Ligwalagwala FM Current Affairs

Inhlangano lebukele tindzaba tetitokfela, i-National Stokvel Association of South Africa (NSASA), itsi emalunga etinhlangano te-stokfela kufanele ayekele umkhuba wekukhuluma ngaphandle tindzaba noma tincumo letikhulunywa malunga. Umholi weNSASA Andrew Lukhele utsi kubalulekile kutsi emalunga asebentise emabhange nasekumele kwabelwane timali.

Inhlangano lelwa netifo temdlavuta kuleli i-Cancer Association of South Africa (CANSA), icwayisa bantfu kutsi bangahlali kakhulu elangeni kuze babalekele umdlavuta wesikhumba. Lenhlangano itsi bantfu labaningi abanalwati ngebungoti bekutosa ngelilanga. Itsi labanye bantfu bakholelwa ekutseni nabageza emifuleni kumbe kuma-swimming pool bayakhona kutivikela elangeni lelishisako. Kukhuluma ngalo lolu...

Mengameli wemajaji kulesifundza seMpumalanga wetfula ngalokusemtsetfweni emagumbi ekubhacisa tisulu letihlukunyetwe ngetemancanei nakufanele tiyowetfula bufakazi etinkantolo. Lokhuluma egameni lemengameli wemajaji aseMpumalanga, Jaji Lindiwe Vukeya ubita sive kutsi sikhombise kuvelana netisului kunekutsi tihlalele kubukana netinkhulumo letinetinshanshu.

Indvuna yetekutfutsa kulelive Barbara Creecy kulindzeleke avakashele lesifundza seMpumalanga kusasa njengencenye yemkhankaso wekucinisa tekuphepha emgwacweni kulamaholide ekuphela kwemnyaka. Lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi utsi sewucalile kwenyuka umtsamo wetimoti emigwacweni lemikhulu yakulesifundza.

Imindeni lebalelwa ema-400 isele ingenalutfo kulandzela timvula letine ngemandla kumasipala waseNkomazi. Inhlangano yebaphalali i-Gift of the Givers ivakashele leyandzawo kuyosita lemindeni letsintsekile. Michael Mdluli uyasibikela

Umbiko lokhululwe lihhovisi letibalo i-Stats SA uveta kutsi sibalo sebantfu labababukene nendlala lematima sehle ngebantfu labantfu 5.1 million. Lombiko lokhululwe itolo i-SA Poverty Trends Report, utsi umuntfu lodla imbuya ngelutsi nguloyo losebentisa imali lengaphasi kwa R777 ngenyanga kutsenga kudla. Sicocasana nemhlatiyi wetindzaba temnotfo, Lunga Mahlaba.

Mengameli we ANC, Cyril Ramaphosa utsi emalunga alenhlangano lakhetsa kwehla etikhundleni kumele ashayelwe lihlombe. Beketfula inkulumo yekuvala umhlangano we National General Council ye ANC eBoksburg. Kulomhlangano kubukwe tindzaba letinyenti, lekubalwa kuto neludzaba lwebudlelwano ne SAPC letsetse sincumo sekutsi itawungenela lukhetfo ngekutimela. Sicocisana nemhleli wetindzaba tepolitiki khona...

Bashayeli bemaloli bavakalise kukhatsateka ngekuphepha kwabo kulendzawo labapaka emaloli eKomatipoort, kulesifundza seMpumalanga. Michael Mdluli uyasibikela.

Live lase-Botswana limemetele kutsi angeke lisavumela kungeniswe imikhicito yetibhidvo lechamuka kuleli leNingizimu Africa. Lemikhicito ifaka ekhatsi ematamatisi, emazambane, anyanisi, beetroot, carrots kubala nje lembalwa. Kukhuluma kabanti ngalendzaba simeme somnotfo wetekulima Umnumzane Thabile Nkunjana

Balahlwe ngemacala ekutfumba, kwetama kubulala kanye nelekubulala bo Werner Potgieter, indvodzana yakhe langayetali Cornelius Greyling kanye netisebenti lesitfupha, enkantolo lenkhulu eMIddelburg kulesifundza seMpumalanga. Mthobisi Mkhaliphi reports

Njengoba iANC ibambe ingcungcutsela yayo yeNational General Copuncil (NGC), simeme umhlatiyi wetembangave Umnumzane Sandile Swana kutewubuka kutsi yini tintfo letigcamile letivele kulomhlangano.

Inhlangano yabothishela i National Professional Teachers Organisation of South Africa (NAPTOSA) itsi ikholelwa ekutseni tibalo tabothishela labalahlwa ngemacala ekunukubeta bafundzi ngetemancansi, sisetulu kakhulu kunaleto letibikwako. Umkhandlu lobuke temfundvo i Education Labour Relations Council, uvete kutsi bangu 176 bothishela labalahlwe ngemacala ekunukubeta bafundzi ngetemacasi emkhatsini w...

Litiko letsekhaya selimemetele ngekwelulwa kwesikhatsi sekusebenta kudzimate kube ngumhlaka 19 December 2025. Kuyiva kahle lendzaba simeme umphatsi welihhovisi letasekhaya eMpumalanga, Ndalisa Jele

Hulumende wesifundza seMpumalanga utsi usahamba kahle umkhankaso wakhe wekukhipha emgwacweni timoti letingakulungeli kuhamba emgwacweni. Lokhulumela litiko letekuphepha kwemphakatsi, tekuvikeleka nekuchumana Moeti Muusi uyasichazela.

Live lase-Australia lishaye umtsetfo lovimbela bantfwana kutsi basebentise tinkhundla tekuchumana letifana neTikTok, facebook naletinye.  Kantsi bodokotela bebantfwana bona batfole kutsi bantfwana labangu 10 000 labasebentisa bomakhalekhikhini (smartphones) kulelive bavame kuba nenkinga yekucindzeteleka emoyeni, bakhuluphala kakhulu futsi banekuba netinkinga tekuhluleka kulala. Simeme injulab...

Umgcinimafa wenhlangano yebammeli labasikati, iSouth Africaan Women Lawyers Association (SAWLA), Sharlot Tsotetsi  itawuchubeka nekusita tisulu teludlame lolweyamene netebulili. Tsotetsi utsi kubalulekile klutsi tinhlaka temstetfo tihlanganise tinhloko kuze kuliwe nalesihlava.

Inhlangano lebukelele babhali kulelive i-Academic and Non-Fiction Authors Association of South Africa (ANFASA) isemkhankasweni wekukhombisa kubaluleka kwemasiko ekuletseni intfutfuko ikakhulukati emkhakheni wetekubhala. Sicocisana nalomunye walabahlomulile kuloluhlelo lekungumbhali weSiswati  Marry Mkomi, lobhale libhuku lelinesihloko lesitsi "Inkhokhelo Yesono."

Tinhlangano temmango letilwa nekusuleleka kwesandvula ngculazi nesifo sesifuba iTB, kulindzeleke tibambe umcimbi wekucushisa ngeHIV/AIDS neTB lapha KaMashegho ePienaar namuhla. Sicocisane na-Thembi Nkomo loyi TB Ambassador kulesifundza seMpumalanga.

Likhomishana lelukhetfo i-IEC, ibambe imihlangano sikolo yekucobelana ngelwati eveni lonke njengencenye yemitamo yekufundzisa labo labatawubamba lichaza elukhetfweni lwabohulumende basemakhaya. Sicocisane neMnuzane Allan Mdaka longumphatsi ku Electoral Operations ka IEC kulesifundza se-Mpumalanga 

INTRO: Tinhlangano temphakatsi letilwela emalungelo ebantfu labaphila neligciwane lesandvulelangculazi, letifaka ekhatsi eSouth African National Aids Council kanye ne-Human Sciences Research Council betfula ngalokusemtsetfweni umbiko lomayelana nekucwaywa kwalabaphila ne-HIV. Lombiko lowatiwa nge-HIV Stigma Index 2.0, uvete imiphumela yelucwaningo lolwentiwe kubantfu labangetulu kweti-5000 kutoton...

Namuhla umhlaba wonkhe ubungata lilanga lekulwa nenkohlakalo i International Anti-Corruption Day. Simeme uMnumzane Mzwandile Bhanjatwa lovela ku-Corruption Watch kutokhuluma kabanti ngalelilanga.

Tibonakala tandza tehlakalo tekuminta kwebantfu emifuleni kulesifundza seMpumalanga kusukela kucale lamaholide ekuphela kwemnyaka. Ngemphelasontfo kwemuke bomake labatsatfu lebebayincenye yalabasitfupha, lebebaye kuyothandaza edamini laseMiddleburg. Namuhla emaphoyisa esifundza avete kutsi aphenya lesinye sehlakalo sekuminta kwemfana lomncane khona edamini laseMiddleburg. Simeme lokhulumela emapho...

Baphatsi besiciwi setinyamatane i-Kruger National Park (KNP) baitsi seticalile kuba nemtselela lomuhla tinhlelo tetekuphepha lebatetfula kulesiciwi. Intsatseli yetfu Mthobisi Mkhaliphi uyasibikela.

Mabhalane wenyonyane yetisebenti iSouth African Federation of Trade Unions (SAFTU) Zwelinzima Vavi, bekayincenye yemhlangano bewubonisana ngebungoti bemitsi lebulala tibulali tinambutane ebantfwini lebasebenta emapulazini kanye nemtselela wato ekudleni lesikudlako.

Umndeni walodokotela lowabulawa Dr. Nondumiso Nkosi ubita hulumende kutsi asukumise inkantolo lekhetsekile letawubukana kuphela nemacala ekuhlukumeta ngekwebulili. Intsatseli yetfu Palesa Sotomela uyasibikela...