Ligwalagwala FM Current Affairs

Tinhlangano letikhutsata kufundza ngekunikela emabhuku etikolweni iBookHive kanye neSiyafunda Donate A Book tisukumise umkhankaso wekuyonikela ngemabhuku etikolweni letingalapha eHlanzeni lesifundza seMpumalanga. Kukhuluma ngalomkhankaso weliviki lonkhe wekuyoniketa ngemabhuku sichumana nemsunguli weSiyafunda Donate A Book, Ntokozo Ndlovu.

 Inyonyana yetisebenti i- COSATU, itsi iyawesekela lomtsetfo-sivivinywa lohlose kuvala kukhangiswa kwetjwala. Lomtsetfosivivinmywa ubuke ekhatsi kwalokunye kwehlisa lizinga lekuheha bantfu ikakhulukati lusha, kutsi basomndzele kakhulu etjwaleni.  Simeme Zanele Sabela lokhulumela i COSATU

Imvula lenemandla lehlasele labanye bomasipala bakulesifundza seMpumalanga idale umonakalo emakhaya nasetikolweni kumasipala waseNkomazi.  Simeme Umnumzane Freddy Ngobe lokhulumela litiko letekubusa ngekubambisana, kuhlaliswa kwebantfu kanye netindzaba tebaholi bendzabuko kulesifundza.

Hulumende waseMpumalanga usekumisa luhlelo lwekutsatsa liphalamende lesifundza alimikise ebantfwini kumasipala wase Bushbuckridge. Kuva kabanti ngaloku sikhulumisana nasihlalo wekomiti lelawula leyengamele loluhlelo lweTLP, Umnuzane Daniel Nkosi. 

Njengaloku kubanjwa lukhetfo lwavelonkhe eveni le Malawi kusasa, labo labagacele sikhundla sekuhola lelalive bebabambe imibutsano yekugcina betama kuheha bavoti. Mengameli Lazarus Chakwera utjele bantfu bebabutsene enhlokodolobha i Lilongwe kutsi utivile tikhalo tabo mayelana nekumba ecolo kwetintfo, kantsi nembangi yakhe lenkhulu Peter Mutharika, bekakhuluma nebalandzeli bakhe e Blantyre. Simeme...

Bebatseleke ngetinkhani bosomabhizinisi labancane basemalokishini kulomcimbi bewuhlelwe yinhlangano i-Township Entrepreneur Agency (TEA) lapha Kanyamazane ngephandle kweMbombela kulemphelasontfo lesibuyakuyo. Lenhlangano beyimeme bosomabhizinisi labancane baKanyamazane nemphetselo kutewubahlomisa ngemakhono kanye nekuchudzelana kumncintiswano wekutsengisa ngemphumelelo umcondvo welibhizinisi lakho...

Namuhla kucala liviki lekufundzisa ngekubaluleka kwekubhala incwadzi yesifiso semufi (i-will) kuze kugwemeke tingcabano letivame kusuka nasekwendlule lomunye emhlabeni.  Kukhuluma kabanti ngaleliviki simeme Busisiwe Ndzukula, lobuke temafa ka-Master of The High Court ngaphansi kwelitiko letebulungiswa nekutfutfukiswa kwemtsetfosisekelo.

 Sichumana nentsatseli nyetindzaba kaSABC Tumelo Machogo kutosibikela ngemhlangano wetindvuna tetekuvakasha teG20 lobanjelwe esiciwini senyamatane i-Kruger National Park.

Umcunguli nemcondzisi we-BOOKHIVE, Nokubongwa Lukhele utsi bacala umkhankaso wabo wekuvakashela tikolo liviki lonkhe losendlalelo semcimbi lomkhulu lowatiwa ngeNgcayizivele.

Mengameli weANC Cyril Ramaphosa ugcizelele kubaluleka kwekutfulwa kweluhlelo letinyatselo talenhlangano iParty Action Plan lataletfula lamuhla. Loluhlelo lihlose kucinisekisa kuphatfwa ncono kwemsebenti wembuso wesiveni njengoba kusondzela lukhetfo labohulumende basemakhaya lonyaka lotako. Ramaphosa uhola umhlangano lokhetsekile wetinsuku letimbili wekomidi yavelonke iNEC kukhuluma kabanti ngetink...

Esigabeni setfu  semabhuku, namuhla sibuyeketa libhuku lelibhalwe ngu Andile Ngobe lelitsi "Litawubuswa Ngemadloti".

Inhlangano ye EFF ephakamisa kutsi kuvalwe kukhangiswa kwetjwala kulelive.  Kepha batsengisi betjwala batsi loku kutawuba nemitselela lengasimuhle kulemboni. Simeme lokhulumela i-National Liquor Traders Association, Lucky Ntimane ...........  

Balaleli bemsakato Ligwalagwala FM esifundzeni se-Mpumalanga bakhala letingomi ngekwendlula emhlabeni kwalomunye wabo Godfrey Mnisi lobekatiwa nga-Manyovu. Lowa-Gwadlagwadla wendlule emhlabeni kuleliviki leliphelile kantsi kulindzeleke aphekeletelwe endlini yakhe yekugcina nyalo ekuseni.. Kutfola kabanti kutsi ungubani Manyovu, elucingweni  sichumana nalomunye webalaleli balomsakato, Tonight...

 Inkantolo yemtsetfo sisekelo kuleli incume kutsi emadvodza sekangatsatsa tibongo tebafati bawo. Lenkantolo yemtsetfosisekelo itsi sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo. Kuhlola kutsi ngekwemihambo nemasiko esintfu sisho kutsini lesincumo salenkantolo, sikhulumisana naNjingalwati Bhekithemba Mngomezulu.

Likomiti letekulima, kuhlelwa kabusha kwemhlaba kanye netemcebo lombiwa phansi belivakashele lesifundza se Mpumalanga kuleliviki. Lelikomiti litsi belitewubuka tindzaba tekusebenta kwetimayini kanye neticelo tekubuyisela umhlaba kubanikati. Sikhulumisana nasihlalo walekomiti, Mpho Modise.

Kuvele tintfo letinyentena letihloswe kulwa neligciwane lesandvulelangculazi kulenkomfa beyibanjelwe kutokhuluma ngalesifo seHIV. Lokunye kwaloko lokuvele kulenkomfa kwekutsi lelive selikulungele kwetfula umjovo  i-Lenacapavir lotawutfolwa kabili ngemnyaka nakucala lomnyaka lotako. Sicocisana nalosaphila naleligciwane leHIV iminyaka leli-16, Lebokgang Motsumi.

Mengameli weCONTRALESA Kgosi Mathupa Mokoena utsi abahambisani nalesincumo senkantolo yemtsetfosisekelo lesitsi emadvodza sekavumelekile kusebentisa tibongo tebafati bawo. Lenkantolo yemtsetfosisekelo itsite sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo welive.

 Ucala kusasa kusebenta lomtsetfo lotawulawula kusebenta kwematekisi lamancane labhadalwa ngelibanga (e-hailing). Ngaphansi kwalomtsetfo lomusha bashayeli balamatekisi lakhokhwa ngelibanga, nyalo sekulindzeleke babe nelayisensi yekusebenta. Kunaba ngaloludzaba sichumana nalokhulumela litiko letekutfutsa kulelive, Umnuzane Collins Msibi.

Inkantolo yemtsetfo sisekelo kuleli incume kutsi emadvodza sekangatsatsa tibongo tebafati bawo. Lenkantolo yemtsetfosisekelo iphindze yatsi sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo njengoba sicwasa ngekwebulili njengoba sayala kuvumela bobabe batsatse tibongo tabomake ngemuva kwemshado. Kukhuluma ngalesincumo senkantolo simeme sat...

Kunekukhatsateka mayelana netinsolo letitsi emaphoyisa avame kusebentisa tibhamu temtsetfo kulwa timphi tasemakhaya awo. Loku kulandzela sehlakalo sasePitoli lapho liphoyisa lidubule labulala umshana walo nalo lagcina litidubulile. Kantsi kuleliviki leliphelile liphoyisa lelindvodza lidubule singani salo lesiliphoyisa lalimala lapha Kwa-Mhlanga kulesifundza se-Mpumalanga. Kukhuluma ngalendzaba, si...

Lokulwa lokweyamene nebuhlanga emkhatsini walabakhuluma siXhosa kanye neSesotho esigodzini  saKwaSibi sekundlulele nase Phuthadichaba Technical High School e- Matatiele esifundzeni sase Mpumalanga Kapa. Simeme intsatseli yeSABC Nkululeko Nyembezi kutosibikela ngalencushuncushu.

Umkhandlu lobuke tindzaba tetisebenti kutemfundvo, i-Education Labour Relations Council, utsi usukumise luphenyo lekwetama kutfola kutsi bangakhi bothishela lebakhona etikolweni takulelive. Loku kulandzela imibiko lemayelana nekugcwala kwabothishela mbumbulu kanyen nekutsengiswa kwemisebenti etikolweni.  Sikhulumisana  nemphatsi lophuma kulomkhandlu kulesifundza se-Mpumalanga Moswazi Mab...

Lelive leN/A kulindzeleke licophe umlandvo lomusha nakusuka umnyaka lotako mayelana netinhlelo tekulwa nesandvulelangculazi. Kulenkomfa lekhuluma ngetindlela tekulwa nesifo seHIV/AIDS lese-Kempton Park, Umcondzisi jikelele welitiko letemphilo, Dr Sandile Buthelezi, uvakalise kutsi sebakulungele kucala kusabalalisa umjovo i-Lenacapavir lotawutfolwa kabili ngemnyaka. Sicocisene na Dr Eric Khumalo la...

Sekunekukhatsateka kubafundzi basemanyuvesi akulelive nakuletinye tikhungo temfundvo lephakeme kulandzela lesiphakamiso sekuchitjiyelwa kwemtsetfo lolawula kutsenga ngetikweleti kulelive. Lokukhatsateka kubangwa kutsi kunetinsolo tekutsi labanye bebafundzi labakweleta emanyuvesi bangahle batitfole bafakwe emabhukwini lamnyama etikweleti. Kutfola kucaciselwa ngaloludzaba, sicocisana nalokhulumela u...

Njengoba umhlaba wonke uchushisa ngelilanga lekuvikela kutibulala iWorld Suicide Prevention Day,sikhulumisana neMnumzane Moses Mkhabela losati lesitfoba ingcondvo (Clinical Psychologists)