Ligwalagwala FM Current Affairs

Umbiko welucwaningo lolwentiwe sikhwama se Localisation Support Fund uveta kutsi batsengi labanyenti basebentisa kakhulu titolo ta online tase China, lesekufaka incindzetelo emnotfweni wakuleli futsi kulahlekisela labanyenti umsebenti. Kutfola kabanti ngalendzaba sikhulumisana nasomnotfo Lunga Mahlaba.

Sifiso Nobela longumphatsi lomkhulu weMpumalanga International Film Festival utsi umbukiso walomnyaka utawugcila kakhulu kuma-film abomake lekufaka ekhatsi kukhuluma ngetinsayeya letibukene nalabasikati njengekuhlaselwa nekuhlukunyetwa.

Hulumende walelive utsi uyachubeka nekukhulumisa nelive lase Melika mayelana nalesincumo salo sekufaka intsela lengemaphesenti langema-30 kumikhicito lesuka kuleli itfunyelwa kulelalive. Lokwenyuka kwalentsela kungahle kuholele ekulahlekeni kwemisebenti emikhakheni lefaka ekhatsi yetekulima neyekwakhiwa kwetimoti. Indvuna yetebudlelwane nemave emhlaba Ronald Lamola utsi ngetulu kwekuchubeka bakhul...

 Inhlangano lesita bantfu lababukene nelutfutfuva lwasemakhaya i-National Shelter Movement of South Africa (NSMSA) isola emaphoyisa ngekwehluleka kuvikela labatsandzanai nemaphoyisa nakukhona kungevani. Loku kuta ngemuva kwekutsi kube neliphoyisa lelisolwa ngekudubula libulale make wemntfwanalo, labese nalo liyatidubula. Sicocisene nalomelele lenhlangano iNational Shelter Movement of South Af...

Umkhandlu wetifundza i National Council of Provinces (NCOP) bewuuhlangene naNkhomishana wemaphoyisa KwaZulu Natal, Lt-Gen Nhlanhla Mkhwanazi, kuyawubhunga kabanti ngetingcinamba letibukene nemaphoyisa.  Sicocisana nasosiswebhu we NCOP esifundzeni sa KwaZulu Natal, Umnumzane Mzamo Billy.

Litiko letekulima, kutfutfukisa tindzawpoo tasemakhaya, temihlaba kanye netemvelo eMpumalanga lisukumise luhlelo lwekusita bafuyi lolwatyiwa ngeMasibuyele Esibayteni. Umcondzisi wekutfutfukisa tekufuya kulelitiko Zanele Mpangane uyasichazela ngaloluhlelo.

Umphatsiswa welitiko letemphilo kulesifundza seMpumalanga Sasekane Manzini usole kakhulu kuhlaselwa kwetisebenti tetemphilo emtfolampilo iMorapedi Community Health Center kumasipala weGoven Mbeki. Manzini utsi kutawumiswa kwesikhashana kusebenta nasebusuku kwalomtfolamphilo.

Bagcine bashonile labantfu labasikati lababili lekusolwa kutsi bashiselwe ekamelweni belikhiyiwe eMalahleni, kulesifundza se-Mpumalanga. Kuboshwe singani samunye walabodzadze kantsi ngekusho kwemaphoyisa sesitawubukana nemacala lamabili ekubulala. Inhlangano lelwa nekuhlukunyetwa kwabomake i-Sekwanele Mama Foundation ivakalise kudvumala ngalesigameko lesihlasimulisa umtimba. Lokhulumela lenhlangan...

Lokhulumela inyonyana iCOSATU Zanele Sabela ukhala ngekutsi kungahle kulahleke imisebenti lemi nyenti ngenca yalokwenyusa ngemaphesenti langema-30 kwentsela yemphahla yakuleli lengena eMelika.

Mengameli Cryil Ramaphosa utsi tinhlangano letili-10 letisakhiwo sahulumende welubumbano iGNU tisahlangene...,

Inhlangano yebavukuti basetimayini i National Association of Artisanal Miners (NAAM) itsi ayivumelani nalokuboshwa kwalabo labasolwa ngekuvukuta etimayini ngalokungekho emtsetfweni lapha e Barberton. Kodvwa kuva kabanti kutsi kungani asamukele lokhulumela iNAAM, Zethu Hlatshwayo.

Emaphoyisa akulesifundza seMpumalanga atsi bacishe babe ngemakhulu lasihlanu bavukuti labangekho emtsetfweni lebaboshwe emayini eSheba ngaseBarberton kuleliviki leliphelile. Kutfola takamuva ngalesehlakalo, sicocisane nalokhulumela emaphoyisa alapha eMpumalanga Brigadier Donald Mdhluli.

 Mabhalane jikelele wenhlangano  yeMakomanisi, i-SACP, Solly Mapayila wetfule inkulumo lekhetsekile embutsanweni wekugubha iminyaka lelikhulu nakune kwasungulwa lenhlangano. Sikhulumisana naye Umnumzane Mapaila losichazela ngendzima ledlalwe yiSACP ekwenteni ncono imphilo yebantfu bakulelive.

Sikhungo lesilwula kusebenta kwemincele yalelive i Border Management Authority (BMA) yetfule tinhlelo letissha ekuphepha kuzte kuciniswe luhlelo lwekuhlolisisa bantfu labandlula eminceleni kanye nekucinisekisa kuhlonishwa kwemtsetfo kuyo yonkhe imincele yalelive. Sikhulumisana nelisekela laNkhomishana we BMA, David Chilembe  

Ugcine kusebenta nakuphela lenyanga lefile lobekabambe njengesihlalo welikhomishana letebatsengi kulelive, Make Tezzy Mabuza lodzabuka kulesifundza sase-Mpumalanga. Sikhulumisana naye lowaMabuza kuva kutsi ungakanani likhonile yini lelikhomishana kuhlangabetana nnaleminye yemibandzela yalo....

Njengobe inyanga ye-Ngci ibungatwa njengenyanga yekugcugcutela kuvikeleka kwalabasikati, emaphoyisa akulesifundza sase-Mpumalanga atsi atawube amatasatasa asebentisa lenyanga kufundzisa kanye nekulwa nekwandza kwesihlava sekuhlukunyetwa kwalabasikati. Sikhulumisana nemphatsi weluphiko lolulwa nekuhlukunyetwa kwabomake eMpumalanga, Brigadier Thandi Pule.

Esigabeni setfu sekucubungula emabhuku, namuhla siyawube sikhuluma ngelibhuku lelibhalwe ngu Dimakatso Mitchel Sowana lelinesihloko lesitsi "The Contract Guru." 

 Tibonakala tifuna kutipha emandla tehlakalo tabomake bagilisa bantfwababo imikhuba. Kunamake lobonakele etitfombeni letinyakatako ahoshisa umntfwanakhe tidzakamiva Kantsi eKapa JOshlin Smith kusolwa kutsi watsengiswa ngumake wakhe esangomeni. Ingabe iyini imbangela yalomkhuba? Simeme sati ngesimo sengcondvo, Moses Mkhabela.

Professor Firoz Cachalia ufungiswe njengendvuna yetemaphoyisa eUnion Buildings ePitoli namuhla. Cachalia ungena eticatfulweni ta Senzo Mchunu loniketwe i leave lekhetsekile kulandzela kusolwa ngenkohlakalo. Simeme lokhulumela inyonyana iSAPU Umnumzane Lesiba Thobakgale.

Emaphoyisa akulesifundza seMpumalunga atsi  emalunga e-Operation Vala Umgodi abophe ema-zamazama labacishe babe yinkulungwane emayini lese-Barberton. Kutfola takamuva ngalendzaba sikhulumisana na-Captain Mpho Nonyane.

Tindzaba tensimbi yelishumi nesikhombisa sitifundzelwa nguSimphiwe kunene 17/07/25

Likhomishana letekulingana ngekwebulili likhiphe umbiko losola iNSFAS ngekuphuta kubhdala bafundzi timali tekufundza nekuhlala. Lelikhomishana litsi loku kuholela ekuhlukunyetweni ngekwemacansi kwebafundzi bemantfombatana etikhungweni temfundvo lephakeme. Sikhulumisana ne-legal officer kulelikhomishana, Sandile Useni.

Silulu semabhange simemetele kutsi intalo yemali-mboleko (repo rate) yehliswe nga 25 basis point. Kubuka umtselela walesincumo, simeme umhlatiyi wetemnotfo Mandla Malope. 

Mengameli Cyril Ramaphosa sewucoke ngaokusemtsetfweni liJaji Dunstan Mlambo njengelisekela lenhloko yetekwahlulela (Deputy Chief Justice). Kubuka kabanti loludzaba sikhulumisana neMnumzane Mbekezeli Benjamin lovela esikhungweni  iJudges Matter.

Indvuna ehhovisi lemengameli lebukele tindzaba tabomake, bantfwana kanye nalabakhubatekile Sindisiwe Chikunga uvakalise kukhatsateka ngekwandza kwetehlakalo tekuhlukumeta letibhoke kulelive.