Ligwalagwala FM Current Affairs

Umhlatiyi wetembangave Zabo Mbandlwa utsi iNingizimu Africa bekungafanele igcambukele kulemphi yaseDRC ngoba yingcabano yangekhatsi ledzinga kutsi letinhlangotsi letilwako tihlale phansi tikhulumisane. Loku kulandzela kubulawa kwemasotja layimfica akuleli kulemphi leshube eDRC nemavukelambuso eM23. 

 Indvuna yelitiko letagezi kulelive Kgosientsho Ramokgopa sewuphakamise kutsi lelive lingahle letfule gezi lotawutfolwa ngiibo bonkhe bantfu (universal access). Sikhuluma nje gezi emalokishini ucinywa ngetikhatsi letibekiwe ngoba bantfu labanyenti basemalokishini basolwa ngekutsi basebentisa tinyokanyoka noma abawutsengi gezi. Simeme sati ngetindzaba tagezi Umnumzane Mthunzi Luthuli.

Mengameli we ANC, Cyril Ramaphosa ucwayise lenhlangano ngekutsi ilengela eweni lekushabalala iphele nya. Ukhulume kule-Legotla lekomiti lenkhulu yeANC lebeyibanjelwe e Boksburg eMpumalanga ye Jozi ngemphelasontfo. Sicele umhlatiyi wetembangave Njingalwati Bheki Mngomezulu kutewubuka loludzaba.

I Border Management Authority (BMA) itsi livalwe kwesikhashana ligede lase-Oshoek ngenca yengoti lebangwe yiloli emini yasekuseni itolo. Lokhulumela iBMA Baleni Mkhabela loyi-Assistant Commissioner for Law Enforcemnet utsi leloli iphelelwe ngemabhuliki kantsi batawucubungula simo namuhla kutfola kutsi bangativulela yini timoti temitfwalo kuze tikhone kuchubeka nekwendlula.  

Sikhungo lesicwaninga ngesifo sengculazi kuleli i Centre for the Aids Programme of Research in South Africa (CAPRISA) sesivakalise kukhatseteka mayelana nesiphakamiso seMelika sekufuna kuphuma enhlanganweni yetemphilo emhlabeni i World Health Organisation (WHO). Mengameli wase Melika Donald Trump, umemetele kutsi i-Melika itawuphuma kulenhlangano. Kubuka umtselela walesincumo seMelika, asemukele s...

Inhlangano letibita nge-Nkomazi Parliament isebentisana nemaphoyisa, litiko letemphilo kanye naletinye tinhlangano kuvakashela tikolo letikumasipala wase-Nkomazi ngenhloso yekucwayisa bafundzi ngebungoti bekusebentisa tidzakamiva. Kutfola kabanti ngalendzaba, sikhulumisana nemengameli weNkomazi Parliament Penuel Thwala.

Esigabeni setfu  sekucubungula emabhuku, namuhla sibuka libhuku lelibhalwe nguThemba Skhosana lelitsi "Conversation with my thoughts" lekulibhuku lelikhuluma kabanti ngemihambo yebantfu labamnyama kanye nemihambo lesetjentiswa ngemave aseUrophi..Kunaba kabanti  ngalelibhuku sovele ukhona umnuzane Skhosana ecingweni.

Kulindzeleke kutsi inhlangano ye ANC kulesifundza se Mpumalanga ibambe umcimbi wayo we January 8 enkundleni yetemidlalo e Ga Morwe e Kammeelrivier kumasipala we Dr JS Moroka namuhla. Lokhulumela iANC kulesifundza Muzi Chirwa uyasichazela.

Takhamuti tase Tonga eNkomazi kulesifundza se Mpumalanga tisuse umbhikisho titsi tifuna kulungiselwa umgwaco loya esibhedlela tiphindze takhelwe nesikolwa semabanga lasetulu i-Secondary. Kubikwa kutsi kuphatamisekile kuhamba emgwacweni longena kulendzawo kanye nekunhlanganisela yetitolo i Tonga Mall. Lokhulumela lomphakatsi  Jabulile Makhubule usichazela ngalombhikisho.

Nakucala umnyaka bantfu bavame kubhala phasi tifiso tabo netintfo lebafuna kutenta kulowomnyaka. Simeme iVision Board Expert, Nozipho Zwane kutococisana naye kutsi ungatiphumelelisa njani tifiso takhe.

Umcindzisi weligumbi lelicwaninga ngetitjalo etikweni letekulima kulesifundza seMpumalanga, Umnumzane Klaas Phosa utsi tikhona tihlahla noma timbali lesitihlanyele emakhaya letiyingoti ebantfwini. 

Masipala waseNkomazi  uphendvula ngembhikisho webahlali baseTonga lebebavale umgwaco bakhala ngekungalungiselwa umgwaco bafuna futsi nekwakhelwa sikolo. Lokhulumela masipala Cyril Ripinga lokhulumela masipala wase Nkomazi 

Inhlangano yebaholi bendzabuko iCONTRALESA its bantfu labamnyama lebalahlekelwa ngumhlaba ngeke bahlomule kulomtsetfo losandza kusayinwa ngumengameli, Cyril Ramaphosa. Mengameli weContralesa, Kgosi Mathupa Mokoena utsi kute lokuhlukile kulomtsetfo weExpropriation Act.

Sikhwama lesilekelela ngetimli bafundzi basetikhungweni letiphakeme iNSFAS, siyaticitsa letinsolo letitsi sikweleta imali banikati betindzawo tekuhlalisa bafundzi. Lokhulumende lesikhwama Ishmail Mnisi.

Ikomiti lebukele litiko letevuselelwa kwesimilo ephalamende livakalise kukhatsateka ngekugcwala ngalokwecile kwalamanye emajele akulelive. Lekomiti ikhala kakhulu ngekutsi lokukhatsata kakhulu kwekutsi letinyenti taletiboshwa letivalelwe kulamajele lakusibo bantfu bakulelive. Simeme lisekela lendvuna yelitiko letekuvuselela similo  Lindiwe Ntshalintshali.

Tinhlangano letifaka ekhatsi iATM, DA ne EFF tikusolile kusayinwa kwemtsetfo-sivivinywa wekumuka umhlaba banikati iExprepriation Bill, yaba ngumtsetfo. Lomtsetfo lesewusayinwe ngumengameli Cyril Ramapghosa ucondzisa tinhlaka tembuso ngetindlela lekufanele tilandzelwe nakumele kudliwe umhlaba lodzingwa sive ngetizatfu letahlukene. Sicocisene nemhlatiyi wetembangave Njingalwati Bheki Mngomezulu.

Likhansela lase Mjindini Trust, e Barberton kulesifundza se Mpumalanga likhala ngekutsi abasakhoni kuchubeka nemiklamo lefaka ekhatsi kwetfulwa kwetakhiwonchanti ngobe kunebantfu labatsikameta kusebenta  batsi bafuna kuhlephulelwa licatsa kulemiklamo. Kepha kutfola inchazelo lephelele ngaletinsolo sikhulumisana nalo likhansela lase Mjindini Trust, Constance Sebamba .

Kubonakala kwangatsi uyandza lomkhuba wekungatiphatsi kahle lokuhambisana netemacansi emkhakheni wetebulungiswa kulelive. Sikhuluma nje libandla lelibukele kutiphatsa kwemajaji libambe siwombe sekulalela bufakazi lobumayelana netinsolo tekungatiphatsi kahle kwamengameli wemajaji ase Mpumalanga Kapa Selby Mbenenge. Ngakulolunye luhlangotsi ummeli Jeremy Gauntlet sewuncume kutsatsa umhlalaphasi kula...

Umphakatsi waKaBokweni eMpumalanga bewubambe umhlangano kutewubonisana ngetindlela tekuvikela sakhiwo besilikolishi letemfundvo iElijah Mango College of Education. Loku kulandzela kucekelwa phansi kwalesakhiwo lapho bantfu bebatitapela tintsambo tagesi, emathayela nalokunye. Lokhulumela umphakatsi Joshua Malope utsi letigangi beseticale tekuntjontja ifenisha kulelikolishi.

Batali labanyenti bevakalise kukhatsateka engcondvweni njengoba kufanele bahlanganise timali tekubhadalela bantfwababo etikhungweni temfundvo lephakeme. Bafundzi labanyenti bebakamatikuletjeni kulomnyaka lophelile batilungiselela kuyochubekisa tifundvo tabo etikhungwenio temfundvo lephakeme kulomnyaka. Labanye tikhala tekufundza batitfolile kepha sekushoda imali yekubhadala. Simeme Dr Sanele Gamed...

Litiko letemphilo kulelive lecwayisa sive kutsi sicaphele emajazi emkhwenyana mbumbulu lasabalele nalelive. Lelitiko litsi lisebentisana nemkhakha lotimele, kutfola sisombululo salenkinga. Liphindze lacela bantfu kutsi balibikele nangabe batsengiselwa emajazi emkhwanyana mbumbula (fake condoms). Sicocisene na Ntombifuthi Ndabezitha loyi- Condom Logistic Manager

Inhlangano lengasebenteli inzuzo, iPat Ngomane Foundation iyachubeka nekuba litsemba lebafundzi lebafuna kuyochuba tifundvo tabo emanyunivesi babe bangenamali yekubhalisa. Siyicelile lenhlangano kutewuva kutsi kulomnyaka uhamba njani lomsebenti wayo wekusita bafundzi lebaya emanyuvesi, babasita njani, futsi bahlele kusita labangaki. Sicocisene nemsunguli wale-foundation, Umnumzane Pat Ngomane.

Sikhwama lessilekelela ngetimali bafundzi basetikhungweni letiphakeme iNSFAS, sisolwa ngekutsi sikweleta banikanti betindzawo letitimele  letihlala bafundzi imali lengu  44-million wemarandi. Sikhulumisene namabhalane jikelele wenyonyana yebafundzi iSouth African Union of Students (SAUS) Umnumzane Lukhanyo Dawethi.

Indvuna yelitiko letasekhaya Dr L.A. Schreiber ugcugcutela bonke bantfu bakulelive lebangakabhalisi imishado yabo yesintfu kutsi basukume baye emahhovisi alelitiko bayobhalisa kuze batfole titifiketi.  Loluhlelo lekubhaliswa kwemshado wesintfu livulwe lomnyaka lophelile ngenyanga yeNyoni kantsi liyovalwa ngenyanga yeNgci emnyakeni wa-2026. Kukhuluma ngalendzaba sichumana nemmeli Zweli Mlahlek...

Tisebenti letingephansi kwenyonyana iSATAWU enkapanini lephakela emanti kumasipala weMbombela, iSilulumanzi, tisonga ngekutsi titawungenela siteleka ngasekupheleni kwaleliviki. Loku kulandzela kungavumelani ngamali yekukhushulwa kwemiholo emkhatsini webaphatsi netinyonyana tetisebenti.  Kutfola kabanti ngalendzaba sikhulumisana namabhalane we SATAWU kulesifundza se Mpumalanga, Bonginkosi Maph...