Ligwalagwala FM Current Affairs

Lokhulumela inhlangano yeANC kulesifundza seMpumalanga Sasekani Manzini ugcizelela kubaluleka kwalenkomfa yesigodzi saseHlanzeni lecala kulemphelasontfo lesingena kuyo.

Inhlangano yetepolitiki iAfrican People's Convention (APC) ihlanganisa iminyaka leli-18 yasungulwa namuhla. Sicocisana namengameli walenhlangano Umnumzane Themba Godi. 

Inhlangano lengasebenteli inzuzo i-Joed Multipurpose Organization lekumasipala we-DR JS Moroka kulesifundza se-Mpumalanga yetfule ngalokusemtsetfweni libhuku lelinesihloko lesitsi, 1986 KwaNdebele Independence Resistance, lapha KwaMhlanga. Kusitjela kabanti ngalelibhuku sikhulumisana neMnumzane Jonas Ben Sibanyoni longulomunye walabo lababhale sandvulelo salelibhuku.

Umtimba lolawula kungahlonishwa kwemtsetfo wemgwaco iRTIA, itsi kwetfulwa kwemtsetfo lomusha  lotawujezisa labaphula imitsetfo yemgwaco, i-Administrative Adjudication of Road Traffic Offences Act (AARTO), kubomasipala labangema-69 kungumtamo wekulwa nekwandza kwetingoti temgwaco kulelive. Lomtsetfo utawucala kusebenta ngenyanga yeNgongoni kulomnyaka ngemuva kwekutsi mengameli awushicilele nga...

Tinhlangano tepolitiki kanye nalabo lababuke tekuvakasha kulesifundza se Mpumalanga bavakalise kulemukela lelibhodi lesikhashana laka MTPA lelitawube liholwa ngu Mnumzane Fish Mahlalela.  Somabhizinisi lobuke tekuvakasha kulesifundza Umnumzane Oupa Pilane utsi unelitsemba kutsi lelibhodi kulelibhodi lesikhashana njengoba linebantfu lebati kancono ngetekuvakasha nekunakekelwa kwemvelo.

 Ikomiti yetekutfutfukisa tenhlalakahle ephalamende, itsi inikwe siciniseko sekutsi kutawuchubeka ngaphandle kwetihibe kuntjintjwa kwemakhadi aka SASSA  embala loliphuti kungenwa kulamnyama ase-Postbank. Loku kuta ngemuva kwekutsi silulu semabhange sigunyate i-Postbank kutsi icedzele lomsebenti. Simeme sihlalo walekomiti yasephalamende, Bridget Masango.

Ingena elangeni lesibili namuhla ingcungcutsela yavelonke yenyonyana yabothishela i-National Teachers Union (NATU). Lengcungcutsela yemalanga lamatsafu, lehanjelwe titfunywa letivela kuto tonkhe tifundza takuleli, kulindzeleke igcile etindzabeni letimcoka letitsintsa bothishela, bafundzi kanye neluhlelo lwetemfundvo kuleli. Kutfola kabanti ngalokulindzeleke kulengcungcutsela, sikhulumisana namabha...

Indvuna yelitiko letenhlalakahle, Sisisi Tolashe utsi bakhatsatekile ngalendlela silulu semabhange silichuba ngayo lendzaba yekuntjintjwa kwemakhadi aka SASSA kukhishwa lalaphuti (gold) kiufakwe lamnyama asePostbank.. Kuyibuka lendzaba sicocisana nalokhulumela i-SASSA kulesifundza seMpumalanga Umnumzane Senzeni Ngubeni.

Lisekela lendvuna yelitiko letemfundvo lesisekelo Dr Reginah Mhaule utsi tisasetinyenti tingcinamba letikhungetse umkhakha wetemfundvo. Utsi lokubakhatsata kakhulu kwenyuka kwetehlakalo tekuhlukumeta bafundzi ngetemancansi etikolweni.

Inhlangano yetemathuna kuleli i-South African Cemeteries Association beyibambe inkomfa yemalanga lamatsatfu kulenyanga lephelile e-Jozi, lapho bekuboniswana ngetindzaba letifaka ekhatsi kunakekela tindzawo tasemathuneni nekutsi tingagcinwa njani tisesimeni lesikahle.  Sikhulumisane neliphini lasihlalo wa SACA, Cyril Mntambo.

Tehlakalo tekunukubeta ngetemacansi bantfwana etikolweni tibonakala tingafuni kudzamba. Sikhuluma nje bafundzi basesikolweni iTiyelelani Secondary eSoshanguve, ePitoli bangenele siteleka itolo bakhonondza ngathishela losolwa ngekugagadlela akhulelise umfundzi wakulesikolo. Kulo leliviki, kutsikametekile kufundza esikolweni semabanga laphansi eBronkhospruit kulandzela tinsolo tekugagadlkelwa kwemfu...

Likhomishana letebatsengi litsi litawubuyela kungakateleli kuyawuhlola kutsi ngabe emabhizinisi esifundza saKwaZulu-Natal litawuphindze ayawulandzela umtsetfo wekuvikeleka kwebatsgengi i-Consumer Protection Act (CPA). Kukhuluma ngalendzaba, sicocisana nalokhulumela likhomishana lebatsengi, Phetho Ntaba.

Inyonyana yetisebenti i-i South African Federation of Trade Unions (SAFTU), iyasisola sincumo se-National Energy Regulator of South Africa (Nersa), sekugunyata inkapani yagezi i- Eskom kutsi ichubeke nekwenyusa intsengo.  Lokhulumela lenyonyana, Zwelinzima Vavi uyachaza.   

 Labo labanelwati ngetindzaba tentsela kuleli bagcugcutela bantfu labenta imali etinkundleni tekuchumana letifaka ekhatsi i-Facebook, X (lebeyatiwa nge-twitter), bo-Tiktok kubala nje letimbalwa, kutsi bangakhohlwa kubhadala imali yentsela ka SARS. Kuyibuka kabanti lenandzaba, sikhulumisana nesati ngetebuchwepheshe, Sphumelele Zondi.

 Inhlangano letimele i Healthy Living Alliance (HEALA) seyibita hulumende kutsi acinise imitsetfo letawuphocelela kutsi kudla lokusemaphaketheni kubhalwe kwekutsi kucuketseni futsi kunesilinganiso lesinganani loku lokucuketfwe. Simeme sati ngekudla lekunemsoco Umnumzane Wellington Mokoena.

Lilunga lekomiti lenkhulu yeSACP Madala Masuku utsi busachubeka budlelwano balenhlangano neANC ngetulu kwekutsi seyincume kungenela lukhetfo iyodvwa kulomnyaka lotako.

Indvuna yetekuchumana Solly Malatsi utsi kusebenta ngekukhuluka kwebetindzaba kuyincenye lebalulekile yekusimama kwentsandvo yebantfu . Bekakhuluma engcungcutseleni yemalanga lamabili yebetindzaba i-M20 Summit lehambisana netinhlelo temalungiselelo engcungcutsela yeG20 letawubanjelwa e-Jozi ngasekupheleni kwalomnyaka. Kukhuluma kabanti ngalendzaba sicocisana na Hopewell Hadebe lophuma enhlanganwne...

Sikhwana i-Tshiamiso Trust sitsi sisibhadale imali lengetulu kwa R2.27 billion ebantfwini lebake basebenta etimayini nasemindenini yalabo labashona ngenca yesifo semaphaphu i-silicosis kanye nesesifuba. Kubuka kutsi sewuhambe kangakanani umsebenti walesikhwama, sicocisana, nenhloko yetekuchumana kuTshiamiso Trust, Lusanda Jiya. 

Lewake waba ngunkomishana wemaphoyisa eWestern Cape Lennit Max utsi lilungelo lakhe Nkomishana wemaphoyisa kulelive Fannie Masemola kubita kubuyiselwa kwema-Dokethi emacala lali-121 latsatfwa ephikweni lemaphoyisa laphenya ngekubulawa kwabosopolitiki KwaZulu Natal. Mengameli Cyril Ramaphosa kubikwa kutsi simtfukutselisile sincumo saMasemola. Libamba lendvuna yelitiko lemaphoyisa kulelive Firoz Cac...

Kutipha emandla kubhema lokuhambisana nekuhogela intfutfu lenetitsako i-vaping, etikolweni takulelive kantsi kunebungoti. Loku kuvetwe bosolwati betemphilo kulemihlangano yemango lebanjwe leliviki, nalemayelana nemtsetfosivivinywa lohlose kulawula imikhicito kanye netindlela tekubhema tesimanje (E-Cigarrettes). Kwenaba ngebungoti baloluhlobo lwekubhema, sicocisana naDokotela Sfiso Nxumalo..

Umphatsiswa welitiko letemnotfo netekluvakasha kuesifundza seMpumalanga Jesta Sidell umemetele ngetinhlelo tetekuvakasha letitawetfulwa ngulelitiko ngalenyanga yetekuvakasha. 

Loyi bekadze alisekela lendvuna yetekuvakasha kulelive Umnumzane Fish Mahlalela umenyetelwe njengalotawuhola ibhodi yesikhashana yesikhungo setekuvakasha kulesifundza iMpumalanga Tourism and Parks Angency (MTPA). Umphatsiswa welitiko letekutfutfukisa temnotfo netekuvakasha kulesifundza, Jesta Sidell, utsi Mahlalela unelwati lolujulile kutebuholi.

Inhlangano iAction SA itsi itawuchubeka nekuba yinhlangano lephikisa ngekutimisela kulohulumende welubumbano. Lenhlangano beyigubha iminyaka lesihlanu yasungulwa kulemphelasontfo . Umholi weActionSA Herman Mashaba umemetele kutsi batawungenele lukhetfo lwabohulumende basekhaya kubomasipala labangendluli ku-42 kulomnyaka lotako. Kukhuluma kabanti ngalendzaba naletinye tepolitiki, simeme umhlatity l...

Umndeni wase California eveni le Melika, uvulele  i Open-AI licala, ngobe iyisola ngekutsi inkundla yayo yetekuchumana iChat-GPT ngiyo legcugcutela indvodzana yawo kutsi itibulale. Ngekusho kwalomndeni lomfana loneminyaka leli-16 wacala kusebentisa iChat-GPT nakenta tifundvo takeh kepha wagcine sekayetayele kakhulu sekayicocela ngebumatima labukene nekutsi ucabanga kutibulala.  Umndeni u...

Inkapane yetimoto i-Ford South Africa seyikhiphe satiso lesisemtsetfweni mayelana nesincumo sayo sekufuna kudzilita tisebenti letingetulu kwa-470. Simeme lokhulumela iCOSATU Zanele Sabela kutewuva kutsi ngutiphi tinyatselo lebatatitsatsa kuvikela letisebenti letibukene nekudendwa.