SABC News
Ligwalagwala FM Current Affairs
SABC News has the biggest network of journalists in South Africa, covering rural and urban areas across all provinces. SABC News provides bulletins and current affairs in all official languages to three TV and 18 radio stations. A selection of the most topical content can be listened to here.
Be sure to visit the podcast's website and support the creator: www.ligwalagwalafm.co.za
Author
SABC News
Category
Podcast website
Latest episode
Oct 29, 2026
Where to listen?
Podcasts in the app Replaio Radio Coming soonPodcasts are coming to the app soon. Install now and be the first to see a whole new take on podcasts
Install for free
Android almost 10M downloads · 4.8 rating
iOS soon
Episodes
#Imphunga - MTPA Floods 19.01.2026 6:17
Hulumende waseMpumalanga utsi bangemashumi lamabili lebandlule emhlabeni ngenca yalelitulu lelisolomane lingahhamuki kulesifundza. Ngetulu kwaloko, lisachubeka nekuna lelitulu lelidale umonakalo kutinsitancanti letifana nemigwaco emabhuloho kanye netindlu. Kantsi nesikhungo lesibukele temapaki kulesifundza iMTPA ivakalise kutsi kunetindzawo leseyitivale kwesikhashana ngenca yalemvulo. Kepha lotasi...
#Imphunga - Hulumende waseMpumalanga ubuka tindlela tekusita balimi lebakhahlanyetwe nguletimvula. 19.01.2026 6:23
Kunyenti lokutsikametekile ngalemvula lechubeke nekuna kulesifundza se Mpumalanga. Umkhakha wetekulima nawo ukhala letimatfontsi njengoba balimi labanyenti batsi lemvula ibabulalela titfombo tabo. Kutfola kutsi litiko letekulima lentani kwelekelela balimi balesifundza, simeme umphatsiswa wetekulima, kutfutfiukiswa kwetindzawo tasemakhaya kanye netindzaba temvelo, Khethiwe Moeketsi.
#Telive - Discussion: Bosolwati betemtsetfo batsi tiyandza ticelo tesehlukaniso ngaBhimbidvwane. 18.01.2026 14:46
Letinye tati temtsetfo nangetemishado tivete kutsi ngalenyanga ya Bhimbidvwane kuvamile kutsi bantfu labashadile bafake ticelo tesahlukaniso nakucatsaniswa naletinye tinyanga emnyakeni. .Kepha kuve kutsi ingabe yini lebanga lesimo asamukele sati setindzaba temtsetfo netemshado, Zola Mbatha lovela ku-Legacy Yezibaya.
#Telive - Museveni uphindze waphumelela lukhetfo lwemengameli eUganda. 18.01.2026 4:02
Mengameli waseveni lase Uganda Yoweri Museveni, uphindze wakhetfwa njengemengameli wakulelalive. Sikhulumisana nemhlatiyi wetepolitiki, Njingalwati Bheki Mngomezulu ngaloludzaba
#Telive - Ndvunankhulu wesifundza se Mpumalanga utsi kushone bantfu labange-20 kuletimvula letisolo tiyidliva. 18.01.2026 6:14
Ndvunankhulu wesifundza seMpumalanga Mandla Ndlovu bekaphumile naletinye tiphatsimandla tahulumende kuyobuka umonakalo lodalwe tindvula etincenyeni letitsite takulesifundza.
#Telive - Balimi bakulesifundza se Mpumalanga bakhala ngekulinyalelwa titfombo ngenca yetimvula letinemandla 17.01.2026 3:52
Kuletimvula letina ngemandla kulamalanga kunetinkhulumo letitsi labanye bebalimi bakhala ngekutsi setibabulalela titjalo tabo . Ingabe lesimo selitulu lesichubeka kulamalanga sinemtselela longakanani kubalimi futsi yini lekufanele uyente ungumlimi kuze ushaye inala? Kuyikhuluma lendzaba, elucingweni sichumana naye umnumzane Samuel Nyoni .
#Telive - Book Review: "Dare to Believe: Why I Could Not Stay in the DA" by Dr Mmusi Maimane 17.01.2026 6:39
Esigabeni seftu semabhuku namuhla sikhuluma ngelibhuku lelibhalwe ngu Dr Musi Maimane, leli nesihloko lesitsi Dare to Believe: Why I Could Not Stay in the DA.
#Telive - Discussion: Baka- Life Line becwayisa batali kutsi bakhulumisane kahle nebantfwana bakamatikuletjeni labangakaphumeleli. 17.01.2026 13:44
Lihhovisi laka-Life Line eMbombela kulesifundza se-Mpumalanga litsi limatasatasa lemukela imibuto kubatali bebantfwana bebafundza matikuletjeni mayelana nekutsi kumele babeluleke njani labo labangakaphumeleli.. Kwenaba kabanti ngalendzaba sikhulumisana nemeluleki wengcondvo wakhona ka-Life Line ngu-Dawn Khoza
#Embiteni - LAPTOPS Mpu 17.01.2026 5:03
Tinhlangano tepolitiki kusishayamtsetfo sase-Mpumalanga tiyawamukela lombiko weluphenyo lwekutsengwa kwema-Laptops langemashumi lamabili nakubili litiko letemfundvo kulesifundza. Motsebe Monareng uyabika
#Embiteni - Rain NKOMAZI 17.01.2026 2:43
Tikhulu tahulumende wesifundza seMpumalanga tivakashele letindzawo letikhahlanyetwe timvula kumasipala weNkomazi. Mthobisi Mkhaliphi uyabika
#Imphunga - Mkhulu umonakalo lodalwe timvula kumasipala weBushbuckridge. 16.01.2026 5:54
Sodolobha wamasipala waseBushbuckridge Matlanatso Lydia Moroane utsi letimvula letichubeka nekuna tidale umonakalo lomkhulu kulomasipala.
#Imphunga - Bantfwana labangu-33 babanjwe bafohliswa egedeni lase-Beit Bridge. 16.01.2026 4:54
I-Border Management Authority (BMA) itsi itfole bantfwana labangema-33 labangemaphepha lasemtsetfweni bafohliswa egedeni lase-Beit Bridge ngasekucaleni kwaleliviki. I-BMA itsi labantfwana baneminyaka lesemkhatsini kwalemine naleli-15 budzala. Kutfola kutsi kwentekani ngalabantfwana, sikhulumisana neliphini laNkomishana we BMA, David Chilembe.
#Embiteni - iEFF iyasemukela sincumo sekubuyiselwa emsebentini kwa Lucy Moyane lobekabekwe kulandzela kutsengwa kwema-laptop nga-R2 million 15.01.2026 2:38
Sikhulumisana nemholi we EFF kulesifundza se Mpumalanga Collen Sedibe ngekubuyela kwaloyo loyinhloko yelitiko letemfundvo Lucy Moyane emsebentini ngemuva kwekucondziswa tigwegwe ngekutsengwa kwema-laptops ngemali lenguR2 million.
#Embiteni - Hulumende wesifundza se Mpumalanga utsi loyo loyinhloko yelitiko letemfundvo Lucy Moyane utawubuyela emsebentini mhlaka 19 kuyo lenyanga ngemuva kwekucondziswa tigwegwe.. 15.01.2026 4:25
Hulumende wesifundza seMpumalanga umemetele kutsi utfole 80% kulemali leyabhadalwa sonkontileka lowatsengisela litiko letemfundvo ema laptops langu 22. Batsi sebatfole imali lengetulu kwa 850 thousand wemarandi kulo 2 million wemarandi lekwatsengwa ngawo lama laptops nga December wanga 2024. Imali lesele kulindzeleke kutsi ibhadalwe ingakapheli lenyanga. Lokhulumela hulumende wase Mpumalanga...
#Embiteni - RAIN DROWN Mpu (pkg) 15.01.2026 2:53
Tikhulu tahulumende tibita takhamuti talesifundza kutsi tigweme kuwela imifula legcwele nemabhuloho njengobe lichubeka nekuyidliva litulu kulesifundza seMpumalanga. Mthobisi Mkhaliphi uyasibikela.
#Embiteni - Umphatsiswa wetemfundvo eMpumalanga uphawula ngelilanga lekucala lekuvulwa kwetikolo 15.01.2026 8:53
Umphatsiswa welitiko letemfundvo kulesifundza seMpumalanga Lindi Masina utsi bakuhlehlisile kuvulwa kwetikolo eBushbuckridge ngenca yesimo lesibi selitulu.
#Imphunga - Basasebanyenti bantfwana lebangakatfoli tikhala tekufundza eGauteng. 15.01.2026 2:50
Bayakhala batali baseGauteng labasalindzele kutsi bantfwababo batfole indzawo yekufundza kulomnyaka wa 2026. Balinganiselwa ku 4-thousand bafundzi labasengakatitfoli tikolo, lokwenta kutsi batali nebafundzi bakhatsateke kakhulu njengobe tivuliwe tikolo . Kukhuluma ngalendzaba asemukele UMnumzane Steven Mabona lokhulumela litiko letemfundvo e-Gauteng.
#Imphunga - #matricungazibulali campaign. 15.01.2026 5:20
Uyachubeka nemkhankaso wakhe wekukhutsata bafundzi bakamatikuletjeni Dr Sanele Gamede. Lomkhankaso wakhe i-#matricungazibulali lohlose kubambisana nebafundzi labangakaphumeleli kumatikuletjeni kanye nekuhambela tikolo bahlomisa bafundzi ngemakhono.
#Imphunga - Kumele kutsi utilungiselele kubukana naBhimbidvwane ngetetimali. 15.01.2026 6:11
Njengaloku kusacala umnyaka kunyenti bantfu lababukana nako lokudzinga imali, lokufaka ekhatsi imali yesikolo, kutsenga kudla nekuya emsebentini. Yini lesingayenta uma sititfola sikulesimo ngenyanga ya-Bhimbhidwvwane? lowo mbuto utawuphendvula ngumeluleki, Vuyo Dlamini, lovela ku-Indalo Africa Financial Solutions.
#Embiteni - Batali bacebiswa kutsi bvanake timphawu tebantfwana labahlushwa tibheva esikolweni. 14.01.2026 5:54
Sati ngetekutfotjwa kwengcondvo Zandile Shabangu utsi batali kufanele basondzelane nebantfwana babo kuze batosheshe babona nangabe kunalabamhluphako umntfwanakho esikolweni.
#Imphunga - Prof Myende ukhala ngekutsi lemiphumela yakamatikuletjeni itfolekele ngemuva kwekusebenta ngalokwecile kwabothishela. 14.01.2026 8:07
Labanye bosolwati betemfundvo batsi lokuphumelela nga-88% kweli-klasi langa-2025 lakamatikuletjeni kukhombisa imphumelelo yeluhlelo lwetemfundvo lolutintile. Kepha Njingalwati Phumlani Myende utsi kuyakhatsata kutsi lemiphumela ifike ngemuva kwekusebenta ngalokwecile kwabothishela.
#Imphunga - Titfutsi temphakatsi tivakalise kukhatsateka ngekuvaleka kwemgwaco losemkhatsini kweThekwane South neKarino Estate eMbombela. 14.01.2026 6:41
Umgwaco losemkhatsini kwe Karino Estate ne Tekwane South e Mbombela kulesifundza se Mpumalanga uwuhambeki ngenca yekudzilika kwelibhuloho. Titfutsi temphakatsi tivakalise kukhatsateka ngalesimo lesibaphovcelela kutsi basebentise letinye tindlela letijika khashane njenge-N4. Simeme labatfwala bantfu onkhe mlanga kulomgwaco lekuyi-iBuscor, i-Top Star kanye nabo-Malume kutewuva kutsi kusebenteka njan...
#Embiteni - Bridge Mpu (pkg) 13.01.2026 3:50
Umphatsiswa welitiko letemisebenti yesive, temigwaco nekutfutsa kulesifundza seMpumalanga Thulasizwe Thomo utsi lemvula lengafuni kuhhamuka kulamalanga itawuba nemtselela lomubi kutakhiwoncanti temigwaco kulesifundza. Michael Mdluli uyabika
#Embiteni - Matric Mpu (pkg) 13.01.2026 3:31
Sifundza seMpumalanga, sinetikolo letingema-56 letiphumelele ngemaphesenti lali-100. Mthobisi Mkhaliphi
#Embiteni - Kubambisana kwalabatsintsekako kutemfundvo kuholele kulomphumela lomuhle webafundzi bakamatikuletjeni. 13.01.2026 4:50
Solwati wetemfundvo Njingalwati Nhlanhla Khubisa utsi kubambhisana kwebafundzi nabothishela ngiko lekuholele kulemiphumela lemihle yamatekuletjeni kulomnyaka lophelile
Listen to the Ligwalagwala FM Current Affairs podcast in Replaio
Radio and podcasts in one app - free, with no sign-up. Install today and do not miss the launch
Replaio is not a podcast publisher; show names, artwork and audio belong to their authors and are distributed through public RSS feeds.
