Ligwalagwala FM Current Affairs

I Black Forum South Africa (BFSA) ibhalele incwadzi indvuna yetemisebenti yesive netinsitancanti, Dean Macpherson imcwayisa kutsi angachubeki nekucasha emalunga lamane ebhodi ye-Independent Development Trust (IDT). Kepha kutfola kabanti ngalokugogonya lomkhandlu, simeme Advocate Happy Nkabinde lovela kuyo i BFSA.

Likomidi lasephalamende lelibukele budlelwane nemave emhlaba lisemkhankasweni wekuhambele tifundza letintsatfu kuleliviki, iMpumalanga, i-North West, kanye ne- Gauteng. Lelikomidi liyocala kulesifundza namuhla ngenhloso yekwetfula luhlelo lwekubandzakanya sive etindzabeni letiphatselene nemave angaphandle. Kutfola kabanti ngaloku, ecingweni sicocisene nasihlalo walelikomidi, Supra Mahumapelo.

Kwenyuka kwelizinga lebugebengu kulelive ngiso sizatfu sekusungulwa kwetinhlelo tekucinisekisa kuphepha kwemiphakatsini, letifaka ekhatsi ema Community Policing Forums (CPF). Ema-CPF asungulelwe kucinisekisa kuphepha kwemphakatsi, ngekutsi kubanjiswane emkhatsini wemaphoyisa nawo umphakatsi. Simeme lelinye lilunga leCPF eHazyview lelingakafuni kudzalulwe libiro lalo kutosichazela ngalomsebenti leb...

Sikhulumisana nalomunye lowasindza kulesiso sesifuba i TB, nguu-Suzan Shabangu.

Ndvunankulu wase Gauteng Panyaza Lesufi ukucinisekisile kutsi sibalo sebantrfu lebashone kulesehlakalo sekudubula lesenteke eSoshanguve ngeMgcibelo,sesenyukele kulabasihlanu. Lesufi bekakhuluma nebahlali basemikhukhwini eMary Me. Ngekusho kwemaphoyisa kutsite ngetitfuba tensimbi yesitsatfu ekuseni ngeMgcibeli licembu lebantfu lebagadza tigangi kulomango lihlangene nebantfu labasihlanu emgwacweni k...

Inhlangano yetemphilo emhlabeni (WHO) itibekele umnyaka wa 2030 kutsi sibe sesincotjiwe sifo sesifuba (TB).  Namuhla umhlabawonke ugubha lilanga lekuchushisa ngesifo seTB.  Sicocisene nemphatsi we-South African National Aids Council, Dr Thembisile Xulu.

Litiko letemphilo eMpumalanga litsi alisameli umuntfu kutsi akhombise timphawu teTB, kepha selicalile kuhlola noma ngubani lekusolisa kutsi unekugula lokutsite. Lokhulumela lelitiko eludzabeni lwetifo letitsatselanako, Thoko Tsela.

Mengameli Cyril Ramphosa uvumile kutsi hulumende we-ANC wenta liphutsa ngekungatfutfukisi tinkulisa kulelive. Mengameli Ramaphosa abekhuluma  kulengcungcutsela yeEarly Childhood Development Leadership lebeyibanjelwe eBraamfontein eJozi ngasekucaleni kweliviki. Kwenaba ngalendzaba sikhulumisana nesati setemfundvo Dr Thuli Mngomezulu.

Sikhwama lesikhalisa lebavelelwe tingoti temgwaco kuvelonkhe i-Road Accident Accident (RAF)  sicashe bantfu labasha  labalikhulu nemashumi lasikhombisa nakutsatfu kute basite etinhlelweni letihlose kunciphisa tingoti temigwaco etifundzeni letine letifaka ekhatsi i-Mpumalanga Kapa, i-Gauteng, Kwazulu Natal kanye ne-Limpopo. Kusichazela kabanti ngaloluhlelo simeme Umphatsi wetekuphepha emi...

Esigabeni setfu  sekucubungula emabhuku, namuhla sibuka  libhuku lelibhalwe ngu-Moipone Thandeka Ndlovu lelesihloko lesitsi Legacy of Strength.

Namuhla umhlaba wonke ubungata iWorld Down Syndrome Day lekusifo sekukhulela ngekhatsi. Sikhulumisana naDr Sifiso Nxumalo.

Ubekwa namuhla mengameli lomusha welive leNamibia wekucala lomsikati Netumbo Nandi Ndaitwah. Sicocisana nemhlatiyi wetangaphandle Thulisa Ndlela.

Mengameli waphambilini wase DRC, Joseph Kabila, wente lubito kubantfu base Congo kutsi bayekele kusola lamanye emave ngetinkinga tabo. Utsi tinkinga tase DRC tangekhatsi futsi tingasonjululwa kuphela bantfu bakulelalive. Kabila ukulelive le Ningizimu Africa kutohlangana nalobekangumengameli kuleli Thabo Mbeki e Jozi, lapho babakhulumisana ngalencushuncushu lesempumalanga ye DRC. Sicocisana nemhlat...

Namuhla ngumncamlajucu kuntjintjwa kwemakhadi embala lophuti akaSASSA kungenwe kulawa lamnyama ase-postbank. Loku kulandzela kuhlehliswa kwalelilanga ngenyanga lephelile. Labanye balaba lesebantjintjele kulamakhadi lamasha bakhala ngekutsi ayikho lemali. Sicocisene nalokhulumela iSASSA Senzeni Ngubeni

I Proudly SA seyibite kwekutsi bantfu bakuleli bakhutsale kutsenga imikhicito leyentiwe kulelive. Simeme libamba lelisekela lemcondzisi etikweni lelibuke kutfutfukiswa kwemabhizinisi lamancane Umnumzane Vukile Nkabinde

Tati temfundvo lesisekelo titsi kuyisa umntfwana enkulisa kumcoka kakhulu ngobe kumfundzisa kuphila nalabanye bantfwana ngaphandle kwekuhwebhana. Sikhulumisene nesati setemfundvo Dr Thuli Mngomezulu mayelana nekubaluleka kwemfundvo lesisekelo ebantfwaneni.

Inyonyana yetisebenti i-Cosatu kulesifundza seMpumalanga icala inkomfa yayo yelihlandla lelishumi nesihlanu eMalahleni namuhla. Lenkomfa ihlelwe kutsi itsatse emalanga lamabili. Kuva kabanti ngaloko lokuhleliwe sicocisane namabhalene weCOSATU kulesifundza David Mokoen.  

Lucwaningo lwenhlangano i EIGHTY -20. lukhombisa kutsi bantfu labalinganiselwa ku 20 million kulelive banetikweleti letenta imali lengu R2.5 Trillion nasetihlanganisiwe. Kukhuluma ngalendzaba sicocisana nemhlatiyi wetemnotfo lotimele, Mandla Malope.

Luphiko loluphenya ngekutiphatsa kwemaphoyisa i-IPID selunikete Nkomishana wemaphoyisa a-KwaZulu-Natal,  Gen. Nhlanhla Mkhwanazi kutsi lingashoni lanamuhla angakatiphendvuleli kuletinsolo labhecwa ngato letitsi wangcambukela eluphenyweni lolubandzakanya sikhulu setemajele. Mengameli wePOPCRU Thulani Ngwenya liyasolisa loluphenyo lolwentiwa kuGen. Mkhwanazi ikakhulukati ngenca yemsebenti lomuh...

Sekuphele cishe inyanga yonkhe kunyamalele intsatseli Sibusiso Ndlovu nemlingani wakhe Zodwa Mdluli. Kuleliviki, I-African Media and Communicators Forum ibambisene ne- National Press Club bakhiphe umklomelo wa-R50,000 lotawuniketwa umuntfu lotawufika nelwati lelitawuholela ekutfolakaleni kwabo. Simeme solwati ngetebugebengu Dr Mxolisi Mathebula  kutobuka naye loludzaba.

Sikhungo lesiholela timphesheni kulelive i-SASSA sitsi sitimisele kusita bonke bantfu labahola imali yemphesheni nanobe lomncamulajucu wekuntjintja kwemakhadi egolide sewengcile ngaLwesine waleliviki. Kuyiva kahle lendzaba sicocisana nalokhulumela iSASSA kulesifundza seMpumalanga Umnumzane Senzeni Ngubeni.  

Sihlalo welikomiti lelibukele temaphoyisa ephalamende Ian Cameron, utsi utfole imininingwane letsi luphiko lwemaphoyisa lelenta luhlolofuto (DNA) lisalele emuva ngemacala langetulu kwa140 000.  Simeme sati setindzaba tebugebengu Dr Mxolisi Mathebula.

Likhomishana lemalungelo eluntfu lente lubito lolubhekiswe kutifundziswa, tinhlangano temango, betindzaba kanye nabadvwebi bemigomo kulelelive kutsi bentte tetfulo kulelikhomishana mayelana nemtselela wekusatjalaliswa kwemininingwane lengemanga esiveni. Kutfola kabanti ngaloludzaba, sicocisene na Zukiswa Mqakanya lophuma kulelikhomishana lemalungelo eluntfu.

 Inhlangano yemphakatsi i-Save Suth Africa, isola mengameli Cyril Ramaphosa ngekutsi uhudvula tinyawo kunekutsi asukumele etulu kulungisa lesimo lesiya ngekuba munyu emkhatsini walelive kanye neMelika. Sicocisene na- mabhalane jikelele we Save South Africa, Khanyisile Ntsele. 

Bacwaningi nabosolwati ngetemanti bemave emhlaba  bahlangene eKapa kulenkomfa yenhlamngano yetemanti emhlabeni lebonisana ngetindlela tekonga nekusebentisa kahle emanti,  i-International Water Association Conference.  Kukhuluma ngalendzaba yemanti kanye nekubaluleka kwalenkomfa sicocisana nemphatsi wetekucwaninga kuWater Research Commision, Dr Nonhlanhla Kalebaila