Ligwalagwala FM Current Affairs

Tinsolo tekushaywa kwemmangalelwa wekucala Muzi Sibiya, betiphentululwa kabanti kulelicala lekubulawa kwa-Senzo Meyiwa. Sibiya kanye nalabanye labane batekiswa licala lekubulala lonozinti weOrlando Pirates nga-2014, enkantolo lenkhulu ePitoli. Umshushisi George Baloyi nguye lomphindzilita ngemibuto. Umbiko siwuhlanganiselwe ngu-Pearl Magubane kepha siwetfulelwa nguZandile Nkosi.

Lisekela lamengameli wemkhandlu wabosomabhizinisi labamnyama, iBlack Business Council, Gregory Mofokeng utsi akukho lokuliphutsa ngemgomo weBEE njengobe uhlose kufukula labamnyama kutemnotfo.

Umhlatiyi wetepolitiki Thami Malinga utsi mancane ematfuba ekutsi lowake waba ngumengameli Jacob Zuma angakubalekela kubhadala lemali yetindleko tebameli letigidzi letingu 28.9 temarandi. Loku kulandzela sijubo senkantolo lesitsi abuyise imali yembuso lebeyimbhadalela tindleko tebameli ngalesikhatsi atekiswa licala.

Inhlangano ye-DA itsi umgomo weBlack Economic Empowerement (BEE) ushayisana nesigaba 27 semtsetfosisekelo kantsi kungako lenhlangano incume kuyophikisana enkantolo yemtsetfosisekelo nemtsetfo i-Public Procurement Act.  I DA itsi umtsetfo-sisekelo ukubeka kucace kutsi tikhungo tembuso kufanele tinikete umsebenti ngekulingana, ngendlela lesebaleni nalengeke imoshe imali kanye ngekwelikhono lekw...

Tinhlangano letiphikisako  e Zimbabwe tivakalise kukhatsateka ngesinyatselo senhlangano lebusako i-ZANU PF sekwelula ngeminyaka lemibili sikhatsi sekuhola lelalive kwamengameli Emmerson Mnangagwa. Sikhatsi sekuba sehhovisi kwamengameli Mnangagwa bemukele siphele nga-2028 kepha lenhlangano yakhe ifuna kumelulela ngeminyaka lemibili kudzimate kube ngu-2030. Simeme lokhulumela lenye yetinhlangan...

Inyonyana yabothishela i-NATU, itsi emalunga ayo sekakulungele kubhalwa kweluhlolo lekugcina lakamatikuletjeni. Sikhulumisana nelisekela le-Mengemeli we-NATU, Mandla Mabuza.

Indvuna yatagezi netemandla Kgosientsho Ramokgopa umemetele licebo lakamuva lahulumende lelihlose kukhicita gezi longu 105 megawatts kungakafiki umnyaka wa-2039. Lelicebo lelisandza kwemukelw aliphalamende iIntegrated Resource Plan litawubona iNingizimu Afrixa iphehla gezi ngeklusebentisa tindlela letihlobile kunalamalahle lasetjentiswa nyalo. Kubuka kutsi lelicebo litrawusebenta, simeme uemhlatiy...

Babalelwa ngetulu kwa 900 thousand bafundzi bakamatikuletjeni bakulelive labayawube bacala kubhala luhlolo lekuphela kwemnyaka kusasa kulelive leNingizimu Africa. Kutfola kutsi litiko letemfundvo kulesifundza seMpumalanga selikulungele kanganani lokucala kweluhlolo lakamatikuletjeni, sikhulumisana nemcondzisi jikelele lobuke tindzaba teluhlolo kulesifundza, Dr Fourteen Khumalo.

Losati ngekutfoba ingcondvo Zandile Shabangu utsi umfundzi kumele atinikete sikhatsi sekuphumula nekutivocavoca ngalesikhatsi asenta emalungiselelo ekubhala loluhlolo lwekugcina.

Lokhulumela inyonyana yabothishela iSADTU, Nomusa Cembi ucela bahlali bakulelive kutsi bacinisekise kutsi abatsikameteki bafundzi bakamatikuletjeni njengoba bacala kubhala luhlolo lwabo lwekugcina.

Namuhla lilanga lekugcina kutsi bantfu bafake ticelo tekubuyisela intsela kumtselisi (tax reurns). Lihhovisi lemtselisi i-SARS likhiphe secwayiso kulabo labangafaki ticelo kutsi batawujeziswa. Simeme umphatsi welihhovisi lakaSARS eMbombela Rupert Ndlovu kutosichazela kabanti.

Bahleli balomjaho iSanlam Cape Town Marathon bancume kuwuhocisa lomjaho itolo ngoba batsi bacabangela kuphepha kwebasubatsi. Lesimemetelo sekuhocisa lomchudzelwano sikhishwe sekusele li-awa kutsi ucale. Kutfola kutsi basubatsi balomkahdludolobha wase Mbombela lenabo bebayincenye yalomjaho batsikameteke nganani, sikhulumisana nasihlalo we City of Mbombela Marathon Club, Thulani Mkhabela

 Namuhla iNingizimu Africa ibungata lilanga lavelonkhe laesimo semphilo lesatiwa nge-Down Syndrome. Sikhungo i-Down Syndrome Sourth Africa (DSSA) sikhutsata sive kutsi sitfutfukise, sitsandze, sibandzakanye futsi semukele bonkhe bantfwana labaphila nalesimo. Kwenaba kabanti ngalesimo sicocisana Matron Mavis Mthethwa lasebentela egunjini i-PMTCT Genetics esibhedlela eThemba.

Uyandza lomkhuba wekukhwabanisela bantfu ngekusebentisa tindlela tebuchwepheshe beArtificial Intelligence (AI) lobitwa ngekutsi yiDeepFake. Kukhuluma kabanti ngalendzaba simeme i-Security Cyber Expert Doreen Mokoena longumsunguli wenkanpani i-Cybersec Clinique.

Emalunga ekomiti yesikhashana ephalamende lesukunyiselwe kuphenya tinsolo letentiwa nguNkomishana wemaphoyisa aKwazulu Natal, Lt Gen Nhlanhla Mkhwanazi kulindzeleke aphindzilite ngemibuto Indvuna yemaphoyisa leniketwe ilivu, Senzo Mchunu kuleliviki. Kubuka bufakazi lesebetfulwe nguye lowaMacingwana nekutsi singalindzela ini kuleliviki, simeme sati ngetebugebengu Dr Mxolisi Matsebula 

Labanye balaphi bendzabuko bacwayisa bantfu labasikati kutsi bangadlisi emadvodza abo nobe  labo lebasuka batsandzana nabo ngobe loku kungabanga inkinga kulobo budlelwano. Kuyicoca kabanti lendzaba asamukele Dr Mkhulu Hoti longumlaphi wendzabuko aphindze abe  ngumpholofidi..

 Aniketwe ibheyili yetinkulungwane letimbili temarandi emaphoyisa lamane aseLimpopo kanye nemuntfu phaca laboshelwe emacala ekubamba inkunzi nekucekela phansi imphahla eMashishing, eMpumalanga. Umphatsi wemaphoyisa eLimpopo Thembi Hadebe utsi sebacalile ngeluhlelo lwekucondzisa tigwegwe.

Ucale itolo umhlangano weANC e-Mpumalanga, iProvincial General Council (PGC). Lomhlangano wePGC wandvuleLwe kuhlala kwetinhlaka teANC etigodzini iHlanzeni, Gert Sibande kanye neKangala. Mabhalane weANC eMpumalanga Muzi Chirwa uyasichazela.

Lucwaningo lolwentiwe sikhungo lesikhankasela kulwa nekuphelela endleleni kwebafundzi i-Zero Drop Out, luvete kutsi tinyenti tizaftu letibanga kutsi bafundzi bangasicedzi sikolo. Kukhuluma ngalolucwaningo simeme  inhloko ye-Zero Drop Out Collen Wadle........

Kulandzela imphumelelo yelicembu lesive ebholeni letinyawo Bafana Bafana leseyiyawuhlanganyela emchudzelwaneni wendzebe yemhlaba eMelika, balandzeli bebhola labanyenti bevakalise sifiso sabo sekufuna kuhamba nalelicembu naliyodlala kulomchudzelwano wemhlaba. I Melika ngulelinye lalamave lekutawube kudlalelwa kuyo emancamu eFifa World Cup 2026. Kepha kuhlola yini ledzingekako nangabe ufuna kutilung...

Esigabeni setfu sekucubungula emabhuku, namuhla sibuka libhuku lelibhalwe nguNompumelelo  Kunene lelitsi "Rise To Greater Heights". .

Sihlalo weSCOPA kusishayamtsetfo salesifundza seMpumalanga, Desmond Moela utsi kufanele batsatselwe tinyatselo bonke labo lebanesandla kulenkohlakalo yekwakhiwa kwendlu yabonogadza ledle imali lengetulu kwetigidzi letintsantfu temarandi.

Njengobe namuhla tilishumi nesikhombisa enyangeni yeMphala lilanga lekuchushisaa ngekutintseka kwengcondvo  lokubangwa kuhlangabetana netihlakalo letishwacisa lugogo, i World Trauma Day. Kutositjela kancono ngalelilanga simeme solwati wetengcondvo lophuma etikweni letemphilo eMpumalanga, Felicia Mashabane.

Mabhalane we-ANC kulesifundza seMpumalanga Muzi Chirwa, utsi lenhlangano seyikulungele kubamba umhlangano lomkhulu wesifundza iProvincial General Council (PGC) kulemphelasontfo.

Inhlangano iSave The Children SA seyivakalise kukhatsateka ngekwandza kwetehlakalo tekuhlukunyetwa kwebantfwana ngetemancansi. Loku kulandzela kuncishwa ibheyini kwemfundisi loneminyaka lengu 66 lobekwe licala lekudlwengula umntfwana loneminyaka lemitsatfu e Botlokwa e Limpopo, Sikhulumisana nemphatsi we-Save The Children South Africa, Gugu Xaba....