Ligwalagwala FM Current Affairs

Namuhla umhlaba wonkhe ubungata lilanga letisebenti, i-International Workers' Day. Kukhuluma kabanti ngemalungelo nekuvikeleka kwetisebenti, simeme Umnumzane Mandla Sibanyoni, lophuma etikweni letetisebenti nekucasha kulesifundza se-Mpumalanga.   

Bodokotela bengcondvo basola kutsi itsikabetekile engcondvweni lendvodza legubhe emathuna lamabili akubo eSwalala, ngaseHazyview eMpumalanga. Dokotela wengcondvo Moses Mkhabela utsi kutawufanele amikiswe esibhedlela salabagula ngengcondvo lomuntfu kuze atotfola kwelashwa.

Tati temihambo yesintfu tisamangele ngalemphicabadzala leyenteke eSwalala ngaseHazyview kulesifundza seMpumalanga lapho kunendvodza legubhe emathuna lamabili. Ngekusho kwemapghoyisa lendvodza igubhe lithuna leyise kanye namkhulu wayo latsatsa ematgsambo abo lahamba nawo. Kusho kutsini loku ngekwemihambo yesintfu? Sicele sati ngetemasiko, Umnumzane Dan Dlamini.

Bosolwati betindzaba tetisebenti becwayisa ngekutsi kubalulekile  kuhlonipha imitsetfo nemigomo yenkapani losebenta kuyo ngoba loko kwenta kube khona kusebentisana lokuhle emsebentini. Njengobe kusasa lelive libungata lilanga letisebenti sinesati ngetindzaba tetisebenti, Umnumzane Thomas Ngomane.

Inkantolo yemtsetfosisekelo ikhiphe sijubo lesitsi kuphambana nemtsetfo-sisekelo kuvimbela tiboshwa kutsi tisebentise bongcondvomshini nativalelwe ejele ikakhulukati nangabe loyo muntfu afuna kuchubeka netifundvo takhe. Lesijubo senkantolo sisukela ecaleni lapho siboshwa lesingu Mbalenhle Ntuli safaka sikhalo ngesijubo senkantolo lenkhulu yaseJozi kanye nendvuna yetebulungiswa netekuvuselelwa kwes...

Sikhungo lesibukelele kuholela imali yemphesheni kuleli i-SASSA sikhutsata bonke labo labahola lemali kutsi bachubeke nekuntjintja lamakhadi abo laliphuti batfole lawa lamnyama ase-Postbank. Loku kwenteka ngetulu kwekutsi silulu semabhange sivakalise kukhatsateka nge-Postbank. Simeme lokhulumela iSASSA laha eMpumalanga Senzeni  Ngubeni.

I North Korea ivumile kutsi yatfumela emasotja kutsi ayolekelela i Russia kulempi yayo ne Ukraine. Itsi yenta loku ngoba ifuna kusita i-Russia kutsi itsatse sigodzi se Kursk, lesatsatfwa ngemasotja ase-Ukraine kulomnyaka lophelile. Sicocisane  nemhlatiyi wetindzaba te-politiki Prof Bheki Mngomezulu 

Hulumende wakulesifundza seMpumalanga kulindzeleke etfule i-APP, latsi itawukhutsata kwentiwa kwemsebenti yekubhobokelana kanye nekubandzakanyeka kwemphakatsi. Kutfola kabanti ngale-APP lekulindzeleke yetfulwe namuhla naletawubitwa ngekutsi Livi Lemphakatsi sicocisane nemphatsiswa we COGSTA Speedy Mashelo.

Basolwa labangema 38 bebavele enkantolo yase-Pilgrim's Rest kulesifundza seMpumalanga ngetinsolo tekumba igolide ngalokungekho emtsetfweni. Labasolwa basemkhatsini kweminyaka leli-19 kanye nema-55 budzala. Kutfola kabanti ngalendza sicocisana naKaputeni Mpho Nonyane.

 Tibalo takamuva letimayerlana ne-inflation tikhombisa kutsi intsengo yenyama lebovu ikhuphuke nga 2.4% kusukela nge Ndlovana kulomnyaka losetulu. Lokunye lokubanga loku kusolwa kutsi tiphitsiphitsi netigameko letenteka emhlabeni jikelele njengalemphi lesemkhatsini kweRussia neUkraine. Kukhuluma ngaloludzaba simeme Umnumzane David Mthombeni wenhlangano i-African Farmers Association of South A...

Akasekho emhlabeni makadzebona kutinyonyane nesishikashishi setisebenti Katishi Masemola. Tinyonyane ngekwehlukana kwato kulelive tendlulise emavi endvundvuto emndenini wa Masemola. Sicocisane na Zwelinzima Vavi, mabhalane jikelele wenyonyane i-South African Federation of Trade Unions (SAFTU). 

Lelilive le Ningizimu Africa ligubha lilanga lenkululeko, iFreedom Day Celebrations,  enkundleni yetemidlalo i AJ  Swanepoel e Ermelo kulesifundza se Mpumalanga namuhla. Lomcimbi ubanjwa ngaphansi kwesicubulo lesitsi "United in Resilience for The Defence of Our Freedom and Democracy." Kantsi kuvakabanti  ngalendzaba sicocisene nemphatsiswa welitiko letemasiko, temidlalo netekukhibik...

Lisekela lendvuna yelitiko letemfundvo lesisekelo, Dr Reginah Mhaule bekahlangene nemasekethi lamatsatfu alesifundza seMpumalanga namuhla. Simcelile Dr Mhaule kutosichazela ngalomhlangano.

Tivele kafishane enkantolo yamantji waseMusina tisebenti letimbili tesikhungo lesibuke kusebenta kwemincele yakulelive i-Border Management Authority (BMA). Letisebenti tibukene netinsolo tekufohlisa bantfu labangenamaphepha kanye netinsolo tekufunjatsiswa. Kutosichazela ngaloku simeme Sakhile Lukhele lovela kuBorder Management Authority.  

Esigabeni setfu  semabhuku, namuhla sicubungula libhuku lelibhalwe nguPertunia Lehoka lelitsi "Curse of the Knight". 

Ubekwa namuhla endlini yakhe yekugcina Pope Francis welibandla lema-Roman. Sicocisene na Father Jerremi Dube we lisonfto lema-Roman, KaMhlushwa.

Umklamo lowatiwa ngeKhulani Projects wacalwa eNyunivesi yaseNshonalanga Kapa nga-2021 ngenhloso yekutfutfukisa buciko kanye netilwimi temdzabu. Letinye taletilwimi letibukwe kakhulu nguleto betitsatseleka phansi phambilini phambilini njengaSiswati, xiTsonga kanye nesiNdebele.  Kuyiva kahle lendzaba nenzima ledlalwa ngulomklamo ekutfutfukiseni imphilo kanye nelulwimi, sicocisene ne sishikashik...

Litiko lemfundvo lesisekelo litsi lisebenta ngekutikhandla kucinisekisa kutsi tonke kulungiswa letinkinga letibukene nabothishela. Loku kulandzela lucwaningo lolwentiwe inyuvesi yase Stellenbosch luvete kutsi bothishela labanyenti batitfola bacindzetelekile emoyeni nasengcondvweni ngenca yekusebenta ngalokwecile etikolweni. Kukhuluma ngalolucwaningo simeme lokhulumela lelitiko velonke: Elijah Mhla...

Inkantolo lephakeme eMpumalanga lehleti eMbombela igwebe kudzilikelwa lijele Gilbert Fankomo (39) wase-Numbi, ngemacala lamane ekugagadlela bantfwana labafaka ekhatsi naloneminyaka lesiphohlongo. Kukhuluma kabanti ngalendzaba elucingweni sichumana nalokhulumela emaphoyisa esifundza Brigadier Donald Mdluli.  

Kunekukhatsateka ngekwandza kwebantfu lebanetimpawu tesifo iDiphtheria kulelive. Tati tetifo letitsatselanako titsi lesifo sihlasela umphimbo netimphumulo futsi singaba yingoti uma singalashwa masinyane. Kutfola kabanti ngalesifo sikhulumisana neEpidemiologists, Nqobile Ngoma.

Indvuna yetetimali Enoch Godongwana uncume kukuhocisa kukhushulwa kwentsela ye-VAT. Lentsela bekulindzeleke ikhushulwe nmga-0.5% nakusuka lenyanga letako yeNkhwekhweti. Kubuka kabanti lesincumo, sikhulumisana nemhlatiyi wetemnotfo, Khaya Sithole.

Sikhungo sembuso lesibukele kusebenta ngetebuchwepeshe i-State Information Technology Agency (SITA)sitsi siyalwesekela loluphenyo lolumayelana nekutsengwa kwema laptop langema-22 elitiko letemfundvo kulesifundza se Mpumalanga ngemali lelinganiselwa etigidzini letimbili temaRandi. Lesikhungo besihlangene nelihhovisi laNdvunankhulu Mandla Ndlovu kutewukhulumisana ngaletinsolo. Sicocisene nenhloko ye...

Buholi belisontfo lemaRoma i Vatican butsi umngcwabo wa Pope Francis utawubanjwa  nge Mgcibelo  eSt Mary Major Basilica. Lohola  lomkhandlu webafundisi,  i-College of Cardinals, Giovanni Battista Re,  nguye lekulindzeleke ahole lenkonzo. Simeme mengameli wemkhandlu wemabandla i-South African Council of Churches (SACC)  Bishop Sithembele Sipuka.

Thishelanhloko Simon Mthembu wasikhungo lesicecesha emakhono i Okuhle Kodwa Training Center eSecunda kulesifundza seMpumalanga wetsembise kutsi utowenta konke lokusemandleni kucinisekisa kutsi bafundzi bayatitfola titifiketi tabo.

 Bafundzi labangetulu kwema-300 lebebafundza esikolweni sekulolonga ngemakhono iOkuhle Kodvwa Training Center eSecunda kulesifundza seMpumalanga bayakhala ngekutsi kusukela baphotfula solomane abakatitfoli titifiketi tabo.. Lesikolo sinemagatja eMangweni nase-Carolina. Batsi kusukela baphotfula tifundvo tabo emkhakheni wetekupheka, kushisela kanye nagezi ngenyanga yeNhlaba emnyakeni lophelile...