Ligwalagwala FM Current Affairs

Nkhomishana wemaphoyisa esifundzeni sa KwaZulu Natal Lieutenant General Nhlanhla Mkhwanazi sewubite kutsi kusukunyiswe luphenyo kulandzela i-video lekhombisa liphoyisa lishaya lenye indvodza ngemphama kulesasifundza.  Kutfola kutsi inyonyana yemaphoyisa i-SAPU iphawula itsini sicocisana naloyikhulumelako, Lesiba Thobakgale.

Umlimi waseNorth West ulahlekelwe yimali lengetulu kwesigidzi semaRandi ngemuva kwekutsi umbani ubulale tinkhomo takhe letuluhlobo lwema-Bonsmara letingetulu kwemashumi lasihlanu.  Kuvisisa kabanti ngalesehlakalo nekutsi tinkomo tingabulawa ngumbani, simeme ...Dr Mduduzi Ngcobo usosayensiwetekulima.

Indvuna lebukele tindzaba talabasikati, lusha kanye nalabakhubatekile ehhovisi lemengameli Sindisiwe Chikunga sewuyetfule ngalokusemtsetfweni lenyanga yekucushisa ngemalungelo alabakhubatekile.  Simeme litiko letemfundvo eMpumalanga kutewubuka ngetinhlelo tekwemukelwa kwebantfwana labakhubatekile etikolweni takulesifundza. Kutfola timphendvulo sicocisana na-Sphiwe Vilakazi lophuma etikweni letemfu...

I Eskom, ikhutsata emakhasimende ayo lasebentisa i-prepaid electricity kutsi abhalise kabusha emamitha awo kungakafiki umhlaka 24 kuNovember 2024. Ngekusho kwaEskom, ngemuva kwalomncamlajucu wamhla ka-24  kulenyanga lesikuyo, emamitha angeke asakhona kwemukela gezi lowutsengile ngaphandle kwekutsi abhaliswe kabusha.  Lomsebentoi wentiwa ngekubambisana emkhatsini waEskom kanye nabomasipala. Kutfola...

Indvuna yetasekhaya Dkt Leon Schreiber kulindzeleke avule inkomfa yekucala lehlelwe ngumtimba i-Border Management Authority (BMA) letawube ibanjelwe ePitoli namuhla. Ngekusho kwe-BMA lenkomfa, ekhatsi kwalokunye, itawube ibonisana ngetindlela tekutfutfukisa tekuphepha eminceleni kuphindze kubukwe netinsita tetebuchwepheshe letingalekelela ekwenteni umsebenti uhambe lula. Sicocisane nelisekela lems...

Kulindzeleke icala namuhla ingcungcutsela yemashumi lamabili nesikhombisa, iAfrica Tech Festival, lebanjelwe eCape Town.  Sicocisene na Siphumelele Zondi longumetfuli wetifundvo tebuchwepheshe eDUT.

Namuhla umhlaba wonkhe ugubha lilanga lelatiwa nge-World Pneumonia Day, lapho kucushiswa bantfu ngebungoti nekuvikelwa kwalesifo. Sicocisana na Dr Thulani Mhlabane  lovela etikweni letemphilo kulesifundza seMpumalanga.

Tiphatsimandla tamasipala waseMkhondo itolo beticubungula kutsi ungakanani umonakalo lodalwe ngulesiphepho lesihlasele leyendzawo. Sodolobha Ngelosi Ndlovu uvakalise kutsi lesiphepho sitsikamete kakhulu kusebenta kwagesi, kwaphephuka luphahla lwetindlu nelwetikolo. Utsi inchubekela embili iyabonakala kulomsebenti lebawentako wokwetama kulungisa lesimo.

Indvuna yetekuchumana netebuchwepheshe Solly Malatsi uwuhocisile lomtsetfo-soivivinywa lowatiwa ngeSABC Bill. Ngekusho kwalendvuna intfo lenkhulu leholele kulesincumo kwekutsi lomtsetfo-sivivinywa awucaci kahle kutsi lenhlangano lesakata ngemoya itatitfola kuphi noma njani timali letitayenta ichubeke nekusebenta ngaphandle kwetihibe. Labanye lebebawuhlaba lomtsetfo-sivivinywa ngumkhandlu webahleli...

Siphepho besihambisana nesangcotfo sidale umonakalo lomkhulu etindzaweni letitsite letingephansi kwamasipala wase-Mkhondo kulesifundza se Mpumlanga. Kubikwa kutsi lesiphepho sitsikamete nekusebenta kwageziu edolobheni laseMkhondo, kwaphephuka luphahla lwetindlu tebantfu , tikolo kanye netakhiwo takamasipala. Sikhulumisana nemphatsiswa welitiko lekuhlaliswa kwebanftu, kubusa ngekuhlanganyela kanye...

Losandvwa kucokwa njengamabhalane jikelele we- MK Party, Floyd Shivambu, sewucacisile kutsi kungani sekasebentisana namengameli waphambilini Jacob Zuma.  Ngalesikhatsi aselisekela lemengameli we-EFF, Shivambu bekalihamba embili ekukhishweni kwaZuma njengemengameli welive ngemuva kwembiko wemvikeli wesive Thuli Madonsela lebekaphenya ngekutfutfukisa ngetigidzi temaRandi kwemuti wakhe loseNkandla. I...

Sekufuna kubuyela esimeni lesetayelekile kusebenta emnceleni wase-Lebombo lekulihheke lelingena eMozambiki. Loku kuta ngemuva kwekuvalwa kwalelihheke ngenca yemibhikisho beyineludlame leyeyamene nemphumela welukhetfo lwaseMozambiki. Intsatseli yeSABC Motsebi wa Monareng usihlanganisele lombiko...

Mengameli weMK Party, Jacob Zuma, sewumemetele kucokwa kwa-Floyd Shivambu njengamabhalane jikelele walenhlangano. Kubuka kutsi sisho kutsini lesincumo kanye nemsebenti lobukene naShivambu, sikhulumisana nemhlatiyi wetembangave, Prof Bheki Mngomezulu.

Siphepho lesinemandla lesihlasele kumasipala wase Mkhondo, kulesifundza se-Mpumalanga sidale umonakalo lomkhulu. Kucekeleke phansi tindlu, takhiwo tamasipala kwaphindze kwancamuka netintsambo tagezi. Kuva ngalesimo sicocisene nesakhamuti Lucky Gamede lesimtfole endleleni lesiphepho; kanye lomelele Masipala we-Mkhondo, Umnuzane Robert Kubheka. 

Sewuvuliwe lomncele wase-Lebombo kulandzela kuvalwa ngenca yeludlame lolweyamene nemiphumela yelukhetfo lwase-Mozambiki. Lokhulumela i-Border Management Authority Memme Mokgotsi utsi emaloli nawo sekayangena lamanye ayaphuma kulomncele. Kepha wecwayise labo lebaya eMozambiki kutsi bacaphele.

Uvulwe ngalokusemtsetfweni umtfolampilo wakalokusho Kanyamazane dvutane nelidolbha i-Mbombela kulesifundza seMpumalanga. Lomtfolampilo uvulwe nguNdvunankulu Mandla Ndlovu lobekahambisana nemphatsiswa wetemphilo kulesifundza, Sasekani Manzini. Simeme yena umphatsiswa wetemphilo kulesifundza Sasekani Manzini kutosichazela kabanti ngalomtfolamphilo.

Inhlangano yebashayeli bemaloli iAll Truck Drivers Forum ivakalise kukhatsateka ngebumatima lobubukenen nebashayeli lebavaleleke evei laseMozambiki. Mabhalane walenhlangano Gugu Sokhele utsi kuphepha nekunakekeleka ngekwetemphilo kwalabashayeli kusengcupheni.

Litiko letekuhweba, timboni kanye netekuchudzelana lihlongota kuciniswa kwemtsetfo lowengamele kutsengiselana ngetincingo. Kwanyalo kubonakala kwangatsi kute umtsetfo lovimba letinkapani ekutsengiseleni bantfu imikhicito yato ngetincingo. Kuyiva kahle lendzaba sicocisana naTezzy Mabuza, lokanguNkomishana welikomishana letebatsengi kulelive nalekungilo leliniketwe umsebenti wekusingatsa nayi indzab...

Kuyachubeka kukhulumisana emkhatsini kwetiphatsimandla te-South African Border Management Authority kanye netikhulu taseveni laseMozambique njengoba kuvulwe incenye yalomncele. Lomcele bowukadze uvaliwe kulandzela ludlame lelicubuke eMozambiki ngenca yemiphumela yelukhetfo lelisandza kubanjwa. Simeme lokhulumela iBorder Management Authority, Memme Mokgotsi .

Namuhla kufungiswa mengameli wesitfupha welive lase Botswana, Advocate Duma Bokoa. Sicocisene na Thulisa Ndlela lekangumhlatiyi wetepolitiki...

Bashayeli bemaloli bevakalise kukhatsateka ngesimo lebabukene naso njengoba balindze kuvulwa kwemncele wase-Lebombo. Loku kuta ngemuva kwekutsi uvalwe lomncele ngenca yeludlame lolweyamene nemiphumela yelukhetfo eMozambiki. Sicocisene nalomunye walabashayeli bemaloli Sfiso Sibiya na Collen Huma lovela kuRed Cross Society leyetama kusita labashayeli ngetidzingo letitfuphumako..

Umphatsiswa welitiko letekuphepha kwemphakatsi, kuvikeleka nekuchumana eMpumalanga, Jackie Macie uncome emaphoyisa esifundza ngekubopha indvodza letfolakele netibhamu letinkhulu letifaka ekhatsi ema-AK-47 lasiphohlongo, iR1, R4,  R5 kanye netinhlavu letinyenti namuhla ekuseni. Sicocisana naye umphatsiswa Macie ngetinhlelo tabo.

Loludlame lolucubuke eMozambiki lubonakala kwangatsi selifuna kuphuma esandleni. Imibiko itsi hulumende waseMozambiki uhlela kuvulela emasotja kuze kulawulwe lemibhikisho lecubuke kulelalive. Sicocisene nemhlatiyi wetindzaba tase-Africa, Advocate Sipho Mantula, kubuka kutsi ngutiphi letinye tindlela letingasetjentiswa yinhlangano yetembangave lesuke igongonyekile ngemiphumela yelukhetfo kulelalive...

Donald Trump uliphumelele lukhetfo lwemengameli waseMelika wehlula imbangi yakhe Kamala Harris.  Trump wente umlandvo ngekutsi abe ngumengameli wekucala kubuyela esikhundleni ngemuva kwekutsi ahlulwe nakafuna kutsatsa lihlandla lesibili nga-2020. Sicocisena nemhlatiyi wetepolitiki Sandile Swana. 

Tinkapani tetekuvakasha setivakalise kukhatsateka ngalokuvalwa kwemncele wase-Libombo lekulihheke lelehlukanisa lelive neMozambiki. Lokukhatsateka kulandzela sehlakalo sekushiswa kwemphahla ngasehlangotsini laseMozambiki kulelihheke lase-Lebombo lekuholele ekutseneni tiphatsimandla tilivale ngenca yekusabela tekuphepha. Kuva kutsi betekuvakasha bashayeke njani ngalesehlakalo, sicocisene na-Phindil...