Ligwalagwala FM Current Affairs

Kulindzeleke ibanjwe namuhla inkonzo yesikhumbuto yentsatseli leyanyamalala nesingani sayo, bagcine batfolakala sebashonile. Sibusoso ndlovu kanye nemlingani wakhe Zodwa Mdluli banyamalala mhla tili-18 i-Ndlovana kulomnyaka. Sikhulumisana nentsatseli ye SABC Calvin Dludla kutositjela kabanti ngaloludzaba.

Litiko letekutfutfukisa tenhlalo ku;lesifundza seMpumalanga livakalise kukhatsateka ngekwenyuka kwesibalo sebantfu labasha lebaphila ngetidzakamiva. Sicocisana na-Isabel Makhushe lophuma kulelitiko.

Mengameli wase Melika Donald Trump sewutishaye ngenhlanekela tinsolo letitsi ushiye umhlangano we G7 wabuyela ekhays kwentele kutsi atewukhona kuhlanganisa sivumelwano sekubeka tikhali phansi kulemphi lesuke emkhatsini we Iran ne Israel. Kutfola kabanti kutsi ingabe yini lesingayilindzela kulemphi yalamave lamabili simeme solwati ngetembangave Njingalwati Bhekithemba Mngomezulu.

 Litiko letemfundvo lakulesifundza seMpumalanga litsi selime ngemumo kusingatsa bafundzi bakamatikuletjeni labangetulu kwa-23 034 etifundvweni tasebusika letiyocala mhlaka tingema-30 kulenyanga ye-Nhlaba kudzimate kube ngumhla ka-18 ku-Kholwane. Simeme lokhulumela litiko letemfundvo kulesifundza, Umnumzane Jasper Zwane kutococa ngalendzaba.

Lisekela lamengameli Paul Mashatile utsi lusha lwakulelive kumele libuke tindlela tekuticalela  emabhizinisi kunekulindza kucashwa. Mashatile bekakhuluma emcimbini wekubungata lilanga lebantfu labasha lebewubanjelwe e Potchefstroom eNorth West. Kwenaba kabanti ngalenkhulumo simeme mengameli we-South African Chamber of Commerce, Advocate Mtho Xulu.

Indvuna yetemfundvo lephakeme  Dr. Nobuhle Nkabane icele kwelulelwa sikhatsi sekwetfula emabito elitsimba bekalitfume kutsi liyocoka emalunga ebhodi ye-SETA.  Kutfola kabanti ngaloludzaba simeme lilunga leDA kukomiti lebukele temfundvo lephakeme ephalamende, Karabo Khakhau.

Labanye bahlatiyi betembangave batsi lohulumende lobusa ngekuhlanganyela kulelive (GNU) abengeke akhone kutilungisa ngemnyaka munye tinkinga letibukene nalelive. Lohulumende welubanjiswano bewuhlanganisa umnyaka wasungulwa ngemphelasontfo. Sicocisene nemhlatiyi wetembangave, Umnumzane Sandile Swana.

Emaphoyisa e Masoyi nggaseHazyview kulesifundza se Mpumalanga aphenya licala lekubamba inkunzi. Loku kuta ngemva kwekutsi basolwa labasihlanu bangene esontfweni lase Numbi batsatsela bazalwane imali, bomakhalekhikhini nemoto yemfundisi. Simeme lokhuoumela emaphoyisa esifundza Colonel Jabu Ndubane

Tibalo letikhishwe lihhovisi letibalo kukota yekucala yalomnyaka, tikhombisa kutsi bangu-59.6 % bantfu labasha labangasebenti kulelive. Njengoba lelive libungata lilanga lensha namuhla, labanye bantfu labasha babonakala banganawo umdlandla wekugubha lelilanga ngenca yekuswelaka kwematfuba emsebenti. Kubuka lemsimo sikhulumisana namabhalane wenhlnagno yetifundziswa i-SA Association of PHDs, Dr Bong...

Sesineminyaka lelishumi nakutsatfu sikhungo Iphakama Drop-in Center lesilapha eLihawu ePienaar ngaphandle kwaseMbombela. Lesikhungo sisita bantfwana labete kwekugcoka kanye nekudla. Sicocisana na  Adelaide Ngema lovela kulesikhungo 

Inhlangano iDads for Pads isemkhankasweni wekugcugcutela bantfu besilisa kutsi banake bantfwana babo bemantfombatane nabaya emalangeni.  Sicocisane na Candice Chirwa lovela ku Dads for Pads. 

I Mpumalanga International  Film Festival seyivule lelinye litfuba kubabhali bemafilimi kutsi baletse ticelo tabo temafilimu kute bakhone kutfola kwesekelwa ngetimali. Sicocisane na Sifiso Nobela longumphatsi we Mpumalanga International Film Festival.

Sicocisana nemeluleki ngetetimali Colisile Tfwala mayelana nekubaluleka kwekonga imali kanye netindlela tekwakha ingcebo.

Tinhlangano te politiki kusishsyamtsetfo sesifundza se Mpumalanga, tikhala ngalobugebengu lobucubuke e Baberton, kumasipala weCity of Mbombela. Simeme umphatsiswa welitiko lekuphepha kwemphakatsi, kuvikeleka nekuchumana e Mpumalanga, Jackie Macia.

Lelibhange i Post Bank licela labo labahola imali yesibonelelo sahulumende kutsi bacaphele tigebengu letitenta tisebenti talelibhangi kantsi titoganga. Lelibhangi litsi labo labasebentisa emakhadi lamnyama kanye nalawa la-gold akaSASSA kutsi banganiketi noma ngubani imininingwane yabo. Sicocisana nalokhulumela i Post Bank, Dr Bongani Diako.

Esigabeni setfu  sekucubungula emabhuku, namuhla sikhuluma  ngelibhuku lelibhalwe ngu-Yeyise  Kunene- Dlamini lelitsi " Of Course, I Can."

Mengameli Cyril Ramaphosa sewumemetele kutsi kuyawubanjwa iumhlangano lomkhulu wekubonisana kwato tonkhe tinhlaka takulelive ngenhloso yekwetama kutfola tisombululo tetinkinga letibukene nalelive. Kulindzeleke kutsi umhlangano wekucala ubanjwe ngenyanga yeNgci kulomnya. Kubuka lendzaba ngeliso lemhlatiyi sikhulumisana naNjingalwati Zamo Mbandlwa.

Litiko letgekubusa ngekubambisana kuhlaliswa kwebantfu kanye netindzaba tebaholi bendzabuko kulesifundza seMpumalanga litsi njengoba sekucale sikhatsi sekusoka alifuni kube nebafana labashonela etikolweni tekusoka. Kutfola kutsi lesifundza sitilungiselele kangakanani kubukana nalesimo, simeme sihlalo wekomiti lebukele tindzaba tekusoka kulesifundza, Inkhosi BR Mahlangu.

Labanye balabo labatfola lemali yesibonelelo lengu R370 i Socia Relief of Distress grant, bayahluleka kutfola lemali ngenca yetinkinga letiphatselene neluhlelo lwa online lolusetyjentiswa yi-SASSA kucinisekisa imininingwane. Inhlangano i Black sash ivete kutsi itfola tikhalo letinyentio enatfwini labatsi abayitfoli  le-Link yaka SASSA kute bangene kuloluhlelo lwa Online. Sicocisene na Senzeni...

Inkapani i Online Solution isemkhankasweni wekusita banikati betindlu labahlala etindzaweni tasemakhaya nasemalokishini kutsi batfole ematayitela latfolakala ngetindlela tebuchwepheshe. Kukhuluma ngaloludzaba sinemnumzane GG Alcook lovela kuyo lenkapani iOnline Solution.

Tikolo letimbili tase-Pienaar i-Mbongeni Primary neSicelosetfu Secondary Schools ngaphandle kwasedolobheni lase-Mbombela tikhahlanyetwe ngulomoya lonemandla lohlasele ngasekucaleni kwaleliviki. Kutfola kabanti ngekungenelela kwalitiko letemfundvo eMpumalanga sicocisana nemcondzisi jikelele Umnumzane Chukudu Manyabiyane

Hulumende ubambe inkomfa ye-Green Hydrogen Summit lehlose kubuka tindlela tekuphehla gezi we Hydrogen, lotawucinisekisa kuvikeleka kwemvela. Kukhuluma ngekubaluleka kwalenkomfa sikhulumisana nesati ngetekunakekelwa kwemvelo Jack Magongo lovela kunhlangano i-Africa Green Earth.

Inhlangano yabodokotela i-South African Medical Association (SAMA) yecwayisa ngekucitseka kwemkhuhlane loyingoti kulelive kanye nangekubhedvuka kweligciwane lelinsha lelifana neCovid 19. Sihlalo we-SAMA, Dkt Mvuyisi Mzukwa utsi nanobe lusengakentiwa lubito lwekutsi bantfu bafake tifonyo kepha bantfu kufanele batinakekele futsi bacinisekise kutivikela kulomkhuhlane.

Balinganiselwa ema-49 bantfu lebashone kuletimvula letihlasele esifundzeni saseMphumalanga Kapa. Kuva ngetakamuva sinentsatseli yeSABC, Abongile Jantjies.

Njengobe sekavele acalile emakhata sifuna kuva ngekutilungiselela kwenkapane yaka Eskom kubukana nalamakhata kwatise kutsi bantfu bavame kuwusebentisa kakhulu gezi ngalesikhatsi. Kuyibuka kabanti lendzaba esicocisana nalokhulumela i-Eskom, Daphney Mokoena.