Ligwalagwala FM Current Affairs

Masipala wase Nkomazi sewucoke lotawubamba kwesikhashana njengemeninjeli yalomasipala (MM) lekungu Mnumzane Oscar Nkosi. Lokubamba kwakhe njengemphatsi wamasipala waseNkomazi kulandzela kwesula kwaloyi abephetse lesikhundla Umnumzane Xolani Mabila. Sicocisana naye Umnumzane Nkosi ngetinhlelo takhe.

Jayed-Leigh Paulse na Tshepo Phagane basihlanganisele lombiko lokhetsekile lomayelana nalobekasingani salendvodza lengakadzalulwa libito letsi beyingumngani waPhilangenkosi Makhanya - lekungumsolwa losafile kulelicala lekubulawa kwaOlorato Mongale. Millicent Phakathi usetfulela lombiko.  

Litiko letekutfutfukisa temnotfo kulesifundza se-Mpumalanga, ngekubambisana nesikhungo i- Mpumalanga Green Cluster Agency, batawubamba umhlangano welihlandla lesitsatfu wabosomabhizinisi labancane nalabasakhasa ngenhloso yekuvula ematfuba lasemkhakheni wekugucugucuka kwesimo selitulu. Lomcimbi kulindzeleke ubanjelwe eSecunda. Kuva kabanti ngalomcimbi sicocisene na- Zanele Sifundza loyi Technical A...

Bantfu bakuleli bayachubeka nekudvonsa matima ngenca yekumba ecolo kwentsengo yekudla . Loku kuta njengobe umkhicito walapha ekhaya iGDP,  ukhule nga 0.1% ngekota yekucala yalomnyaka lesikuwo nakucatsaniswa nekota yekugcina yemnyaka lophelile. Umbiko wanga-May 2025 welucwaningo lolwentiwe yi Pietermaritzburg Economic Justice & Dignity Group ukhombisa kukhuphuka kwemanani entsengo yekudla...

 Inyonyane yemaphoyisa i-Police and Prisons Civil Rights Union (POPCRU) itsi ifuna kwentiwe luphenyo lolutimele mayelana netinsolo tekuhlukunyetwa kwalabo labaceceshelwa kuba maphoyisa kulelive le Ningizimu Afrika. Emalunga alenyonyane amashele e-Hammanskraal SAPS Academy, eNyakatfo Ye Pitoli kuyovakalisa tikhalo tabo mayelana naletinsolo kantsi namuhla kulindzeleke kutsi bamashele e Moloto k...

Indvuna lebukele tindzaba tabomake, bantfwana nalabakhubatekile ehhovisi lemengameli Sindisiwe Chikunga sewuyetfule ngalokusemtsetfweni lenyanga yebantfu labasha. Kukhuluma ngekuhlomula kwelusha etinhlelweni temnotfo welive, simeme mengameli we-South African Youth Chamber of Commerce, Umnumzane Thapelo Maleka

Njengobe kuliviki lekucushisa ngekuvikeleka kwebantfwana i National Child Protection Week sibone kukuhle mlaleli kutsi simeme inhlangano i Save The Children kute sive kabanti, kutsi ingabe kubangelwa yini lokwandza kwetehlakalo tekulahleka kwebantfwana futsi batali yini lebangayenta kubavikela. Sikhulumisana nemphatsi lomkhulu wenhlangano iSave The Children South Africa, Gugu Xaba 

Greenpeace Africa, ibambisene nesikhungo lesibitwa nge Centre for Research on Energy and Clean Air (CREA) betfule umbiko loveta kutsi kushone bantfu labangetulu kwa-42 000 kulelive leNingizimu Africa ngenca yekungcola kwemoya. Kulabantfu labashonile kubalwa nebantfwana labangephasi kweminyaka lesihlanu labangetulu kwa 1,300. Sikhulumisene naCynthia Moyo lovela ka-Greenpeace Africa.

I-Human Rights Watch  isola licembu le-M23 lelisekelwa yi-Rwanda ngekubulala bantfu phaca lababalelwa emashumini lamabili nakunye  lapha emphumalanga  yeDRC. Loku kuvele kulombiko loshicilelwe ngulenhlangano nalapho ivete kutsi letigameko tenteka ngamhlaka 22 na 23 February e-Goma. Kukhuluma kabanti ngalendzaba sicocisene na-Advocate Sipho Mantula, losati ngetindzaba tase Afrika.&nb...

Inhlangano yeIFP itsi idvumatekile ngekubulawa ngesihluku kwelisekela lasosiswebhu wayo ephalamende Khethamabala "KP" Sithole. Sithole uhlaselwe e Katlehong eMphumalanga Randi ye-Gauteng ngeMgcibelo ebusuku. Sihlalo weIFP velonkhe Blessed Gwala utsi betsemba kutsi emaphoyisa atawenta konkhe lokusemandleni kucinisekisa kuboshwa nekushushiswa kwalabatsintsekako kulesehlakalo. 

Dr Nandipha Magudumana umikisa ludzaba lwakhe enkantolo yemtsetfo-sisekelo ngoba akholelwa ekutseneni kunyatseleke emalungelo akhe. Sikhulumisana nemmeli Melusi Xulu lophuma enkapanini  i-Donda Attoneys.

Inkantolo lenkhulu yaseNshonalanga Kapa isibalule njengaleshayisana nemtsetfo-sisekelo futsi lesiphambene nemtsetfo sincumo seNational Assembly sekutfumela lilunga leMK ephalamende Dr John Hlophe njengalotayimelele kuJudicial Service Commision. I DA yaya enkantolo kuyokhala ngalokutfunyelwa kwaHlophe kuJSC. Yenanelwa yi Freedom Under law kanye neCorruption Watch. Kukhuluma ngalesincumo senkantolo,...

Inhlangano ye-EFF seyifake sicelo lesiphutfumako lesiphikisana nekunyuswa kwentsela yamafutsa etimoti, enkantolo yemacala laphakeme eKapa. Lentsela lebitwa nge General Tax Levy kulindzeleke icale kusebenta mhla titine kulenyanga yeNhlaba (4th of June). Kubuka lendzaba ngeliso lemhlatiyi wetemnotfo sicocisana neMnumzane Lunga Mahlaba lovela enkapanini iNkunzi Wealth Group.  

Tisebenti letingaphasi kwemklamo we EPWP e Barberton kulesifundza se Mpumalanga tibambe umbhikisho emahhovisi amasipala we Mbombela nalapho tikhala ngekutsi tifuna kucashwa ngalokuphelele. Ngekusho kwaletisebenti tatsenjiswa kutsi titawucashwa ngalokuphelele kulomnyakatimali. Sikhulumisana na Godfrey Sthole longulomunye waletisebenti .

Inhlangano yebaholi bendzabuko, i-CONTRALESA itsi itawucinisekisa kutsi kute basokwa labatawulahlekelwa yimpilo yabo kulomnyaka. Kuvamile kutsi kushone basokwa njengoba sekusikhatsi sekucala kwalelisiko lekusoka. Sicocisene namengameli weCONTRALESA, Kgoshi Mathupa Mokoena.

Litiko letemfundvo kulesifundza se-Mpumalanga lincome emaphoyisa ngekunonopha abophe basolwa labasitfupha labasemkhatsini kweminyaka leli-16 neli-19. Labasolwa labasitfupha basolwa ngekubandzekanyeka ekubulaweni kwemfundzi waka Grade 12 , lobekafundza eNsika Secondary School eTjakastad, Mncedisi Nhlapho. Sicocisene nalokhulumela emaphoyisa esifundza, Lieutenant Colonel Jabu Ndubane.

Inhlangano ye-African People's Convention i-(APC),yetfule ngalokusemtsetfweni sigungu lesisetulu  sebaholi bayo kulesifundza se-Mpumalanga . Loku kulandzela lomhlangano wemkhandlu walenhlangano i-PGC leyabanjelwa lapha e-Dundonald  kumasispala we Chief Albert Luthuli evikini leliphelile . Sicocisene naMengameli we-APC  uMnumzane Themba Godi.

Iphela namuhla lapha e-Nkomazi inkomfa yavelonkhe yesikhungo semkhakha wetebucwephesha lebeyibanjwe yi-Progressive Black in ICT. Sikhulumisena namengameli lomusha walesikhungo Welcome Magagula.

Tifundziswa nebabhali bemave emhlaba bashayeke lidvuma kulandzela kwendlula emhlabeni kwembhali lohlonishwako wase-Kenya, Ngũgĩ wa Thiong'o. Wa Thiongo ushone ngoLesitsatfu aneminyaka lengu 87 budzala. Wa Thiongo udvume ngemabhuku lafaka ekhatsi The Wizard of the Crow kanye ne Petals of Blood. Simeme Njingalwati Lolie Makhubu-Badenhorst lophuma kubhodi lelondvolota lulwimi kulelive i-PanSALB kute...

Esigabeni setfu sekucubungula emabhuku, namuhla sibuka libhuku lelibhalwe Richard Rambau lelinesihloko lesitsi "Escape Poverty." 

Inhlangano letimele lekutsiwa yiWHEELWELL isukumise umkhankaso wekulwa nekulimala kakhulu kwebantfwana etingotini temgwaco. Lenhlangano icela bantfu kutsi banikele ngetitulo tekuhlalisa bantfwana etetimotini. SIkhulumisana na Thabile Shuping lovela kulenhlangano.

Emaphoyisa evakalise kukhatsateka ngekwandza kwetehlakalo tekubulawa kwebantfu labasikati lebahlangana nebabulali babo etinkhundleni tekuchumana.  Tinkhundla tekuchumana kulabanye setaba yindzawo yekutfola lutsandvo kantsi kulabanye tibeka timphilo tabo engcupheni. Kukhulma ngalendzaba sicocisana nesati setindzaba tenhlalo, Jerry Khoza .  

Tibalo letikhululwe silulu semabhange tikhombisa kwenyuka kwetibalo tebantfu nemabhizinisi latsenge ngesikweleti enyangeni yaMabasa. Kukhuluma kabanti ngaloludzaba sicocisana nemhlatiyi wetemnotfo, Precious Lugayeni. 

Hulumende wesifundza saseMpumalanga sewumise emsebentini tinhloko tematiko lamabili, lekubo-Lucy Moyane, i-HOD yetemfundvo kanye naGodfrey Ntombela, i-HOD yelitiko letemasiko, imidlalo nekukhibika. Michael Mdluli uyasibikela.

Sekuphindze kwadzilitwa letinye takhiwo tebantfu lengene emhlabeni wemuntfu ngalokungekho emtsetfweni eKarino ngaphandle kancane kwase-Mbombela. Emaphoyisa namasipala weCity of Mbombela bebakhona kutewucaphela simo. Simeme lokhulumela masipala weCity of Mbombela, Umnumzane Joseph Ngala.