Ligwalagwala FM Current Affairs

Likomishana  lemalungelo eluntfu  kulelive licale tinkhundla tekulalela tikhalo temphakatsi mayelana neluhlelo lwekucima gezi i-load reduction. Sicocisene nelibamba lenhloko yetemtsetfo kulelikhomishana, Shirley Mlombo.   

Kuphumela matekutjeni ngesigaba se- Bachelor's Pass akusho kutsi sotawuvele wemukeleke enyunivesi. Ngekusho kwemanyunivesi bafundzi kufanele bacinisekise kutsi batfola emaphuzu lanele ekwemukelwa ngekulandzisa kweluhlelo lolubitwa nge-Admission Points Score (APS). Kukhuluma kabanti ngalendzaba sicocisene Nokukhanya Shongwe loyi Deputy Registrar: Academic Administration e-University of Mpumalanga.&...

 Mengameli wakuleli Cyril Ramaphosa setiphendvulile letinsolo letentiwe ngumlingani wakhe wase Melika, Donald Trump. Mengameloi Ramaphosa utsi iNingizimu Africa ayizange seyimuke labanye umhlaba njengoba kushito Trump. Umhlatiyi wetembangave Thulisa Ndlela utsi kute umtsetfo eNingizimu Africa lokhutsata kuphucwa kwalabanye umhlaba. Ndlela utsi Trump bekufanele acale akhulumisane nalomlingani...

Lichubekile nekuntengantenga lirandi kulandzela sitatimende semengameli weleMelika Donald Trump ngalelive. Sikhulumisene nasomntfo lovela kuNkunzi Wealth Group, Umnumzane Owen Nkomo

Umndeni wakaShabangu e Schoemansdal ukhala ngekutsi emaphoyisa endzawo ehlulekile kusukumela etulu ludzaba lwawo. Loku kulandzela tinsolo tekushaywa kwelijaha lakulomndeni lekusolwa kutsi kwentiwe ngumakhelwane nalabanye bekahamba nabo. Sikhulumisene nasesi lomkhulu wakulomndeni.

Emaphoyisa akulesifundza seMpumalanga atsi aphenya emacala lavulwe ngulemindeni lemibili yase-Schoemansdal lekusolwa kutsi iyalwa. Lokhulumela emaphoyisa Brig. Donald Mdhluli uyasichazela.

Kuboshwe umholi wendzabuko loneminyaka lengamashumi lamabili nemfica ngelicala lekushaya kulandzela kusabalala kwe Video enkundleni yetekuchumana lapho kubonakala khona ashaya gogo loneminyaka lengamashumi lasiphohlongo e-Eliotdale e-Mpumalanga Kapa.  Mengameli weCONTRALESA Kgosi Mathupa Mokoena utsi lendvodza kufanele aphucwe lesihlalo sebukhosi ngoba asiyifaneli lesikhundla sekuhola sive.&n...

I NERSA isivumele sicelo seEskom sekufuna kukhuphula gezii, yatsi ayichubeke iwukhuphukle nga-12.7%. Inhloko yetekuchumana eNERSA, Charles Nhlebela uyachaza.

Inyonyana yetisebenti iSAFTU seyivakalise kukhatsateka nmgesincumo seNERSA sekuvumela iEskom kutsi ikhuphule intsengpo yagezi nga-12.7%. Lokhulumela lenyonyana Zwelinzima Vavi uyasichazela.

Esigabeni setfu semabhuku, namuhla sicubungula libhuku lelinesihloko lesitsi "The Power of Words" lelibhalwe ngu Apostle Dumisani Nxumalo. Kukhuluma kabanti ngalelibhuku, sinaye umbhali walo, Apostle Nxumalo.

Inhlangano i- African Transformation Movement ( ATM) yenta lubito lwekutsi kuvikelwe libhange iIthala Bank kanye nemsebenti walo lomuhle beliwenta.  Lenhlangano itsi kuleminyaka lengu 60 leyengcile lelibhange ngilo belisita bantfu balelive labahlala etindzaweni letinganakwa mabhange lamakhulu, ikakhulukati esifundzeni saKwaZulu Natal. Lokhulumela i-ATM Zama Ntshona uyacacisa.

Ngekusho kweCancer Association of South Africa (CANSA), iNingizimu Africa inesibalo lesisetulu setehlakalo temdlavuta wesikhumba emhlabeni ilandzelka iAustralia. Tibalo tikhomba kutsi bantfu bakulelive basengotini lenkhulu yekungenwa ngumdlavuta wesikhumba ngenca yemisebe yelilanga leshisa kakhulu. Sicocisene nadokotela losebenta ngetifo temdlavuta ebantfwaneni, Dr Thandeka Ngcana.

Lisukunyiswe namuhla luhlelo lwe e-impilo electronic medical record system kumasipala weSteve Tshwete. Loluhlelo lihlose kugcina ngalokufanele mininingwane yetigulane emitfolampilo. Kepha kutfola kabanti ngaloluhlelo, asamukele yena umphatsiswa welitiko letempilo kulesifundza seMpumalanga, Sasekani Manzini...  

Siphakamiso semphatsiswa welitiko letemphilo e-Gauteng, Nomantu Nkomo-Ralehoko, lesitsi kuphocelelwe bantfwana bemantfombatana labafundza sikolo kutsi bafakwe i-implant yekuhlela umndeni ngekuvumelana nebatali,  sihlangabetene nekugcekwa ngulabanyenti. Simeme mabhalane weNational Association of School Governing Bodies. 

Kuvamile kutsi nakushone indvodza noma babe welikhaya kusolwe inkhosikati yakhe ngekuba nesansdla kulokufa. Leti nguletinye tingcinamba letibukana nebafelokati kulelive. Kulesinye sikhatsi  labanye batitfola sebakhishwa nasendlini ngenca yekutsi kutsiwa likhaya lemnaketfu leli. Namuhla ehlelweni sifuna kubuka tinsayeya letibukana nebafelokati nekutsi bangatigwema njani tehlakalo taloluhlobo....

Inyonyana i-COSATU itsi lamasotja laseDRC kufanele esekelwe ngetinsita letifanele kuze awente kahle lomsebenti wekugcina kuthula emphumalanga yalelalive. Mabhalane wetindzaba tangaphandle kuCosatu, Bongani Masuku uyayichaza lendzaba.

Emalunga emindeni yemasotja alelive le Ningizimu Africa layincenye yalawo latfunyelwe e DRC, evakalise kukhatsateka ngalesimo lesichubeka eGoma eMphumalanga yeDRC. Loku kulandzela kubulawa kwemasotja lalishumi nakutsatfu embutfo wetekuvikela kulelive i SANDF, njengoba ibambene ngetihlutfu emkhatsini wemasotja ahulumende waseDRC kanye nemavukelambuso e M23, edolobheni i Goma. Simeme Vusi Mnisi wase...

Lucwaniningo lwe Stats SA lwemnyaka timali wa 2022/2023 lolumayelana nemiholo nendlela lekusetjentiswa ngayo imali, lutfole kutsi bantfu labamnyama batfwele matima ngasetimalini nabacatsaniswa  nebelumbi, emandiya ema khaladi kulelive. Lombiko waletibalo ukhululwe ngumphatsi lomkhulu we Stats SA ,Risenga Maluleke, ePitoli.  Sicocisene nemhlatiyi wetemnotfo lotimele, Mandla Malope.

 Sihlalo wekomiti yasephalamende lebukele kusebenta kwemaphoyisa, Ian Cameron, uphakamisa kutsi kumele aphanyekwe tigwebo leticinile emaphoyisa latawulahlwa ngemacala ekugagadlela. Letiphimiselo takhe tita ngemuva kwekutsi  i-Independent Police Investigative Directorate (IPID), ibike kutsi emnyakeni timali wa 2023/2024, bekunemacala langu-110 emacala ekugagadlela labandzakanya emaphoyisa...

Sikhungo lesiholela timphunga tahulumende imphesheli iSASSA, sitsi siyagcina kusebentisa llikhadi le-gold card kulenyanga letako, mhlaka 28 February.. Kuva kutsi kungani nekutsi lihawuhanjiswa njani loluhlelo lekuntjintja lelikhadi, sicocisane nalokhulumela  i-SASSA kulesifundza seMpumalanga, Senzeni Ngubeni…  

Solwati ngetebuchwepheshe SIphumelele Zondi utsi tinyenti tindlela bantfu labangatisebentisa kuze batentele imali ngekusebentisa tinkundla tekuchumana.

Inkapani yemabhasi iPUTCO itsi kushiswe emabhasi ayo llabalelwa emashumini lamane nesikhombisa lebekamile ema-depho alenkapani eMoloto kulesifundza seMpumalanga. Lokhulumela lenkapani Lindokuhle Xulu.

Umhlatiyi wetekuvikela Dr Mfuneko Sihlobo lowake wabe nguLt-Col embutfweni wetekuvikela, utsi imbangela yelokubulawa kwemasotja akuleli eDRC kungenca yekuswelakala kwetinsita tekuwelekelela ekwenteni lomsebenti labnukene nawo. Emavukelambuso eM23 abonakele etinkhundleni tekuchumana afika catsatsa edolobheni iGoma leliseMphumalanga yeDRC. Dr Mfuneko Sihlobo utsi bekungafanele emasotja akuleli ahlas...

 Kunetinsolo letitsi kunabothishela lekungenteka bangaholi ikakhulukati labo labasebenta ngetinkontileka nangabe bangakaletsi sitifiketi lesicinisekisa kutsi abazange balahlwe ngemacala ekunukubeta ngekwemacansi, iNational Register for Sex Offender Certificate (NRSO). Kepha kuyiva kahle lendzaba sicele litiko letemfundvo kulesifundza seMpumalanga kutosichazela ngaloludzaba. Sicocisene na Glen...

Inyonyana yemaphoyisa iPOPCRU itsi kubacinise lidvolo kuva indvuna yemaphoyisa nayitsi kubulawa kwemaphoyisa kufanele kutsatfwe njengelicala lelikhulu. Ndvuna Senzo Mchunu bekakhuluma ngalesikhatsi kugujwa lilanga lemaphoyisa itolo. Simeme mengameli wePOPCRU, Thulani Ngwenya kutokhuluma lendzaba.