Ligwalagwala FM Current Affairs

Ucale itolo umhlangano weANC e-Mpumalanga, iProvincial General Council (PGC). Lomhlangano wePGC wandvuleLwe kuhlala kwetinhlaka teANC etigodzini iHlanzeni, Gert Sibande kanye neKangala. Mabhalane weANC eMpumalanga Muzi Chirwa uyasichazela.

Lucwaningo lolwentiwe sikhungo lesikhankasela kulwa nekuphelela endleleni kwebafundzi i-Zero Drop Out, luvete kutsi tinyenti tizaftu letibanga kutsi bafundzi bangasicedzi sikolo. Kukhuluma ngalolucwaningo simeme  inhloko ye-Zero Drop Out Collen Wadle........

Kulandzela imphumelelo yelicembu lesive ebholeni letinyawo Bafana Bafana leseyiyawuhlanganyela emchudzelwaneni wendzebe yemhlaba eMelika, balandzeli bebhola labanyenti bevakalise sifiso sabo sekufuna kuhamba nalelicembu naliyodlala kulomchudzelwano wemhlaba. I Melika ngulelinye lalamave lekutawube kudlalelwa kuyo emancamu eFifa World Cup 2026. Kepha kuhlola yini ledzingekako nangabe ufuna kutilung...

Esigabeni setfu sekucubungula emabhuku, namuhla sibuka libhuku lelibhalwe nguNompumelelo  Kunene lelitsi "Rise To Greater Heights". .

Sihlalo weSCOPA kusishayamtsetfo salesifundza seMpumalanga, Desmond Moela utsi kufanele batsatselwe tinyatselo bonke labo lebanesandla kulenkohlakalo yekwakhiwa kwendlu yabonogadza ledle imali lengetulu kwetigidzi letintsantfu temarandi.

Njengobe namuhla tilishumi nesikhombisa enyangeni yeMphala lilanga lekuchushisaa ngekutintseka kwengcondvo  lokubangwa kuhlangabetana netihlakalo letishwacisa lugogo, i World Trauma Day. Kutositjela kancono ngalelilanga simeme solwati wetengcondvo lophuma etikweni letemphilo eMpumalanga, Felicia Mashabane.

Mabhalane we-ANC kulesifundza seMpumalanga Muzi Chirwa, utsi lenhlangano seyikulungele kubamba umhlangano lomkhulu wesifundza iProvincial General Council (PGC) kulemphelasontfo.

Inhlangano iSave The Children SA seyivakalise kukhatsateka ngekwandza kwetehlakalo tekuhlukunyetwa kwebantfwana ngetemancansi. Loku kulandzela kuncishwa ibheyini kwemfundisi loneminyaka lengu 66 lobekwe licala lekudlwengula umntfwana loneminyaka lemitsatfu e Botlokwa e Limpopo, Sikhulumisana nemphatsi we-Save The Children South Africa, Gugu Xaba....

Umphatsiswa wetemfundvo kulesifundza seMpumalanga, Lindi Masina utsi lomkhuleko bewubanjwe namuhla uhlose kucinisa lidvolo bafundzi bakamatikuletjeni njengoba bayobhala luhlolo lekuphela kwemnyaka. Kantsi utsi kusasa batawube batibophelela kutsi batalubhala ngekwetsembeka loluhlolo.

Iyachubeka nekungena imilayeto yekudvudvuta kulandzela kwendlula emhlabeni kwaloyo lowake waba nguNdvunankhulu welive lase-Kenya Raila Odinga, lohlaselwe sifo senhlitiyo nakaselashwa  e India.  SIkhulumisana nemhlatiry wetangephandle  Thulisa Ndlela.

Inhlangano yetemphilo emhlabeni i-World Health Organisation ibita kwekutsi isukunyelwe masinyane inkinga yetifo letiyamene nekucacamba kwenhloko.  Kukhuluma kabanti ngaletifo, ikakhulukati kushaywa yinhloko ngalokwecile, sichumana na Dokotela lowatikabanti ngaletifo, i-neurologist  esibhedlela i Rob Ferreira Dr Tracy Mmako

 Njingalwati Renata Schoeman wase-Stellenbosch Business School utsi kusebenta ngaphansi kwesimo lesigongonyako (toxic work environment) kuvame kuholela ekutseni sisebenti sibanjwe tifo leteyamene nekukhungatseka kwengcondvo (mental health). Kukhuluma ngalesimo sasemsebentini lesigongonyako, simeme umhlengikati lobuke tindzaba tetisebenti kulelihovisi leSABC eMpumalanga, Bongi Nongwanya.

Inyonyana iPOPCRU ivakalise kukhatsateka ngekuhleshulwa kwemali yempesheni yetisenti ikakhulukati emalunga ayo. Lenyonyana itsi emalunga ayo lamanyenti akhale ngekwehla kwalemali yempesheni lkusukela ngenyanga ya July kudzimate kube ngu September. Kuyibuka lendzaba sikhulumisana nemengameli we POPRCU Umnumzane Thulani Ngwenya.

Kulenyanga yeMphala kufundziswa ngekugula lokuyimphicabadzala lokwatiwa nge-Attention Deficit Hyperactivity Disorder (ADHD). Sicocisana nemuntfu lophila ne ADHD, kanye nadokotela loweluleka ngengcondvo, Zandile Shabangu.

I-ANC kulesigodzi saseHlanzeni kulesifundzeni seMpumalanga itsi ishayeke lidvuma ngekwendlula emhlabeni kwelilunga layo lelingumnkatjubovu Meshack "Taylor" Nsimbini. Nsimbini wake waba ngusosiswebhu weANC kumasipala we-City of Mbombela kantsi futsi wake waba lisekela lemengameli weMKMVA. Wendlule emhlabeni ngeLisontfo. Sicocisana namabhalane weANC kulesigodzi saseHlanzeni, Umnuzane Folas Sibuyi.&n...

Licembu lesive leBafana Bafana litawube liyincenye yemave layawuhlanganyela emchudzelwaneni wendzebe yemhlaba ebholeni letinyawo lotawubanjelwa eMelika kulomnyaka lotako. Loku kuta ngemuva kwekutsi iBafana Bafana yehlulke iRwanda ngemagoli lamatsatfu ecandzeni kuze itibeke endleleni yekuyohlanganyela kulomchudzelwano wemhlaba. Sicocisana  nentsatseli yetindzaba temidlalo lapha ka-SABC Mududuz...

Sihlalo weyunyana yetisebenti tamasipala iSAMWU eTshwane, Lehlogonolo Maphatsoe utsi masipala weTshwane uhlulekile kugcina setsembhiso sekukhuphulela tisebenti imiholo.

Inhlangabno yebanikati betindzawo letihlalisa bafundzi iMpumalanga Association of Students Accomodation (MASA) seyisihocisile siteleka sayo sekumisa kuniketa bafundzi tinsita ngoba batsi iNSFAS isengakababhadali. Simeme sihlalo weMASA Robert Dlamini kutosichazela.

Inhlangano yebafundzi i outh African Students Congress ( SASCO) itsi ibasekela ngalokuphelele bafundzi basenyuvesi yas Free State labangahambisani nesincumo sebaphatsi balenyuvesi sekumisa luhlelo lwekutsi umfundzi avunyelwe kubhalisela kufundza nanome anganayo imali yekubhadala.  Sikhulumisana namabhalane we-SASCO, Admission Monareng

Bashayeli bemaloli bancume kumisa kusebenta ngenca yekukhatsateka ngetimo lebasebenta ngaphansi kwato.  Sicocisana nalomelele letisebenti, Princess Londi.

Sifundza i-Mpumalanga sidle umhlanganiso emichudzelwaneni wavelonkhe wetinkhulumo mphikiswano letimayelana netekuphepha emgwacweni. Kutosichazela kancono ngalomchudzelwano, simeme umcondzisi weligumbi lelifundzisa ngetekuphepha emgwacweni etikweni letekuphepha kwemango, kuvikeleka nekuchumana,  Umnumzane Dumisane Magagula.

Namuhla umhlaba ubungata lelilanga lekwenta taba tekunciphisa betinhlekelele emhlabeni i-International Day for Disaster Risk Reduction. Kukhuluma ngalendzaba sicele umphatsi lomkhulu ehhovisi lelilawula tinhlekelele kumasipala wesigodzi se Hlanzeni kulesifundza seMpumalanga, Umnumzane Zwakele Maseko.

Mengameli wase Madagascar Andry Rajoelina ukucinisekisile kutsi kukhona labatama kucumba phansi umbuso.  Kepha umhlatiyi wetindzaba taseAfrica Advocate Sipho Mantula utsi bantfu labasha bakulelalive ngibo lebahola lombhikisho lokhonondza ngemanti, gezi kanye nemphilo lencono.

Sifike ngolwesihlanu sidvumbu saloyo bekalincusa lakulelive  eveni laseFrance Nathi Mthethwa. Mthethwa wendlule emhlabeni kuleliviki leliphelile ngemuva kwekuwa estezi lesitigaba letingemashumi lamabili nakubili kuya etulu eParis. INjengendlela yekumhlonipha, sikhulumisana naNjingalwati Sihawu Ngubane.

Indvuna yetebudlelwane nemave angaphandle Ronald Lamola utsi loyi abelincusa lakuleli eFrance, Nathi Mthethwa bekadze atimisele emsentini wakhe futsi bekangumuntfu bekatikhandla.