Ligwalagwala FM Current Affairs

Tingale kwemakhulu lasihlanu tisebenti tetemphilo letisaceceshelwa umsebenti letitfunyelwa etibhedlela talesifundza seMpumalanga. Palesa Sotomela uyabika

Sihlalo wekomiti yesikhashana ephalamende lephenya tinsolo tekugcambukela kwepolitiki emsebentini wemaphoyisa, Soviet Lekganyane, utjele emalunga alekomiti kutsi umphenyi lotimele  Paul O'Sullivan udzelele lekomiti ngekuyichaza njengekomitii yetigebengu. O' Sullivan uvetwe njengalomunye longene watsi shi ekuphazamiseni kusebenta kwe IPID. Lekomiti yambhalela kutsi atowetfula bufakazi phambi k...

Kubonakala shangatsi bantfu sebacalile kubuka lebangatilungisela kona kulomonakalo lodalwe nguletimvula betina tingahhamuki kulesifundza seMpumalanga. Labo labadzilikelwe tindlu nalabo labonakalelwe timoto letikhokhela umshwalensi sebacalile kufaka ticelo tekubhadalwa kulemishwalensi yabo.  Lihhovisi leligadze kusebenta kwemishwalensi iNational Financial Ombud Scheme of SA liyakhona kungenele...

Umkhandlu wemabandla kuleli i-South African Council of Churches (SACC), utsi uyavelana nebahlali base-Mpumalanga naseLimpopo labakhahlanyetwe yimvula netikhukhula. Simeme mabhalane jikelele weSACC, Umfundisi Mzwandile Molo kutochaza.

Sikhungo lesibuke kuholela timphesheni kulesifundza iSASSA sisicalile kusita labo lebakhahlanyetwe timvula netikhukhula kulesifundza seMpumalanga. Lotasichazela kabanti ngalolusito ngulokhulumela iSASSA eMpumalanga Senzeni Ngubeni...

Sihlalo welikomidi lelibukene netebulungiswa nekutfutfukiswa kwemtsetfo sisekelo ephalamende, Mnu Xola Nqola, uvakalise kukhatsateka nekudvumala ngalesigameko sekudubula lesenteke ngaphandle kwenkantolo yamantji eBooysens. Kushone bantfu lababili kwalimala labatsatfu kulesehlakalo. Sikhulumisana naMbekezeli Benjamin lophuma kuJudges Matter kutewubuka kuphepha etinkantolo.

Inkantolo yemtsetfo sisekelo ikucitsile kuntjintjwa kwemshado wesintfu wentiwa i-antineptul contract. Simeme sati setemtsetfo Abigail Ngobeni kutosichazela kabanti ngalesincumo senkantolo yemtsetfo-sisekelo.

Lemvula lesolomane iyidliva, ayigcini kuphela ngekudala umonakalo kutakhiwoncanti kepha iba nemtselela nasesimeni setemphilo. Kuneluvalo lekutsi letimvula tingahle ticubule tifo letiyamene nemanti langcoilile. Sikhulumisana neMnumzane Mandla Zwane, longumcondzisi weligumbi lelibukene netifo letitsatselanako etikweni letemphilo kulesifundza se Mpumalanga.

Lemvula leseyine emalanga lamanyenti kulesifundza se Mpumalanga, idale umonakalo lomkhulu emigwacweni, kwadzilika emabhuloho lokwenta kungahambeki etindzaweni letinyenti.  Bafundzi, bothishela nemalunga emango basele bangati kutsi kumele bahambenjeni ngenca yekugubheka kwemigwaco nekumosheka kwaletinye takhiwoncanti. Kukhuluma kabanti ngalesimo semigwaco netakhiwoncanti letimoshekile kulesifu...

Inhlangano yaboMalume labatfutsa bafundzi edolobheni leMbombela kulesifundza se-Mpumalanga, ivakalise kushaceka ngalengoti leyendlule nemphefumulo webantfwana labali-12 eVanderbijlpark e-Gauteng. Sicocisana nasihlalo walenhlangano Alfred Nkuna.

Tisihlanu tibhedlela letilimele kuletikhungo tetempilo leticekeleke phansi kulesifundza seMpumalanga, ngemuva kwalemvula lehlasele kulamalanga Michael Mdluli uyasibikela

Bantfu sebacalile kwetama kulungisa lomonakalo lobangwe yimvula emakhaya abo kumasipala waseNkomazi kulesifundza seMpumalanga. Palesa Sotomela uyasibikela.

Umphatsiswa welitiko letemphilo kulesifundza seMpumalanga Sasekani Manzini umemetele kutsi tingemashumi lasitfupha nesikhombhisa tikhungo tetempilo letilinyatwe nguletimvula letinkhulu kulesifundza

Lelive leningizimu Africa kulindzeleke libukane nemsebenti lomkhulu kuleliviki kulomhlangano wemnotfo i World Economic Forum, e-Davos, Switzerland. Litsimba lakuleli leliholwa tindvuna,  Enoch Godongwana wetetimali, Ronald Lamola wetebudlelwane nemave emhlaba kanye naParks Tau wetekuhwebelana, kulindzeleke bakhangise lelive kuze kuhehwe basisi timali bemave emhlaba. Kubuka umsebenti lobukene...

 Hulumende wavelonkhe sewubalule leomonakalo lodalwe ngulemvula lengahhamuki njengenhlekelele ledzinga kusukunyelwa ngekubanjiswana. Tifundza letitsintsekako  tifaka ekhatsi iMpumalanga, Limpopo, KwaZulu Natal, North-West neNshonalanga Kapa. Kubuka kutsi sisho kutsini lesimemetelo kulesifundza seMpumalanga sicocisana nalokhulumela litiko leCoGHSTA, Freddy Ngobe.

Sinyukile sibalo setiboshwa letibhale luhlolo lakamatikuletjeni emnyakeni wa-2025 nalekubikwa kutsi letinyenti tato tiphumelele ngemalengiso. Sikhulumisene nalokhulumela litiko lekuhlunyelelisa similo, Umnumzane Singabakho Nxumalo.

Mengameli Cyril Ramaphosa namuhla uvakashele tindzawo takulesifundza seMpumalanga letikhahlamnyetwe tikhukhula. Sikhulumisene nalocokwe kutsi akhulumele lomkhambatsi lobuke lenhlekelele kulesifundza Umnumzane Freddy Ngobe

Kushone bantfwana labali-13 engoti letsintsa ikhumbi bebahamba ngayo baya esikolweni eVanderbijlpark eGauteng. Kulimele bantfwana labasihlanu kulengoti. Kuva takamuva ngalengoti sicocisana nalokhulumela litiko letemfundvo eGauteng, Steve Mabone.

Sekuvuliwe kungena kwetivakashi esiciwini setinyamatane iKruger National Park. Palesa Sotomela uyabika

Njengoba ichubeke nekuna ngemandla etincenyeni letinyeti kulesifundza se Mpumalanga, netintsatseli tetfu titse citsi saka tihambela tindzawo ngekuhlukana kwato kutosibikela ngesimo nemonakalo lodalwe nguletimvula. Sikhulumisana nentsatseli yetfu Mthombisi Mkhaliphi.

Banyenti bafundzi labatsikametekile bangakhoni kuya esikolweni kuleliviki leliphelile eBushbuckridge ngenca yalemvula lechubeke nekuyidliva kulesifundza se Mpumalanga. Litiko letemfundvo belimise kwesikhashane kufundza kumasipala wase Bushbuckridge kantsi kulabanye bomasipala bothishelanhloko baniketwe ligunya lekuhlatiya simo bese batsatsa sincumo. Simeme lokhulumela lelitiko, Gerald Sambo kutobu...

Hulumende waseMpumalanga utsi bangemashumi lamabili lebandlule emhlabeni ngenca yalelitulu lelisolomane lingahhamuki kulesifundza. Ngetulu kwaloko, lisachubeka nekuna lelitulu lelidale umonakalo kutinsitancanti letifana nemigwaco emabhuloho kanye netindlu. Kantsi nesikhungo lesibukele temapaki kulesifundza iMTPA ivakalise kutsi kunetindzawo leseyitivale kwesikhashana ngenca yalemvulo. Kepha lotasi...

Kunyenti lokutsikametekile ngalemvula lechubeke nekuna kulesifundza se Mpumalanga. Umkhakha wetekulima nawo ukhala letimatfontsi njengoba balimi labanyenti batsi lemvula ibabulalela titfombo tabo. Kutfola kutsi litiko letekulima lentani kwelekelela balimi balesifundza, simeme umphatsiswa wetekulima, kutfutfiukiswa kwetindzawo tasemakhaya kanye netindzaba temvelo, Khethiwe Moeketsi. 

Letinye tati temtsetfo nangetemishado tivete kutsi ngalenyanga ya Bhimbidvwane kuvamile kutsi bantfu labashadile bafake ticelo tesahlukaniso nakucatsaniswa naletinye tinyanga emnyakeni. .Kepha kuve kutsi ingabe yini lebanga lesimo asamukele sati setindzaba temtsetfo netemshado, Zola Mbatha lovela ku-Legacy Yezibaya.

Mengameli waseveni lase Uganda Yoweri Museveni, uphindze wakhetfwa njengemengameli wakulelalive. Sikhulumisana nemhlatiyi wetepolitiki, Njingalwati Bheki Mngomezulu ngaloludzaba