Ligwalagwala FM Current Affairs

Indvuna ehhovisi lamengameli lebukene netindzaba tabo make, bantfwana kanye nalabakhubatekile Sindisiwe Chikunga, ubalule ludlame lolubhekiswe kubomake njengenhlekelele lebukene nalelive le Ningizimu Africa. 

Esigabeni setfu  sekucubungula emabhuku namuhla sikhuluma naDr Alex Maseko lobhale libhuku lelinesihloko lesitsi "Criminal Minds Uncovered." 

Mabhalane waMhlabuhlangene Antonio Guterres, uvakalise kukhatsateka ngalesishingishane lesibitwa nga-Mellisa, lesidale umonakalo lomkhulu eveni lase Jamaica. Lesishingishane sihlasele nakuletinye tindzawo letifaka ekhatsi i-Haiti kanye ne-Bahamas. Kukhuluma ngalesimo simeme sangoma selitulu  Bongani Chibi.

Inhlangano lebuke tikhalo tebantfu labahola imali yesibonelelo sahulumeni iBlack Sash beyivakashele kumasipala waseBushbuckridge. Kepha lotasitjela kabanti kutsi bebatiwentani ngulokhulumela iBlack Sash, Umnumzane Jerome Bele.

Umphatsiswa wetemfundvo kulesifundza seMpumalanga Lindi Masina ukhutsata batali kutsi babe yincenye yeluhlelo lekugcugcutela kufundza. Ukhulume loku kulandzela kwetfulwa kwe-book club yalelitiko.

Litiko letekuphepha kwemango, kuvikeleka kanye nekuchumana kulesaifundza se Mpumalanga selitfule ngalokusemtsetfweni umkhankaso wekucinisekisa tekuphepha njengoba sekusondzela emaholide akuphela kwemnyaka. Lomkhankaso wetfulwe e-Ermelo.  Sikhulumisana nemphatsiswa walelitiki Jackie Macie. 

Sibalo semabhizinisi lavaliwe ngoba angasakhoni kusebenta (Liquidation) senyuke nga 13% kukota yesitsatfu yalomnyaka losetulu, nakucatsaniswa nesikhatsi lesifanako kulomnyaka lowengcile. Sikhulumisana nemhlatiyi wetemnotfo, Mandla Malope.

 Inhlangano yamatekisi i-SANTACO igocota lenyanga yetekutfutsa yetekutfutsa lenesicubulo lesitsi: "Kulwela Kuphepha, Kusebenta Nekwemukela Buchwepheshe: Kwakha Imboni Yematekisi lesimeme. Lokhulumela iSANTACO Rebecca Phala uyasichazela.

Njengoba sesigocota lenyanga yekunakekelwa kwengcondvo, sikhungo setemphilo kuvelonke iNational Health Institute, sitfole kutsi lokucindzeteleka emoyeni nasengcondvweni lokubamba bantfu  ngemuva kwekuhlangabetana nesimo lesikhahlamete ingcondvo, iPost Traumatic Stress Disorder (PTSD), kuvame kubamba kakhulu bomake kunabobabe. Kukhuluma kabanti ngePTSD sicocisana na-Dr Girly Thwala, longudokot...

Intsentseli yemsakato weSABC Motsebi Monareng usibikela ngemcimbi wekwetfulwa kwemkhankaso wetekuphepha ngatikhatsi temaholide ekuphela kwemnyaka kulesifundza seMpumalanga.

Bebavele enkantolo yase Kapa ngasekucaleni kwaleliviki labafundzi labasiphohlongo labasolwa ngekukhombisa bubheva kulomunye umfundzi esikolweni i-Milnerton e-Kapa. Lesento salabafundzi sibonakele ku-video legcwele etinkundleni tekuchumana.  Labasolwa baneminyaka lesemkhatsini kwaleli-17 kanye naleli-18 budzala. Kepha kubuka kutsi yini inkinga lebanga kutsi tikolo takulelive tibukane nalenking...

Tati ngetindzaba tebungebengu titsi kuyakhatsata lokugcwala kwetibhamu emiphakatsini. Titsi kufanele kuciniswe sandla eminceleni kuze kuliwe namkhuba wekufohlisa tibhamu netidzakamiva kulelive. Loku kulandzela kudutjulwe kwabulawe bantfu labasha lababili kwalimala labane eWesbury lekusehlakalo leseyanyaniswa netidzakamiva. Kucoca ngalendzaba asamukele Dkt Mxolisi Mathebula losati setindzaba tebuge...

Ibhodi lelawula kutsengiswa kwetjwala itsi itawucala kukhulumisana nebatsengisi betjwala kuze kuliwe nalomkhuba wekutsi bafundzi batfolakale sebagcwele etindzaweni tekucedza koma. Kubuka kutsi lebhodi isebentisana njani nebanikati betindzawo tekucedza koma, simeme Umnumzane Cedrick Chiloane lovela kulebhodi lelawula kutsemgiswa kwetjwala kulesifundza seMpumalanga.

 Litiko letebulungiswa nekutfutfukiswa kwemtsetfo-sisekelo livakashela eNkhohlakalo, Kabokweni ngase Whiteriver, kulesifundza se Mpumalanga kusasa. Indvuna yalelitiko Mmamoloko Kubayi utawube ahola umkhankaso wekukulwa nemkhuba wekungalandvwa kwetimali tesondlo (Unclaimed Maintanance Monies) kanye naletinye tincabekelwane leteyamene nesondlo. Kutfola kabanti ngalomkhankaso, sikhulumisana nalo...

 Inhlangano lesebentisa emakhambi emvelo kwelapha tifo, iMedical Missionaries itsi bantfu kufanele bantjintje indlela yekuphila kuze kuliwe netifo temdlavuta letibonakala titipha emandla kulelive. Lokhulumela lenhlangano, Tswarelo Masango ucwayisa kutsi kufanele bangtfu banake kutsi badlani futsi basebentisa ini emitimbeni yabo.

Litiko letekubusa ngekubambisana, kuhlaliswa kwebantfu kanye netindzaba tebaholi bendzabuko, i-COGHSTA kulesifundza se Mpumalanga licwayisa bahlali kutsi bacaphele bangatitfoli balutseka batsengiselwa tindlu mbumbulu ngulabatenta tisebenti talelitiko. Lokhulumela lelitiko Freddy ngobe uyasichazela.

Mengameli wenhlangano yebaholi bendzabuko kulelive i-CONTRALESA Kgosi Mathupa Mokoena utsi emakhosi advumele ngalesincumo semalunga eANC kusishayamtsetfo saseMpumalanga Kapa sekuphikisana nesishukumiso lesitsi emakhosi kufanele nawo aniketwe ema-medical aid kanye ne-mphesheni. Simeme mengameli weContralesa, Kgosi Mokoena.

Ibuyiselwe esitokisini lendvodza lebekwe licala lekuhlela kubulawa kwemadvodza lamabili labecedza kutfola imali yakaRAF. Sidwell Khosa uvele kancane enkantolo yamantji eMhala eThulamahashe kumasipala waseBushbuckridge kulesifundza seMpumalanga. Motsebi wa Monareng uyasibikela.

Umshayisibhakela wakuleli Siyakholwa "One Way" Kuse sekusedvute kutsi angene emabhukwini emlandvo kulenye yetihlangano tesibhakela letatiwa kakhulu emhlabeni wonke  i-World Boxing Council (WBC). Kwakhe nje kutsi namuhla acinisekise kutsi wehlula loyo longushapeni loyobe avikela libhande leWBC ku mini-flyweight, Melvin Jerusalem emphini lebitwa nge Thrilla in Manila 2, e-Philippines. Sikhulumi...

Sibhedlela lesikhulu sakulesifundza lesilapha edolobheni iMbombela e-Mpumalanga, iRob Ferreira simemetele timali lekufanele tibhadalwe bantfu kute batfole lusito letekulashwa kulesibhedlela.  Simeme Umnumzane Steven Shabangu longumcondzisi lomkhulu welihhovisi leliphetse timali etikweni letemphilo kulesifundza.

Kulindzeleke kutsi avele namuhla enkantolo umsolwa loneminyaka lengema-38 losolwa  ngekubandzakanyeka esigamekweni sekudutjulwa kubulawa ngesihluku kwabodzadze lababili labasebasha e-Mamelodi East  eTshwane ngelisontfo ekuseni.  Tshiamo na Baleseng Moramaga babulelwe ngesihluku lesimatima kantsi inhlangano I-NotInMyName International ifuna bulungiswa , nekutsi kwentiwe luphenyo lolu...

Kulenyanga lesetulu likomishana lemalungelo eluntfu ISouth African Human Rights Commission (SAHRC) lihlanganisa iminyaka lengemashumi lamatsatfu lasungulwa. Lelikomishana liyobe libungata leminyaka lemngema-30 ngaphansi kwesicubulo lesitsi "30 Years of Courage: Defending Human Rights, Dignity, Justice and Democracy for All."  Sicocisana na Nkomishana Aseza Gungubele wayo iSAHRC

Litiko letemisebenti yesive, temigwaco nekutfutsa eMpumalanga litsi utawutsatselwa tinyatselo losonkontileka lowakha umgwaco wase-Lehawu ePienaar nakatawuhluleka kuchazela lelitiko kutsi kungani kubambeleleka kwakhiwa kwlaomgwaco. Lokhulumela lelitiko Bongani Dlamini uyachaza.

Umphatsiswa wetempilo kulesifundzeni seMpumalanga Sasekani Manzini wetfule luhlelo lelihlose kutfutfukisa kwetfulwa kwwetemphilo esibhedlela sase-Witbank.

Likomishana letekulingana ngekwebulili, Commision for Gender Equality,  litsi lokuhociswa kwemacala ekunukubeta ngetemancansi lokwentiwa tisulu kuveta sitfombe lesibi ngetebulungiswa. Loku kuvele embikweni wesine lokhishwe ngulelikhomishana.  Kuva kutsi yini imbangela yaloku sikhulumisana nemphatsi welihhovisi lalelikhomishana kulesifundza seMpumalanga, Molta Mavuso.