Ligwalagwala FM Current Affairs

Sewubuyele emsebentini lothishelanhloko wasesikolweni i-Magwagwaza Secondary School e Acornhoek kulesifundza se Mpumalanga. Lothishelanhloko wamiswa emsebentini ngemva kwetinsolo tekutsi utsandzana nemtfwanesikolo.  Ngekusho kwalokhulumela litiko letemfundvo eMpumalanga, Gerald Sambo, lothishelanhloko solomane usabukene naletinsolo lebekamiselwe tona.

Umkhandlu webantfu labangaboni emehlweni kulelive, i South African National Council For the Blind (SANCB), wenta lubito kutsi timphumphutse kanye nalabo lebabona kancane emehlweni, bavulelwe kakhudlwana ematfuba emikhakheni lefaka ekhatsi temfundvo, temabhizinisi futsi bacasheke nasemisebentini. Sikhulumisana nasihlalo weSANCB eMpumalanga, Joseph Lubisi

Bekuhlangene ndzawonye bonkhe labatsintseka etindzabeni temanti ehholweni yemphakatsi i-Miriam Mokgakane eAcornhoek kumasipala wase-Bushbuckridge. Lomhlangano bewubitelwe kutobonisana ngetindlela tekucinisekisa kuphakelwa kwemanti emiphakatsini. Kukhuluma kabanti ngalendzaba esicocisana nasodolobha wamasipala wase-Bushbuckridge Lydia Moroane.

Umhlatiyi wetindzaba tangaphandle Thulisa Ndlela, utsi kuyatfusa kubuyiselwa esikhundleni kwemengameli waseCameroon, Paul Biya losaneminyaka lengu-92 budzala.

Lokhulumela masipala waseNkomazi, Mbuso Malale utsi masipala usemkhankasweni wekwakha umklamo lomkhulu lotawusita ekulwni nenkinga yekuswelakala kwemanti.

 Inhlangano lecwaninga ngetebulungiswa iJudges Matter itsi nangabe sekunebufakazi lobenele kufanele titsatselwe tinyatselo tisebente tetebulungiswa letib hecwa ngenkhahlakalo kulelikhomishana laMadlanga. Mbekezeli Benjamin uvela kuJudges Matter.

Bangetulu kwalabali-10 bantfu labashonele emigwaceni leyahlukene yakulesifundza se Mpumalanga kulemphesantfo lesibuya kuyo. Lokhulumela litiko letekuphepha kwemphakatsi, tekuvikeleka nekuchumana eMpumalanga Moeti Mmusi uyasichazela.

Kulindzeleke kubanjwe umdlalo wasesiteji namuhla ehholweni yemphakatsi edolobheni eBarberton. Ngekusho kwebahleli balomcimbi, lomdlalo lonesihloko lesitsi "The spirit of 1956", ukhuluma ngetingcinamba letibukene nebantfu labasikati emangweni nekutsi kulobo matima lebabukana nabo bandlulisa njani kuze bakhone kuphola emoyeni. Sikhulumisana nalomunye webahleli balomdlalom Pamela Mahlalela.

Sati setemfundvo Dr Mashudu Mbhedzi utsi kubalulekile kutsi wonkhe umuntfu adlale inzima yakhe kuze kucinisekiswe kuphumelela kwebafundzi bakamatikuletjeni njengoba sebacalile kubhala luhlolo lwekuphela kwemnyaka.

Namuhla sikhuluma ngelibhuku lelinesihloko lesitsi "Stop Hiding And Start Living", lelibhalwe ngu Sandiso Lekhuleni.

Inyonyana yabothishela National Teachers Union (NATU) ikutfokotele kusayinwa kwasivumelwano sekucecesha bothishela labafundzisa Grade R etikolweni tembuso babe bete ticu tekufundzisa. Kukhuluma kabanti ngaletakamuva sicocisana nelisekela lamengameli we-NATU kuvelonke Umnumzane Mandla Mabuza.

Umholi wenhlangano yeEFF kulesifundza seMpumalanga Collen Sedibe utsi lokubambeleka kwalokutekwa kwelicala lekubulawa kwaHillary Gardee, kutfwesa matima umndeni.

Tinhlangano letiphikisako  e Zimbabwe tivakalise kukhatsateka ngesinyatselo senhlangano lebusako i-ZANU PF sekwelula ngeminyaka lemibili sikhatsi sekuhola lelalive samengameli Emmerson Mnangagwa. Sikhatsi sekuba sehhovisi kwamengameli Mnangagwa bemukele siphele nga-2028 kepha lenhlangano yakhe ifune kumelulela ngeminyaka lemibili kudzimate kube ngu-2030. Sikhulumisana nemhlatiyi wetindzaba ta...

Kunyenti lokuvelile leliviki kulobufakazi lobetfulwa kulelikomiti lesikhashana lasephalamende kanye nelikhomishana laMadlanga, lekutinkundla letiphenya ngetinsoolo tenkhohlakalo nekugcambukela kwepolitiki emsebentini wemaphoyisa. Sicocisana nasolwati ngetebugebengu Dr Mxolisi Mathebula.

Bafundzi bakamatikuletjeni bakhutsatwe kutsi batsembeke futsi batihloniphe njengoba babhala lujlolo lwabo lwekuphela kwemnyaka. Litiko letemfundvo eGauteng belibuka kutsi kuhamba njani kubhala kwaloluhlolo esikolweni i-Forte Secondary School e-Dobsonville, Soweto.  Puseletso Mokoena usihlanganisele lombiko lesiwetfulelwa nguVusi Shongwe.

Litiko letemfundvo kulesifundza seMpumalanga litsi kucale ngaphandle kwetihibe kubhala kweluhlolo lwakamatikuletjeni lwanga-2025. Loku kumenyetelwe ngumphatsiswa wetemfundvo Lindi Masina lobekavakashele sikolo iShabalala Secondary School ngase-Hazyview kuyobuka kutsi kucala njani lokubhala. Nonkululeko Shongwe uyasibikela...

Lowake waba yindvuna yemaphoyisa kulelive, Bheki Cele uphekwe ngemibuto ephalamende ngulelikomiti lesikhashane lelisungulelwe kuphenya tinsolo tenkohlakalo lehlasele emphoyiseni alelive. Sikhulumisana nesati setindzaba tebugebengu umnumzane Andy Mashaile

Lisekela lendvuna yelitiko letemfundvo lesisekelo kuvelonke Dr Reginah Mhaule utsi tibe mbalwa tihibe leticishe taphatamisa kubhala kweluhlolo lekuphela kwemnyaka lamatekuletjeni.

Kungene fakazi lomusha kulelilanga leli-15 lekulalela kwelikhomishana laMadlanga lelihleti eBrigette Mabandla Justice College ePitoli. Lofakazi lomusha longuB wetfule bufakazi lobuhambisana nebafakazi A, lowetfule bakhe ngasekucaleni kwaleliviki. Lofakazi lomusha wenabe kabanti ngekubulawa kwaNjiniyela waseVereeniging lobekasebenta eQ-Tech, Armand Swart. Sibahle Motha usihlanganisele lombiko lesiw...

Indvuna yetemfundvo, Siviwe Gwarube, utsi lamave langemalunga eG20 avumelene ngetintfo letibalulekile letihlose kutfutfukisa lizinga lemfundvo emhlabeni jikelele. Gwarube utsi letintfo leku]vunyelwene ngato tifaka ekhatsi kutfutfukisa lizinga lemfundvo lesisekelo, kwemukela ticu temfundvo ngalokulinganako emhlabeni kanye nekucijiswa kwemakhono abothishela kuze bakwati kuhambisana nekuntjintja kwes...

Indvuna yemaphoyisa leniketwe ilivu lekhetsekile Senzo Mchunu, itjele ikomiti yesikhashana ephalamende kutsi tinhlaka tetekuvikela tiyaceka lekwenta tehluleke kulwa nenkhohlakalo nebugebengu. Mchunu upjhakamise kutsi kusungulwe luphiko lolutawubukana ngco nenkhohlakalo kuvelonkhe. Lombiko siwuhlanganiselwe nguZalene Merrington kantsi siwetfulelwa ngu-Katlego Mathebula.

 Lokhulumela iANC kulesifundza seMpumalanga Sasekani Manzini itsi ihlala njalo ifundzisa emalunga ayo ngebudlelwano balomfelandzawonye lofaka ekhatsi iSACP ne COSATU.  Loku kulandzela kutsikanyetwa kwelisekela lesihlalo weSACP naketfula inkhulumo kuPGC yeANC ngemphelasontfo leyengcile.

Lisekela lamabhalane weSACP kulesifundza seMpumalanga Mandla Tibane utsi iANC kufanele ifundzise emalunga ayo ngalobudlelwano lobusemkhatsini kwaletinhlangano letimbili. Loku kulandzela kuhhewulwa nekutsikanyetwa kwenkhulumo yelisekela lasihlalo walenhlangano ngalesikhatsi kunePGC yeANC eMpumalanga ngemphelasontfo leyengcile.

Bafundzi bakamatikuletjeni sebacalile kubhala luhlolo lekuphela kwemnyaka. Tinyonyana tabothishela titsi bothishela basebente ngekutikhandla umnyaka wonkhe balungiselela lesikhatsi. Simeme licoco lathishela, Umnumzane Thami Dludlu, kutewuhlomisa labafundzi ngelwati.

Lucwaningo lolwentiwe yi-Youth Barometer luveta kutsi bantfu labasha labasandza kucala kusebenta bebavame kutsenga tindlu tabo tekucala nabaneminyaka lesemkhatsini kwalengu-33 nalengu-37 budzala. Kepha lolucwaningo lukhomba kutsi kamuva sebayaphuta kutsenga tindlu tabo tekucala nakucatsaniswa naphambilini. Kubuka kutsi kumngaba yini imbangela yaloku, simeme umhlatiyi wetemnotfo, Umnumzane Lunga Ma...