Ligwalagwala FM Current Affairs

Kutawunabela ebangeni lesine kufundzisa ngelulwimi lwelibele etikolweni takulelive. Loku kwamenyetelwa nguloyi abeyindvuna yelitiko lemfundvo lesisekelo, Angie Motshekga. Namuhla bekuhlangene tinjulabucopho kutewubonisana ngetindlela lekutawetfulwa ngato loluhlelo kulomnyaka lotako. Kepha kuyikhuluma kabanti lendzaba simeme lisekela lendvuna yelitiko lemfundvo lesisekelo, Dr Reginah Mhaule.

Umbiko lokhishwe ngumtimba lowenta lucwaningo kulelive iSouth African Human Sciences Research Council ukhombisa kutsi bomake bakulelive labangemaphesenti langemashumi lamane babike kutsi bake bahlukunyetwa enyameni nangekwemacansi emphilweni yabo. Simeme indvuna lebukene netindzaba tabomake bantfwana nalabakhubatekile ehhovisi lemengameli, Sindisiwe Chikunga kutikhuluma ngalombiko.

Kulandzela kukhululwa kwetibalo letishwacisa lugogo tekuhlukunyetwa kwabomake kulelive, kube nekukhala ngekunganakwa kwabobabe kanye nekufela ngekhatsi kwabo bangabhoboki ngetinkinga lebabukene nato. Kukhuluma ngalendzaba simeme umsunguli wenhlangano letibita ngekutsi Ungazibulali Awareness Campaign, Umnumzane Nkululeko Khanyi.

Lihhovisi letekutfutfukisa umkhakha wetekwakha, i-Construction Industry Development Board i(CIDB), belibambe umhlangano lomkhulu wavelonkhe kukhulunywa ngetindzaba letiphatselene netekwakha eThekwini itolo. Kulokunye lomhlangano bewubonisana ngetindlela tekufukula lomkhakha wetekwakha nekucinisekisa kuvikeleka kwalabatsintseka kulomkhakha ebugebengwini lobufaka ne-extortation. Sicocissana nesikhul...

Umbiko lolukhishwe ngumtimba lowenta lucwaningo kulelive, iSouth African Human Sciences Research Council, uvete kutsi bomake bakulelive labangemaphesenti langemashumi lamane bavakalise kutsi bake bahlukunyetwa enyameni nangekwemacasi emphilweni yabo. Sikhulumisana neMnumzane Lucky Masango lovela enhlanganweni yabobabe kulesifundza seMpumalanga.

Inhlangano yalabangaboni emehlweni kuleli i-Blind SA beyimashele emahhovisi amasipala lomkhulu weHlanzeni eMpumalanga, namuhla ikhala ngekutsi lomasipala akatisukumeli tikhalo tabo.  Kepha kuyikhuluma kabanti lendzaba sikhulumisana nasihlalo weBlind SA eMpumalanga, December Nkosi, kanye nalokhulumela masipala waseHlanzeni Lucky Ngomane kutopjhendvula ngaletinsolo.

Loludzaba lwebavukuzi labangekho emtsetfweni lebavaleleke ematfunjini emhlaba e-Stillfontein esifundzeni sase North-West selusenkantolo. Inhlangano yemango -Society for the Protection of our Constitution ifake sicelo enkanyolo lephakeme e Pitoli ngenhloso yekufuna kucindzetela hulumende kutsi kusitwe labantfu lebavaleleke ematfunjini emhlaba. Simeme sati setemtsetfo Mpumelelo Zikalala kutewubuka l...

Masipala waseHlanzenI utsi ukulungele kumelana nesibalo sebanikati betitodlwana letitsengisa kudla lebafuna kutobhalisa ngalokusemtsetfweni. Loku kuta ngemuva kwekutsi Mengameli Cyril Ramaphosa amemetele esiveni kutsi titolo letitsengisa lokudliwako letifaka ekhatsi tiphaza kufanele tiyobhalisa kubomaspala letisebenta ngephansi kwabo kungakapheli emalanga langemashumi lambili nakunye. Sicocisana n...

Inkantolo yamantji eCalcutta eMkhuhlu kulesifundza seMpumalanga, ilihlehlisile licala la Patrick Ntiwane (45), losolwa ngekujuba tandla tesingani sakhe ngaSeptember nyakenye. Ntiwane bekasolo agcwele tiganga ladzine lamshonela kuleliviki leliphelile. Intsatseli yetindzaba kaSABC, Mthobisi Mkhaliphi usihlangisele lombiko

Babanjwe inkundzi bantfu lebekumele babelane imali yestokfela Tsianda nase Ha-Mashau ngaphandle kancane kwase-Thohoyandou e-Limpopo. Lombiko lohlanganiswe ngu Rendani Raliphaswa siwetfulelwa nguVusi Shongwe.

Umbiko lolukhululwe ngumtimba lowenta lucwaningo kulelive uvete kutsi bomake labalinganiselwa emaphesentini langemashumi lamane bakulelive bake bahlukunyetwa ngekwemacansi. Sikhulumisene naBathandwa Ngomane lovela enhlanganweni lelwisana nekuhlukunyetwa kwabomake nebantfwana iTotal Shutdown.

Uyacala namuhla e-Brazil  umhlangano wemave langephansi kwe-G20. I Ningizimu Africa itawuniketwa ngalokusemtsetfweni sihlalo sekwengameli iG20 kulomhlangano loseRio. Kubuka kabanti ngalengcungcutsela, sikhulumisana nemcwaningi wakhona lapha ka-SABC, Velemseni Mthiyane.

 I-National African Federated Chamber of Commenrce and Industry (NAFCOC) ishayele hulumende lihlombe ngalemitamo layimemetele lehlose kubukana nalendzaba yetiphaza letigcwele emalokishini. Loku kulandzela kwekutsi mengameli  Cyril Ramaphosa amemetele kutsi lamabhizinisi atiphaza kufanele abhaliswe ngalokusemtsetfweni  kungakapheli emalanga langema-21.  Sicocisena namabhalane weNAFCOC eMpumalanga,...

Njengoba kusondzela emaholide akhisimusi emalunga etitokfela ayacelwa kutsi asebentise bucwepheshe kuze alwe netehlakalo tekutidvonsela tigebengu nasebabelana imali. Sikhlumisana neMnumzane Andrew Lukhele lovela kuSouth African Stokvel Association.

Emabhange lamane lamakhulu akulelive leningizimu Africa lafaka ekhatsi  iFNB, Standard Bank, Nedbank neABSA anciphisa emagatja awo kulo lonke lelive. Loku kulandzela kutsi emabhage asukumise tinhlelo tekutfutfukisa kusebenta kwawo ngetebucwepheshe. Kukhuluma ngalendzaba sicocisana Siphumelele Zondi uloyi-Multimedia Lecturer eDurban University of Technology.

Namuhla kuhlangana iminyaka lengemashumi lasikhombisa nesihlanu kwanteka ingoti yesitimela leyandlula nemphefumulo webantfu baseMozambiki labangemashumi lasitfupha nakutsatfu eWatervalboven leseyatiwa ngeMgwenya nga1949. Kutfola kutsi kuhlelweni lonyaka asamukele umphatsiswa welitiko letemasiko, temidlalo nekukhibika kulesifundza  se Mpumalanga,  Leah  Mabuza.......

Esigabeni setfu  sekucubungula emabhuku, namuhla sikhuluma naNozi Zwane lobhale Iibhuku lelitsi Vision Board Book For Women. Kubuka kutsi lelibhuku likhuluma ngani sicocisana naye Nozi.

Live laseNamibia liya elukhetfweni mhla tingemashumi lamabili nesikhombisa kulenyanga lesetulu. Lolukhetfo lufika nje kunemibiko letsi inhlangano lebusako i-South West African Peoples Organisation (SWAPO) ingahle idvose matima njengoba yalahlekelwa ngemavoti nga-2019. Sikhulumisana nemhlatiyi wetepolitiki lophuma eUMP eUMP, Umnuzane Khanya Vilakazi.

 Litiko letemphilo kuleli selivakalise kukhatsateka ngekwandza kwetibalo tebantfwana labangakhuli kahle emtimbeni, lelekubitwa nge Stunting ngelekubolekwa. Kubuka kabanti imbangela yalesimo nekutsi batali bangenta njani kusigwema ecingweni sikhulumisana nasolwati wetekudla (Dietician) Danisile Lukhele lovela etikweni letemphilo kulesifundza se Mpumalanga

Indvuna yetekubusa ngekubambisana netindzaba tebaholi bendzabuko, Velenkosini Hlabisa, wetfule luhlaka lolusha lwemtsetfo lolumayelana nekulawulwa kwemabhizinisi asemalokishini. Indvuna Velenkosini Hlabisa usichazela kabanti ngalomtsetfo losaseluhlaka..

Inhlangano yebantfu labakhubatekile iDisabled People South Africa (DPSA) ihambele umhlangano lobitwa nge D20 eveni lase Brazil kuyohlelela inkomfa lenkhulu ye G20 letawubanjelwa kuleli kulomnyaka lotako. Tintfunywa talenhlangano yalabakhubatekile kulelive tihlangene naletinye tinhlangano tebantfu labakhubatekile kutewucinisekisa kutsi labakhubatekile abashiyelwa ngaphandle nakuvuleka ematfuba. Sic...

Litiko letindzaba tasekhaya lisemkhankasweni wekukhutsata bantfu labasasebentisa labomatisi labaluhlata belibhuku (green ID book) kutsi bantjintjele kulamakhadi esimanje, ema Smart ID cards. Indvuna yalelitiko Leon Schreiber, ucwayise takhamuti takuleli letisasebentisa labomatisi belibhuku kutsi tilengela engotini yekutsi kugangwe ngalabomatisi bato. Sicocisene nemphatsi welihhovisi letasekhaya ku...

Ikhomishana leyengamele lukhetfo eveni lase-Namibia i-Electoral Comission of Namibia (ECN)  itsi ikulungele kuchuba lolukhetfo lwemengameli lekulindzeleke lubanjwe ngasekupheleni kwalenyanga. Sicocisene na-Advocate Sipho Mantula.

Bafundzi bakamatikuletjeni labangetulu kwemakhulu lamabili basetikolweni letiswele baphiwe tinsita letitawubancedza njengoba namuhla babhala liphepha lekucala le-Accounting. I Mjaji-Mbatha Foundation inikele ngaletinsita kulabantfwana ngemphelasonfo. Sicocisene nemsunguli wayo le-foundation Thembelihle Mjaji.

Sifo sashukela ngulesinye saleto letitsatfwa njengaletiyingoti kakhulu emhlabeni wonkhe jikelele. Ngekusho kwabochwepheshe sifo sashukela singaholela ekutseni uhlaselwe nguletinye tifo letibosomatfuba. Lamuhla lilanga lekuchushisa ngesifo sashukela emhlabeni jikelele, sicocisana na Dr Gcina Mavuso.