Ligwalagwala FM Current Affairs

Lihhovisi lelibuke tindzaba tentsela (TAX OMBUD) livakalise kukhatsateka ngekwandza kwetehlakalo tekuntjontjwa kwemininingwane yebakhokhintsela ye e-Filling. Sicocisana na Sibusiso Thungo losati ngetentsela lovela ka Tax Wells/ Umthombo Wentela.

Namuhla kucala liviki lekuvikelwa kwebantfwana i-Child Protection Week kantsi liyobungatwa kudzimate kube ngumhlaka 5 ku June. Letinye tinhlangano letinakekela bantfwana tivakalise kukhatsateka ngekutsi tiyandza tehlakalo tekuhlukunyetwa kwebantfwana kulelive. Sikhulumisana nameluleki lotfoba ingcondvo, Zandile Shabangu.

Bosolwati batsi sisu semuntfu sidlala inzima lebalulekile kucinisekisa kusebenta kahle kwemtimba, kwengcondvo kanye nekukhululeka emoyeni. Namuhla umhlaba wonke ubungata lilanga lekubaluleka kwekugayeka kahle kwekudla esiswini, iWorld Digestive Health Day. Simeme sati ngetekudla lophuma tikweni letemphilo kulesifundza seMpumalanga, Umnumzane Bonginkosi Nkosi.

 Inhlangano iTeddy Bear Foundation, itsi letibalo letibikwa ngekuhlukunyetwa kwebantfwana ativeti sitfombe lesiphelele, njengoba titinyenti tigameko letingabikwa.  Sicocisene nalovela enhlanganweni iSave the Children South Africa, Gugu Xaba.

Umholiw enhlangano lelwela bantfu basemapulazini iGert Sibande Rural Farm Dwellers Association, Umnumzane Malibongwe Soko utsi basachubeka nekubukana netikinga tekuhlukunyetwa bantfu labahlala nalabasebenta emapulazini. Loku kusukela ekutseni inkantolo lebuyeketa tincumo ikhiphe sijubo lesivuna Jacob Pieters lobekabukubene nekucoshwa epulazini lelise Stellenbosch lebesekahleti futsi asebente kulo...

Sekusuke tinkhulumo kulandzela kutsi iNdvuna Yetekuchumana, Solly Malatsi isolwe ngekutsi ifuna kukhipha inkampani yetebucwepheshe i-Starlink kutsi ingaphocelelwa ekutseneni ihlangabetana nemgomo yeB-BBEE (Broad-Based Black Economic Empowerment). Kepha Malatsi utsi lesinyatselo sakhe asikentwela kuvulela indlela lenkapani ye-Starlink kepha kunaloko injongo lenkhulu kukhulisa kuncintisana kulomkhak...

Sikhulumisene nelilunga lesigungu lesisetulu enhlanganweni yebameli i-National Association of Democratic Lawyers (NADAL), Umnumzane Themba Mathenjwa ngalokuniketwa sikhatsi sekuphumula lokukhetsekile kweCEO ye-RAF Collins Letsoalo.

Umntfwanenkhosi Thulani Zulu utsi bayasisekela lesincumo samengameli Cyril Ramaphosa sekumukela Inkosi yesive semaZulu, Misuzulu ka Zwelithini njengeNkhosi. Bekakhuluma ngaphandle kwasenkantolo lebuyeketa emacala e Bloemfontein. Lenkantolo bekadze ilalela sicelo samengameli lesikhala ngesincumo senkantolo lephakeme yase Pitoli leyajuba kutsi mengameli wenta liphutsa ngekusayina emaphepha lagcoba n...

Kushone bantfu labasikhombisa etingotini temgwaco letenteke ngekwahlukana kulesifundza se Mpumalanga. Labatsatfu bashe bangcongca emgwaceni i-R23 emkhatsini kwe Vaal ne Balfour. Kulenye ingoti kushone bantfu labane emgwaceni i-R38 emkhatsini kwe Kaapmuiden ne Louw's Creek. Simeme lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi.

 Likhomishana lemalungelo eluntfu lisamukele sijubo senkantolo lebuyeketa timcumo (Supreme Court of Appeal)  kulelicala lemhlaba lelibandzakanya umuntfu lobekasebenta epulazini, lebesekacoshwa ngumnikati walelipulazi. Kutosichazela ngalomtsetfo, simeme Nkomishana weHuman Rights Commission, Philile Ntuli.

Uyakhala umndeni wakaMsimango, lapha Kabokweni ngaseWhite River kulesifundza seMpumalanga, kulandzela kushona kwendvodzakati lekusolwa kutsi igagadlelwe. Kuva kabanti sicocisana namalume wemufi Umnumzane Delisa Kubheka, kantsi siphindze sibe nalokhulumela emaphoyisa esifundza, Jabu Ndubane.

Libhange letekutfutfukisa ingabadzi ye Africa, i African Development Bank, kulindzeleke likhetsa mengameli lomusha mhlaka 29 kulenyanga lesikuyo, emhlanganweni lotawubanjelwa e-Ivory Coast. Kutfola kabanti ngenjongo yalelibhange nekutsi yini lelingayenta kusita lelivekati le Africa, sikhulumisana nemcwaningi wetemnotfo khona lakhaya ka SABC Umnumzane Velemseni Mthiyane........

Inkantolo yesigodzi eMalahleni kulesifundza se-Mpumalanga igwebe liphoyisa kanye nalomunye bekaliphoyisa, iminyaka lesihlanu babhadla ejele, ngelicala lekwetama kubulala nelekushaya. Sayitjeni Louise Venter naloyo bekaliphoyisa Stefaans Breytenbach baboshwa nga 2020 kulandzela sigameko lesenteka ngalesikhatsi bente sivimba-mgwaco (roadblock) emgwacweni i N4 dvute ne Balmoral. Simeme mabhalane weny...

Inhlangano ye ANC kulesifundza beyihlangene nendvuna yetindzaba tagezi kulelive Dr Kgosientso Ramokgopa kutawukhuluma kabanti ngetindzaba tagezi kulesifundza . Simeme mabhalane we ANC kulesifundza Umnumzane Muzi Chirwa kutokhuluma ngalomhlangano.

Litiko letekuhweba, timboni nekuncintisana selisungule lukufukamela bosomabhizinisi labasakhasa kuze bahlonyiswe ngema ngemakhono nelwati lekutfumela imkhicito kulamanye emave. Kukhuluma kabanti ngaloluhlelo sicocisana nemcondzisi jikelele lobuke kutfunyelwa kwemkhicito kulamanye emave etikweni letekuhweba, timboni nekuncintisana Umnumzane Kwanele Mkhwanazi (Director Export Development and Support...

Lilunga lenhlangano yeMK Party ephalamende Colleen Makhubele utsi lokucekisa imigomo yetekuchumana kwendvuna Solly Malatsi angeke kwenteke ngaphandle kwemvumo yaliphalamende. Zara Groenewald na Zandile Nkosi bayasibikela....

Mengameli Cyril Ramaphosa utsi abakakhulumisani ngenkapani yaElon Musk, i-StarLink ngalesikhatsi ahlangene nemlingani wakhe waseMelika Donald Trump. Ukuvete loku ngemuva kwalomhlangano. Kepha ingcumba yakuleli Johann Rupert uvakele aphakamisa kutsi lelive liyayidzinga inkapani lefana neStarLink nakaphawulo kulomhlangano walabaholi lababili bewuseMelika. Sikhulumisana  nemetfuli wetifundvo te-...

Itolo bekugutjwa lelilanga lelatiwa nge-Africa Day. Ngalelilanga kukhunjulwa kusungulwa kwenhlangano iAfrican Union lebeyatiwa nge-Organization of African Unity ngamhla ka-25 May, 1963. Sicocisana nemhlatiyi wetembangave Prof Bheki Mngomezulu.

Lelikomishana lelibukene netindzaba tebatsengi kuleli i National Consumer Commission litsi kuneluhlobo lolutsite lwetimoti lekumele batsengi batibuyisele emuva kubakhiciti. Bantfu labatsenge letimoti bagcugcutelwa kutsi bavakashele emagalashi lebatitsenge kuwo. Kepha kuva kabanti ngalendzaba nekutsi ngutiphi letimoti lekukhulunywa ngato sikhulumisana na-Phetho Ntaba lovela kulo lelikomishana.&nbsp...

Namuhla kugutjwa lilanga lelatiwa nge-Africa Day. Ngalelilanga kukhunjulwa kusungulwa kwenhlangano i-African Union lebeyatiwa nge-Organization of African Unity ngamhla ka-25 May, 1963. Nanobe kugutjwa lelilanga namuhla kusanekukhala ngekusalela emuva kwetilwimi temdzaba njengobe kusasetjentiswa kakhulu singisi etikolweni nakuletinye tikhungo lekuholela ekutseni kube nekukhatsateka ngekushabalala k...

Lelive licale inyanga yekucushisa ngekuvikeleka kwebantfwana kusukela mhla ka-11 kulenyanga kuya kumhla ka-11 kulenyanga letako. Kukhuluma ngenzima ledlalwa batali ekucinisekiseni kuvikeleka kwemalungelo ebantfwana sicocisana na-Advocate Rofhiwa Malala lophuma ehhovisini lelibukene netindzaba temindeni kulesifundza sase-Mpumalanga, i-Family Advocate.

Umangalise banftu labanyenti umfati waKwaZulu Natal loneminyaka lengema-37 Jack Geldenhys,  ngalesikhatsi ashada emadvodza lamabili. Lomake ushade indvodza yakhe lesekavane nayo iminyaka leli-12 nalaphindze abe nebantfwana nebanftwana labane nayo kanye nalenye indvodza lasandza kuvana nayo.  Kepha kubuka kutsi lesinyatselo saloluhlobo sisibeka kuphi sitfunti semshado njengoba umshado lab...

Kusasa kutawube kugujwa lilanga iAfrica Day. I Heritage Council ngulesinye setikhungo lesitawube sibungata lelilanga ngekugcugcutela kugcinwa kahle kwetindzawo letiungemagugu elive njengentsaba i-Makhonjwa Mountains. Sicocisene na Thabo Manetsi longumphatsi lomkhulu ku Heritage Council.   

Bosolwati ngetekulima bagcugcutela bantfu batilimele tibhidvo emakhaya kuze banciphise kuphuma bayotsenga etimakethe. Tibhidvo letifana ne-spinach, tamatisi kanye nalokunyenti ngito letivame kuhlanyelwa nganasi sikhatsi semnyaka. Sicocisana neMnumzane Samuel Nyoni longumlimisi lotimele. 

Indvuna yemaphoyisa Senzo Mchunu utsi tifundza iGauteng, KwaZulu Natal, Nshonalanga Kapa kanye naseMphumalanga Kapa tihamba embili ngebugebengu bekubulawa kwebantfu kulelive. Letibalo takamuva tebugebengu tikhomba kutsi tiyandza tigameko temacala ekugagadlela nekuhlukumeta ngekwemacasi kanye nemacala layamene netimali kulekota yekucala yalomnyaka. Sicocisana nesati ngetebugebengu Dkt. Mxolisi Math...