Ligwalagwala FM Current Affairs

Bososayensi batfole kutsi bantfwana labatsandza kudvweba imidvwebo, bavame kukhalipha engcondvweni, babuye babe nelikhono lekufundza bavisise. Simeme sati lesibuke kutfotjwa kwengcondvo ngetintfo tesikolo (Educational Pyschologist) Khomotso Malapane lovela etikweni letemfundvo kulesifundza seMpumalanga

Kucamba emanga ku-CV yakho licala lelibovu ngekwemtsetfo locale kusebenta kulenyanga lesetulu futsi ungagwetjwa iminyaka lesihlanu ubhadla ejele. Sikhulumisene nesati semtsetfo Zola Mbatha

Solomane uchubeke njalo lomdvonsiswano emkhatsini kwemalunga emndeni walobekangumengameli wseZambi, Edgar Lungu, kanye nahulumende wakulelalive mzyelana nalapho kufanele ayongcwatjelwa khona. Lungu washonela esibhedlela sasePitoli, nga-June kulomnyaka lophelile. Sikhuluma nje loludzaba solomane lusenkantolo. Kepha labanye banftu bayatibuta kutsi lesidvumbu sakhe sesinjani njengobe sesihleli sikhat...

Emalunga lenhlanganyo  yemphakatsi i March and March ashucela etindlini tesishayamtsetfo sase Gauteng. Simeme Umholi we March and March Jacinta Ngobese-Zuma kutokhuluma naye ngaloludzaba.

Inkantolo yeamantji e Alexandra e Jozi igwebe Bellarmine Mugabe iminyaka lemibili abhadla ejele kumbe abhadale imali lengu 400-thousand wemarandi, ngelicala lekukhomba ngesibhamu-mbumbulu kusigameko lesenteka emaviki lamabili ngaphambi kwekudubula lokwenteka e Hyde Park. Umzala wakhe lasolwa naye Tobias Matonhodze yena ugwetjwe iminyaka lemitsatfu abhadla ejele. Kutfola kabanti ngaloludzaba sikhul...

Akasekho emhlabeni umculi we Opera, Mimi Coertse. Lomculi lohlonishwa mhlaba wonkhe, wendlule emhlabeni mhla tingema-27 kulenyanga lesetulu (27 April 2026), sekaneminyaka lengema-93. Simeme umetfuli weluhlelo lwemculo wemakwaya kulomsakato Ligwalagwala FM, Vusi Manana kutokhuluma naye ngalendzaba

bantfu becayiswa ngekubaluleka kwekugoma kute bativikele etifweni letitsatselanako letiyingoti. Simeme sikhulu lesibuke tindzaba tekugoma etikweni letemphilo kulesifundza seMpumalanga Eugenia Mashabane.

Hulumende uselule kwesikhashana sincumo sakhe sekungafaki intsela lekhokhwa nawutsela emafutsa etimoti, njengendlkela yekuvikela bantfu bakulelive kutsi batitfole babukene nalokunye kukhuphuka kwalentsengo enyangeni letako. Kukhuluma ngalendzaba simeme somnotfo Umnumzane Mandla Malope..

Lelibhangi i Post Bank, litsi liyacala kusasa nemsebenti wekuntjintja emakhadi embala wegolide lahola ngawo sibonelelo sahulumende kaSASSA. Ngekusho kwe Post Bank loluhlelo lutawudvonsa kudzimate kube ngumhlaka 31 August kuwo lomnyaka. Kepha kuva kabanti ngalendzaba sikhulumisana nalomunye webaphatsi bePost Bank, Umnumzane Thami Cele loyi Chief Commercial Officer.

Mengameli Cyril Ramaphosa uchaze lukhetfo lwentsandvo yelinyenti  lwemnyaka wango 1994 njengalelo lekutalwa kwesive lesisha.  Ramaphosa bekakhuluma emcimbini wekugubha lilanga lenkhululeko eBloemfontein. Selihambe kangakanani lelive kucinise inkhululeko lelayitfola eminyakeni lengema-32 leyengcile. Sikhulumisana na-Dr Nsizwazonke Yende umetfuli wetifundvo te-Developmental Studies eUMP&nb...

Uniketwe ibheyili Julius Mkhwanazi loliphini lemphatsi wemaphoyisa amaspala wase Ekurhuleni naloyo longumphatsi walomspala Kagiso Lerutla. Kuyibuka ngeliso lemhlatiyi lendzaba, simeme sati ngetemtsetfo Bongane Matsane....... 

Litiko letekuchumana kanye netebuchwepheshe kulelive seliwuhocisile lomgomo losaseluhlaka iNational Artificial Inteligence Policy. Lucwaningo lolwentiwe betindzaba netifundziswa ngalomgomo loluhlaka lutfole kutsi ayikho yonkhe lentfo lefakwe lapha futsi ingemanga. Sikhulumisana nemetfuli wetifundvo tebuchwepheshe eDUT, Siphimelele Zondi.

Likhomishana lemalungelo eluntfu kulelive, i South Africa Human Rights Commission (SAHRC) lecwayisa bantfu kutsi bacaphele iminingwane lengasilo liciniso njengaloku lelive litilungiselela lukhetfo lwabohulumende basemakhaya. Simeme Umnumzane Eric Mokonyama longumphatsi welihhovisi le SARHC kulesifundza seMpumalanga aphindze abe ngu Acting COO.

Usakhala nalomuhla umndeni walowake wakhulumela litiko letekuphepha kwemphakatsi, kuvikeleka nekuchumana eMpumalanga, Joseph Mabuza lowashona engotini yemgwaco asemsebentini. Lomndeni uvakalise kukhatsateka ngalodvonsa sikhatsi lesidze kwaloluphenyo lwelungekushona kwakhe engotini leyenteka kuN4 ngalesikhatsi sidududu sakhe sishayisana nemoti. Motsebi Monareng uyasibikela

Kuyawube kusindvwe ngebelitfole enkundleni yetemidlalo ePhola ngaseWhite River kulesifundza seMpumalanga njengobe hulumende walesifundza utawube abambe umcimbi  wekubungata lilanga lenkhululeko. Kutfola kabanti ngalombungato sicocisana nemphatsiswa wetemasiko, temidlalo nekukhibika, Leah Mabuza

Konkhe sekume ngemumo enkundleni yetemidlalo i Dr Rantlai Petrus Molemela eBloemfontein, lapho kuyobanjelwa khona umcimbi wekugubha lilanga lenkululeko (Freedom Day) namuhla. Kulindzeleke kutsi mengameli Cyril Ramaphosa etfule inkulumo yelusuku kulomcimbi. Njengaloku inkululeko yalelive seyineminyaka lengema-32, bakhona labayitfokotele kepha kukhona nalabo labatsi kute lokuntjintjile etimpilweni t...

Tibalo tebantfu labangasebenti kulelive tikhomba kutsi linyenti labo  le Ningizimu Africa, linyenti labo bantfu labasha. Lihhovisi letibalo livete kutsi bantfu labasha labaneticu temfundvo lephakeme babukene nensayeya yekungatfoli umsebenti. Kepha kwetama  kulwa nalenkinga umetfuli wetifundvo eUJ lophindze abe yi-Life Coach, Dr Sanele Gamede uhlele i-seminar lehlose kukhaliphisa ngelwati...

Kulandzela sehlekalo sekuhlaselana ksakamuva sekuhlaselana kwebashayeli betimoti lesiholele ekudutjulweni kwendvondza  e Emmerentia,e Jozi, sifuna kubuka kutsi yini lebanga bantfu bangabeketelelani emgwacweni. Yini lebangela umuntfu agcine atsetse sincumo sekubulala lomunye nabashayelisene kabi emgwacweni? Kuphendvula lombuto naleminye simeme Dokodela loluleka ingcondvo Dr Rabi Phetla.

Buyobe busindvwe ngebelitfole KaMhlushwa e Nkomazi kulesifundza se Mpumalanga namuhla. Umsakato wesive, Ligwalagwala FM, uhlanganisa iminyaka lengemas-44 kulenyanga, kantsi kuhlelwe sibhimbi sekujabulisa balaleli nebatsandzi balomsakato. Kutfola kabanti ngalomcimbi, sikhulumisana neBrand Specialist kuLigwalagwala FM,  Mfanimpela Ndlala  

Tinkambu tekuvuselela similo ebantfwaneni (Disciplinary Camp) tibonakala tikhombisa kwanza kulelive, lapho batali batfumela bantfwababo lebangahloniphi nalasebatigcila tetidzakamiva netjwala. Sicele lomunye lonalenkambu ePitoli, Simphiwe Prince Mazibuko lowatiwa nga Prince wa ko Pitori lone Dream Hub Disciplinary Boot Camp aphindze etfule luhlelo lwase-TV lelitsi Uth'uyKleva Bootcamp.  

Libhuku lanamuhla linesihloko lesitsi Roses After Rain libhalwe nguRose Shabalala. 

Namuhla lilanga lapho umhlaba wonkhe uchushisa ngesifo samalaleveva, World Malaria Day, lesitsatfwa njengalesiyingoti nangabe ungasisukumeli masinyane kumbe ungasigomeli kusenesikhatsi. Njengoba nati netimvula tichubeka nekuna lokungahle kubange timbuzulwane simeme Umnumzane Mandla Zwane longumcondzisi weligumbi letifo letingatsatselani etikweni letem[philo kulesifundza seMpumalanga.

Kulindzeleke kutsi emacembu - iOrlando Pirates ne Kaizer Chiefs - atfolane etulu ngalemphelasontfo enkhundleni yetemidlalo i FNB kumidlalo kuBetway Premiership. Sikhulumisana nemetfuli wetemidlalo kuwo umsakato Ligwalagwala FM, Sibusiso "SD" Mashabane.

Litiko letekuphepha kwemphakatsi, kuvikeleka nekuchumana kulesifundza sase-Mpumalanga lisukumise umkhankaso wekugcugcutela kuphepha kwalabo labahamba ngetinyawo emigwacweni kanye nekuphepha kwebashayeli. Sikhulumisana nemphatsiswa walelitiko Jackie Macie.

Betemphilo bakhutsata bantfu kutsi bagomele umkhuhlane njengoba kungena busika. Ngekusho kwaba dokodela lesi sikhatsi lesikahle sekugomela umkhuhlane. Kepha kukhuluma kabanti ngalesimo sikhulumisana nadokodela lotimele lapha eMbombela, Dr Simangele Nkosi.