Ligwalagwala FM Current Affairs

Inhlangangano yebabhali i- Academic and Non-Fiction Authors Association of South Africa (ANFASA), iyachubeka nemkhankaso wayo wekugcugcutela kulondvolotwa kwetilimi tendzabuko njengoba tibonakala setishabalala. Sikhulumisana nasihlalo weANFASA lophindze abe nguProfessor we-African Languages eUniversity of KwaZulu Natal, Professor Sihawu Ngubane.

Sihlalo wemkhandlu lohola iDA, iFederac Council, Helen Zille utsi ucabanga kugacela sikhundla sasodolobha wemkhandlu-dolobha wase Jozi elukhetfweni lwabohulumende basemakhaya kulomnyaka lotako. Kukhuluma kabanti ngalendzaba sicocisene  nemhlatiyi wetembangave, Umnumzane Solly Masilela.

Umisiwe emsebentini thishelanhloko wasesikolweni semabanga laphansi i-Magubha Primary, eDriekoppies, ngaphandle kwaseMalalane, kulesifundza seMpumalanga, ngetinsolo tekutsengisa tikhala temsebenti. Kukhuluma kabanti ngekjtsengiswa kwetikhala temsebenti wabothishela, simeme lisekela lemengameli wenyonyana yabothishela iNATU, Umnumzane Mandla Mabuza.

I-Bloomberg ibike kutsi libhange lemave emhlaba livete kutsi linike lelive leNingizimu Afrika sikweleti semali lengu-1.5 billion US dollar. Lelibhange litsi limaliitawusetjentiswa ekuvuseleleni takhiwoncanti tetemandla nalokunye. Lesikweledi nyalo sesifika ku-26 billion Rand. Sicocisene nesati setemnotfo Precious Lugayeni kutotfola kabanti ngemtselela walsikweleti. 

Masipala weMbombela kulesifundza seMpumalanga usahlolisisa umonakalo lobangwe ngulomoya bewuhhusha ngemandla etindzaweni letehlukahlukene itolo ebusuku. Simeme sodolobha Sibongile Makushe-Mazibuko.

Njengobe kuyinyanga yekucushisa ngekuhlaliseka kwesimo sengcondvo kubobabe sibone kukuhle kukhuluma ngekunakekekeleka kwengcondvo yabobabe njengendlela yekulwa nemikhuba yekuhlukumeteka kwabo kanye nekubuka tinhlelo letikhona tekubasita. Simeme Umnumzane Mbuyiselo Botha loyincenye yemalunga lasungula inhlangano ye South African Men's Forum.

Litiko letekuhweba, timboni netekuncintisana livete kutsi kuletiphaza letingetulu kwema-800 letikhona lapha Ehlanzeni, tingema-53 letitfolakele kutsi tinemaphepha lativumela kutsi tisebente ngalokusemtsetfweni. Loku kuvetwe ngulelitiko njengobe lisemkhankasweni wekufundzisa banikati betiphaza ngekutsi bangatfolanjani kusekelwa ngetimali ngulelitiko. Sikhulumisana nemphatsi walomklamo Siziwe (Sizi-...

I African Transformation Movement imemetele ngekucokwa kwa-Professor Caesar Nongqunga njengemengameli lomusha walenhlangano. Ungena etinyatselweni ta Vuyelwa Zungula lohole lenhlangano kusukela ngo 2018. Sicocisana nalokhulumela iATM Zama Ntshona.

Sikhungo lesibuke kufukulwa kwemnotfo kulesifundza iMpumalanga Economic Growth Agency (MEGA) sibambisene nePhila Jordan Capital, sebamemetele ngekusungulwa kweluhlelo lekucecesha bantfu labasha ngemakhono labatawukhona kutiphilisa ngawo. Kutfola kabanti ngaloluhlelo elucingweni sichumana nesikhulu lesiphetse ka-MEGA, Umnumzane Isaac Mahlangu.

Lijaji Ratha Mokgoatlheng sewucolisile ngetiphimiselo takhe lebetinemagama lanekucwaya ngekwelibala latikhulume ngalesikhatsi kutekwa licala lekubulawa kwaSenzo Meyiwa enkantolo lephakeme ePitoli. Kukhuluma ngaloku simeme Mbekezeli Benjamin lophuma enhlanganweni i-Judges Matter.

Sikhuluma nasihlalo wenhlangano yebalimi i African Farmers Association of South Africa esifundzeni sa Kwazulu Natal, Umnumzane Mbongeni Skhakhane ngekubhedvuka kwesifo sematele.

Banikati betiphaza kulesifundza se-Mpumalanga batawutfola litfuba lekuva kabanti ngelusito lwetimali loluvela kulesikhwama i- Spaza Shop Support Fund. Umhlangano utawube ubanjelwe Enhlanzeni  Disaster Management Centre khona lapha e-Mbombela kusasa. Kuva kabanti ngaloko  sicocisene na- Siziwe Zulu, loyi Project Manager ku-National Empowerment Fund (NEF).

I Mpumalanga International Film Festival (MIFF) itawube inemcimbi namuhla lapho itawuchaza kabanti ngetinhlelo tayo kanye nemsebenti wekutfutfukisa iMpumalanga kutekulingisa, kubhala, kufukula umnotfo kanye ne-tekuvakasha. Kutfola kabanti ngalomcimbi sicocisene na- Themba Banda lokhulumela i- MIFF.

Live le-Rwanda selimemetele kuhocisa bulunga balo enhlanganweni yemave i-Economic Community of Central African States (ECCAS). Loku kulandzela kutsi lisole live le-DRC ngekusebentisa kabi lenhlangano. I-Kigali itsi lilungelo layo licekelwe phasi ngemuva kwekubuyiselwa kwelive le-Equitorial Guinea kubangusihlalo walenhlangano nalebekufute kunikwe iRwanda kulempelasontfo. Sicocisana nemhlatiyi wetep...

Emaphoyisa akulesifundzeni se-Mpumalanga avakalise kukhatsateka ngekwenyuka kwetibalo tekugagadlela kulesifundza.  Kukhuluma ngalokukhatsateka sicocisana nenhloko yeluphiko loluphenya emacala ekugagadlela, Brigadier Thandi Pule

Njalo nekungena busika bantfu labanyenti bavame kujahela kubodokodela bayogoma kute balwe nemkhuhlane. Letinye tati tetempilo letifaka ekhatsi ema-Medical Missionaries, titsi tikhona tindlela tekulwa nemkhuhlane ngekusebentisa lamanye emakhambi ngaphandle kwemaphilisi. Kubuka kutsi nguwaphi lawo makhambi langasetjentiswa bantfu simeme Tshwarelo Masango uyiMedical Missionary kutokhuluma naye ngalol...

Licala kusasa liphalamende lebantfu labasha, lekungumbutsano wemalanga lamabili, njengoba lelive ligubha inyanga yebantfu labasha. Lombutsano utawube ubanjelwe ngaphansi kwamasipala weThembisile Hani. Sicele somlomo weliphalamende lesifundza seMpumalanga Linda Masina kutokhuluma ngalombutsano.

Esigabeni setfu  semabhuku namuhla sikhuluma ngelibhuku lelibhalwe ngu-Colisile Tfwala lenesihloko lesitsi "Black People Get Your Money Right." 

Inyonyana yetisebenta tasetimayini iAMCU seyivakalise kukhatsateka ngekutsi imayini iSibanye Stillwater ayiyihloniphi imitsetfo legunyata kunakekelwa kanye nekuphepha kwetisebenti tasemayini. Loku kuta ngemuva kwekuvaleleka ematfunjini emhlaba kwetisebenti letibalelwa ema-278 kuleliviki, kantsi evikini lelengcile bekuvaleleke letingema-266. Sikhulumisana nemengameli we-AMCU Umnumzane Joseph Mathun...

Umphatsiswa welitiko letemphilo kulesifundza se Mpumalanga, Sasekani Manzini bekavakashele sibhedlela sase Barberton namuhla, kulandzela sigameko sekushiswa kweligumbi lelemukela tigulane letidzinga lusito loluphutfumako. Tisebenti tesibhedlela tabeka phansi emathulusi tikhala ngekusabela kuphepha kwato ngemuva kwalesehlakalo. Sikhulumisana naye unmohatsiswa Manzini kutositjela kutsi utfoleni kulo...

NgeLisontfo kutawube kuhlangene basubatsi labahlukahlukene kutewuba yincenye yemjaho lomkhulukati iComrades Marathon. Sifundza se-Mpumalanga siyobe simelwe basubatsi labacishe babe ngu 800. Lomjaho walomnyaka utawuba yi-down run lokusho kutsi utawucala e-eMgungundlovu uphelele eThekwini. Sicocisene na Miyelani Magasa lophuma ku SANDF kulesifundza se-Mpumalanga longulomunye walabasubatsi labayohlan...

Achubeke njalo nekungena emavi ekulilela bantfu baseZambia kulandzela kwendlula emhlabeni kwamengameli waphambilini akulelalive, Edgar Lungu. Ushonele esibhedlela salapha eNingizimu Africa sekaneminyaka lengema-68. Sicocisene kabanti ngempilo ya Lungu na- Advocate Sipho Mantula, losati ngetindzaba tase Afrika.  

Litiko letemphilo letfule ngalokusemtsetfweni umkhankaso wekunikela ngetitfo temtimba e-Boksburg e-Gauteng.. Loku kwentelwa kugcugcutela bantfu kutsi banikele ngetitfo temtimba letifana netinso, inhlitiyo emaphaphu, sibindzi nalokunye. Kuva ngalomkhankaso sikhulumisana neTransplant Coordinato esibhedlela iCharlotte Maxeke, Mphoentle Moeng.

Emaphoyisa aseMpumalanga agubhe sidvumbu sadzadze loneminyaka lengema-44 lekukholwakala kutsi wagujelwa emabaleni asekhaya kubo ngaMay nyakenye. Losesi kusolwa kutsi wabulawa wabese ugujelwa ngumnakabo emabaleni alomuti wakubo. Lomsolwa loneminyaka lengema-30 bekavele enkantolo yamantji KaBokweni namuhla. Kukhuluma ngalendzaba simeme lokhulumela emaphoyisa aseMpumalanga, Brigadier Donald Mdhluli.

Akasekho emhlabeni mengameli waphambilini eveni lase Zambia Edgar Lungu. Lungu wendlula emhlabeni sekaneminyaka lengema-68. Kutfola kabanti ngemshiyandvuku wakhe nekutsi yini bantfu base Zambia lebatamkhumbula ngayo sikhulumisana nasolwati wetepolitiki Njingalwati Bheki Mngomezulu.