Ligwalagwala FM Current Affairs

Icale itolo eDolobheni i-Bunjumbura e Burundi  ingcungcutsela yelihlandla lemashumi lamabili nakutsatfu yenhlangano yetekuhwebelana kwemave lase Mphmalanga kanye naseNiongizimu yelivekati iAfrica, i-Common Market for Eastern and Southern Africa ( COMESA) . Sicocisene nemhlatiyi wetembangave,Sandile Swana ngalenhlangano.

Kuyachubeka kucabana emkhatsini wabosomatekisi kanye nebetimoti letincane lebatisola ngekugibelisa bantfu labacela ema-lift. Loku kulandzela kusabalala kwe-video lekhombisa imoti yasematekisini ishayelisa kabi lomunye umuntfu yetama kummisa ngemuva kwekutsi asolwe ngekulayisha umuntfu bekacela i-lift. Kuyibuka lendaba sinalokhulumela inhlangano yematekisi i-Top Star, Umnumzane John Mavundla kanye...

Inyonyana yemaphoyisa I SAPU ibita litiko letemisebenti yesive ( public works) kutsi liyekele kukhomba encenye kepha kunaloko alisukume lilungise takhiwo tetiteshi temaphoyisa. Lenyonyana ikhala ngekutsi takhiwo letinyenti tetiteshi temaphoyisa atikho esimeni lesingculisako. Sicocisene nalokhulumela iSAPU, Umnumzane Lesiba Thobakgale.

Imvula beyihamba nemoya lomkhulu idale umonakalo kumasipala wase-Nkomazi kulesifundza seMpumalanga. Kutfola kabanti ngemonakalo lodalekile sichumana nalokhulumela masipala waseNkomazi, Cyril Ripinga.

Wetfulwe kuleliviki lelengcile umkhankaso lohlose kuvuselela noma kutfutfukisa umnotfo wasemalokishini. Litiko letekutfutfukisa temnotfo netekuvakasha kulesifundza seMpumalanga letfule lomkhankaso esiciwini setinyamatane eSongimvelo Kromdraai Camp  kumasipala we Chief Albert Luthuli. Sicocisene na Zanele Makam lovela kulo litiko lekuftuftukisa  temnofto nekuvakasha kulesifundza seMpumalanga

Umkhandlu lowatiwa nge-Mpumalanga Ex-Miners Council ivakashela tigodzi letinyenti takulesifundza sase-Mpumalanga ngenhloso yekusita bantfu labake basebenta etimayini kusukela ngemnyaka wa-1965 kudzimate kubengunyalo. Kuyiva kahle lendzaba asemukele sihlalo walomkhandlu walabo bebasebenta etimayini, Fana Shongwe.

Namuhla kuhlangana iminyaka lelishumi kwashona loyi lowake waba ngunozinti we Bafana Bafana kanye ne Orlando Pirates Senzo Meyiwa. Njengendlela yekukhumbula lelichawe, inhlangano letibita nge Justice for Senzo Meyiwa batsi sebacele indvuna yetemidlalo Gayton MacKenzie kutsi yelekelele kuloludzaba lwaMeyiwa. Sikhulumisana nemphatsi we-Justice for Senzo Meyiwa, Umnumzane Hubert Maphumulo ....

Kuphelile kulala benyoni emndenini waka Mhlongo, lohlala e Chrissesmeer kumasipala weMsukaligwa kulesifundza se Mpumalanga. Loku kuta ngemuva kwekutsi i Pat Ngomane Foundation yakhele lomndeni indlu yakalokusho yaphindze yayigcwalisa ngefenisha. Lomndeni bowuhlala endlini beyibonakala ngatsi ingabagcoba noma nini. Kutfola kabanti ngaloludzaba asamukele  sihlalo we Pat Ngomane Foundation ngu Pat Ng...

Kufaka timonyo ebusweni, i-make up kubikwa kutsi kungahle kubange inkinga yemehlo ebantfwini lekungaholela ekutseni munftu angasaboni kahle. Sinadokotela wemehlo Xolisile Zungu kutewuva kutsi tifo temehlo tihlangana njani ne-make up....

Lucwaningo lolwentiwe yinyuvesi yaseFree State lutfole kutsi sekunemakhatane langalawuleki nalangafi kalula nangesibulala tinambutane. Kepha dokotela wetilwane losebentela litiko letekulima eMpumalanmga, Dr Sibusiso Gulwako utsi kubalulekile kutsi bantfu bayinakekele imfuyo yabo futsi basebentise tindlela letahlukene ekulweni nemakhatana.

Sekusondzele kuvalwa kwekukhetfwa kwetisebenti tasendlini letitawungenela umchudzelwano wekuklomelisa tisebenti tasetindlini. Inkapani iNozinhle Cleaning Services ihlele umcimbhi lotawubanjwa kulenyanga letako wekuklomelisa tisebenti tasendlini letenta umsebenti ngekutikhandla. Kutfola kabanti ngalomcimbi asamukele Make Dolly Mbuyane longumphatsi lomkhulu weNozinhle Cleaning Services

Letehlakalo letibonakala tandza tebantfwana lekusolwa kutsi baguliswa kudla lebakudlile setidvonse emehlo ekutseneni kubukwe indzaba lekuphatfwa ngayo kudla. Simeme Phindile Khoza loyi-dietician kutesicebisa ngaloludzaba.

Litiko letemphilo ngekubambisana naletinye tinhlaka tahulumende bangenele tiphaza tase-Soweto basesha kudla lokutsengiswako ekubeni sekwendlulelwe sikhatsi. Simphiwe Mabhena na Katlego Mathebula basihlanganisele lombiko

Bafundzi labangema-24 baphutfunyiswe esibebhedlela eRob Ferreira eMbombela kulesifundza seMpumalabnga kulandzela tinsolo letitsi badle kudla lokubagulisile. Nanobe kunjalo, labafundzi baseEnzani Primary eMatsulu, bafike bacilongwa babese bayadedelwa esibhedlela. Kuva kutsi bothishela batsini ngalendzaba sikhulumisana namabhalane wenyonyana iNATU, Umnumzane Doctor Ngema. 

Ikomiti lebukele kutfutfukisa tenhlalakahle ephalamende seyibite indvuna yalelitiko, Sisisi Tolashe kutsi isukumise luphenya mayelana nekukhwabanisa kanye nenkohlakalo leyenteka nakufakwa ticelo noma kubhadalwa sibonelelo salabangasebenti i-Social Relief of Distress Grant ka SASSA. Sicocisene nasihlalo walekomiti, Bridget Masango...

Iyachubeka lengcungcutsela yemave e-BRICS lebanjelwe eKazan kulase-Russia. Baholi labangemalunga eBRICS bahambele lomhlangano lobonisana ngetinkinga letikhungetse emave emhlaba. Sicocisene neNdvuna yetebudlelwane nemave emhlaba, Ronald Lamohla. 

 Likhomishana lelibukelele kusebenta kwetikhungo tahulumende i-Public Service Commission (PSC) lisemkhankasweni wekuvakashela baholi bendzabuko bakulelive. Sicocisana nasihlalo walelikhomishana iPSC, Njingalwati Somadoda Fikeni kutewuva kutsi kumayelana nani lokuhlangana naboNdabezitha.

Ngasekucaleni kwenyanga lephelile hulumende wavula luhlelo le two-pot system, lapho bantfu baniketwe litfupha lekucembula kancane imali yabo yemhlalaphansi. Loluhlelo lwaphakanyiswa ngenhloso yekusita tisebenti letitfwele matima nagsetimalini ngenca yesimo semnotfo. Sicocisene na Siphithi Sibeko lovela ehhovisi lemtselisi i-SARS.

Sifo sengcondvo lesatiwa nge-bipolar disorder kubikwa kutsi sihlasela cishe bantfu labangetulu kwa-45 million emhlabeni wonkhe jikelele. Kutosichazela kabanti ngalesifo, sikhulumisana neMnumzane Derrick Nyundu lophuma ku-Life Line.

Tinhlangano tebalimi bemoba tivakalise kukhatsateka ngekwenyuswa kwentsela yalokuningotelako. Letinhlangano titsi loku sekuholele ekulahlekeni kwemisebenti, kuvala kwebalimi labasakhasa kanye nekulahlekelwa ngumhlaba. Sicocisana nasihlalo weSouth African Cane Groiwers, Higgins Mdluli.

Inhlangano iHealthy Living Alliance isemkhankasweni wekwetama kucindzetela hulumende kutsi enyuse intsela yalokunongotelako, (sugar tax). Kukhuluma ngalendzaba simeme umphatsi lomkhulu weHealthy Living Alliance nguNzama Mbalati.

Mengameli Cyril Ramaphosa abehlangene nemlingani wakhe waseRussia, Vladimir Putin, e-Kazan lapho amcinisekise khona kutsi iNingizimu Africa isabukhatsalela lobudlelwano bayo neRussia. Ramaphosa uhambele lengcungcutsela yelihlandla leli-16 yemave eBRICS lebanjelwe khona eRussia. Kubuka lengcungcutsela simeme umcwaningi wetemnotfo egunjini letindzaba kaSABC, Velemseni Mthiyane.

Ucala kusasa umhlangano webalimi labamnyama bakulesifundza se Mpumalanga lobitwa nge Mpumalanga Black Farmers Indaba. Lomhlangano uyobanjwa emalanga lamabili e Mbombela Stadium. Kutfola kabanti ngalomhlangano sinalokhulumela iMpumalanga Black Farmers Assocviation,  Esther Mhlongo.

Bantfu labaningi baseNingizimu Africa bakholelwa ekutseni ekutseni lelive liyanhlanhlatsa kanye nekutsi lelive selifile.  Puseletso Mokena na Fortunate Nkambule basihlanganisele lombiko.

Inkapani lephakela gezi kulelive i-Eskom seyibita bonkhe bantfu labasebentisa gezi lotsengwa ngemakhadi kutsi basukume bayovuselela kusebenta kwetigubhu tabo kungakefiki mhlaka 24 kulenyanga letako. Kukhuluma kabanti ngalendzaba, simeme umphatsi lobuke kutsengiswa kwagezi ka-Eskom (Retail Manager) Dade Mbhele.