangetulu kwetinkulungwane letingema-50 etifundzeni letahlukene takulelive kusukela acala  umkhankaso wawo i-Operation Vala Umgodi. Katakulwe labanye labalibangiselwa ekhulwini nemashumi lasihlanu lebebavaleleke emgodzini wemayini lengasasebenti eSabie kulesifundza seMpumalanga. Yini ledvonsa labantfu lebabitwa ngemaZama-Za...

Indvuna yetekutfutsa kulelive Barbara Creecy bekavakashele umncele waseLebombo kutowetama kucinisekisa kutsi usebenta kahle ngalamaholide akhisimusi. Loku kulandzela imibiko letsi kuphindze kwaphatamiseka kungena nekuphuma kwebantfu kulomncle lowehlukanisa iNingizimu Africa neMozambiki ngemphelasontfo. Lisekela laNkomishana weBorder Management Authority, General David Chilembe wecwayisa bantfu kut...

Emalunga enhlangano yemaphoyisa emango Ehlanzeni (iCPF) abemashele emahhovisi ahulumende wesifundza seMpumalanga afuna kucaciselwa kahle ngaloluhlelo lekucashwa kwalaba lebabitwa ngema-wada latowelekelela ekulweni nebugebengu. Kuleliviki leliphelile umphatsiswa welitiko letekuphepha, kuvikeleka kanye nekuchumana eMpumalanga, Jackie Macia, wemukele ngalokusemtsetfweni licembu lekucala lalamawada. K...

Kubambisana kwemacembu emavukelambuso kufake sandla ekukhishweni kwamengameli wase Syria esikhundleni, Bashar al -Assad. Loku kuvakaliswe ngumncwaningi lomkhulu esikhungweni i-Mapungubwe Institute for Strategic Reflection  (MISTRA), Na'eem Jeena, lose DOHA e Qatar. Phambilini lamacembu emavukelambuso amemetele kutsi Al Assad ubalekile, keoha kjwangevakali kutsi ubalekelephi.  Sicocisene nemhlatiyi...

Kubikwa kutsi sewuvuliwe umncele wase-iLebombo, kulandzela imibiko letsi uke wavalwa kancane ngemphelasontfo.  Sicocisene nentsatseli yetfu Motsebi wa Moreng kuva kutsi ngekwati kwakhe bekwentekani kulomncelke ngemphelasontfo, kantsi siphindze sikhulumisane nemphatsiswa welitiko letekuphepha kwemphakatsi, Jackie Macie.

Inhlangano i OUTA itsi kusetjentiswa kabi kwemali yesive kuyachubeka nekuba yinkinga lenkhulu kulelive. Lenhlangano ivete loku njengaloku namuhla kubungatwa lilanga lekulw anenkhohlakalo emhlabeni i-nternational Anti-Corruption Day .  Sicocisene nasihlalo wePublic Service Commision, Professor Somadoda Fikeni.

Mengameli Cyril Ramaphosa utawube avakashele lesifundza seMpumalanga kuleliviki lesilicalako. Ndvunankhulu Mandla Ndlovu usichazela ngetizatfu talokuvakasha kwemengameli.