Ligwalagwala FM Current Affairs

Inhlangano lelawula imincele yakulelive, iBorder Management Authority (BMA) itsi bangetulu kwetinkulungwane letingema-25 bantfu lebawele umncele waseLebvombo bangena eMozambiki kulamalanga lamabili lengcile.  Mthobisi Mkhaliphi uyasibikela...

Bashayeli betimoti kulesifundza seMpumalanga bayacwayisa kutsi bacinisekise kutsi timoti tabo tisesimeni lesifanele ngembi kwekutsi batsatse luhambho lwabo kuze bangatikhandzi babukene nelulaka lwemtsetfo. Lesecwayiso sifika ngesikhatsi lapho kuhlanyelwe emaphoyisa lamanyenti kuyo yonkhe imigwaco lemikhulu yakulesifundza. Michael Mdluli uyasibikela...

Kubonakala kwangatsi kutawuba nguKhisimusi wemvula lonyaka ngekusho kwelihhovisi letangoma telitulu. Simeme sangoma selitulu Bongani Jola Chibi kutosibukela kutsi sitawube sinjani simo selitulu kuleliviki lakhisimusi.

Ibhodi lelawula kutsengisa kwetjwala eMpumalanga itsi batawutsatselwa tinyatselo lebangawulamndzeli umtsetfo. Gcina Mashaba lovela kuyo i-Mpumalanga Liquor Board ukhutsata bantfu kutsi bachumane nabo nangabe banetikhalo.

Lesi sikhatsi senjabulu sekuhlangana kwemindeni kantsi nebantfu bayashada futsi bayalobolo nganasi sikhatsi semnyaka. Kepha kubo lobukhatikhati nebunandzi, tintfo atisenteke njengakadzeni lapho bekuvele kutseleke noma ngubani. Kulamalanga bantfu sebekhipha timemo, kune nelidlantana lebantfu lotojabula nabo kulomcimbi lowentile. Kukhuluma kabanti ngaloludzaba simeme Make Khosi Siboza.

Ucala namuhla umchudzelwano welibhola letinyawo kulelivekati le Africa,  i-Africa Cup of Nations, lodlalelwa e Morrocco. Sicocisana nemetfuli wetemidlalo emsakatweni Ligwalagwala Fm, Sibusiso "SD" Mashabane.

Lucwaningo lolwentiwe yinhlangano lekutsiwa i-Age Well luveta kubaluleka kwekutsi umuntfu nasekakhulile abe nebantfu latawuphilisana kuze angatitfoli sekayinhlwa ahlushwa situnge. Simeme  Zandile Shabangu longudokodela loluleka ngokwengcondvo kutobuka nasi simo.

Esigabeni setfu sekucubungula emabhuku namuhla sikhuluma  ngelibhuku lelibhalwe nguConstance Mkomi lelinesihloko lesitsi "Inkokhelo Yesono." 

Likomishana lelibukene netindzaba tebatsengi kuleli i National Consumer Commisison  licwayisa bantfu kutsi bacaphele nabatsenga On Line. Simeme lokhulumela lelikhomishana Phetho Ntaba.

Minyenti imikhuba leseyivame kwenteka kulamalanga nangabe nangabe kunenkonzo yemngcwabo emiphakatsini lesiphila kuyo. Kusigameko sakamuva kuboshwe emadvodza lamabili kumasipala waseNkomazi ngekudubula tibhamu emngcwabeni. Kantsi kuleminye imingcwaco kuvame kubonakala timoti ti-spina emgwacweni njengendlela yekuvalelisa loyi losashonile. Kepha kubuka kutsi ingabe umngcwabo sewulahlekelwa sitfunti,...

 Lihhovisi letangoma telitulu litsi bantfu kufanele batihloniphe tecwayiso letikhishwa ngulelihhovisi. Lelihhovisi littsi yinyenti imvula lelindzelekile kulamaholide kepha lesimo singagucuka ngenca yalokugucugucuka kwesimo selitulu. Simeme sangoma selitulu Bongane Chibi.

Umbiko wesikhashane welikomishana laMadlanga sewetfuliwe kumengameli Cyril Ramaphosa kaphe angeke wendluliselwe esiveni. Kucubungula umsebenti walelikhomishana sikhulumisana nesati setindzaba tebugebengu, Dr Mxolisi Mathebula.

Siciwi setinyamatane iKruger National Park, sesibita bantfu labafuna kuvakashela lesiciwi kutsi bafake ticelo kusenesikhatsi kuze bangadvumateki nabafika emahhekeni ekungena kulesiciwi. Lokhulumela lesiciwi iKNP, Ray Thakhuli utsi batawulawula linani lebantfu lebangena kulesiciwi ngelilanga kulesikhatsi semaholide kuze kungagcini sekugcwele ngalokwecile. 

Emaphoyisa esifundza seMpumalanga aphenya emacala lamabili ekubulala kulandzela kutfolakala kwetindvumbu talabasikati lababili Kamagugu, ngaseMbombela. Lokhulumela emaphoyisa esifundza Khenela Jabu Ndubane.

Indvuna yetekuchumana Solly Malatsi uyale i-ICASA kutsi icubungule noma icekise imitsetfo lemayelana nemgomo we B-BBEE nakuta etinkapanini tangangaphandle letifuna kusebenta kulelive. Kutfolisisa kutsi kwentakani sichumana neNjingalwati Bheki Mngomezulu.

Umtamo we-MK Party wekufuna kukhipha Ndvunankhulu waKwaZulu Natal, Thami Ntuli, wehlulekile kuphumelela kusishayamtsetfo sakulesasifundza. Kuyibuka ngeliso lemhlatiyi, sikhulumisana Thobani Zikalala.

Simeme umeluleki ngekwengcondvo, i-Psychologist, Mosese Mkhabela kutewubuka kutsi kumatima kangakanani kubuyisana nekucolelana nemuntfu lokulimatile.

Njengoba namuhla kubungatwa lilanga lekubuyisana, i-Reconciliation Day,  simeme litiko letekuvuselelwa kwesimilo kutobuka kusebenta kweluhlelo lebanalo lekubuyisana nekucolelana emkhatsini  kwesisulu sebugebengu kanye nelowente lobugebengu lodvonsa sigwebo. Simeme lokhulumela litiko, Singabakho Nxumalo.

Njengoba sekumaholide ekutijabulisa, bantfu labanyenti bavwube baphumile bayovakasha kantsi kubalulekile kucinisekisa kutsi emakhaya abo bawashiya aphephile.  Simeme Khenela Jabu Ndubane kutosipjha emasu ekuphepha ngalamaholide.

Lelive litawube libungata lilanga lekucolelana nekubuyisana kusasa, i-Reconciliation Day.  Inhloso yalelilanga kuletsa kuvana emiphakatsini, kutfoba emanceba, lubumbano kanye nekwakha sive lesicinile. Sikhulumisana neMfundisi David Gatjeni lophuma ku-Moral Regeneration Movement.

Inhlangano ye EFF itsi itasisekela lesishukumiso sekungametsembi Ndvunankulu wesifundza sa-KwaZulu Natal, Thami Ntuli  lesetfulwa yiMK Party.  Ntuli lolilunga lenhlangano ye-IFP wangena kulesukhundla ngemva kwekuvumela kwe ANC, DA, IFP ne NFP njengoba babusa ngekuhlanganyela kulesishayamtsetfo sesifundza. Sicocisana nemhlatiyi wetepolitiki Sandile Swana. 

Kunetinkholelo letihlukahlukene nangabe kushona singani ikakhulukati uma bebangakalobolani nobe bebakipitile. Kepha kuyikhuluma lendzaba simeme sati setindzaba temasiko, Khaya Ndwandwe.

Sikhwama lesincesitela labatsintseka etingotini temgwaco, i-Road Accident Fund (RAF) sigcugcutela bantfu kutsi bacaphelisise emigwacweni kunasi sikhatsi semnyaka njengoba kuvame kwenyuka  sibalo sebantfu labafaka ticelo tekuncesitelwa etingotini temigwaco. Kutfola kabanti ngalendzaba, sikhulumisana nesikhulu saka-RAF, Siphamandla Gumbi 

Namuhla esigabeni setfu semabhuku sicubungula libhuku lelinisihloko lesitsi "Under Smuts's Rule" lelibhalwe ngu Prof Bongani Ngqulunga.  

I Mpumalanga Tourism and Parks Agency seyimemetele ngekukhuphula tindleko tekungena kuletinye tindzawo lertiheha tivakashi kulesifundza. Simeme siphatsimandla lesiphuma kaMTPA Phinda Qutjwa kutositjela ngalendzaba.