Ligwalagwala FM Current Affairs

Litiko letekuhwebelana netimboni ngekubambisana nelitiko letekutfutfukiswa kwemnotfo netekuvakasha kulesifundza seMpumalanga kanye namasipala wwase-Gert Sibande bahlele umhlangano-sikolo (workshop)  wekusita bosomabhizinisi labasafufusa ngekutsi bangahlomula njani kulesivumelwano sekuhwebelana nelivekati le Africa, i- African Continental Free Trade Area ( AFCFTA). Kutfola kabanti ngale worksh...

Indvuna yeltiko letekucasha netisebenti, Nomakhosazana Meth, umemetele kutsi silinganiso semali lephansi seliholo lemsebenti, i-National Minimum Wage, ngeli-awa seyitawuba ngu R28. 79 isuka ku R27.58 , kusukela ngamhlaka 1 March 2025 .Loku kusho kutsi lemali ikhuphuke nga  4.4% . Kuva tinyonyana titsini ngale  National Minimum Wage , sicocisana nalokhulumela iCOSATU Zanele Sabela.

Bosomnotfo lababacwaningi bemabhuku (Acturialist) bavame kubuyeketa emabhuku etimphesheni tembuso njalo ngemuva kweminyaka lemitsatsatfu. Batsite nabacwaninga lamabhuku emphesheni yetisebenti tembuso kulomnyaka batfola kutsi kumele babeke indlela yekucedza emandla tisebenti tahulumeni letifisa kutsatsa umhlalaphasi sikhatsi singakafiki (early retirement) ngekungeta emaphesenti kute kube luswatana...

 I-Action SA seyihlanganyele naletinye tinhlangano tepolitiki letibite kutsi indvuna yelitiko letekuvikela kanye nabomnkantjubovu Angie Motshekga esule kulesikhundla. Loku kuvele kulenkhulumo mphikiswamo beyisephalamende ngalokubulawa kwemasotja akuleli eDRC. Kuva Inyonyana lemele emalunga embutfo wetekuvikela i-SANDU itsini ngalolubito netinhlelo tekuletsa letidvumbu talamasotja kuleli,&nbsp...

Kuleliviki litiko lemfundvo lesisekelo libungata liviki lekuvimbela kutibulala kwebantfwana. Injongo lenkulu kufundzisa ngetindlela letingasetjentiswa ekulweni nalesihlava. Sicocisane na dokotela lotfoba ingcondvo, Dr Rapi Phetla.  

Likhomishana lelibuke tindzaba temasiko, inkolo netilimi i-CRL ngalamafisha, belihlangene nalabatsintsekako kutewukhulumnisana ngetintfo letimbalwa letitsintsa emasiko, inkolo nelulwimi emimangweni. Kukhuluma kabanti ngaloko lokubonisenwe ngako sicocisana neMntfwanenkosi George Mahlangu lovela kulelikomishana

Litiko lemfundvo lesisekelo kuvelonke libungata liviki lekucushisa sive ngetindlela tekuvikela bantfwana kutsi bangatibulali. Sikhulumisene nemcondzisi jikelele etikweni lemfundvo lesisekelo velonke lobuke kutfotjwa kwengcondvo, Sibongile Monareng.

Litiko letemidlalo buciko nemasiko belisingatse umhlangano sikolwa libambisene nalikomiti lelibuka kuguculwa kwemagama etindzawo.nalapho belibite bonke labatsintsekako kutsi batowetfula luvo lwabo kuletiphakamiso tekuchitjiyelwa kwemtstefo lobuke kuguculwa kwemagama etindzawo. Simeme umphatsiswa walelitiko Leah Mabuza, kutosichazela.

Kulindzeleke ifike namuhla imindeni yalabantfu labangu-13 labashonele kulengoti yekushayisana kwetekisi kanye neveni emgwacweni iR40 ngase-Hoedspruit e-Limpopo ngeMgcibelo kutewukhomba tihlobo tabo. Kulimele labanye bantfu labatsatfu kulengoti. Kutfola takamuva ngaloludzaba sichumana naNkomishana wemaphoyisa e-Limpopo Thembi Hadebe

Inhlangano iBlack Forum South Africa (BFSA) ivakalisa kukhatsateka nekudvumala ngaletincumo takamuva letitsetfwe ngumengameli waseMelika Donald Trump kanye nangelubito lwakhe lwekufuna kukhoselisa emabhunu. Lenhlangano itsi lesento sa Trump sikhombisa kunyembenya nekungahloniphi emandla nekutimela kwalelive. Kuva kabanti ngalokukhatseta simeme Inhloko yeligumbi letekucwaninga kuBFSA, Prof Angelo D...

Kulempelasontfo lesibuya kuyo  mengameli wase Melika Donald Trump usayine umyalo ( Executive order) wekumisa tinhlelo tekuchasa i-Ningizimu Africa ngetimali. Lokusayinwa kwalomyalo kungahle kutsikamete lusito lwetimali lolubhekiswe etinhlelweni tetemphilo letifaka ekhatsi  i-PEPFAR, lesita kakhulu etinhlelweni tekulwa ne HIV/AIDS. Sicocisene nasihlalo wemhlangano yabodokotela I South Afr...

Mengameli Cyril Ramaphosa undlulise emavi ekulilela bantfu base-Namibia kulandzela kwendlula emhlabeni kwaloyi lowake waba ngumengameli walelive, Dr Sam Nujoma. Nujoma, ushonele esibhedlela sekaneminyaka lengema-95.  Simeme sati setindzaba tase Africa, Advocate Sipho Mantula kutewubuka umshiyandvuku waNujoma.

Indvodza leneminyaka lengema-26 beyivele enkantolo yamantji i-Chief Albert Luthuli ngelicala lekugagadlela umntfwana loneminyaka lemibili buncane bakhe. Lokhulumela emaphoyisa Lt-Col Jabu Ndubane.

Leliviki lesilicalako liviki lekucushisha banftu ngesifo sekuwa, i-Epilespy. Lelilanga livame kubungatwa kuMsombuluko wesibili kuFebruary njalo ngemnyaka. Liniketa litfuba bantfu labanalesifo sekuwa kutsi bakhulume ngemphilo yabo ngephandle kwekutikhobosa. Kukhuluma kabanti ngalesifo asamukele dokodela lotimele khona lapha e Nasipoti ngu Dr Simangele Nkosi.

Inkapani yakaEskom ishiye indzawo yaseThekwane South ngaphandle kancane kwaseMbombela eMpimalanga iasebumnyameni. Loku kuta ngemuva kwekutsi takhamuti tihlasele tisebeti takaEskom lebeticimela labo labangawutsengi gezi. Lokhulumela iEskom Daphney Mokoena uyachaza.

Sikhwama lesikhalisa labo labalimele nalabashone etingotini temgwaco i-Road Accident Fund (RAF) sitsi sikhatsatekile ngekwandza kwesibalo sebantfwana besikolwa labatsintseka etingotini temigwaco. Sikhulumisana nabukele tekuphepha emigwacweni  kaRAF, Siphamandla Gumbi . 

Esigabeni setfu  semabhuku sicubungula libhuku lelibhalwe ngu-Dr Amelia Rathlakana lelinesihloko lesitsi "The Raping of Mother Gaia". 

Mengameli Cyril Ramaphosa uyalele kutsi umbhelebhele welive wehliswe kancane liviki lonke kusukela namuhla  njengendlela yekuhlonipha lamasotja labulelwe e-DRC. Kubuka lenkhulumo yemengameli, sicele umhlatiyi wetepolitiki Professor Bheki Mngomezulu.

Inyonyana yesitesebenti i-COSATU iphefumula ngalenkhulumo yebunjalo belive letfulwe ngumengameli Cyril Ramaphosa. Sicocisene nalokhulumela iCOSATU, Zanele Sabela.

Litiko letemphilo likhutsata bantfu labasikati kutsi batihlole kuze basheshe batfole nangabe bakhokhobelwa sifo semdlavuta wesibeletho. Kutesive kabanti ngetimphawu temdlavuza wesibeletho, sicocisana na- Thembi Mdluli, loyi Coordinator of Martenal Child, Youth and Adolescents etikweni letemphilo eMpumalanga. 

Onke ememhlo ayoba atse njo ephalamende ngalesikhatsi mengameli welive Cyril Ramaphosa etfula inkhulumo yebunjalo belive (SONA). Lenkhulumo itawube iyekucala kwetfulwa ngaphansi kwahulumende lobusa ngekuhlanganyela (GNU). Simeme umhleli wetindzaba yePolitiki  ka SABC, Mzwandile Mbeje usicatsatela ngalokulindzeleke kulenkhulumo.

Sikhungo lesibuke kutiphatsa emkhakheni wetetimali kulelive iFinancial Sector Conduct Authority (FSCA), sitsi sikhatsatekile ngekulahleka kwemali yebatsengi emabhange ngekusebentisa bucwepheshe besimanje-manje. Simeme Sindiswa Makhubalo lovela kulesikhungo i-Financial Sector Conduct Authority kutewucocisana naye ngaloludzaba

Tisele ebumnyameni letinye takhamuti tase-Thekwane South ngaphandle kancane kwaseMbombela kulesifundza seMpumalanga ngemuva kwekutsi i-Eskom incamule tintsambo ebantfwini labangawutsengi ngezi.  Lokhulumela i-Eskom, Daphney Mokoena uyasichazela.

Namuhla kuhlangana iminyaka leyimfica kwagcumukela ligogo netisebenti letintsatfu eLily Mine ngaseBarberton kulesifundza seMpumalanga.  Kwashona bo Pretty Nkambule, Yvonne Mnisi, kanye naSolomon Nyirenda kulesehlakalo lesenteka mhla ka-5 February 2016. Lokhulumela lemindeni netisebenti Harry Mazibuko utsi labakufunako kukhishwa kwalamatsambo aletisebenti kulomgodzi.

Sibuka i-Read Aloud Day nemphatsi wesikhungo lesikhutsata kufundza iBookHive, Nokubongwa Lukhele.