Ligwalagwala FM Current Affairs

Sikhulu sesikhwama lesincesitela labo labamalimala etingotini temgwaco  i-Road Accident Fund (RAF), Collins Letsoalo, sewubite kutsi kwentiwe tingucuko kulesikhwama Utsi lendlela lesisebenta ngayo lesikhwama kwanyalo, sibonakala sicendzetela bantfu labadla imbuya ngelutsi futsi ikhutsata kutsi kubekwe umkhawulo weklufaikwa kweticelo tekuncepheteliswa. Lokhulumela iRAF McIntosh Polela utsi baphakam...

Umbiko lokhishwe yinhlangano lebukele kusentjetiswa kwetimali kulelive, i Olemera, uveta kutsi bantfu bakuleli bacitse imali lelinganiselwa ngetulu kwa 1-trillion wemarandi ngekugembula kulomnyaka wa 2024. Lenhlangano itsi letibalo tesenyuke nga 40 % nakucatsaniswa nemnyaka lophelile. Kukhuluma ngalendzaba simeme iCEO yeMpumalanga Gambling Board, Umnumzane Vusi Mtshweni.

Likhomishana lemalungelo eluntfu i-SAHRC esifundzeni se-Limpopo litsi litfole tikhalo letinyenti kulabo labahlala emapulazini, bakhala ngekucindzetelwa kwemalungelo abo. Lelikhomishana libambe umhlangano wemalanga lamatsatfu, lohlose kukhutsata kuhlalisana emangweni kanye nekwakha sive lesiphilisanako emapulazini aseLimpopo.  Sicocisane nemphatsi welihhovisi le Human Rights Commission eLimpopo, Vi...

Litiko letemahlatsi netemvelo litamukele letishukumiso letivele kulenkomfa beyikhuluma ngekugucugucuka kwesimo selitulu beyibanjelwe eBaku, eAzerbaijan. Kuletivumelwano letentiwe kulengcugcutsela, kubikwa kutsi kusuke umsindvo ngemali lekufanele kutsi emave latfutfukile ngetemnotfo ayifake kuze kulekelelwe emave lasatfutfuka ngetemnotfo kute akhone kumelana netinsayeya letibangwa kugucugucuka kwes...

Sewuvele usukunyiswe ngalokusemtsetfweni lomkhankaso wemalanga lalishumi nesitfupha wekulwa nekuhlukunyetwa kwabomake nebantfwana kulelive. Kukhuluma kabanti ngaloludzaba simeme Nkomishana Moltah Mavuso lophuma kuyo iGender Commission.

Umtimba lolawula ltemandla kulelive i-National Energy Regulator (NERSA) seyibita sive kutsi sibe yincenye yesiwombe sekulalelwa kweluvo lwebantfu, mayelana nesicelo sekunyusa gezi ilesifakwe yi-Eskom. Simeme Umnumzane Brian Sechothlo lokhulumela iNERSA.

Likhomishana lelengamele lukhetfo e-Namibia, i-Electoral Comission of Namibia (ECN)  litsi likulungele kuchuba lolukhetfo lwavelonke lekulindzeleke kukhetfwe umengameli lomusha kanye nemalunga ephalemende kusasa . Lolukhetfo luta ngemuva kwekushona kwaMengameli Hage Geingob ngenyanga yeNdlovana, esikhundleni sakhe kwangena liphini lakhe Nangolo Mbumba, lobambe kwesikhashana. Sicocisene nemhlatikyi...

Inyonyana yemaphoyisa i-SAPU itsi emalunga ayo asishaye ngenhlanekela lesiphakamiso sahulumende sekufuna kubakhuphulela liholo nga 4.7 percent. Lenyonyana icedza kuphotfula tinhlelo tekuyawutsatsisa kumalunga ayo. Tinyonyana tetisebenti tembuso tifuna kukhushulelwa liholo nga 7.5 percent.  Sicocisene nalokhulumela iSAPU Lesiba Thobakgale.

Inhlangano letimele i-Women on Farms Projects,  itsi kunemitsi yekubulala tinambutane leseyavalwa yi European Union kepha iyachubeka nekusetjentiswa kulelive, futsi hulumende uyakuvumela loko. Nyalo lenhlangano ibita kutsi ivalwe lemitsi kuphindze kwentiwe netaba tekucinisekisa kuphepha kwetisebenti tasemapulazini. Kukhuluma ngaloludzaba simeme lokhulumela inhlangano yebalimi i-African Farmers Ass...

Ligumbi letemphilo kuMhlabuhlangene libika kutsi siyandza sibalo sebantfu lababukana nenkinga yekungasebenta kwemakhambi emitsi lalwa nemagciwane emtimbeni yabo (Antimicrobial Resistance (AMR). Kuyiva kahle lendzaba sikhulumisana naDr Velile Ngidi.

Uyacala namuhla umkhankhaso lolwa nebudlova lobubhekiswe kubomake nabantfwana iI-16 Days of Activism For No Violence Against Women and Children. Lokucala kwalomkhankaso kufikisana nembiko we-HSRC lovete kutsi tiyandza tigameko tekuhlukunyetwa kwalabasikati. Sicocisene naZana Khumalo welitiko letekutfutfukisa tenhlalo eMpumalanga. 

Inhlangano yetemphilo emhlabeni iWHO ivete kutsi iAfrica leseNingizimu ihamba embili ngesibalo sebantfu labakhuluphele ngalokwecile. Lenhlangano itsi lucwnaingo lwayo lukhombisa kutsi bangemaphesenti langemashumi lasikhombisa bafati kantsi emadvodza angemaphesenti langemna-40, bonkhe labangetulu kweminyaka lengema-35 lebachazwe njengalabakhuluphele ngalokwecile. Sikhulumisana nasolwati ngetekudla,...

Inkantolo lenkhulu kulesifundza seMpumalanga inike masipala wase Nkomazi imvumo yekunciphisa tinyamatane e-Marloth Park. Loku kulandzela kutsi lomasipala akhale ngkutsi setigcwele kakhulu tinyamatane, futsi tiyafa ngobe atikutfoli kudla ngendlela lefanele. Kepha lamanye emalunga emphakatsi atsetse lendzaba ayimikisa enkantolo ngoba angahambisani nalesinyatselo.  Simeme lokhulumela masipala wase Nk...

Ngekusho kwelucwaningo lolwentiwe yiHuman Science Resource Council (HSRC) balinganiselwa ku 33 percent bantfu labasikati lebavakalise kutsi baphila ngephansi kwesimo sekuhlukumeteka kulelive. Lesikhungo sitsi nanobe ikhona imitamo leyentiwa nguhulumende kodvwa kusasekuyenti lekufanele kwentiwe njengoba basakhona bantfu labasikati labesabako kubhokoka nangabe bahlukunyetwa. Kukhuluma ngalolucwaning...

Inyonyana iAMCU itsi kufanele kube ngulenkapani beyisebenta kulemayini yaseStilfontein lekhipha labavukuzi labangekho emtsetfweni lebavaleleke ematfunjini emhlaba kuyo lemayini. Mengameli weAMCU, Umnumzane Joseph Mathunjwa utsi ngabe hulumende uyativula letimayini lekungena kuto ema zama-zama, bese kucashwa bona labantfu labemba ngalokungekho emtsetfweni kuze bakhone nabo kondla imindeni yabo.

Esigabeni setfu  semabhuku, namuhla sicubungula libhuku lelibhalwe ngu-Sbusiso Mashabane lelinesihloko lesitsi "Invent Your Own Weapons". Kutfola kabanti ngalelelibhuku, sinaye umbhali walo Sbusiso Mashabane...

I Eskom itsi itawuchubeka nekusita emakhasimende nasekwendlule lomncamlajucu wamhla ka-24 November 2024, ingce nje nangabe umuntfu awutsengile gezi. Lokhulumela iEskom Daphney Mokoena utsi lokubalulekile kwekutsi umuntfu acale ngekutsenga gezi bese emvakwaloko sewutfola letinombolo tekubhalisa kabusha tigubhu tabo.

Umhlaba wonke ubungata liviki lekubelekwa kwebantfwana sikhatsi singakefiki. Babelekisi baphumile bafundzisa ngetintfo letibanga loko babuye bagcugcutela bomake labatetfwele kutsi bahambele imitfolamphilo kuze bahlolisiswe kahle. Sicocisana nadokotela wabomake Nkosinathi Manana.

Sikhulumisana nentsatseli ye-SABC Zoleka Qodashe mayelana nekucoshwa kwamengameli waphambilini we-ANCi Jacob Zuma.

Inkantolo yemacala ebugebengu emhlabeni, i- International Criminal Court (ICC) seyikhiphe tincwadzi letigunyata kuboshwa kwaNdvunankhulu wakaIsraeli, Benjamin Netanyahu  kanye nalowake waba yindvuna yetekuvikela, Yoav Gallant,  kanjalo nemkhuti wemasotja eHamas, Mohammed Diab Ibrahim al-Masri, lekusolwa kutsi kungenteka wabulawa. Sicocisene nemhlatiyi wetembangave Njingalwati Bheki Mngomezulu.

Indvuna yetindzaba tagezi, Kgosientso  Ramakgopa, utsi iEskom itawungeta sikhatsi sekusebenta kuze ikhone kusita emakhasimende lasafuna kubhalisa kabusha tigubhu tawo tagesi we-prepaid. Loku kungenca yekugcwala kwebantfu emahhovisi akaEskom njengoba bafuna kuhlangabetana nemncamlajucu wamhla ka-24 November 2024, lekunguleLisontfo lesiya kulo. Sikhulumisana nentsatseli ye SABC Calvin Dludla.

Tibalo letikhishwe ligumbi lelibuke tindzaba tebantfwana kuMhlabuhlangene tikhombisa kutsi kubulawa lokungenani bantfwana labatsatfu ngelilanga kulelive. Bantfwana lekukhulunyisenwe nabo ngalesikhatsi kubungatwa lilanga lebantfwana bavakalise kutsi batfuka tanya, futsi sebasaba nekuhamba etitaladini. Simeme sonhlalakahle lovela kaChildline kulesifundza seMpumalanga Prudence Manzini

Likomiti lelibukele umgomo wetetimali kusilulu semabhange lincume kwehlisa i repo rate nga25-basis-points, lesekwenteka kwesibili kulandzelana. Kubuka kutsi ingabe loku kusho kutsini simeme umetfuli wetifundvo temnotfo eUMP, Njingalwati Vusi Gumede, nalosandza kucokwa njengelilunga lesigungu lelicebisa umengameli ngetemnotfo. Gumede ubhale nelibhuku letemfondvo ngekubambisana naletinye tetitjudeni...

Kunekukhala ngalesikhatsi semalanga langemashumi lamabili nakunye lesimenyetelwe ngumengameli Cyril Ramaphosa kutsi siniketwa bosomabhizinisi labancane kwekutsi bayobhalisa ngalokusemtsetfweni emabhazinisi abo ikakhulukati latsengisa kudla. Sicocisene nelisekela lendvuna letemabhizinisi lamancane Jane Sithole...

Kunenhlekelele lebonakala itawenteka nobe nini kumasipala waseNkomazi kulesifundza seMpumalanga. Imbangela yaloku kwekutsi kunebahlali lebancuma kwakha tindlu tabo dvutane kumbe etikweliphayiphi lelihambisa i-gas yase-Sasol. Labahlali balet e-Stentor, e-Mjejane, Kamashayane, kanye nase- Impala batsi letitandi batitsengiselwa baholi bendzabuko. Intsatseli yeSABC Motsebi wa Monareng uyasibikela.