Ligwalagwala FM Current Affairs

Bantfu labanyenti batsi imphilo icala nasewuhlanganise iminyaka lengema-40. Bosolwati batsi  labo lebaneminyaka lengema-40 kuya etulu babonakala bamatasatasa ngekukhulisa bantfwana nalokunye, lokwenta babonakale kwangatsi bete sikhatsi sekuhlangana nebangani. Yini lefaka sandla kutsi lobo bungani bubonakale bushabalala. Kukhuluma ngaloludzaba Simeme Dokotela Zandile Shabangu longusolwati wete...

Kulindzeleke kutsi ubanjelwe ehholweni yemphakatsi iMaviljan lomcimbi wemalungelo eluntfu kumasipala waseBushbuckridge kulesifundza se-Mpumalanga, Lolusuku luyawube lugutjwa ngaphasi kwesicubulo lesitsi, "The Bill of Rights at 30- Making Human Dignity Real.". Sicocisana namphatsi welikhomishana lemalungelo eluntfu eMpumalanga, Magareth Salila.

Njengendlela yekubungata lilanga lemalungelo eluntfu namuhla, inhlangano iMashakhane ihlele lidzili lebantfwana linyenti labo lekubo ndzingas'tsebeni. I Masakhane ihlanganise ndzawonye bantfwana lebachamuka etindzaweni letahlukahlukene ngenhloso yekubakhipha ekwenteni imikhuba lemibi. Kepha lotasichazela kabanti ngalendzaba nguMnumzane Enos Matukane longulomunye webaholi balenhlangano...

Esigabeni setfu semabhuku sicocisana naVusimuzi Abel Nkosi lobhale libhuku lelinesihloko lesitsi, 'Ngitekele, Ngikutekele.'

Hulumende  utsi kunemitsetfo nemigomo lebekiwe lehlose kulwa neludlame lolwenteka etikolweni. Loku kulandzela kukhala kwesive ngekwandza kwetehlakalo tebubheva neludlame etikolweni. Lesinye saletehlakalo sitsintsa bafundzi baseCyril Clarke eMattafin, eMbombela kulesifundza seMpumalanga lekubikwe kutsi bebalwa ngemacembu kwagcine kulimele labanye labambalwa. Kukhuluma kabanti ngalendzaba simem...

Mengameli wenhlangano yebaholi bendzabuko Kgosi Mathupha Mokoena utsi hulumende kumele atsatsele tinyatselo labantfu base-Nigeria lebabeke esikhundleni lebatsi yiNkhosi yabo eMphumalanga Kapa.

Lucwaningo lolusandza kwentiwa yi Nyunivesi yase-Nshonalanga Kapa luveta kutsi lizinga lelisetulu lekukhatsateka nekukhungatseka engcondvweni nasemoyeni kwetisebenti telusito loluphutfumako libanga kutsi tibalekele ebhodleleni kuze tikhone kubukana nalesimo letisebenta ngephansi kwato. Kuyibuka lendzaba kulesifundza seMpumalanga, simeme lokhulumela belusito loluphutfumako, EMS, etikweni letemphilo...

Umphatsi wamasipala weNkomazi Oscar Nkosi utsi bayasimukela lesincumo se-Valuation Appeal Board lesiphocelela bahlali base-Leopard Creeck Golf Estate kutsi ifanele lemali lebhadalelwa tinsita lebekwe ngumasipala.

Inyuvesi yeMpumalanga seyisukumise tinhlelo tekufundza Online ngemuva kwekumisa kusebenta kwalaba lebatfutsa bafundzi ngenca yekungababhadali imali yeNSFAS.  Motsebi wa Monareng uyabika

Mengameli lomusha wenyonyana yetisebenti i-SAMWU, Nkhetheni Muthavhi, wente lubito kumalunga alenyonyana kutsi abumbane ekulweleni emalungelo etisebenti. Mthobisi Mkhaliphi uyasibikela.

Indvuna yemcebo lombiwa phasi Gwede Mantashe yecwayise ngekutsi lemphi yeMelika neIsraeli lebhekiswe eIran ingahle iholele ekwenyukeni kwentsengo yawoyela ngenyanga letako. Mantashe ukhulume loku ngalesikhatsi avula inkomfa yelihlandla lesihlanu ye-Southern Africa Oil and Gas Conference lebeyibanjelwe e-apa. Kuva kutsi ihambe njani lenkomfa simeme lisekela lendvuna yelitiko lemcebo lombiwa phasi P...

Bagibeli bemabhasi bangahle batitfole bangenako kwekuhamba kulamalanga lambalwa latako. Loku kuta ngemva kwekutsi inyonyane i-South African Transport Allied Workers Union (SATAWU) yehluleke kufinyelela esivumelwaneni nemcashi njengoba ifuna kukhushulelwa umholo nga 6.5 %  nakucala inyanga ya Mabasa kulomnyaka, bese itsi 7.5 kulomnyaka lolandzelako. Umcashi ubeke etafuleni, 3.25 %.  Kutfo...

Tindzaba letimnandzi kubatsengi bakulelive titsi iConsumer Price Inflation (CPI) yehle nga-0,4% enyangeni lephelile ya-Ndlovana 2026. Kuyibuka ngeliso lemhlatiyi wetemnotfo sikhulumisana nemsunguli wenkapani iMakwe Fund Managers, Umnumzane Makwe Masilela.

Batali bebantfwana labafundza eKusile Primary School eHlalakahle kulesifundza se-Mpumalanga basivaliule lesikolo ngoba batsi basabela kuphepha kwebantfwababo. Labatalitindvonga talesikolo tinetimfa lokungahle kubange kutsi sidzilike sigcobe labantfwana. Kukhuluma kabanti ngalendzaba simeme lokhulumela litiko letemfundvo e-Mpumalanga, Gerald Sambo.

Inkapani lephakela gezi kulelive i- Eskom kulindzeleke ikhuphule intsengo yagezi nga 8.76% kulomnyaka-timali wa 2026/27. Loku kuta ngemva kwekutsi umtimba lolawula temandla kuleli i-NERSA uvumele kwenyuswa kwalentsengo yagezi. Lokwenyuka kutawucala kusebenta mhla ka 1 Mabasa 2026. Kutfola kabanti ngaletingucuko, simeme lokhulumela iEskom, Daphney Mokoena.

Umphatsiswa welitiko letekubusa ngekubambisana, kuhlaliswa kwebantfu netindzaba tebaholi bendzabuko, Speedy Mashilo bekabambe umhlangano nalabatsintsekako kutewubonisana ngetindlela tekucinisekisa kuphepha kwebasokwa njengoba batilungiselela kuya entsabeni kulobusika lesingena kubo. Kutfola kutsi uhambe njani lomhlangano nekutsinguwaphi emachinga lebaphume nawo, sicocisene neMphatsiswa Mashilo.&nb...

Iyagocota namuhla ingcungcutsela yetekutfutsa i-National Transport Conference, lebanjelwe e-Jozi. Umphatsiswa welitiko letemisebenti yesive, temigwaco netekutfutsa eMpumalanga Thulasizwe Thomo, uhambele lengcungcutsela, kantsi utsi lenye yetintfo lebakhulume ngato kulungisa tinsitancanti tetekutfutsa.

Kube nekuphatamiseka kulesiteshi sekutsatsa emalayisensi ekushayela lesisenkabeni yelidolobha iMbombela. Lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi uyachaza.

Secishe kuphele emaviki lamabili kuvalwe imitfolamphilo lesihlanu ngenca yemibhikisho yebahlali lebakhala ngekutsi amange kucashwe kahle kuletikhala temsebenti betikhangiswe ngulelitiko. Simeme lokhulumela litiko letemphilo e-Mpumalanga, Dumisani Malamule.

Mabhalane jikelele we-ANC Fikile Mbalula nelisekela lamabhalane wenhlangano yeMakomanisi Madala Masuku ngulabanye lebatsamele lokuhlala kwelilanga lekucala kwenkomfa yavelonke yenyunyane i-SAMWU, lebanjelwe lapha e-Mbombela, kulesifundza seMpumalanga. Mthobisi Mkhaliphi uyasibikela.

Sihlehlisiwe sicelo sebheyili salbekwe licala lekubulala lababhadalwa sikhwama lesikhalisa labavelelwe tingoti temgwaco iRAF. Laba bavelelwa yingoti emgwaceni wase-Dwaarsloop, eBushbuckridge kulesifundza seMpumalanga. Nonkululeko Shongwe uyasibikela.

Litiko letemfundvo kulesifundza seMpumalanga lisukumise ummkhankaso wekusebentisa lulwimi lwasekhaya njengesisekelo sekufundzisa ngebulwiminyenti. Michael Mdluli uyasibikela.

Kuvalwe imitfolamphilo lesihlanu esigodzini sase-Ehlanzeni kulesifundza seMpumalanga, ngenca yemibhiskisho...Palesa Sotomela uyasibikela.

Ucale itolo umbutsano lohlose kugcugcutela kutrsengwa kwemikhicito yalapha eNingizimu Africa, i-Proudly South African Buy Local Summit and Expo, e-Sandton Convention Centre, e-Jozi. Kubuka kabanti ngalengcungcutsela sinalokhulumela litiko letekutfutfukiswa kwemnotfo eGauteng, Onwabile Lubhelwana.

Live le-Republic of Congo belibambe lukhetfo kulempelasontfo lesibuya kuyo. Mengameli Denis Sassou Nguesso loneminyaka lengema-83, ufuna kubuyela kulesikhundla langena kuso nga-1997.  Kubuka kutsi anganani ematfuba ekutsi aluncobe lolukhetfo, sikhulumisana nasolwati wetindzaba tase Afrika, Thulisa Ndlela.