Ligwalagwala FM Current Affairs

Sifundza i-Mpumalanga sidle umhlanganiso emichudzelwaneni wavelonkhe wetinkhulumo mphikiswano letimayelana netekuphepha emgwacweni. Kutosichazela kancono ngalomchudzelwano, simeme umcondzisi weligumbi lelifundzisa ngetekuphepha emgwacweni etikweni letekuphepha kwemango, kuvikeleka nekuchumana,  Umnumzane Dumisane Magagula.

Namuhla umhlaba ubungata lelilanga lekwenta taba tekunciphisa betinhlekelele emhlabeni i-International Day for Disaster Risk Reduction. Kukhuluma ngalendzaba sicele umphatsi lomkhulu ehhovisi lelilawula tinhlekelele kumasipala wesigodzi se Hlanzeni kulesifundza seMpumalanga, Umnumzane Zwakele Maseko.

Mengameli wase Madagascar Andry Rajoelina ukucinisekisile kutsi kukhona labatama kucumba phansi umbuso.  Kepha umhlatiyi wetindzaba taseAfrica Advocate Sipho Mantula utsi bantfu labasha bakulelalive ngibo lebahola lombhikisho lokhonondza ngemanti, gezi kanye nemphilo lencono.

Sifike ngolwesihlanu sidvumbu saloyo bekalincusa lakulelive  eveni laseFrance Nathi Mthethwa. Mthethwa wendlule emhlabeni kuleliviki leliphelile ngemuva kwekuwa estezi lesitigaba letingemashumi lamabili nakubili kuya etulu eParis. INjengendlela yekumhlonipha, sikhulumisana naNjingalwati Sihawu Ngubane.

Indvuna yetebudlelwane nemave angaphandle Ronald Lamola utsi loyi abelincusa lakuleli eFrance, Nathi Mthethwa bekadze atimisele emsentini wakhe futsi bekangumuntfu bekatikhandla.

Sikhulumisana nentsatseli yetepolitiki ka-SABC Ntebo Mokobo njengoba namuhla kuphekeletelwa endlini yekugcina loyi abelincusa lakuleli eFrance, Nathi Mthethwa.

Sicocisene nemhlatiyi wetepolitiki Njingalwati Bheki Mngomezulu mayelana nekwendlula emhlabeni kwelincusa lakuleli eFrance, Nathi Mthethwa.

Litiko letemfundvo kulesifundza se Mpumalanga lihalalisele thishela Thulani Sibiya, ngekuhlabana emchudzelwaneni wabothishela lebenta kahle umsebenti wabo kulelive. Sibiya, lofundzisa eSophungane Combined School, kumasipala waseNkomazi, ubahlule bonkhe bothishela kulomchudzelwano bewubanjelwe eJozi ngasekucaleni kwaleliviki. Lokhulumela litiko letemfundvo eMpumalanga, Gerald Sambo.

Kubenekushayisana ngemibono etinkhundleni tekuchumana mayelana nalokufanele kwentiwe ngumfati loshonelwe ngumyeni wakhe nangabe kunenkonzo yemngcwabo kumbe kunenkonzo yesikhumbuto salongasekho. Loku kuta ngemuva kwekutsi labanye batsi akufanele eme phambi kwebantfu akhulume kepha labanye batsi kuya ngaye umnfelokati nangabe afuna kutikhulumela ngemyeni wakhe.  Kwenaba ngalengcoco simeme losat...

Sewetfulwe ngalokusemtsetfweni lomcimbi lomkhulu wekushengetisa sifundza seMpumalanga, i-Mpumalanga Cultural Xperience lovame kubanjwa njalo ekupheleni kwemnyaka. Kulomnyaka lomcimbi uhlanganisa minyaka lelishumi. Sikhulumisana nemphatsiswa  welitiko letemasiko, temidlalo nekukhibika e Mpumalanga, Leah Mabuza.

Kuboshwe emaphoyisa lamane, lekusolakala kutsi asesifundzeni seLimpopo eMashishin kulesifundza seMpumalanga. Lokhulumela emaphoyisa esifundza Brigadier Donald Mdluli uyasichazela.

Litiko letemphilo kulesifundza se Mpumalanga lenta lubito kubatali kanye nalabo lababhasobha bantfwana kutsi bagomise bantfwana kuze bavikeleke kusifo sencubulunjwane (measles).  Simeme lochamuka egunjini lekugoma ngephansi kwelitiki letemphilo eMpumalanga, Gugulethu Mashabane.

 Kunekukhatsateka esiveni mayelana nekwenyuka kwetinkinga tekhungatseka kwengcondvo lohlukumeta bantfu, iminideni kanye nemiphakatsi. Inhlangano lenakekela labakhungatsekile engcondvweni nalabadzangele emoyeni iSouth African Depression and Anxiety Group (SADAG) itsi banyenti bantfu lebangeniswa etibhedlela kuyolashwa nobe batfotjwe tifo tengcondvo.  Kuyibuka lenkinga sicele  Dr Patr...

Emakhulukhulu ema-Krestu lavela  emasontfweni lehlukahlukene ahlangene emashini beyibanjelwe lapha e-Union Buildings e-Pitoli, akhala ngesincumo salelikhomihsana letenkolo i-CRL, sekusungula likomiti i-Sections 22. Kukhuluma kabanti ngalendzaba sicocisana na-Pastor Lucas Nkosi lophuma ku-South African Church Defenders 

Inhlangano yebetindzaba i-SANEF, itigcekile letiphimiselo letentiwe ngunkomishana wemaphoyisa esifundza sa KwaZulu Natal, Lt-General Nhlanhla Mkhwanazi ngalesikhatsi avele phambi kwekomiti yesikhashane ephalamende lephenya tinsolo tenkhohlakalo nekugcambukela kwetepolitiki emsebentini wemaphoyisa.. Mkhwanazi utjele lelikomitii kutsi kunetintsatseli lekufanele tiphenywe sinyenyela ngoba tibhebhetse...

Umhlelembisi wenhlangano yebafundzi iSASCO, Vuyo Tologu utsi bafundzi benyunivesi yeFort Hare bakhala ngekutsi iVice Chancellor ayiwenti kahle umsebenti wakhe.

Mengameli Cyril Ramaphosa sewusukumise litsimba lelitawucoka umuntfu lotawungena esikhundleni sekuba ngumcondzisi wetekushushisa, i-National Director of Public Prosecutions (NDPP). Loku kungenca yekutsi inkontileka yalophetse lesikhundla kungunyalo, Advocate Shamila Batohi, iphelelwa sikhatsi ngaBhimbidvwane kulomnyaka lotako. Mengameli ukhetse indvuna yelitiko letebulungiswa kanye nekutfutfukiswa...

Kusuke umbhikisho lobelutfutfuva kwashiswa netakhiwo letitsite itolo ebusuku enyunivesi yaseFort Hare esifundzeni se Mpumalanga Kapa. Imibiko itsi bafundzi lababili balenyunivesi baphutfunyiswe esibhedlela ngemva kwekulimala ngalesikhatsi bangcubutana nemaphoyisa. Sihlalo weSouth African Youth Council eMpumalanga Kapa, Vuyo Tologu utsi labanye bafundzi batsi akashiye mphansi umphatsi wenyunivesi,...

Babalelwa ngetulu kwetinkulungwane letine bafundzi basetikhungweni temfundvo lephakeme labafaka ekhatsi nebasenyuvesi yase-Mpumalanga, labalengela engotini yekucoshwa kuletindzawo labahlala kuto letingephandle kwaletinkambu takuletikhungo, Umholi wesikhungo iMpumalanga Association of Student Accommodation (MASA), Robert Dlamini utsi basengakabacoshi labantfwana.

Sihlalo wemtimba lowengamele kusebenta kwetikolo kuvelonke, Elphus Maseko uyakhala ngaletikolo letibhadalisa bafundzi kuze babe yincenye yetifundvo tasentfwasahlobo. 

Lokhulumela litiko letemfundvo kulesifundza seMpumalanga, Jasper Zwane utsi kute umfundzi lekumele ashiyelwe ngaphandle ngobe anganamali yekubhadala tifundvo tasentfwasahlobo

Inyonyana yemaphoyisa i- Police and Prisons Civil Rights Union (POPCRU) ibambe umhlangano wayo wekomidi lesenkhulu e Jozi. Simeme mengameli wePOPCRU Thulani Ngwenya kutosichazela ngalomhlangano.

Iyachubeka inkomfa yelihlandla lema-22 yavelonke lebanjwa minyaka yonkhe iNational Oral History. Kutfola kabanti ngalenkomfa, sikhulumisana nemphatsi weOral History Association of South Africa, Umnumzane Sipho Zulu.

Lelive libungata inyanga yekuchushisa ngemdlavuta wemabele. Bosolwati batsi sibonakala senyuka sibalo selabasikati labaneminyaka lengaphasi kwalengema-40 lebahlaselwa ngumdlavuta wemabele. Kukhuluma ngaloludzaba simeme Dr Bonginkosi Shoba losebenta njenge-Oncologist esibhedlela iRob Ferreira, eMbombela, Mpumalanga.

Mengameli Cyril Ramaphosa ukhetse litsimba lebuholi lebutawusingatsa tinhlelo tekucashwa kwalotawuba yinhloko yeluphiko letebushushisi kulelive iNational Director of Public Prosecutions. Loku kwenteka njengoba siyaphela sikhatsi sa-Adv Shamila Batohi sekubasehhovisi ekupheleni kwaBhimbidvwane lotako. Mengameli ukhetse indvuna yelitiko letebulungiswa kanye nekutfutfukiswa kwemtsetfo-sisekelo Mmamol...