Ligwalagwala FM Current Affairs

Kuhlelwe umcimbi wekuklomelisa bahlabelali bemculo wema-Zayoni, ema-JerichoT, baka-Shembe kanye nalabanye. Simeme lomunye webahleli balomcimbi Sabelo Khumalo lowatiwa ngela-Dr Mashobane kutosichazela kabanti.  

Loyi logacele sikhundla sakuba ngunobuhle wakulelive lodzabuka khona lapha e-Mpumalanga Hlengiwe Mthembu uphishekile ngemikhankaso letambeka ematfubeni ekuphuma nesikhuni sivutsa kulomncintiswano. Mthembu kulindzeleke avakashele indzawo ya-KaMhlushwa lokungulapho atawube elekelela endzaweni lokuphekelwa kuyo bantfwana besikolwa semabanga laphansi. 

Sehlile sibalo semacala lanebudlova kuletinyanga letintsatfu tekugcina talomnyaka lophelile.. Lamacala ehle nga 4 point 8 -percent nakucatsaniswa nemanyaka wa-2023. Kukhuluma ngaletibalo simeme umphatsiswa welitiko letekuphepha kwemphakatsi, kuvikeleka netekuchumana eMpumalanga, Jackie Macia.

Esigabeni setfu semabhuku sicubungula libhuku lelibhalwe ngu-Nomava Diko lelinesihloko lesitsi "Parents know and understand your roles to God's Given Gift- Your Child".

Njengoba Ndvunankhulu wesifundza seMpumalanga, Mandla Ndlovu atawube etfula inkhulumo yebunjalo besifundza, inhlangano lephikisa ngalokusemtsetfweni kulesifundza iMK Party itsi bantfu sebadziniwe tetsembiso letingafezwa. Loku kuvetgwe ngumhlelembisi weMK Party kulesifundza  Advocate Busisiwe Mkhwebane.

Takhamuti takulesifundza seMpumalanga tilindzele kuva inkhulumo yebunjalo besifundza letawutfulwa nguNdvunankhulu Mandla Ndlovu namuhla. Sifundza se-Mpumalanga njengaletinye tifundza talelive, subukene netingcinamba letifaka ekhatsi bugebengu kanye kuswelakala kwemisebenti. Sicocisene na James Masango weDA kuva kutsi yini lebayilindzele kulenkhulumo.

Sishayamtsetfo sakulesifundza se-Mpumalanga sitsi sesikulungele kusingatsa inkhulumo yebunjalo besifundza, i-State of the Province Address (SOPA), letawetfulwa ngu Ndvunankhulu Mandla Ndlovu kusasa. Sicocisana naSomlomo we Sishayamtsetfo eMpumalanga, Umhlonishwa Lindi Masina 

Hulumende waseMpumalanga utsi unebudlelwale lobuhle netinhlangano letingasebenteli inzuzo, emaNGO/NPO. Libambela lemphatsiswa welitiko letenhlalakahle eMpumalanga, Sasekani Manzini bayativakashelaletinhlangano, batifundzise futsi batifake nakuma-workshop kute tingaphambuki emtsetfweni wahulumende.

Namuhla umhlaba wonkjhe ubungata lilanga letinhlangango letingasebenteli inzuzo, yiWorld NGO/NPO Day.  Sicocisenene na Anele Yawa  lophuma ku- Treatment Action Campaign

Likomiti lelibuke tindzaba temfundvo lephakeme ephalamende litsi sebatawubonelelwa bafundzi labangakhoni kutfola imali ye-NSFAS ngenca yeliholo lebatali babo. Busi Chimombe naZandile Nkosi bayasibikela.

Bayakhala labanye balimi basetifundzeni i-Gauteng, Mpumalanga ne-Limpopo kulandzela kubhedvuka kwesibungu lesidla titjalo lesibitwa nge-Army Worm. Kusitjela kabanti ngalesibungu, simeme libamba lemcondzisi jikelele longumcwaningi wetitjalo etikweni letekulima kulesifundza seMpumalanga, Umnumzane Klaas Phosa.

 Inyonyana yetisebenti iCOSATU seyetfule kabusha sikhungo lesemukela tincingo tetikhalo tetisebenti (call centre) lesasungulwa ngenyanga yaMabasa emnyakeni wa2023. Lokhulumela iCOSATU Zanele Sabela utsi le call centre utawemukela netincingo tetisebenti letingasiwo emalunga enyonyana.

Umbutfo wetekuvikela kulelive i-SANDF ukucinisekisile kubuya kwelicenjana lemasotja lalimele kulelive kuze atewutfola lusito letekwelashwa. Lesitatimende lesikhishwe ngemagama embutfo wetekuvikela iSANDF, sikhuluma kuphela ngelicenjana lemasotja lalimele kakhulu lasafikile eveni kantsi sitsi lawa lamanye lasele kuhlelwe kutsi afike eNingizimu Africa ngekuhamba kwaleliviki.  Sicocisane na Jeff...

Inhlangano yematekisi iTop Star, lapha  eMbombela, itsi kusukela mhla lulunye ngenyanga letawetfwasa, iNdlovulenkhulu, labo labatfwala bantfu ngetimoto letingema- 7 seaters ngete bavunyelwa kusebenta kumizila ye TopStar nangabe bete emaphepha labavumela kusebenta (operating permits).  Lokhulumela iTopstar John Mavundla utsi banesivumelwano nalabanye balabomalume lebatfwala bantfwana keph...

Labasebenta etikhungweni letinakekela bantfu labakhubatekile kulesifundza seMpumalanga batsi solo bagcina kutfola imali yekubasita ngenyanga yeMphala kulomnyaka lophelile. Kutivela kutsi bakhala ngani, simeme lomunye loyimphumphutse lokulesinye saletikhungo letingakayitfoli lemali, Bongi Lubisi.  

Likomishana letekuncintisana kuleli lifuna inkapani i- Google ibhadale tinkapani tetindzaba imali lesemkhatsini kwa 300 na-500 million wemarandi iminyaka lemitsatfu kuya ku lesihlanu. Loku kuvele embikweni wesikhashana weluphenyo lolwasukunyiswa ngulelikhomishana lolubitwa nge Media and Digital Platforms Market Inquiry (MDPMI). Lombiko wesikhashana utfole kutsi i-Google igovuka nemali letfolakala...

Ibhodi yebacondzisi labaphetse sigungu sasemanyuvesi i-Universities South Africa (USAf) seyivakalise kukhatsateka ngalemibhikisho lebhoke emanyuvesi lamanyenti akulelive. Lemibhikisho kusolwa kutsi ubangwa kwekutsi i-NSFAS iyaphuta kubhadalela bafundzi timali tekubhalisa emanyunivesi kanye netetindzawo lebahlala kuto. Kantsi bafundzi lababuyako emanyunivesi akafuni kubatsatsa ngenca yetikweleti le...

Ngemuva kwekuphumelela lukhetfo lwavelonkhe eJalimane, umholi we Christian Democratic Union, Friedrich Merz , lekubhekeke kutsi angene njengaNdvunankhulu (CHANCELLOR), uvakalise kutsi utawenta konkhe lokusemandleni kutsi lela live lingasanciki kakhulu eveni leMelika njengaloku kunekungabata ngekutibophelela kwamengameli Donald Trump ekucinisekiseni kuphepha kwemave ase Europe. Merz ukhulumisene ne...

Kunebantfu labasha balapha eMbombela kulesifundza se Mpumalanga lebavakalise kutsi bahlele kumashela eNyunivesii yase Mpumalanga (UMP) namuhla. Umhleli walemashi Thapelo Magagula utsi leNyunivesi iyehluleka klucasha bantfu bendzawo kuleminye yemisebenti leyentiwa kulesikhungo.

 Likomishana lelibukele kuhlelwa kabusha kwemtsetfo kuleli, i-South African Law Reform Commission liphakamisa kutsi kuchitjiyelwe umtsetfo iCriminal Procedure Act, ikakhulukati sigatjana lesimayelana nekufakwa kwesicelo sebheyili. Simeme sati ngetemtsetfo Yolanda Zulu.

Tinkinga tekucimacima kwagezi kanye nekusebentisa emandla langangcolisi umoya nguletinye tetizatfu letenta kutsi bantfu batjintjele ekuphehleni gezi ngekusebentisa ema Solar Panels, lekulohlobo lekuphehla gezi ngekusebentisa imisebe yelilanga. Kepha i-Eskom icwayise bantfu nemabhizinisi lasebentisa ema Solar Panels kutsi kufanele babhalise uma bangenti njalo batawuhlawuliswa imali lefika- R6.052....

I-DA isola litiko letemphilo ngekusebentisa imali lengu 28 million wemarandi Randi kukhangisa umshwalensi wetemphilo i-National Health Insurance (NHI). Kantsi nenhlangano yabodokotela I South African Medical Association (SAMA) itsi ayisiboni sidzingo sekutsi kukhgangiswe i-NHI njengoba hulumende aphuma wayowuva luvo lwebantfu ngaloludzaba, lesekusele kwetfula loluhlelo lube semtsetfweni. Sihlalo w...

Esigabeni setfu  semabhuku, namuhla sicubungula libhuku lelibhalwe nguLunga Ntuli lelinesihloko lesitsi "The 45 laws of love". Libhuku leli lekukholwakala kutsi litawusita titsandzani nalabo lebashadile kute lutsandvo lwabo licine. Sikhulumisana naye umbhali Lunga Ntuli.

Indvuna yelitiko letemaphoyisa Senzo Mchunu, utsi lendlela yekusebentisa titfwebuli (body camera)itawetfulwa ngalokusemtsetfweni ngenyanga ya Mabasa kulomnyaka.  Kepha kuvisisa kutsi loluhlelo lutawusebenta njani  asamukele sati setindzaba tebugebengu, Dr Mxolisi Mathebula...

Live leNingizimu Africa libungata lilanga lembutfo wetekuvikela namuhla lapho kukhunjulwa umsebenti lowentiwa masotja akulelive. Kutosichazela kabanti ngalelilanga  sicocisana nemcondzisi wetekuchumana wmbutfweni wetekuvikela (SANDF), Rear Admiral Prince Shabalala