Ligwalagwala FM Current Affairs

Inkapane yetimoto i-Ford South Africa seyikhiphe satiso lesisemtsetfweni mayelana nesincumo sayo sekufuna kudzilita tisebenti letingetulu kwa-470. Simeme lokhulumela iCOSATU Zanele Sabela kutewuva kutsi ngutiphi tinyatselo lebatatitsatsa kuvikela letisebenti letibukene nekudendwa. 

Khomishana wemaphoyisa esifundzeni sa Kwazulu Natal Nhlanhla Mkhwanazi sewuyalele kutsi lelinye lemaphoyisa limiswe kuto tonkhe tinhlelo tesiphoyisa, njengobe kusaphenywa ngetinsolo tekutsi unesandla kutepolitiki. Mkhwanazi ukhulumisene nakhomishana wesigodzi sase King Cetshwayo elugwini lolusenyakatfo kutsi kube nguye lochuba lomsebenti. Leliphoyisa lelisebentela esiteshini sase Ntambanana kusola...

Nkomishana wemaphoyisa KwaZulu Natal Nhlanhla Mkhwanazi ubite kutsi limiswe lemaphoyisa lelitsintseka ephenyweni lepolitiki. Mkhwanazi uchumene nankomishana wemaphoyisa esigodzindzini iKing Cetswayo enyakatfo nesifundza kutsi asabalalise lomlayeto. Tinsolo titsi kuneliphoyisa asesiteshini iNtambanana lekusolwa kutsi bekagcoke tembatfo tetinhlangano tepolitiki layincenye yemsebenti yaletinhlangano....

Lucwaningo lolwentiwe yinkapani yemshwalensi i Old Mutual luveta kutsi bomake labangemaphesenti langema-34 bakhonte kakhulu kugembula. Kepha kuva kabanti ngensayeya yekugembula kulelive, sikhulumisana nemeluleki ngetetimali, Mandla Malope.

Kulemphelasontfo lelive ligocota inyanga yebantfu labasikati, njengoba bekubukwa tintfo letahlukahlukene letifaka ekhatsi inzima lebayidlalako emangweni nasemisebentini. Simeme Slungile Ndlala loyiLife Coach kutococisana naye kutsi yini  leyenta bantfu ikakhulukati bomake, bangasekelani lolokutsiwa yi "Pull Down Syndrome" 

Likomishana iMadlanga Commission litsi litawucala kuchumana nabofakazi. Nanobe kunjalo litsi litawucala kulalela kuphawula kwesive nasekuphotfulwe kuholwa kweluhlelo lolusha lekuchuna umniningwane ngetebuchwepheshe iICT. Lelikomishana litsi litiko letekwahlulela kanye nekutfutfukiswa kwemtsetfo-sisekelo licashe tinkapani letitawucinisekisa kusebenta lokuphelele kwetebuchwepheshe konga umniningwane...

Inhlangano iSACP itsi lelidlelandzawonye linetinhlelo letivulekele emalunga kubhobokelana ngaLebangakuboni ngendlela lefanako. Loku kuvela njengoba lamanye emalunga eSACP aphikisa sincumo sekuyelukhetfweni labohulumende basemakhaya lomnyaka lotako. Mabhalane jikelele weANC Fikile Mbalula utsi umsebenti wemadlelandzawonye utawuphatamiseka kakhulu nakwenteka lidlelandzawonye lingenela lukhetfo ngeku...

Esigabeni setfu sekucubungula emabhuku, namuhla sikhuluma  ngelibhuku lelibhalwe nguDr Sanele Gamede lelitsi "How To Earn Your Degree Online." 

Sekuyavala kubhalisa bantfwana labafuna tikhala tekufundza etikolweni temabanga laphansi kulomnyaka lotako kulesifundza seMpumalanga. Simeme Umnumzane Ephraim Malope lophuma etikweni letemfundvo kutosichaze ngaloluhlelo.

Sikhungo lesilwa netifo letitsatselanako iNational Institute of Communicable Disease (NICD) secwayisa ngekubhedvuka kwesifo sencubulunjwane (measles) etifundzeni letifaka ekhatsi se-Gauteng, Free State neMpumalanga. Kuva kabanti ngalesifo sichumana namake Euginah Mashabane lophuma etikweni letemphilo kulesifundza se-Mpumalanga.

Inhlangano yeDA kulesifundza seMpumalanga ibita umphatsiswa welitiko letekutfutfukiswa kwemnotfo netekuvakasha kutsi angasivuselele lesikhatsi lesifika emaphetselweni ekupheleni kwalenyanga selibhodi lakaMTPA. Lomelele lenhlangano Trudy Grove-Morgan 

Hulumende waseLimpopo utsi uyachubeka nekutfutfukisa simo senkapani lephetfwe ngumbuso yemabhasi iGreat North Transport. Lenkapani yakhungatfwa tinkinga letifaka ekhatsi kungaphatfwa kahle kwetimali kanye nenkohlakalo nalekwabanga kwehluleka kukhokhela incenye yesikhwama sempesheni yetisebenti kanye nekunakwa ngetempilo. Akhuluma nebetindzaba ePolokwane ndvunankulu Phophi Ramathuba utsite buholi l...

Inkantolo yemacala ebugebengu betimali eMiddleburg kulesifundza iMpumalanga igwebe umnikati wenkapani lebeyisebentela iEskom iminyaka leli-12 ejele ngelicala ekukhwabanisa. Sigwebo sa-Jessie Kubheka silengiswe ngeminyaka lesihlanu ngephasi kwemibandzela lecinile. Kubheka uphindze wabitwa kutsi abuyisele imali yeEskom lengetulu kwa-2.5 Million wemarandi. Luphenyo leEskom nga-2020 latfola kutsi wakh...

iSABC itsi ilubonile loludzaba lelimayelana nendlela yekutiphatsa kwalomunye webetfuli betindzaba. Loku kulandzela inkulumo labenayo nasihlalo weDesmond Tutu Intellectual Property Trust Dktl Mamphela Ramphele. iSABC itsi baphatsi batawutsatsa tinyatselo letifanele ngekulandzela imigomo yekusebenta kwalenkapani. iSABC iphindze yaveta kutsi imigomo yemsakateli wesive ihlose kwakha kwetsembana nesive...

Umkhandlu we-South African Geographical Names Council (SAGNC) usemkhankaswei wekufundzisa umango ngeluhlelo lekuntjintja nekulungiswa kwemagama etindzawo kulolonke lelive. Kudzimate kube ngunyalo, sekuntjintjwe emagama etindzawo letiyinkulungwane nemakhulu lasihlanu eveni lonkhana. Kutfola kutsi kwentiwa njani loku, ecingweni sichumana na Vusithemba Ndima

Inhlangano yematekisi i South African Taxi Council (SANTACO) e-Gauteng itsi atawube angasebenti ematekisi kuletinye tincenye tase Gauteng. Lombhikisho ungahle utsikamete bagibeli lebavukela emisebentini elkuseni. Sichumana nentsatseli yeSABC Calvin Dludla kutewuva kutsi sinjani simo emgwacweni.

 Nkomishana wemaphoyisa akulelive Fannie Masemola utsi bugebengu lobuhleleliwe  busaseyinkinga lenkhulu kulelivekati. Masemola bakakhuluma enkomfeni yelihlandla lema-27 lebuke bugebengu bemave emhlaba eKapa. Simeme sati setekuphepha lesake saba lincusa emaphoyiseni emhlaba (Security Strategist and retired Interpol Ambassador) umnumzane Andy Mashaile.

Lokhulumela hulumende wesifundza seMpumalanga George Mthethwa utsi Ndvunankulu wesifundza se Mpumalanga uhola litsimba lahulumende lelivakashele masipala we Dr Pixley Ka Isaka Seme emalanga lamatsatfu lapho kuyawuhlatiywa indzaba yekwetfulwa kwetinsita kulomasipala.

Sihlalo welikhomishana letebulili, iGender Commission, Eurika Mogane utsi kuyachubeka kucindzetelwa kwabomake emisebentini. 

Lilunga lelisetulu lemkhandlu webahleli betindzaba kuleli iSANEF, Hopewell Radebe utsi kuyadzabukisa kubona indlela lekubulawa ngayo tintsatseli eGaza lekusolwa kutsi kwentiwa ngemasotja  akaIsraeli.

Inkapani yetimoti taka-Ford kulelive leN/A ikucinisekisile kutsi isetinhlelweni tekufushanisa umsebenti wayo nalekutawubanga kulashleka kwematfuba emisebenti langu-470. Kuncishiswa kwemkhicito wenkapani kutsikameta tisebenti tetikhungo letimbili iStruandale Engine Plant eGqeberha kanye neSilverton Assembly Plant ePitoli. iFord ikuvete esitatimendeni kutsi letingucuko tiyincenye yemitamo yekuhlanga...

Nkomishana wemaphoyisa elive Fannie Masemola utsi emadokethi langu-121 atawubuyiselwa emuva ephikweni lemaphoyisa laphenya ngekubulawa kwabosplitiki latsatfwa kuloluphiko. Nkomishana wemaphoyisa aKwaZulu Natal Nhlanhla Mkhwanazi waveta tinsolo letitsi indvuna yelitiko lemaphoyisa Senzo Mchunu wakhipha umyalo wekutfuma  tikhulu tasemaphoyiseni kutsi tihlakate loluphiko ngeNdlovulenkulu kwatsat...

Kushiye labanyenti bashacekile kwendlula emhlabeni kwemhleli wetindzaba tepolitiki esikhungweni setindaba iEye Witness News (EWN), Tshidi Madia. Madia ushonele esibhedlela ngemuva kwekugula sikhashane, sekaneminyaka lengema-42. Simeme lobekayintsatseli yeSABC Abongile Dumako kutewukhuluma ngemsebenti waMadia.

Lucwaningo lolwentiwe yi-Stellenbosch University luvete kutsi luhlelo lwetemfundvo kulelive lungahle luphatamiseke nakungatsatfwa tinyatselo njengoba bothishela labanyenti kulindzeleke batsatse umhlalaphansi kuleminyaka lelishumi letako. Kubuka lokuvetwe ngulolucwaningo sikhulumisana nesati setemfundvo,  Dr Thuli Mngomezulu.

Kwendlula emhlabeni wemlingisi losangumkantjubovu, Nandi Nyembe, kubashiye bakhatsatekile balingisi labasebasha kulomkhakha. Nyembe wendlule emhlabeni sekaneminyaka lengemashumi lasikhombisa nesihlanu (75), ngemuva kwekugula sikhatsi lesidze, nolokwaholela ekutseni agcine sekahamba ngesihlalo lesinemasondvo i-wheelchair. Sicocisana nemlingisi losasemusha, Thandeka Magagula wase- Malahleni kulesifu...