Ligwalagwala FM Current Affairs

Lisekela lendvuna yelitiko letemfundvo lesisekelo Dr Reginah Mhaule likhuluma ngemphumela webafundzi bakamatikuletjeni banga-2025 kanye nangekuvulwa kwetikolo kulomnyaka.

Lokhulumela inyonyana yabothishela iSADTU Nomusa Cembi utsi babonga kakhulu ngemphumelelo yebafundzi bakamatikuletjeni beliklasi langa-2025. 

Indvuna yelitiko letemfundvo velonkhe Siviwe Gwarube umemetele imiphumela yakamatekuletjeni itolo ebusuku. Lesifundza seMpumalanga sinebafundzi labasikhombisa lebebayincenye yalabo bebatitatanyiswa tendvuna yetemfundvo eJozi. Sikhulumisana nalabanye balabafundzi lebafaka ekhatsi Siyanda Welcome Nkuna langumfundzi weNkomazi Secondary School lohambe embili kuvelonkhe ngetifundvo te Maths,  Sher...

Njengaba tikolo tiyavulwa kusasa, litiko letemisebenti yesive imigwaco netekutfutsa kulesifundza seMpumalanga, licela labatfutsa bantfwana besikolo kusi bacinisekise kwekutsi timoti tabo tiphilile, tisesimweni sekuba semgwacweni, nekutsi tinawo wonkhe emaphepha lasemtsetfweni. Sikhulumisana nemcondzisi wetekutfutswa kwebafundzi kulelitiko, Umnumzane June Sibiya.

Tinhlitiyo tishayela etulu njengoba njengoba kulindvwe indvuna yetemfundvo Siviwe gwarube kutsi amemetele imiphumela yakamatikuletjeni namuhla. Kubuka kutsi yehliswa njani imimoya kunasi simo lesibukene nebatali, bafundzi kanye nabothishela, sikhulumisana nadokotela loweluleka ingcondvo, Rabi Phetla.

Siciwi setinyamatane iKruger National Park (KNP) sicwayise tivakashi kutsi ticaphele timvula lesetiholele ekutfutsweni kwaletinye tivakashi etinkanjini letitsite. Lokhulumela lesiciwi Raymond Thakuli utsi lesimo lesibi selitulu sesiholele ekuvalweni kwemagede lamabili alesiciwi i-Pafuri kanye ne-Giriyondo

Likomishana letekuncintisana kulelive likiphe tinkambiso letilawula tikolo mayelana nekutsenga tinsita letifana ne-unirfom. Kusukela ngemnyaka wa-2010, lelikomishana belisolo litfola tikhalo kubatali lebakhala ngekucindzetelwa tikolo letibaphocelela kutsi batsenge i-unifomu endzaweni yinye. Lokhulumela lelikhomishana Sthabiso Buthelezi.

Ngalesikhatsi etfula ngalokusemtsetfweni umkhankaso wekuvulwa kwetikolo, umphatsiswa wetemfundvo e-Mpumalanga Linda Masina wetsembise kutsi konkhe sekumo ngemumo kwemukela bafundzi etikolweni. Masina ucele imiphakatsi kutsi itesekele tikolo wabuye waveta nekutsi tiphatsimandla timatasatasa ngekulungisa tikolo leticekeleke phansi ikakhulukati ngenca yemvula kuze kutsi bafundzi bangahlupheki. Njengo...

Libamba lasihlalo webhodi lebukele kusebenta kwesikhungo lesisita bafundzi ngetimali i-National Student Financial Aid Scheme (NSFAS) Dr Mugwena Maluleke utsi sebaphotfulile kucubungula ticelo ttebafundzi lebafuna kulekelelwa ngetimali tekufundza etikhungweni temfundvo lephakeme. Simeme lokhulumela i-NSFAS, Ishmael Mnisi. 

Kuleliviki bekuhlangana iminyaka leli-114  kwasungulwa inhlangano ye ANC.  Kantsi umcimbi lomkhulu wekugubha lelilanga lekutalwa kwalenhlangano utawubanjwa namuhla eMoruleng ngase-Rustenburg eNorth West.  Sicocisane nemhlatiyi wetepolitiki, Professor Bheki Mngomezulu.

Batali becwayiswa kutsi bangacinisi kakhulu sandla kubafundzi nakuphuma imiphumela yeluhlolo lwakamatikuletjeni. Losebenta ngekutfoba ingcondvio Buyiswa Mncina ukhipha lesecwayiso.

Ndvunankhulu wesifundza sa Kwazulu Natal Thami Ntuli sewuphakamise kutsi Lieutenant General Nhlanhla Mkhwanazi abuyele esikhundleni saNkomishana wemaphoyisa esifundza. Sati ngetebugebengu Andy Mashile uyancomeka umsebenti lowentiwa nguMkhwanazi njengomholi wemaphoyisa esifundza saKZN.

Mengameli wase-Uganda, Yoweri Museveni, utimisele kubuyela kulesikhundla sekuba ngumengameli lesekutawube kulihlandla lesikhombisa. Live leUganda liya elukhetfweni mhla ka-15 kulenyanga lesetulu. Museveni, losaneminyaka lengemashumi lasiphohlongo nakunye (81), wangena kulesikhundla nga-1986, kansti nguye umholi lobuse sikhasti lesidze kunanobonke e Uganda. Sicocisana nemhlatiyi wetindzaba tase Afr...

Kushone bantfu labayimfica etingotini temgwaco letimbili letenteke ngekwehlukana kulesifundza seMpumalanga. Labasihlanu bashonele emgwaceni losemkhatsini kwe Balfour ne Greylingstad kantsi labane bashonela emgwaceni losemkhatsini kwe Standerton ne Pardekop. Kepha lotasichazela kabanti ngulokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi.

Mengameli wenhlangano ye ANC Cyril Ramaphosa utsi nanobe inhlangano ye ANC ibukene netingcinamba tsite kepha ke kusaseyinhlangano letsandvwako kuleli. Uvete loku ngalesikhatsi buholi bayo i ANC buvakashele emathuneni emgcinimafa wayo wangaphambili kanye naloyo lowaba ngumabhalane we SACP Moses Kotane nemkakhe e Rustenburg e North West. Loku ke kuyincenye yemcimi lomkhulu wekubungata iminyaka lengu...

Mengameli wase Melika Donald Trump sewutsetse sincumo sekutsi iMelika iyaphuma ekwesekeleni ngetimal sivumelwano sekulwa nekugucugucuka kwesimo selitulu emhlabeni i-United Nations Framework Convention on Climate Change kanye naletinye letingephansi kwa Mhlabuhlangene. Tilinganiselwa emashumini lasitfupha nesitfupha tinhlangano temhlaba iMelika lememetele kutsi iyaphuma kuto njengoba beyitesekela n...

Licembu le-National Freedom Party (NFP) seliphumile ekubeni yincenye yalohumunde welubumbano esifundzeni KwaZulu Natal. Lenhlangano ihlela nekucondzisa tigwegwe lilunga layo lelikusishayamtsetfo salesasifundza, Mbali Shingo.  Kubuka loludzaba sicocisene nemhlatiyi wetepolitiki Dr. Zamo Mbandlwa. 

Namuhla kuhlangana iminyaka leli-114 kwasungulwa inhlangano yeANC. Kantsi umcimbi lomkhulu wekubungata lelilanga utawubanjelwa enkhundleni yetemidlalo eMoruleng eRustenburg esifundzeni saseNorth West ngeMgcibelo. Kepha kusukela kucale leliviki buholi beANC buphishekile behla  buyenyuka eNorth West butilungiselela lomcimbi wangeMgcibelo. Kuva kutsi kuhamba njani kutilungiselela kwalenhlangano,...

Vusi Thani lovela kulitiko letemfundvo kulesifundza seMpumalanga, utsi akusilo liciniso kutsi luyabhadalelwa loluhlelo lwe-Matric Second Chance Program.

Sihlalo wenhlangano yebafundzi iSASCO kulesifundza seMpumalanga Siyabonga Shabalala utsi bayatamukela letincumo teNSFAS kulomnyaka.

Takamuti taseMattafin, ngaphandle kancane kwelidolobha iMbombela kulesifundza seMpumalanga, bavalise kukhatsateka ngekucitseka kwendle legeletela emakhaya abo ikakhulu nakuta tlitulu. Nonkululeko Shongwe uyasibikela. 

Umkhandlu lobuke kutfutfukiswa kwemtsetfo sisekelo i CASAC, utsi kucokwa kwa Andy Mothibi njengemcondzisi wetekushushisai kulelive, bekungakalindzeleki. Mengameli Cyril Ramaphosa umemetele lokucashwa kwakhe itolo. Mothibi utawucala kusebenta mhlalulunye kulenyanga letako, nakuphela sikhatsi senkontileka ya Shamila Batohi. Kutfola kabanti kutsi ingabe letingucuko titayisita ngani i NPA ecingweni sa...

Litiko letekutfutfukisa tenhlalo eMpumalanga livakalise kukhatsateka ngekwenyuka kwetibalo tebantfwana labakhulelwa basebancane. Kuva kabanti kutsi ingabe yinkhulu kangakanani lenkinga, sicocisana na- Mdu Shongwe longumphatsi egunjini lelibukene netemindeni kulelitiko letekutfutfukisa tenhlalo e-Mpumalanga. 

Kulamalangana lengcile kudaleke umonakalo emakhaya lamanyenti ngenca yesangcondvo lesashaya ngemandla ikakhulukati kumasipala waseHlanzeni. Lesangcontfo samosha kakhulu ePienaar nakuletinye tindzawo taseMbombela ngekusho kwemibiko. Tindlu letinyenti tapheshukelwa luphahla letinye kwadzilika tindvonga kwaphuka nemafastelo. Sicocisene nalokhulumela litiko le CoGHSTA Freddy Ngobe kutewuva takamuva ma...