Ligwalagwala FM Current Affairs

Lucwaningo lolwentiwe yinhlangano yetemphilo emhlabeni luveta kutsi balinganiselwa ku 3.2 billion bantfu lebasengotini yekungenwa sifo samalaleveva. Sicocisena na Bonginkosi Gungu longumphatsi egunjini lelilwa naMalaleveva etikweni letemphilo.

 Litiko letebulungiswa kanye nesikhungo iSocial Justice Foundation bayachubeka netinhlelo tekufaka emabhukwini lamnyama alabangabhadali tikweleti, labo lebahluleka kugcina umyalo wenkantolo wekubhadala imali yesondlo sebantfwana. Lelitiko nalesikhungo basayinde sivumelwano sekusebentisana neConsumer Profile Bureau kuze kutsi bonkhe batali lebangabhadali imali yesondlo sebantfwana bafakwe emabhukwi...

Lisekela lendvuna yelitiko letekutfutfukiswa kwemabhizinisi lakhasa, Jane Sithole utsi hulumende utawusita kubuyisela tiphaza kubantfu balelive. Sithole ubita bantfu bakulelive kutsi bativulele tiphaza tabo kuze babuyisele umnotfo walesalokishini etandleni tabo. 

Litiko letekuphepha kwemphakatsi, kuvikeleka kanye nekuchumana kulesifundza se Mpumalanga litsi tibalo tikhomba kutsi tingoti letinyenti tenteka nangabe emaphoyisa emgwacoi angekho emigwacweni yakulesifundza. Lelitilo lihlongota kutsi kube khona emaphoyisa emgwaco latawusebenta busuku nemini kanye nengatimpelasonttfo. Intsatseli yetfu Mthobisi Mkhaliphi uyasibikela.

Kulandzela lesiphepho sakamuva lesicekele phansi imiti lengetulu kwetinkulungwane letimbili lapha kuMasipala wase Bushbuckridge kulesifundza seMpumalanga, inhlangano i-Gift of the Givers inikete lusito kulemindeni lekhahlametekile. Kukhuluma kabanti ngalendzaba simeme uMnumzane Clifford Mabe lovela ku-Gift of the Givers.. 

Likhomishana letebatsengi kulelive (NCC) lisola tindzawo letitsite letitsengisa timoto kuleli ngekutsengisela emakhasimende timoti letingekho esimeni lesikahle. Lelikhomishana litsi baya ngekwandza batsengi labagongonyekile lebeta kutocela lusito  ngemva kwekutsi batsengiselwe timoto letinetinkinga. Simeme lokhulumela lelikhomishana Pheto Ntaba.

Inhlangano yeANC iphakamisa kutsi kudla lokusidzingo samalanga onkhe kungabhadaliswa intsela noma i-VAT.  Loku kuvetwe yinhloko yelikomiti lelibuke kwetfulwa kwetingucuko kuANC, Mammoloko Kubhayi ngalesikhatsi kubanjwe umhlangano wesigungu lesikhulu salenhlangano. Kubuka ematfuba ekuphumelela kwalesipjhakamiso nekutsi singaba namuphi umtselela, Sikhulumisana neMnumzane  Makwe Masilela 

Baculi labanyenti noma labo lebakulomkhakha wetebuciko bavame kwendlula emhlabeni bangenamali. Kamuva kuvele imibiko leyahlukahlukene kulandzela kwendlula emhlabeni kwaSolly Moholo njengoba kunalabatsi wehluleke kubhadala tindleko tesibhedlela kuze ahlindvwe lapho bekudzingeka imali lelinganiselwa ku-700,000. Umndeni wakhe wavula iAkhawunthi kute labo lebakhona kuphosa esivivane balekelele. Simeme...

Inhlangano iButterfly Moments Sisterhood ihlele umcimbi webantfu labasikati lapho kuyobe kukhulunyiswana ngetindzaba tekutinakekela kanjalo nekubuka kutsi umnyaka uhambe njani  kantsi lona lolandzelako ubaphatseleni. Kepha longayikhuluma kahle lendzaba ngumphatsi weButterfly Moments Sisterhood, Mpumi Ngomane 

Esigabeni setfu sekucubungula emabhuku, namuhla sibuka libhuku lelibhalwe nguNozizwe Jele lelinesihloko lesitsi "Sesizophila Ngalendlela". Lelibhuku libuke telutsandvo kanye nekucolelana emdenini. Sesinaye umbhali Nozizwe Jele elucingweni kutokhuluma ngalelibhuku lakhe.

Lamuhla lapha enkhundleni yetemidlalo KaMhlushwa kumasipala wase-Nkomazi kulesifundza sase-Mpumalanga kutawube kubanjwe inkonzo yekukhulekela live lase-Swatini nekutsi ligcine libuswa ngentsandvo yelinyenti. Lomkhuleko utawube uholwa nguloyo lobekadze alilunga lasephalamende lakulelalive lase-Swatini Mduduzi Gawuzela Simelane, longumengameli wenhlangano yetembusave i-SWALIMO kanye nalabanye baholi...

 Indvuna yelitiko letimali kulelive Enock Godongwana utsi utayinciphisa imali layabela tinkapani letingaphasi kwelikhwapha lahulumende (SOEs).  Kukhuluma ngalendzaba sikhulumisana nemhlatiyi wetemnotfo lovela enhlanganweni lebitwa nge-Independent Actuaries and Consultant, Precious Buthelezi

Kuphendvula letinsayeya letiloku titipha emandla letibukene nemnotfo wasemalokishini, inhlangano iOperation Dudula ngekubambisana naletinye tinhlangano tepolitiki netemango, betama kubuka tindlela tekuvuselela umnotfo wasemalokishini. Lokuhlanganyela kwaletinhlangano kuta ngemuva kwanasi sigameko sekushona kwebantfwana lebadla kudla lokwabajikela esiswini eNaledi eSoweto. Kukhuluma ngalendzaba sim...

Itolo umhlaba wonkhe bewubungata lilanga lesifo sekufa luhlangotsi, kantsi leliviki lakhetfwe njengalelo lekucushisa ngekuvikela nekwelapha lesifo. Lucwaningo lolwentiwe litiko letemphilo kulelive luveta kutsi, sifo sekufa luhlangotsi silandzela sandvulela-gculazi ngekubulala bantfu bakulelive. Balinganiselwa ku 75 000 bantfu labahlaselwa ngulesifo kulelive njalo ngemnyaka. Sicocisane na Phumzile...

Njengobe kulindzeleke kutsi indvuna yetimali Enoch Godongwana etfule luphakelotimali lwasemkhatsini nemNyaka namuhla, ludzaba lwekukhula kwemnotfo wakuleli lutawube lubukwe ngalabovu. Sicocisana nemncwaningi wetemnotfo ka SABC Velemseni Mthiyane. 

Lucwaningo luveta kutsi bantfu labangu 87% bakulelive babukene netimo letimatima ngasetimali, ngenca yekubita kakhulu kwetintfo. Lesimo sibaphocelela kutsi bancike kakhulu kuma- Credit cards kute bakhone kutsenga tintfo labatidzingako. Sicocisana nemeluleki ngetimali, Mandla Malope.

Hulumende sewuvule inombolo yamahhala yelucingi letawusebenta busuku nemini, lapho emalunga emmango atobika kuyo tehlakalo tekukhokhiswa kwentsela yekuvikelwa (extortion). Sikhulumisene nesati setindzaba tebugebengu Dr Mxolisi Mathebula.

Likomishana letebatsengi kulelive iNational Consumer Commission litsi litawuhambela tifundza tonke liphenya letitodlwana letisolwa ngekutsengisa kudla lesekwendlulelwe sikhatsi. Sikhulumisene naPhetho Ntaba lovela kulelikomishana

Emaphoyisa aseMpumalanga atsi kushone umntfwana e-Violentbank dvute nase Bushbuckridge. Emaphoyisa akulesifundza atsi kusolakala ngatsi lomntfwana kanye nebanakabo labatsatfu baphutfunyiselwe esibhledlela ngemva kwekukhala ngesisu. Sicocisene nalokhulumela emaphoyisa Colonel Donald Mdluli. 

I Cosatu itsi idvumele ngaloluphekelotimali lwasemkhatsini wemnyaka lolwetfulwe yindvuna yetetimali Enoch Godongwana. Lokhulumela i-COSATU velonkhe, Zanele Sabela

Sikhungo lesibuke tekuvakasha kulesifundza i Mpumalanga Tourism and Parks Agency siyakucinisekisa kutsi kunelibhubesi lelecile lelibonakale ligcwele titaladi e The Rest Estate khona lapha edolobheni i Mbombela. Simeme lokhulumela iMTPA Simphiwe Shungube kutosichazela kabanti ngalombiko.

Simeme umhlatiyi wetemnotfo Lunga Shabalala kutewucubungula kabanti ngalenkhulumo yeluphakelotimali lwasemkhatsini nemnyaka lwanga-2024.

Tinhlangano letahlukakahlukene kanye netishikashiki temmango bebabambe imashi ngaphandle ephalamende, ngembi kokwetfulwa kwenkhulumo yeluphakelo timali itolo lwasemkhatsini nemnyaka. Letinhlangano letifaka ekhatsi i-COSATU ne SAFTU, tikhala kakhulu ngekwehliswa kweluphakelo timali lwematiko lahlukene. Sicocise namabhalane jikelele weSAFTU Zwelinzima Vavi

 Lucwaningo lutfole kutsi ngemnyaka wa 2019, bebangu 14 million bantfu lebabanekugula kwengcondvo (anorexia) lokubaholela ekutseni babe nenkinga yekudla kahle, labatigidzi letintsatfu kubikwa kutsi bekubantfwana. Kutosichazela kabanti ngalesimo sengcondvo, simeme dokotela lotfoba ingcondvo,  Moses Mkhabela.

Kuyachubeka kulalelwa kwesicelo sebheyili saleliphoyisa lase-Limpopo lelisolwa ngekubulala bantfu labayimfica ngenhloso yekutfola imali yemshwalense. Rachel Kutumela usolwa ngekutsi wahlomula tigidzi letilishumi temaRandi ngalomkhonyovu.  Sicocisene nesati ngetemtsetfo Ummeli Bongani Matsane longumsunguli nemphatsi we Matsane Attorneys kutocubungula lesincumo saleliphoyisa.